ਗੇਲ ਨੇ ਕਿਉਂ ਮਨਾਇਆ 'ਡੋਂਟ ਬਲਸ਼ ਬੇਬੀ' ਇੰਟਰਵਿਊ ਦਾ 1 ਸਾਲ ?

ਕ੍ਰਿਸ ਗੇਲ ਨੇ ਆਸਟ੍ਰੇਲੀਅਨ ਬਿਗ ਬੈਸ਼ ਲੀਗ 'ਚ ਮੈਲਬਰਨ ਰੈਨੀਗੇਡ ਟੀਮ ਲਈ ਖੇਡਦਿਆਂ 15 ਗੇਂਦਾਂ ਤੇ 41 ਰਨ ਬਣਾਏ। ਗੇਲ ਨਾਲ ਡਗ-ਆਉਟ 'ਚ ਇੰਟਰਵਿਊ ਕਰਨ ਲਈ ਟੈਨ ਸਪੋਰਟਸ ਦੀ ਐਂਕਰ ਮੈਲ ਮੈਕਲੌਗਿਨ ਪਹੁੰਚੀ। ਮੈਲ ਨੇ ਸਵਾਲਾਂ ਦਾ ਸਿਲਸਿਲਾ ਸ਼ੁਰੂ ਕੀਤਾ, ਪਰ ਗੇਲ ਦਾ ਜਵਾਬ ਸੁਣ ਹਰ ਕੋਈ ਹੈਰਾਨ ਰਹਿ ਗਿਆ।

ਗੇਲ ਨੇ ਕਿਹਾ 'ਮੈਂ ਖੁਦ ਤੁਹਾਡੇ ਕੋਲ ਇੰਟਰਵਿਊ ਦੇਣ ਆਉਣ ਵਾਲਾ ਸੀ, ਤੁਹਾਨੂੰ ਇੰਟਰਵਿਊ ਦੇਣ ਲਈ ਹੀ ਮੈਂ ਅਜਿਹੀ ਪਾਰੀ ਖੇਡੀ। ਮੈਂ ਪਹਿਲੀ ਵਾਰ ਤੁਹਾਡੀਆਂ ਅੱਖਾਂ 'ਚ ਵੇਖ ਰਿਹਾ ਹਾਂ, ਤੁਹਾਡੀਆਂ ਅੱਖਾਂ ਬੇਹਦ ਖੂਬਸੂਰਤ ਹਨ। ਉਮੀਦ ਹੈ ਕਿ ਅਸੀਂ ਮੈਚ ਜਿੱਤ ਜਾਈਏ, ਕੀ ਮੈਚ ਦੀ ਜਿੱਤ ਤੋਂ ਬਾਅਦ ਤੁਸੀਂ ਮੇਰੇ ਨਾਲ ਕੌਫੀ ਪੀਣਾ ਪਸੰਦ ਕਰੋਗੇ। ਡੋਂਟ ਬਲਸ਼ ਬੇਬੀ !'

ਇਸ ਪੂਰੇ ਮਾਮਲੇ ਤੇ ਮੈਲ ਨੇ ਕਿਹਾ ਸੀ ਕਿ ਗੇਲ ਦੀ ਟਿੱਪਣੀ ਨੇ ਉਸਨੂੰ ਹੈਰਾਨ ਕਰ ਦਿੱਤਾ ਸੀ ਅਤੇ ਓਹ ਸਮਝ ਨਹੀਂ ਪਾਈ ਸੀ ਕਿ ਆਖਿਰ ਹੋ ਕੀ ਰਿਹਾ ਹੈ।

ਗੇਲ ਦੀ ਇਸ ਟਿੱਪਣੀ ਤੋਂ ਬਾਅਦ ਗੇਲ ਤੇ 10,000 ਡਾਲਰ ਦਾ ਜੁਰਮਾਨਾ ਕੀਤਾ ਗਿਆ।

ਹਾਲਾਂਕਿ ਗੇਲ ਤੇ ਬੈਨ ਨਹੀਂ ਲਗਾਇਆ ਗਿਆ। ਫਿਰ ਗੇਲ ਨੇ ਇਸ ਮਾਮਲੇ 'ਚ ਮੁਆਫੀ ਵੀ ਮੰਗੀ।

4 ਜਨਵਰੀ 2016 ਦਾ ਕੀ ਹੈ ਪੂਰਾ ਮਾਮਲਾ ?

ਗੇਲ ਨੇ ਆਪਣਾ ਇਹ ਵੀਡੀਓ ਸਾਂਝਾ ਕਰਦੇ ਹੋਏ ਇੱਕ ਮੈਸੇਜ ਵੀ ਲਿਖਿਆ ਜਿਸ 'ਚ ਉਨ੍ਹਾਂ ਨੇ ਕਿਹਾ '4th Jan officially 1 year anniversary #DontBlushBaby - Australia, lighten the f**k up.'

ਆਪਣੀ ਜ਼ਿੰਦਗੀ ਨੂੰ ਆਪਣੇ ਅਸੂਲਾਂ 'ਤੇ ਜਿਊਣ ਵਾਲੇ ਵੈਸਟ ਇੰਡੀਜ਼ ਦੇ ਵਿਸਫੋਟਕ ਬੱਲੇਬਾਜ ਕ੍ਰਿਸ ਗੇਲ ਇੱਕ ਵਾਰ ਫਿਰ ਤੋਂ ਚਰਚਾ 'ਚ ਬਣੇ ਹੋਏ ਹਨ। ਇਸ ਵਾਰ ਇੱਕ ਡਾਂਸ ਵੀਡੀਓ ਅਤੇ ਘੱਟ ਕੱਪੜਿਆਂ ਵਾਲਿਆਂ ਤਸਵੀਰਾਂ ਕਾਰਨ ਉਨ੍ਹਾਂ ਦੀ ਚਰਚਾ ਹੋ ਰਹੀ ਹੈ। ਖਬਰਾਂ ਅਨੁਸਾਰ ਗੇਲ ਨੇ ਇਹ ਸਭ ਆਪਣੇ ਬੀਤੇ ਸਾਲ ਹੋਏ ਇੱਕ ਕੰਟਰੋਵਰਸੀ ਵਾਲੇ ਇੰਟਰਵਿਊ ਦਾ 1 ਸਾਲ ਪੂਰਾ ਹੋਣ ਕਾਰਨ ਕੀਤਾ ਹੈ। ਇਸ ਵੀਡੀਓ 'ਚ ਗੇਲ ਆਪਣੀ ਪਾਰਟਨਰ ਨਤਾਸ਼ਾ ਬੈਰੀਜ ਨਾਲ ਡਾਂਸ ਕਰਦੇ ਨਜਰ ਆ ਰਹੇ ਹਨ। ਇਸ ਵੀਡੀਓ 'ਤੇ ਸਵਾਲ ਖੜੇ ਹੋ ਰਹੇ ਹਨ ਅਤੇ ਇਹ ਵੀਡੀਓ ਜਾਂ ਇਸਦੀਆਂ ਤਸਵੀਰਾਂ ਵੀ ਦਰਸ਼ਕਾਂ ਨਾਲ ਸਾਂਝਾ ਕਰਨਾ ਮੁਸ਼ਕਿਲ ਹੈ।