ਕਪਤਾਨ ਦੀ ਵਿਰਾਟ ਪਾਰੀ
ਵਿਰਾਟ ਮੈਚ ਦੇ ਤੀਜੇ ਦਿਨ ਦੇ ਪਹਿਲੇ ਓਵਰ 'ਚ ਹੀ ਮੈਦਾਨ 'ਤੇ ਪਹੁੰਚ ਗਏ ਜਦ ਪੁਜਾਰਾ ਆਊਟ ਹੋਕੇ ਪੈਵਲੀਅਨ ਪਰਤ ਗਏ। ਵਿਰਾਟ ਨੇ ਮੁਰਲੀ ਵਿਜੈ (136) ਨਾਲ ਮਿਲਕੇ ਟੀਮ ਇੰਡੀਆ ਨੂੰ ਸੰਭਾਲਿਆ।
ਦੋਨਾ ਨੇ ਮਿਲਕੇ ਤੀਜੇ ਵਿਕਟ ਲਈ 116 ਰਨ ਦੀ ਪਾਰਟਨਰਸ਼ਿਪ ਕੀਤੀ। ਮੁਰਲੀ ਵਿਜੈ ਦੇ ਆਊਟ ਹੋਣ ਤੋਂ ਬਾਅਦ ਟੀਮ ਇੰਡੀਆ ਨੂੰ ਇੱਕ ਤੋਂ ਬਾਅਦ ਇੱਕ ਝਟਕੇ ਲਗਦੇ ਰਹੇ ਪਰ ਵਿਰਾਟ ਨੇ ਆਪਣਾ ਵਿਕਟ ਬਚਾਏ ਰਖਿਆ ਅਤੇ ਭਾਰਤ ਨੂੰ ਮਜਬੂਤ ਸਥਿਤੀ 'ਚ ਪਹੁੰਚਾਇਆ।
ਵਿਰਾਟ ਨੇ ਆਪਣਾ ਅਰਧ-ਸੈਂਕੜਾ 111 ਗੇਂਦਾਂ 'ਤੇ 5 ਚੌਕਿਆਂ ਦੀ ਮਦਦ ਨਾਲ ਪੂਰਾ ਕੀਤਾ। ਵਿਰਾਟ ਨੇ ਆਪਣੀ ਪਾਰੀ ਨੂੰ ਅੱਗੇ ਵਧਾਉਂਦਿਆਂ ਸੈਂਕੜਾ 187 ਗੇਂਦਾਂ 'ਤੇ ਪੂਰਾ ਕੀਤਾ।
ਸੈਂਕੜੇ ਤਕ ਪਹੁੰਚਦਿਆਂ ਵਿਰਾਟ ਕੋਹਲੀ ਨੇ 11 ਚੌਕੇ ਠੋਕੇ। ਵਿਰਾਟ ਹੁਣ ਤਕ ਸੀਰੀਜ਼ ਦੇ 4 ਮੈਚਾਂ ਦੀਆਂ 7 ਪਾਰੀਆਂ 'ਚ 500 ਤੋਂ ਵਧ ਰਨ ਬਣਾ ਚੁੱਕੇ ਹਨ ਅਤੇ ਉਨ੍ਹਾਂ ਦੇ ਨਾਮ 2 ਸੈਂਕੜੇ ਅਤੇ 2 ਅਰਧ-ਸੈਂਕੜੇ ਦਰਜ ਹਨ।
ਵਿਰਾਟ ਨੇ ਇਸੇ ਪਾਰੀ ਦੌਰਾਨ ਸੀਰੀਜ਼ 'ਚ ਆਪਣਾ ਦਮਦਾਰ ਪ੍ਰਦਰਸ਼ਨ ਜਾਰੀ ਰਖਦਿਆਂ ਸੀਰੀਜ਼ 'ਚ 500 ਰਨ ਦਾ ਅੰਕੜਾ ਵੀ ਪਾਰ ਕਰ ਲਿਆ ਹੈ।
ਟੀਮ ਇੰਡੀਆ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਆਪਣੇ ਟੈਸਟ ਕਰੀਅਰ ਦਾ 15ਵਾਂ ਸੈਂਕੜਾ ਠੋਕ ਦਿੱਤਾ ਹੈ। ਵਿਰਾਟ ਕੋਹਲੀ ਨੇ ਇੰਗਲੈਂਡ ਖਿਲਾਫ ਮੁੰਬਈ ਟੈਸਟ ਦੇ ਤੀਜੇ ਦਿਨ ਆਪਣੇ ਸੈਂਕੜਾ ਪੂਰਾ ਕੀਤਾ।