ਮੁੱਕੀਆਂ ਉਡੀਕਾਂ, 19 ਨੂੰ ਹੋਏਗਾ 'ਰੈਡਮੀ ਨੋਟ 4' ਦਾ ਧਾਮਕਾ

ਚੀਨ ਦੇ ਬਾਜ਼ਾਰਾਂ ‘ਚ ਰੈਡਮੀ ਨੋਟ4 ਦੇ 2ਜੀਬੀ ਰੈਮ ਤੇ 16ਜੀਬੀ ਮੈਮੋਰੀ ਵਾਲੇ ਵੈਰੀਐਂਟ ਦੀ ਕੀਮਤ 899 ਯੁਆਨ (9999 ਰੁਪਏ) ਅਤੇ 3ਜੀਬੀ ਰੈਮ 64 ਜੀਬੀ ਮੈਮੋਰੀ ਵਾਲੇ ਵੈਰੀਐਂਟ ਦੀ ਕੀਮਤ 1,199 ਯੁਆਨ (ਕਰੀਬ 12,000 ਰੁਪਏ) ਹੈ।

ਰੇਡਮੀ ਨੋਟ 4 6.0 ਮਾਰਸ਼ਮੈਲੋ ਤੇ ਕੰਪਨੀ ਦੇ ਨਵੇਂ ਇੰਟਰਫੇਜ਼ MIUI 8 ‘ਤੇ ਚੱਲੇਗਾ। ਕੰਪਨੀ ਨੇ ਇਸ ਸਮਾਰਟਫੋਨ ‘ਚ ਦੋ ਹਾਈਬ੍ਰਿਡ ਸਿੰਮ ਸਲਾਟ ਦਿੱਤੇ ਹਨ, ਜਿਸ ਨੂੰ ਤੁਸੀਂ ਡਿਊਲ ਸਿੰਮ ਤੇ ਐਸ.ਡੀ. ਕਾਰਡ ਸਲਾਟ ਦੇ ਤੌਰ ‘ਤੇ ਵਰਤ ਸਕਦੇ ਹੋ। ਇਹ ਨਵਾਂ ਸਮਾਰਟਫੋਨ ਬੈਕ ਪੈਨਲ ਤੇ ਫਿੰਗਰਪ੍ਰਿੰਟ ਸੈਂਸਰ ਦੇ ਨਾਲ ਆਏਗਾ।

ਭਾਰਤ ‘ਚ ਸ਼ਿਓਮੀ ਦੇ ਚਾਹਵਾਨਾਂ ਲਈ ਕੰਪਨੀ 2017 ਦੀ ਸ਼ੁਰੂਆਤ ‘ਚ ਹੀ ਵੱਡਾ ਤੋਹਫਾ ਦੇਣ ਜਾ ਰਹੀ ਹੈ। ਕਾਫੀ ਇੰਤਜ਼ਾਰ ਤੋਂ ਬਾਅਦ ਕੰਪਨੀ ਦਾ ਬਿਹਤਰੀਨ ਬਜਟ ਸਮਾਰਟਫੋਨ ਰੈਡਮੀ ਨੋਟ 4 19 ਜਨਵਰੀ ਨੂੰ ਭਾਰਤ ‘ਚ ਲਾਂਚ ਹੋਣ ਜਾ ਰਿਹਾ ਹੈ। ਕੰਪਨੀ ਨੇ ਨਵੀਂ ਦਿੱਲੀ ‘ਚ ਹੋਣ ਵਾਲੇ ਆਪਣੇ ਇਵੈਂਟ ਲਈ ਮੀਡੀਆ ਇਨਵਾਈਟ ਭੇਜਣੇ ਸ਼ੁਰੂ ਕਰ ਦਿੱਤੇ ਹਨ। ਹਾਲਾਂਕਿ ਇਸ ਸੱਦਾ ਪੱਤਰ ‘ਚ ਜ਼ਿਆਦਾ ਕੁਝ ਸਾਫ ਨਹੀਂ ਕੀਤਾ ਗਿਆ ਹੈ, ਪਰ ਅੰਦਾਜ਼ਾ ਇਹੀ ਲਾਇਆ ਜਾ ਰਿਹਾ ਹੈ ਕਿ ਰੈਡਮੀ ਨੋਟ 4 ਲਾਂਚ ਹੋ ਸਕਦਾ ਹੈ।

ਕੰਪਨੀ ਨੇ ਇਸ ਫੋਨ ‘ਚ f/2.0 ਅਪਰਚਰ ਵਾਲਾ 13 ਮੈਗਾਪਿਕਸਲ ਦਾ ਰੀਅਰ ਕੈਮਰਾ ਦਿੱਤਾ ਹੈ। ਇਸ ਦੇ ਨਾਲ ਹੀ ਡਿਊਲ ਐਲ.ਈ.ਡੀ. ਫਲੈਸ਼ ਵੀ ਦਿੱਤੀ ਗਈ ਹੈ। ਇਸ ਸਮਾਰਟਫੋਨ ਦਾ ਫਰੰਟ ਕੈਮਰਾ 5 ਮੈਗਾਪਿਕਸਲ ਹੈ। ਪਾਵਰ ਦੇ ਲਈ ਕੰਪਨੀ ਨੇ 4100mAh ਦੀ ਬੈਟਰੀ ਦਿੱਤੀ ਹੈ।