Punjab Kings: ਪੰਜਾਬ ਕਿੰਗਜ਼ (PBKS) ਦੇ ਕਪਤਾਨ ਸ਼ਿਖਰ ਧਵਨ ਨੇ ਹਾਲ ਹੀ ਵਿੱਚ ਅੰਤਰਰਾਸ਼ਟਰੀ ਕ੍ਰਿਕਟ ਸਮੇਤ ਘਰੇਲੂ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਹੈ। ਜਿਸ ਤੋਂ ਬਾਅਦ ਕ੍ਰਿਕਟ ਪ੍ਰੇਮੀਆਂ ਨੂੰ ਵੱਡਾ ਝਟਕਾ ਲੱਗਾ ਹੈ। ਇਸਦੇ ਨਾਲ ਹੀ ਮੰਨਿਆ ਜਾ ਰਿਹਾ ਹੈ ਕਿ ਪੰਜਾਬ ਕਿੰਗਜ਼ (PBKS) ਟੀਮ ਦੀ ਮਾਲਕਣ ਪ੍ਰਿਟੀ ਜ਼ਿੰਟਾ ਜਲਦ ਹੀ ਆਪਣੀ ਫਰੈਂਚਾਇਜ਼ੀ ਲਈ ਕਪਤਾਨ ਦੇ ਨਾਂ ਦਾ ਐਲਾਨ ਕਰ ਸਕਦੀ ਹੈ।
ਕਪਤਾਨ ਸ਼ਿਖਰ ਧਵਨ ਨੇ ਪਿਛਲੇ ਸੀਜ਼ਨ 'ਚ ਪ੍ਰਿਟੀ ਜ਼ਿੰਟਾ ਦੀ ਟੀਮ ਲਈ ਕੁਝ ਮੈਚ ਨਹੀਂ ਖੇਡੇ ਸਨ। ਜਿਸ ਕਾਰਨ ਸੈਮ ਕਰਨ ਨੇ ਆਈਪੀਐਲ 2024 ਸੀਜ਼ਨ ਵਿੱਚ ਪੰਜਾਬ ਕਿੰਗਜ਼ ਦੀ ਕਪਤਾਨੀ ਦੀ ਜ਼ਿੰਮੇਵਾਰੀ ਸੰਭਾਲੀ।
ਸੈਮ ਕਰਨ ਦੀ ਕਪਤਾਨੀ 'ਚ ਖਾਸ ਨਹੀਂ ਰਿਹਾ ਪੰਜਾਬ ਕਿੰਗਜ਼ ਦਾ ਪ੍ਰਦਰਸ਼ਨ
ਆਈਪੀਐਲ 2024 ਦੌਰਾਨ ਸ਼ਿਖਰ ਧਵਨ ਦੇ ਜ਼ਖਮੀ ਹੋਣ ਤੋਂ ਬਾਅਦ ਸੈਮ ਕਰਨ ਨੇ ਪੰਜਾਬ ਕਿੰਗਜ਼ ਟੀਮ ਦੀ ਕਪਤਾਨੀ ਦੀ ਜ਼ਿੰਮੇਵਾਰੀ ਸੰਭਾਲੀ ਸੀ। ਸੈਮ ਕਰਨ ਦੀ ਕਪਤਾਨੀ ਹੇਠ ਪੰਜਾਬ ਕਿੰਗਜ਼ ਦੀ ਟੀਮ ਆਈਪੀਐਲ 2024 ਸੀਜ਼ਨ ਦੇ ਪਲੇਅ-ਆਫ ਪੜਾਅ ਲਈ ਕੁਆਲੀਫਾਈ ਨਹੀਂ ਕਰ ਸਕੀ। ਜਿਸ ਕਾਰਨ ਮੰਨਿਆ ਜਾ ਰਿਹਾ ਹੈ ਕਿ ਪੰਜਾਬ ਕਿੰਗਜ਼ ਦੀ ਫਰੈਂਚਾਈਜ਼ੀ ਸੈਮ ਦੀ ਕਪਤਾਨੀ ਹੇਠ ਆਈਪੀਐਲ 2025 ਸੀਜ਼ਨ ਵਿੱਚ ਖੇਡਦੀ ਨਜ਼ਰ ਨਹੀਂ ਆਵੇਗੀ।
ਪੰਜਾਬ ਕਿੰਗਜ਼ ਦੇ ਨਵੇਂ ਕਪਤਾਨ ਬਣ ਸਕਦੇ ਹਨ ਅਰਸ਼ਦੀਪ ਸਿੰਘ
ਅਰਸ਼ਦੀਪ ਸਿੰਘ ਹੁਣ ਤੱਕ ਆਈਪੀਐਲ ਕ੍ਰਿਕਟ ਵਿੱਚ ਸਿਰਫ਼ ਪੰਜਾਬ ਕਿੰਗਜ਼ ਲਈ ਹੀ ਖੇਡਿਆ ਹੈ। ਅਰਸ਼ਦੀਪ ਸਿੰਘ ਨੇ ਆਈਪੀਐਲ ਕ੍ਰਿਕਟ ਵਿੱਚ ਪੰਜਾਬ ਕਿੰਗਜ਼ ਲਈ ਖੇਡਦੇ ਹੋਏ ਹੁਣ ਤੱਕ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। 2022 ਦੀ ਮੈਗਾ ਨਿਲਾਮੀ ਤੋਂ ਪਹਿਲਾਂ ਹੀ ਪੰਜਾਬ ਕਿੰਗਜ਼ ਦੀ ਟੀਮ ਨੇ ਅਰਸ਼ਦੀਪ ਸਿੰਘ ਨੂੰ ਬਰਕਰਾਰ ਰੱਖਿਆ ਸੀ।
ਜਿਸ ਕਾਰਨ ਮੰਨਿਆ ਜਾ ਰਿਹਾ ਹੈ ਕਿ ਹੁਣ ਪੰਜਾਬ ਕਿੰਗਜ਼ ਫਰੈਂਚਾਇਜ਼ੀ ਅਰਸ਼ਦੀਪ ਸਿੰਘ ਨੂੰ ਟੀਮ ਦਾ ਨਵਾਂ ਕਪਤਾਨ ਚੁਣ ਸਕਦੀ ਹੈ। ਅਰਸ਼ਦੀਪ ਸਿੰਘ ਦੀ ਗੱਲ ਕਰੀਏ ਤਾਂ ਉਹ ਘਰੇਲੂ ਕ੍ਰਿਕਟ ਵਿੱਚ ਵੀ ਪੰਜਾਬ ਲਈ ਖੇਡਦਾ ਹੈ। ਫਰੈਂਚਾਈਜ਼ੀ ਕਿਸੇ ਵੀ ਕਾਰਨ ਕਰਕੇ ਅਰਸ਼ਦੀਪ ਸਿੰਘ ਨੂੰ ਕਪਤਾਨ ਚੁਣ ਸਕਦੀ ਹੈ।
ਜਿਤੇਸ਼ ਸ਼ਰਮਾ ਵੀ ਬਣ ਸਕਦੇ ਹਨ ਕਪਤਾਨੀ ਦਾ ਵਿਕਲਪ
ਆਈਪੀਐਲ ਕ੍ਰਿਕਟ ਵਿੱਚ ਪਿਛਲੇ 3 ਸੀਜ਼ਨਾਂ ਤੋਂ ਪੰਜਾਬ ਕਿੰਗਜ਼ ਲਈ ਖੇਡ ਚੁੱਕੇ ਜਿਤੇਸ਼ ਸ਼ਰਮਾ ਨੇ ਵੀ ਫਿਨਿਸ਼ਰ ਵਜੋਂ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਆਈਪੀਐਲ 2024 ਸੀਜ਼ਨ ਲਈ, ਪੰਜਾਬ ਕਿੰਗਜ਼ ਫਰੈਂਚਾਈਜ਼ੀ ਨੇ ਜਿਤੇਸ਼ ਸ਼ਰਮਾ ਨੂੰ ਉਪ ਕਪਤਾਨੀ ਦੀ ਜ਼ਿੰਮੇਵਾਰੀ ਦਿੱਤੀ ਸੀ। ਜਿਸ ਕਾਰਨ ਮੰਨਿਆ ਜਾ ਰਿਹਾ ਹੈ ਕਿ ਪੰਜਾਬ ਕਿੰਗਜ਼ ਦੀ ਫਰੈਂਚਾਈਜ਼ੀ ਆਈਪੀਐਲ 2025 ਸੀਜ਼ਨ ਲਈ ਜਿਤੇਸ਼ ਸ਼ਰਮਾ ਨੂੰ ਕਪਤਾਨ ਵਜੋਂ ਮੌਕਾ ਦੇ ਸਕਦੀ ਹੈ।