Arshdeep Singh Test Debut: ਦਲੀਪ ਟਰਾਫੀ ਵਿੱਚ ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਨੇ ਸ਼ਾਨਦਾਰ ਗੇਂਦਬਾਜ਼ੀ ਦਾ ਪ੍ਰਦਰਸ਼ਨ ਕੀਤਾ। ਇਸ ਟੂਰਨਾਮੈਂਟ ਵਿੱਚ ਅਰਸ਼ਦੀਪ ਸਿੰਘ ਨੇ 13 ਵਿਕਟਾਂ ਲਈਆਂ। ਇਸ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਅਰਸ਼ਦੀਪ ਸਿੰਘ ਜਲਦ ਹੀ ਭਾਰਤੀ ਟੈਸਟ ਟੀਮ 'ਚ ਐਂਟਰੀ ਕਰ ਸਕਦੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਅਰਸ਼ਦੀਪ ਸਿੰਘ ਨਿਊਜ਼ੀਲੈਂਡ ਖਿਲਾਫ ਸੀਰੀਜ਼ 'ਚ ਆਪਣਾ ਟੈਸਟ ਡੈਬਿਊ ਕਰ ਸਕਦੇ ਹਨ। ਭਾਰਤ ਲਈ ਵਨਡੇ ਅਤੇ ਟੀ-20 ਫਾਰਮੈਟ ਖੇਡ ਚੁੱਕੇ ਅਰਸ਼ਦੀਪ ਸਿੰਘ ਜਲਦ ਹੀ ਰੈੱਡ ਗੇਂਦ ਦੇ ਫਾਰਮੈਟ 'ਚ ਨਜ਼ਰ ਆ ਸਕਦੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਚੋਣਕਾਰ ਦਲੀਪ ਟਰਾਫੀ 'ਚ ਅਰਸ਼ਦੀਪ ਸਿੰਘ ਦੇ ਪ੍ਰਦਰਸ਼ਨ ਤੋਂ ਕਾਫੀ ਪ੍ਰਭਾਵਿਤ ਹਨ। ਨਤੀਜੇ ਵਜੋਂ ਇਸ ਤੇਜ਼ ਗੇਂਦਬਾਜ਼ ਨੂੰ ਨਿਊਜ਼ੀਲੈਂਡ ਖਿਲਾਫ ਟੈਸਟ ਸੀਰੀਜ਼ 'ਚ ਡੈਬਿਊ ਕਰਨ ਦਾ ਮੌਕਾ ਮਿਲ ਸਕਦਾ ਹੈ।
ਨਿਊਜ਼ੀਲੈਂਡ ਖਿਲਾਫ ਟੈਸਟ ਡੈਬਿਊ ਕਰ ਸਕਦੇ ਅਰਸ਼ਦੀਪ ਸਿੰਘ...
ਭਾਰਤ ਲਈ ਲਗਭਗ 2 ਸਾਲ ਪਹਿਲਾਂ ਅਰਸ਼ਦੀਪ ਸਿੰਘ ਨੇ ਵਨਡੇ ਅਤੇ ਟੀ-20 ਵਿੱਚ ਡੈਬਿਊ ਕੀਤਾ ਸੀ। ਪਰ ਹੁਣ ਤੱਕ ਇਸ ਗੇਂਦਬਾਜ਼ ਨੂੰ ਟੈਸਟ ਫਾਰਮੈਟ ਵਿੱਚ ਨਹੀਂ ਅਜ਼ਮਾਇਆ ਗਿਆ ਹੈ। ਜਦੋਂ ਕਿ ਕਰੀਬ 5 ਸਾਲ ਪਹਿਲਾਂ ਅਰਸ਼ਦੀਪ ਸਿੰਘ ਪਹਿਲੀ ਵਾਰ ਫਸਟ ਕਲਾਸ ਕ੍ਰਿਕਟ ਖੇਡਿਆ ਸੀ। ਪੰਜਾਬ ਲਈ ਖੇਡ ਰਹੇ ਅਰਸ਼ਦੀਪ ਸਿੰਘ ਨੇ ਘਰੇਲੂ ਕ੍ਰਿਕਟ 'ਚ 63 ਵਿਕਟਾਂ ਆਪਣੇ ਨਾਂ ਕਰ ਲਈਆਂ ਹਨ। ਮੰਨਿਆ ਜਾ ਰਿਹਾ ਸੀ ਕਿ ਅਰਸ਼ਦੀਪ ਸਿੰਘ ਨੂੰ ਬੰਗਲਾਦੇਸ਼ ਖਿਲਾਫ ਕਾਨਪੁਰ ਟੈਸਟ 'ਚ ਮੌਕਾ ਮਿਲ ਸਕਦਾ ਹੈ, ਪਰ ਅਜਿਹਾ ਨਹੀਂ ਹੋਇਆ। ਕਾਨਪੁਰ ਟੈਸਟ ਲਈ ਟੀਮ ਇੰਡੀਆ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਇਸ ਟੈਸਟ ਲਈ ਚੋਣਕਾਰਾਂ ਨੇ ਅਰਸ਼ਦੀਪ ਸਿੰਘ ਨਾਲੋਂ ਯਸ਼ ਦਿਆਲ ਨੂੰ ਤਰਜੀਹ ਦਿੱਤੀ ਹੈ।
Read MOre: Virat Kohli: ਚੇੱਨਈ ਟੈਸਟ ਜਿੱਤਦੇ ਹੀ ਵਿਰਾਟ ਕੋਹਲੀ ਨੇ ਛੱਡਿਆ ਟੀਮ ਇੰਡੀਆ ਦਾ ਸਾਥ, ਜਾਣੋ ਕਿਉਂ ਪਰਤੇ ਘਰ ?
ਦਲੀਪ ਟਰਾਫੀ ਵਿੱਚ ਅਰਸ਼ਦੀਪ ਸਿੰਘ ਨੇ ਤਬਾਹੀ ਮਚਾਈ
ਹਾਲ ਹੀ ਵਿੱਚ ਦਲੀਪ ਟਰਾਫੀ ਵਿੱਚ ਅਰਸ਼ਦੀਪ ਸਿੰਘ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਹਾਲਾਂਕਿ ਅਰਸ਼ਦੀਪ ਸਿੰਘ ਇਸ ਟੂਰਨਾਮੈਂਟ ਦੇ ਪਹਿਲੇ 2 ਮੈਚਾਂ 'ਚ ਸਿਰਫ 4 ਵਿਕਟਾਂ ਹੀ ਲੈ ਸਕੇ ਪਰ ਇਸ ਤੋਂ ਬਾਅਦ ਉਸ ਨੇ ਸ਼ਾਨਦਾਰ ਵਾਪਸੀ ਕੀਤੀ। ਖਾਸ ਤੌਰ 'ਤੇ ਇੰਡੀਆ-ਬੀ ਖਿਲਾਫ ਤੀਜੇ ਦੌਰ ਦੇ ਮੈਚ 'ਚ ਅਰਸ਼ਦੀਪ ਸਿੰਘ ਨੇ 50 ਦੌੜਾਂ 'ਤੇ 3 ਵਿਕਟਾਂ ਅਤੇ 40 ਦੌੜਾਂ 'ਤੇ 6 ਵਿਕਟਾਂ ਲਈਆਂ। ਹਾਲਾਂਕਿ ਇਸ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਮੰਨਿਆ ਜਾ ਰਿਹਾ ਹੈ ਕਿ ਅਰਸ਼ਦੀਪ ਸਿੰਘ ਨੂੰ ਨਿਊਜ਼ੀਲੈਂਡ ਖਿਲਾਫ ਟੈਸਟ ਡੈਬਿਊ ਕਰਨ ਦਾ ਮੌਕਾ ਮਿਲ ਸਕਦਾ ਹੈ।
Read MOre: Yuzvendra Chahal: ਯੁਜਵੇਂਦਰ ਦੀ ਭੈਣ ਨੂੰ ਡੇਟ ਕਰ ਰਿਹਾ ਇਹ ਕ੍ਰਿਕਟਰ, ਜਾਣੋ ਕੌਣ ਬਣੇਗਾ ਚਾਹਲ ਦਾ ਜੀਜਾ