ਵਿਲੀਅਮਸ ਭੈਣਾਂ ਨੇ ਜਿੱਤਿਆ ਡਬਲਸ ਟਾਈਟਲ
ਸੇਰੇਨਾ ਵਿਲੀਅਮਸ ਨੇ ਮਹਿਲਾ ਸਿੰਗਲਸ ਖਿਤਾਬ ਆਪਣੇ ਨਾਮ ਕਰਨ ਤੋਂ ਬਾਅਦ ਮਹਿਲਾ ਡਬਲਸ ਖਿਤਾਬ ਵੀ ਆਪਣੇ ਨਾਮ ਕਰ ਲਿਆ। ਮਹਿਲਾ ਸਿੰਗਲਸ 'ਚ ਜਿੱਤ ਦਰਜ ਕਰਨ ਤੋਂ ਕੁਝ ਘੰਟੇ ਬਾਅਦ ਸੇਰੇਨਾ ਇੱਕ ਵਾਰ ਫਿਰ ਤੋਂ ਸੈਂਟਰ ਕੋਰਟ 'ਚ ਉਤਰੀ ਅਤੇ ਇਸ ਵਾਰ ਉਸਦਾ ਸਾਥ ਦੇਣ ਲਈ ਉਸਦੀ ਵੱਡੀ ਭੈਣ ਵੀ ਮੌਜੂਦ ਸੀ।
ਇਹ ਸੇਰੇਨਾ-ਵੀਨਸ ਦੀ ਜੋੜੀ ਦਾ 6ਵਾਂ ਵਿੰਬੈਲਡਨ ਮਹਿਲਾ ਡਬਲਸ ਖਿਤਾਬ ਹੈ। ਇਹ ਜੋੜੀ ਕੁਲ 14 ਗ੍ਰੈਂਡ ਸਲੈਮ ਖਿਤਾਬ ਆਪਣੇ ਨਾਮ ਕਰ ਚੁੱਕੀ ਹੈ। ਹੁਣ ਇਹ ਜੋੜੀ ਰਿਓ ਓਲੰਪਿਕ 'ਚ ਵੀ ਇੱਕਠਿਆਂ ਖੇਡਦੀ ਨਜਰ ਆਵੇਗੀ। ਓਲੰਪਿਕ ਦੀ ਤਿਆਰੀ ਲਈ ਹੀ ਇਹ ਜੋੜੀ ਕੁਝ ਸਮੇਂ ਤੋਂ ਦੁਬਾਰਾ ਇੱਕਠਿਆਂ ਖੇਡਦੀ ਨਜਰ ਆ ਰਹੀ ਹੈ।
ਵਿਲੀਅਮਸ ਭੈਣਾਂ ਦੀ ਦਮਦਾਰ ਖੇਡ ਸਾਹਮਣੇ ਵਿਰੋਧੀ ਜੋੜੀ ਟਿਕ ਨਹੀਂ ਸਕੀ। ਸੇਰੇਨਾ-ਵੀਨਸ ਦੀ ਜੋੜੀ ਨੇ ਇਹ ਮੈਚ 6-3, 6-4 ਦੇ ਫਰਕ ਨਾਲ ਆਪਣੇ ਨਾਮ ਕਰ ਲਿਆ।
ਸ਼ਨੀਵਾਰ ਰਾਤ ਆਪਣਾ 22ਵਾਂ ਗ੍ਰੈਂਡ ਸਲੈਮ ਖਿਤਾਬ ਜਿੱਤਣ ਵਾਲੀ ਸੇਰੇਨਾ ਨੇ ਡਬਲਸ ਕੈਟੇਗਰੀ ਦੇ ਫਾਈਨਲ 'ਚ ਵੀ ਦਮਦਾਰ ਖੇਡ ਵਿਖਾਇਆ। ਇਸ ਮੈਚ 'ਚ ਵਿਲੀਅਮਸ ਭੈਣਾਂ ਦੀ ਟੱਕਰ ਹੋਈ ਟੀਮੀਆ ਬਾਬੋਸ ਅਤੇ ਯਾਰੋਸਲਵਾ ਸ਼ਵੈਦੋਵਾ ਦੀ ਜੋੜੀ ਖਿਲਾਫ।
ਸੇਰੇਨਾ ਵਿਲੀਅਮਸ ਨੇ ਮਹਿਲਾ ਸਿੰਗਲਸ ਖਿਤਾਬ ਆਪਣੇ ਨਾਮ ਕਰਨ ਤੋਂ ਬਾਅਦ ਮਹਿਲਾ ਡਬਲਸ ਖਿਤਾਬ ਵੀ ਆਪਣੇ ਨਾਮ ਕਰ ਲਿਆ। ਮਹਿਲਾ ਸਿੰਗਲਸ 'ਚ ਜਿੱਤ ਦਰਜ ਕਰਨ ਤੋਂ ਕੁਝ ਘੰਟੇ ਬਾਅਦ ਸੇਰੇਨਾ ਇੱਕ ਵਾਰ ਫਿਰ ਤੋਂ ਸੈਂਟਰ ਕੋਰਟ 'ਚ ਉਤਰੀ ਅਤੇ ਇਸ ਵਾਰ ਉਸਦਾ ਸਾਥ ਦੇਣ ਲਈ ਉਸਦੀ ਵੱਡੀ ਭੈਣ ਵੀ ਮੌਜੂਦ ਸੀ।
ਸੇਰੇਨਾ ਵਿਲੀਅਮਸ ਨੇ ਆਪਣੇ ਭੈਣ ਵੀਨਸ ਵਿਲੀਅਮਸ ਨਾਲ ਮਿਲਕੇ ਮਹਿਲਾਵਾਂ ਦੇ ਡਬਲਸ ਖਿਤਾਬ 'ਤੇ ਕਬਜਾ ਕੀਤਾ।