ਕਮੇਡੀ ਕਲਾਕਾਰਾਂ ਦੀ ਕਮਾਈ ਸੁਣ ਰਹਿ ਜਾਵੋਗੇ ਹੈਰਾਨ...
ਕਮੇਡੀਅਨ ਸੁਨੀਲ ਗਰੋਵਰ ਨੇ ਕਪਿਲ ਸ਼ਰਮਾ ਨਾਲ ਹੋਏ ਝਗੜੇ ਤੋਂ ਬਾਅਦ ਛੋਟੇ ਪਰਦੇ 'ਤੇ ਕੋਈ ਨਵਾਂ ਸ਼ੋਅ ਕਰਨ ਦੀ ਸ਼ੁਰੂਆਤ ਨਹੀਂ ਕੀਤੀ ਪਰ ਉਨ੍ਹਾਂ ਨੂੰ ਕਈ ਆਫਰ ਜ਼ਰੂਰ ਆ ਰਹੇ ਹਨ। ਸੁਨੀਲ ਗਰੋਵਰ 'ਦ ਕਪਿਲ ਸ਼ਰਮਾ ਸ਼ੋਅ' 'ਚ ਇੱਕ ਐਪੀਸੋਡ ਦੇ 7 ਤੋਂ 8 ਲੱਖ ਰੁਪਏ ਲੈਂਦੇ ਸਨ ਜਦਕਿ ਹੁਣ ਨਵੇਂ ਆਫਰਾਂ 'ਚ ਉਨ੍ਹਾਂ ਦੀ ਫੀਸ 13-14 ਲੱਖ ਰੁਪਏ ਤੱਕ ਹੋ ਗਈ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਕੁਝ ਸਮਾਂ ਬਤੌਰ ਗੈਸਟ ਕਲਾਕਾਰ ਹੀ ਕੰਮ ਕਰਨਗੇ।
ਦਿੱਗਜ ਅਦਾਕਾਰ ਰਾਮ ਕਪੂਰ ਦਾ ਨਾਮ ਵੀ ਇਸ ਸੂਚੀ 'ਚ ਆਉਂਦਾ ਹੈ। ਰਾਮ ਕਪੂਰ ਇੱਕ ਐਪੀਸੋਡ ਲਈ 1.25 ਲੱਖ ਰੁਪਏ ਲੈਂਦੇ ਹਨ।
ਮਸ਼ਹੂਰ ਸੀਰੀਅਲ 'ਇਸ਼ਕ ਦੇ ਰੰਗ ਸਫੇਦ' ਦੇ ਐਕਟਰ ਮਿਸ਼ਾਲ ਰਹੇਜਾ ਕਪਿਲ ਸ਼ਰਮਾ ਤੇ ਸੁਨੀਲ ਗਰੋਵਗਰ ਤੋਂ ਬਾਅਦ ਸਭ ਤੋਂ ਵੱਧ ਕਮਾਈ ਕਰਨ ਵਾਲੇ ਅਦਾਕਾਰ ਹਨ। ਮਿਸ਼ਾਲ ਰਹੇਜਾ ਇੱਕ ਸ਼ੋਅ ਲਈ 1.6 ਲੱਖ ਰੁਪਏ ਲੈਂਦੇ ਹਨ।
2007 'ਚ 'ਛੂਹਨਾ ਹੈ ਆਸਮਾਨ' ਤੋਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੇ ਐਕਟਰ ਮਨੀਸ਼ ਪਾਲ ਇੱਕ ਸ਼ੋਅ ਦਾ 1.5 ਲੱਖ ਰੁਪਏ ਲੈਂਦੇ ਹਨ। ਉਹ ਹਾਲ ਹੀ 'ਚ ਫਿਲਮਾਂ ਵਿੱਚ ਵੀ ਨਜ਼ਰ ਆਏ ਹਨ।
ਕਮੇਡੀਅਨ ਕਪਿਲ ਸ਼ਰਮਾ ਟੀਵੀ ਦੀ ਦੁਨੀਆ ਦੇ ਸਭ ਤੋਂ ਵੱਡੇ ਸਟਾਰ ਹਨ। ਇੱਕ ਸਮੇਂ ਉਨ੍ਹਾਂ ਦੇ ਸ਼ੋਅ ਦੀ ਟੀਆਰਪੀ ਸਭ ਤੋਂ ਅੱਗੇ ਰਹਿੰਦਾ ਸੀ ਪਰ ਸੁਨੀਲ ਗਰੋਵਰ ਨਾਲ ਹੋਏ ਵਿਵਾਦ ਤੋਂ ਬਾਅਦ ਉਨ੍ਹਾਂ ਦੇ ਸ਼ੋਅ ਦੀ ਟੀਆਰਪੀ ਨੂੰ ਨੁਕਸਾਨ ਹੋਇਆ ਹੈ। ਇਸ ਦਾ ਅਸਰ ਉਨ੍ਹਾਂ ਦੀ ਕਮਾਈ 'ਤੇ ਵੀ ਪਿਆ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਕਪਿਲ ਦੇ ਸ਼ੋਅ ਨੂੰ ਪਹਿਲਾਂ ਇੱਕ ਐਪੀਸੋਡ ਲਈ 80 ਲੱਖ ਰੁਪਏ ਦਿੱਤੇ ਜਾਂਦੇ ਸੀ ਜਦ ਕਿ ਹੁਣ ਉਨ੍ਹਾਂ ਨੇ ਆਪਣੀ ਫੀਸ 40 ਲੱਖ ਰੁਪਏ ਕਰ ਲਈ ਹੈ।