IPL 2025 All 10 Teams Captain: ਇੰਡੀਅਨ ਪ੍ਰੀਮੀਅਰ ਲੀਗ ਦੇ 18ਵੇਂ ਸੀਜ਼ਨ ਦਾ ਬਿਗੁਲ ਵੱਜ ਗਿਆ ਹੈ। ਸਾਰੀਆਂ ਟੀਮਾਂ ਨੇ ਆਉਣ ਵਾਲੇ ਸੀਜ਼ਨ ਲਈ ਤਿਆਰੀ ਕਰ ਲਈ ਹੈ। ਇਸ ਸੀਜ਼ਨ ਯਾਨੀ ਕਿ ਆਈਪੀਐਲ 2025 ਵਿੱਚ ਕੁੱਲ ਪੰਜ ਟੀਮਾਂ ਨਵੇਂ ਕਪਤਾਨਾਂ ਨਾਲ ਐਂਟਰੀ ਕਰਨਗੀਆਂ। ਹੁਣ ਸਾਰੀਆਂ 10 ਟੀਮਾਂ ਦੇ ਕਪਤਾਨਾਂ ਦੀ ਪੁਸ਼ਟੀ ਹੋ ਗਈ ਹੈ। ਦਿੱਲੀ ਕੈਪੀਟਲਜ਼ ਨੇ ਸ਼ੁੱਕਰਵਾਰ ਨੂੰ ਸਪਿਨ ਆਲਰਾਊਂਡਰ ਅਕਸ਼ਰ ਪਟੇਲ ਨੂੰ ਟੀਮ ਦਾ ਕਪਤਾਨ ਨਿਯੁਕਤ ਕੀਤਾ। ਇਸ ਨਾਲ ਸਾਰੀਆਂ 10 ਟੀਮਾਂ ਦੇ ਕਪਤਾਨ ਕਨਫਰਮ ਹੋ ਗਏ ਹਨ।
IPL 2025 ਵਿੱਚ ਦਿੱਲੀ ਕੈਪੀਟਲਜ਼, ਲਖਨਊ ਸੁਪਰ ਜਾਇੰਟਸ, ਪੰਜਾਬ ਕਿੰਗਜ਼, ਰਾਇਲ ਚੈਲੇਂਜਰਜ਼ ਬੰਗਲੌਰ ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਨਵੇਂ ਕਪਤਾਨਾਂ ਨਾਲ ਨਾਲ ਆਉਣਗੇ। ਦਿੱਲੀ ਨੇ ਟੀਮ ਦੀ ਕਮਾਨ ਅਕਸ਼ਰ ਪਟੇਲ ਨੂੰ ਦਿੱਤੀ ਹੈ, ਲਖਨਊ ਨੇ ਰਿਸ਼ਭ ਪੰਤ ਨੂੰ, ਪੰਜਾਬ ਕਿੰਗਜ਼ ਨੇ ਸ਼੍ਰੇਅਸ ਅਈਅਰ ਨੂੰ, ਆਰਸੀਬੀ ਨੇ ਰਜਤ ਪਾਟੀਦਾਰ ਨੂੰ ਅਤੇ ਕੇਕੇਆਰ ਨੇ ਅਜਿੰਕਿਆ ਰਹਾਣੇ ਨੂੰ ਦਿੱਤੀ ਹੈ।
ਸਾਰੀਆਂ 10 ਟੀਮਾਂ ਦੇ ਕਪਤਾਨਾਂ ਦੀ ਲਿਸਟ ਵੇਖੋ
1. ਦਿੱਲੀ ਕੈਪੀਟਲਜ਼- ਅਕਸ਼ਰ ਪਟੇਲ
2. ਸਨਰਾਈਜ਼ਰਜ਼ ਹੈਦਰਾਬਾਦ- ਪੈਟ ਕਮਿੰਸ
3. ਰਾਇਲ ਚੈਲੇਂਜਰਜ਼ ਬੰਗਲੌਰ- ਰਜਤ ਪਾਟੀਦਾਰ
4. ਰਾਜਸਥਾਨ ਰਾਇਲਸ- ਸੰਜੂ ਸੈਮਸਨ
5. ਪੰਜਾਬ ਕਿੰਗਜ਼- ਸ਼੍ਰੇਅਸ ਅਈਅਰ
6. ਲਖਨਊ ਸੁਪਰ ਜਾਇੰਟਸ- ਰਿਸ਼ਭ ਪੰਤ
7. ਮੁੰਬਈ ਇੰਡੀਅਨਜ਼- ਹਾਰਦਿਕ ਪੰਡਯਾ
8. ਕੋਲਕਾਤਾ ਨਾਈਟ ਰਾਈਡਰਜ਼- ਅਜਿੰਕਿਆ ਰਹਾਣੇ
9. ਗੁਜਰਾਤ ਟਾਈਟਨਸ- ਸ਼ੁਭਮਨ ਗਿੱਲ
10. ਚੇਨਈ ਸੁਪਰ ਕਿੰਗਜ਼- ਰਿਤੂਰਤ ਗਾਇਕਵਾੜ
22 ਮਾਰਚ ਤੋਂ ਸ਼ੁਰੂ ਹੋਵੇਗਾ 18ਵਾਂ ਸੀਜ਼ਨ
IPL 2025 22 ਮਾਰਚ ਤੋਂ ਸ਼ੁਰੂ ਹੋਵੇਗਾ। ਇਸ ਵਾਰ ਸਾਰੇ ਮੈਚ 13 ਸ਼ਹਿਰਾਂ ਵਿੱਚ ਖੇਡੇ ਜਾਣਗੇ। IPL 2025 ਦਾ ਪਹਿਲਾ ਮੈਚ ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਰਾਇਲ ਚੈਲੇਂਜਰਜ਼ ਬੰਗਲੌਰ ਵਿਚਕਾਰ ਖੇਡਿਆ ਜਾਵੇਗਾ। IPL ਦਾ ਪਹਿਲਾ ਮੈਚ 22 ਮਾਰਚ ਨੂੰ ਸ਼ਾਮ 7:30 ਵਜੇ ਖੇਡਿਆ ਜਾਵੇਗਾ। ਮੈਚ ਦਾ ਟਾਸ 7 ਵਜੇ ਹੋਵੇਗਾ। ਇਸ ਵਾਰ ਆਰਸੀਬੀ ਨੇ ਕਪਤਾਨੀ ਰਜਤ ਪਾਟੀਦਾਰ ਨੂੰ ਸੌਂਪੀ ਹੈ, ਜਦੋਂ ਕਿ ਕੇਕੇਆਰ ਦੀ ਕਮਾਨ ਸੀਨੀਅਰ ਖਿਡਾਰੀ ਅਜਿੰਕਿਆ ਰਹਾਣੇ ਦੇ ਹੱਥ ਵਿੱਚ ਹੈ।
ਜਾਣੋ IPL 2025 ਦਾ ਉਦਘਾਟਨੀ ਸਮਾਰੋਹ ਕਦੋਂ ਹੋਵੇਗਾ?
IPL 2025 ਦਾ ਉਦਘਾਟਨੀ ਸਮਾਰੋਹ ਕੋਲਕਾਤਾ ਦੇ ਈਡਨ ਗਾਰਡਨ ਸਟੇਡੀਅਮ ਵਿੱਚ ਹੋਵੇਗਾ। IPL ਦੇ ਉਦਘਾਟਨੀ ਸਮਾਰੋਹ ਵਿੱਚ ਮਸ਼ਹੂਰ ਬਾਲੀਵੁੱਡ ਸਿਤਾਰੇ ਪਰਫਾਰਮੈਂਸ ਕਰਨਗੇ। ਪਰ ਸਮਾਰੋਹ ਵਿੱਚ ਕਿਹੜੇ ਕਲਾਕਾਰ ਪੇਸ਼ਕਾਰੀ ਦੇਣਗੇ, ਇਸ ਦੀ ਪੁਸ਼ਟੀ ਅਜੇ ਹੋਣੀ ਬਾਕੀ ਹੈ। IPL 2025 ਦਾ ਉਦਘਾਟਨੀ ਸਮਾਰੋਹ 22 ਮਾਰਚ ਨੂੰ ਸ਼ਾਮ 6 ਵਜੇ ਸ਼ੁਰੂ ਹੋਵੇਗਾ।