ਕਿਰਾਏਦਾਰ-ਮਕਾਨ ਮਾਲਕਾਂ ਲਈ ਨਵੇਂ ਨਿਯਮ, ਉਲੰਘਣਾ ਕਰਨ ਵਾਲੇ ਨੂੰ ਮਿਲੇਗਾ 'ਦੰਡ'
ਇਨ੍ਹਾਂ ਕੰਮਾਂ ਨੂੰ ਤੁਸੀਂ 1 ਅਪ੍ਰੈਲ ਤਕ ਪੂਰਾ ਕਰ ਲਓ ਨਹੀਂ ਤੁਹਾਨੂੰ ਜ਼ੁਰਮਾਨਾ ਦੇਣਾ ਪੈ ਸਕਦਾ ਹੈ।
ਦਰਅਸਲ, ਆਮਦਨ ਕਰ ਵਿਭਾਗ ਨੇ ਪਹਿਲਾਂ ਹੀ ਕਿਰਾਏਦਾਰਾਂ ਨੂੰ ਇਹ ਫੁਰਮਾਨ ਜਾਰੀ ਕਰ ਦਿੱਤਾ ਸੀ ਕਿ ਫਰਜ਼ੀ ਕਿਰਾਏ ਦੀ ਰਸੀਦ ਜਮ੍ਹਾਂ ਕਰਨ ਵਾਲਿਆਂ ਨੂੰ ਐਚਆਰਏ ਕਲੇਮ ਨਹੀਂ ਮਿਲੇਗਾ। ਜੋ ਕਿਰਾਏ ਦੀ ਰਸੀਦ ਤੁਸੀਂ ਜਮ੍ਹਾਂ ਕਰਵਾ ਰਹੇ ਹੋ, ਉਸ 'ਤੇ ਦਸਤਖ਼ਤ ਵੀ ਜ਼ਰੂਰ ਕਰੋ, ਨਹੀਂ ਉਹ ਮੰਨਣਯੋਗ ਨਹੀਂ ਹੋਵੇਗੀ।
ਆਮਦਨ ਕਰਦਾਤਾ ਨੂੰ 31 ਮਾਰਚ ਤੋਂ ਪਹਿਲਾਂ ਸਾਰੀ ਕਾਗ਼ਜ਼ੀ ਕਾਰਵਾਈ ਪੂਰੀ ਕਰਨੀ ਹੋਵੇਗੀ, ਜਿਸ ਵਿੱਚ ਕਿਰਾਇਆ ਲੈਣ ਤੇ ਦੇਣ ਦੀ ਜਾਣਕਾਰੀ ਦੇਣੀ ਹੋਵੇਗੀ। ਯਾਨੀ ਨਵੇਂ ਵਿੱਤੀ ਵਰ੍ਹੇ ਤੋਂ ਪਹਿਲਾਂ ਕਿਰਾਏਦਾਰ ਤੇ ਮਕਾਨ ਮਾਲਕਾਂ ਦੋਵਾਂ ਨੂੰ ਜ਼ਰੂਰੀ ਦਸਤਾਵੇਜ਼ ਕੰਮਕਾਜ ਪੂਰਾ ਕਰਨਾ ਹੋਵੇਗਾ। ਇਹ ਨਿਯਮ ਸਾਰੇ ਕਰਦਾਤਾਵਾਂ 'ਤੇ ਲਾਗੂ ਹੋਣਗੇ। ਇੱਕ ਅਪ੍ਰੈਲ ਤੋਂ ਨਵੇਂ ਨਿਯਮ ਆ ਰਹੇ ਹਨ।
ਜੇਕਰ ਕੋਈ ਕਿਰਾਏਦਾਰ ਹਰ ਮਹੀਨੇ 5000 ਤੋਂ ਜ਼ਿਆਦਾ ਕਿਰਾਇਆ ਦਿੰਦਾ ਹੈ ਤਾਂ ਉਸ ਨੂੰ ਕਿਰਾਏ ਦੀ ਰਸੀਦ ਦੇ ਨਾਲ ਇਕਰਾਰਨਾਮੇ (ਰੈਂਟ ਐਗ੍ਰੀਮੈਂਟ) ਦੀ ਕਾਪੀ ਵੀ ਜਮ੍ਹਾਂ ਕਰਵਾਉਣੀ ਹੋਵੇਗੀ। ਜੇਕਰ ਤੁਸੀਂ ਆਪਣੇ ਕਿਰਾਏ ਦਾ ਭੁਗਤਾਨ ਚੈੱਕ ਜਾਂ ਆਨਲਾਈਨ ਪੇਮੈਂਟ ਰਾਹੀਂ ਕਰਦੇ ਹੋ ਤਾਂ ਕਿਰਾਏ ਦੀ ਰਸੀਦ 'ਤੇ ਰਸੀਦੀ ਟਿਕਟ ਜ਼ਰੂਰੀ ਨਹੀਂ। ਹਾਲਾਂਕਿ, ਜੇਕਰ ਤੁਸੀਂ ਆਪਣਾ ਕਿਰਾਇਆ ਨਕਦ ਰੂਪ ਵਿੱਚ ਅਦਾ ਕਰਦੇ ਹੋ ਤਾਂ ਕਿਰਾਏ ਦੀ ਰਸੀਦ 'ਤੇ ਰਸੀਦੀ ਟਿਕਟ ਵੀ ਲਾਉਣੀ ਲਾਜ਼ਮੀ ਹੈ।
ਜੇਕਰ ਤੁਸੀਂ ਕਿਰਾਏ ਦੇ ਮਕਾਨ ਵਿੱਚ ਰਹਿੰਦੇ ਹੋ ਤਾਂ ਤੁਹਾਨੂੰ 31 ਮਾਰਚ ਤੋਂ ਕਿਰਾਏ ਦੇ ਲੈਣ-ਦੇਣ ਦੀ ਜਾਣਕਾਰੀ ਦੇਣੀ ਹੋਵੇਗੀ। ਜੇਕਰ ਤੁਸੀਂ ਅਜਿਹਾ ਨਹੀਂ ਕਰਦੇ ਤਾਂ ਤੁਹਾਡੇ ਉਪਰ ਆਮਦਨ ਕਰ ਵਿਭਾਗ ਮੋਟਾ ਜ਼ੁਰਮਾਨਾ ਲਾ ਸਕਦਾ ਹੈ।