ਯੂ.ਪੀ. ਦੇ ਇਸ ਪਿੰਡ ਦੇ ਹਰ ਘਰ ਵਿੱਚ ਹੈ ਕਬਰਸਤਾਨ

ਯੂ.ਪੀ. ਦੇ ਆਗਰਾ ਵਿੱਚ ਇੱਕ ਅਜਿਹਾ ਪਿੰਡ ਹੈ ਜਿੱਥੇ ਰਹਿਣ ਵਾਲੇ ਮੁਸਲਿਮ ਭਾਈਚਾਰੇ ਦੇ ਹਰ ਘਰ ਵਿੱਚ ਕਬਰ ਹੈ। ਇੱਥੇ ਲੋਕ ਈਦ ਦੀ ਦੁਆ ਵਿੱਚ ਆਪਣੇ ਲਈ ਦੌਲਤ ਜਾਂ ਖ਼ੁਸ਼ੀ ਨਹੀਂ ਮੰਗਦੇ, ਸਗੋਂ ਉਹ ਕਬਰਸਤਾਨ ਦੀ ਮੰਗ ਕਰਦੇ ਹਨ।

ਆਪਣੇ ਪੋਤੇ ਦੇ ਨਾਲ ਪਿੰਡ ਵਿੱਚ ਰਹਿਣਾ ਵਾਲੀ 80 ਸਾਲਾਂ ਅਸਗਰੀ ਨੇ ਦੱਸਿਆ ਕਿ 14 ਸਾਲ ਦੀ ਉਮਰ ਵਿੱਚ ਉਸ ਦਾ ਵਿਆਹ ਇਸ ਪਿੰਡ ਵਿੱਚ ਹੋਇਆ ਸੀ। ਉਸ ਵੇਲੇ ਤੋਂ ਹੀ ਜਦੋਂ ਕਿਸੇ ਰਿਸ਼ਤੇਦਾਰ ਦੀ ਮੌਤ ਹੋ ਜਾਂਦੀ ਹੈ ਤਾਂ ਉਸ ਨੂੰ ਮੌਤ ਤੋਂ ਬਾਅਦ ਘਰ ਵਿੱਚ ਹੀ ਦਫ਼ਨਾਇਆਂ ਜਾਂਦਾ ਹੈ। ਉਨ੍ਹਾਂ ਦੱਸਿਆਂ ਕਿ ਤਿੰਨ ਮਹੀਨੇ ਪਹਿਲਾਂ ਉਨ੍ਹਾਂ ਦੇ ਪੁੱਤਰ ਹਾਨਿਮ ਦੀ ਮੌਤ ਹੋ ਗਈ ਸੀ। ਉਸ ਨੂੰ ਵੀ ਘਰ ਦੇ ਪਿਛਲੇ ਹਿੱਸੇ ਵਿੱਚ ਦਫ਼ਨਾਇਆ ਗਿਆ ਸੀ।

ਇਹ ਪਿੰਡ ਤਾਜ ਨਗਰੀ ਤੋਂ ਲਗਭਗ 30 ਕਿੱਲੋਮੀਟਰ ਦੂਰ ਆਗਰਾ-ਜੈਪੁਰ ਰੋਡ 'ਤੇ ਥਾਨਾ ਅਛਨੇਰਾ ਦਾ ਹੈ। ਜਿੱਥੇ ਛਹ ਪੋਖਰ ਪਿੰਡ ਦੇ ਬਾਹਰੀ ਇਲਾਕੇ ਵਿੱਚ ਮੁਸਲਿਮ ਭਾਈਚਾਰੇ ਦੇ ਲਗਭਗ 150 ਮਰਦ-ਔਰਤਾਂ ਅਤੇ ਬੱਚੇ ਰਹਿੰਦੇ ਹਨ। ਪਰ ਕੋਈ ਕਬਰਸਤਾਨ ਨਾ ਹੋਣ ਦੇ ਕਾਰਨ ਲੋਕਾਂ ਨੂੰ ਮਰਨ ਵਾਲੇ ਵਿਅਕਤੀ ਨੂੰ ਆਪਣੇ ਘਰ ਪਿਛਲੇ ਹਿੱਸੇ ਵਿੱਚ ਦਫ਼ਨਾਉਣਾ ਪੈਂਦਾ ਹੈ।