ਮੋਦੀ ਦੀ ਭਗਵੀਂ ਟਰੇਨ 'ਚ ਹਵਾਈ ਸਫਰ ਦੇ ਨਜ਼ਾਰੇ
ਤੇਜਸ ਐਕਸਪ੍ਰੈਸ ਨਵੀਂ ਦਿੱਲੀ ਤੇ ਚੰਡੀਗੜ੍ਹ ਦਾ ਸਫਰ 3 ਘੰਟੇ 'ਚ ਤਹਿ ਕਰੇਗੀ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਸ਼ਤਾਬਦੀ ਤੋਂ ਵੀ ਤੇਜ਼ ਚੱਲੇਗੀ। ਹਾਲਾਂਕਿ ਕਿਸ ਦਿਨ ਤੋਂ ਇਹ ਟਰੇਨ ਚੱਲੇਗੀ ਇਸ ਬਾਰੇ ਅਜੇ ਕੁਝ ਨਿਸਚਤ ਨਹੀਂ ਹੈ।
ਨੇਤਰਹੀਣ ਲੋਕਾਂ ਲਈ ਬ੍ਰੇਲ ਲਿਪੀ ਦੀ ਵਰਤੋਂ ਕੀਤੀ ਗਈ ਹੈ। ਹਰ ਸੀਟ 'ਤੇ ਰੀਡਿੰਗ ਲਾਈਟ ਲਾਈ ਗਈ ਹੈ ਤੇ ਕਾਲਿੰਗ ਬੈਲ ਦੀ ਸੁਵਿਧਾ ਵੀ ਦਿੱਤੀ ਗਈ ਹੈ।
ਖਾਣ-ਪੀਣ ਲਈ ਪਹਿਲਾਂ ਤੋਂ ਵੱਧ ਜਗ੍ਹਾ ਬਣਾਈ ਗਈ ਹੈ।
ਇਸ ਟਰੇਨ 'ਚ ਇੰਟਰ ਕਨੈਕਟਿੰਗ ਦਰਵਾਜ਼ੇ ਹਨ। ਇਸ ਨਾਲ ਇੱਕ ਕੋਚ ਤੋਂ ਦੂਜੇ ਕੋਚ 'ਚ ਜਾਣਾ ਕਾਫੀ ਆਸਾਨ ਹੋਵੇਗਾ।
ਟਰੇਨ ਦੀਆਂ ਖਿੜਕੀਆਂ 'ਚ ਪਰਦੇ ਲਾਏ ਗਏ ਹਨ ਜੋ ਬਟਨ ਨਾਲ ਆਟੋਮੈਟਿਕ ਤਰੀਕੇ ਨਾਲ ਖੁੱਲ੍ਹਣਗੇ ਤੇ ਬੰਦ ਹੋਣਗੇ।
ਇਸ ਟਰੇਨ 'ਚ ਆਨ ਡਿਮਾਂਡ ਇੰਟਰਨੈਟ ਵੀ ਦਿੱਤਾ ਜਾਵੇਗਾ। ਹਰ ਸੀਟ 'ਤੇ ਐਲਈਡੀ ਸਕਰੀਨ ਲੱਗੀ ਹੋਈ ਹੈ ਤੇ ਆਨ ਬੋਰਡ ਵਾਈ ਫਾਈ, ਮਾਡਿਊਲਰ ਬਾਇਓ ਟਾਇਲਟ ਤੇ ਸੀਟਾਂ ਵੱਖ-ਵੱਖ ਹਨ।
ਇਸ ਟਰੇਨ 'ਚ ਅੱਗ ਤੋਂ ਬਚਾਉਣ ਲਈ ਸੈਂਸਰ ਦੇ ਨਾਲ ਹੀ ਹਰ ਡੱਬੇ 'ਚ ਸੀਸੀਟੀਵੀ ਲਾਏ ਗਏ ਹਨ। ਇਸ ਟਰੇਨ 'ਚ ਵਿਨਾਇਲ ਰੈਪਿੰਗ ਦੀ ਵੀ ਵਰਤੋ ਹਈ ਹੈ ਜੋ ਅਹਿਸਾਸ ਕਰਾਉਂਦਾ ਹੈ ਕਿ ਜਿਵੇਂ ਦੀਵਾਰਾਂ 'ਤੇ ਮਾਰਬਲ ਲੱਗਾ ਹੋਵੇ।
ਮੋਦੀ ਸਰਕਾਰ ਨੇ ਤਿੰਨ ਰੇਲਵੇ ਰੂਟਾਂ 'ਤੇ ਤੇਜਸ ਐਕਸਪ੍ਰੈਸ ਚਲਾਉਣ ਦਾ ਐਲਾਨ ਕੀਤਾ ਸੀ। ਸਭ ਤੋਂ ਪਹਿਲਾਂ ਇਹ ਟਰੇਨ ਮੁੰਬਈ ਤੇ ਗੋਆ ਵਿਚਾਲੇ ਪਿਛਲੇ ਸਾਲ ਚਲਾਈ ਗਈ। ਦੂਜੀ ਟਰੇਨ ਦਿੱਲੀ ਤੇ ਚੰਡੀਗੜ੍ਹ ਵਿਚਾਲੇ ਚਲਾਉਣ ਦੀ ਸ਼ੁਰੂਆਤ ਕੀਤੀ ਗਈ ਹੈ ਜਦਕਿ ਤੀਜੀ ਟਰੇਨ ਆਨੰਦ ਵਿਹਾਰ ਤੋਂ ਲਖਨਊ ਦਰਮਿਆਨ ਚਲਾਈ ਜਾਵੇਗੀ।
ਇਸ ਟਰੇਨ ਦੇ ਡੱਬੇ ਭਗਵੇਂ, ਪੀਲੇ ਤੇ ਭੂਰੇ ਰੰਗ ਦੇ ਹਨ। ਟਰੇਨ ਨੂੰ ਪਹਿਲੀ ਨਜ਼ਰੇ ਦੇਖਿਆਂ ਲੱਗਦਾ ਹੈ ਕਿ ਜਿਵੇਂ ਇਸ ਦਾ ਭਗਵਾਂਕਰਨ ਹੋ ਗਿਆ ਹੋਵੇ।
ਚੰਡੀਗੜ੍ਹ ਤੋਂ ਨਵੀਂ ਦਿੱਲੀ ਜਾਣ ਵਾਲੀ ਤੇਜਸ ਐਕਸਪ੍ਰੈਸ ਤਿਆਰ ਹੋ ਚੁੱਕੀ ਹੈ। ਕਪੂਰਥਲਾ ਕੋਚ ਫੈਕਟਰੀ 'ਚ ਬਣੀ ਇਹ ਟਰੇਨ ਪਹਿਲਾਂ ਵਾਲੀਆਂ ਟਰੇਨਾਂ ਦੇ ਮੁਕਾਬਲੇ ਆਧੁਨਕ ਤੇ ਸੁਵਿਧਾਵਾਂ ਭਰਪੂਰ ਹੈ।