ਔਡੀ ਤੋਂ ਵੀ ਮਹਿੰਗਾ 'ਰਾਂਝਾ'

ਹਮੀਰਪੁਰ ਦੇ ਰਹਿਣ ਵਾਲੇ ਸਾਹਿਬ ਸਿੰਘ ਨੂੰ ਉਸੇ ਦੇ ਝੋਟੇ ਦੇ ਕੀਮਤ 1 ਕਰੋੜ 37 ਲੱਖ ਰੁਪਏ ਦੇਣ ਦੀ ਇੱਕ ਵਿਅਕਤੀ ਨੇ ਪੇਸ਼ਕਸ਼ ਕੀਤੀ। ਪਰ ਸਾਹਿਬ ਸਿੰਘ ਨੇ ਇਸ ਨੂੰ ਵੇਚਣ ਤੋਂ ਇਨਕਾਰ ਕਰ ਦਿੱਤਾ।

ਮੁਰਾ ਨਸਲ ਦੇ ਝੋਟੇ ਦਾ ਨਾਮ ਰਾਂਝਾ ਹੈ ਅਤੇ ਇਸ ਨੂੰ ਦੇਖਣ ਲਈ ਦੂਰ ਦੂਰ ਤੋਂ ਲੋਕ ਆਉਂਦੇ ਹਨ।

ਸ਼ੁੱਕਰਵਾਰ ਨੂੰ ਇੱਕ ਵਾਰ ਫਿਰ ਤੋਂ ਝੋਟੇ ਦੀ 1 ਕਰੋੜ ਦੀ ਬੋਲੀ ਲੱਗੀ, ਪਰ ਸਾਹਿਬ ਸਿੰਘ ਨੇ ਇਸ ਨੂੰ ਵੇਚਣ ਤੋਂ ਇਨਕਾਰ ਕਰ ਦਿੱਤਾ। ਸਾਹਿਬ ਨੇ ਰਾਂਝੇ ਦੀ ਕੀਮਤ ਪੰਜ ਕਰੋੜ ਰੱਖੀ ਹੈ।

ਰਾਂਝੇ ਦੀ ਖ਼ਰੀਦਦਾਰੀ ਲਈ ਲੱਗੀ ਬੋਲੀ ਵਿੱਚ ਹਿਮਾਚਲ ਤੋਂ ਇਲਾਵਾ ਕਈ ਦੂਜੇ ਰਾਜਾਂ ਦੇ ਲੋਕਾਂ ਨੇ ਵੀ ਹਿੱਸਾ ਲਿਆ।

ਰਾਂਝੇ ਦੀ ਬੋਲੀ 52 ਲੱਖ ਤੋਂ ਸ਼ੁਰੂ ਹੋਈ ਸੀ ਅਤੇ ਇਹ ਕਰੋੜ 37 ਲੱਖ ਉੱਤੇ ਰੁਕੀ।

ਰਾਂਝੇ ਦੀ ਖ਼ੁਰਾਕ ਵੀ ਅਹਿਮ ਹੈ। ਰੋਜ਼ਾਨਾ ਉਹ ਇੱਕ ਕਿੱਲੋ ਦੇਸ਼ੀਂ ਘੀ , ਪੰਜ ਕਿੱਲੋ ਚਨੇ, ਪੰਜ ਕਿੱਲੋ ਖਲ ਅਤੇ 10 ਲੀਟਰ ਦੁੱਧ ਪੀਂਦਾ ਹੈ।

ਇਸ ਤੋਂ ਇਲਾਵਾ ਰਾਂਝੇ ਦੀ ਰੋਜ਼ਾਨਾ ਮਾਲਸ਼ ਉੱਤੇ ਦੋ ਕਿੱਲੋ ਤੇਲ ਦੀ ਖਪਤ ਹੁੰਦੀ ਹੈ।

ਹਿਮਾਚਲ ਪ੍ਰਦੇਸ਼ ਦੇ ਹਮੀਰਪੁਰ ਵਿਖੇ ਇੱਕ ਝੋਟੇ ਦੀ ਕੀਮਤ 5 ਕਰੋੜ ਰੱਖੀ ਗਈ ਹੈ।