IND vs ENG: ਅੱਜ ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਐਜਬੈਸਟਨ ਕ੍ਰਿਕਟ ਗਰਾਊਂਡ 'ਤੇ ਖੇਡੇ ਜਾ ਰਹੇ ਦੂਜੇ ਟੈਸਟ ਮੈਚ ਦਾ ਫੈਸਲਾਕੁੰਨ ਦਿਨ ਹੈ, ਸ਼ੁਭਮਨ ਗਿੱਲ ਅਤੇ ਟੀਮ ਨੂੰ ਜਿੱਤਣ ਲਈ 7 ਵਿਕਟਾਂ ਦੀ ਲੋੜ ਹੈ। ਇਸ ਦੌਰਾਨ, ਟੀਮ ਦੇ ਮੁੱਖ ਕੋਚ ਗੌਤਮ ਗੰਭੀਰ ਦਾ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਉਹ ਗੱਲ ਕਰ ਰਹੇ ਹਨ ਕਿ ਕਿਵੇਂ ਇੱਕ ਖਿਡਾਰੀ ਨੂੰ ਪਲੇਇੰਗ 11 ਤੋਂ ਬਾਹਰ ਕਰ ਦਿੱਤਾ ਜਾਂਦਾ ਹੈ।
ਦਰਅਸਲ, ਗੌਤਮ ਗੰਭੀਰ ਨੇ ਇਹ ਗੱਲ ਮਜ਼ਾਕ ਵਿੱਚ ਕਹੀ। ਇੰਗਲੈਂਡ ਜਾਣ ਤੋਂ ਪਹਿਲਾਂ, ਉਹ ਰਿਸ਼ਭ ਪੰਤ, ਅਭਿਸ਼ੇਕ ਸ਼ਰਮਾ ਅਤੇ ਯੁਜਵੇਂਦਰ ਚਾਹਲ ਨਾਲ ਦ ਕਪਿਲ ਸ਼ਰਮਾ ਸ਼ੋਅ ਵਿੱਚ ਗਏ ਸਨ। ਉਨ੍ਹਾਂ ਨੇ ਇਹ ਗੱਲ ਉਸੇ ਸ਼ੋਅ 'ਤੇ ਕਹੀ।
ਗੌਤਮ ਗੰਭੀਰ ਨੇ ਇਹ ਕਿਸ ਲਈ ਕਿਹਾ?
ਸ਼ੋਅ ਦੇ ਹੋਸਟ ਕਪਿਲ ਸ਼ਰਮਾ ਨੇ ਰਿਸ਼ਭ ਪੰਤ ਨੂੰ ਪੁੱਛਿਆ ਕਿ ਤੁਹਾਨੂੰ IPL 2025 ਵਿੱਚ 27 ਕਰੋੜ ਰੁਪਏ ਮਿਲੇ ਸਨ, ਪਰ ਤੁਹਾਡਾ ਬੱਲਾ ਜ਼ਿਆਦਾ ਕੰਮ ਨਹੀਂ ਆਇਆ। ਜਦੋਂ ਉਹ ਖਿਡਾਰੀ ਜਿਨ੍ਹਾਂ ਨੂੰ ਘੱਟ ਪੈਸੇ ਮਿਲੇ ਸਨ ਤੇ ਉਹ ਜਿਆਦਾ ਦੌੜਾਂ ਬਣਾਉਂਦੇ ਹਨ ਤਾਂ ਤੁਸੀਂ ਉਨ੍ਹਾਂ ਨੂੰ ਕਹਿੰਦੇ ਸੀ ਕਿ ਕੁਝ ਪੈਸੇ ਲਓ ਪਰ ਘੱਟ ਦੌੜਾਂ ਬਣਾਓ। ਤੁਹਾਨੂੰ ਦੱਸ ਦੇਈਏ ਕਿ ਸ਼ੋਅ ਇੱਕ ਕਾਮੇਡੀ ਹੈ, ਇਸ ਲਈ ਇਹ ਸਾਰੀਆਂ ਗੱਲਾਂ ਵੀ ਮਜ਼ਾਕ ਦਾ ਹਿੱਸਾ ਸਨ।
ਇਸ 'ਤੇ ਰਿਸ਼ਭ ਪੰਤ ਨੇ ਜਵਾਬ ਦਿੱਤਾ, "ਜਦੋਂ ਕੋਈ ਸਟੇਜ 'ਤੇ ਤੁਹਾਡੇ ਤੋਂ ਵਧੀਆ ਪ੍ਰਦਰਸ਼ਨ ਕਰਦਾ ਹੈ ਤਾਂ ਕੀ ਤੁਸੀਂ ਕੁਝ ਕਹਿੰਦੇ ਹੋ?" ਇਸ 'ਤੇ ਕਪਿਲ ਸ਼ਰਮਾ ਨੇ ਕਿਹਾ ਕਿ ਮੈਂ ਉਸਦਾ ਸੀਨ ਕੱਟ ਦਿੱਤਾ।
ਗੌਤਮ ਗੰਭੀਰ ਨੇ ਰਿਸ਼ਭ ਪੰਤ ਨੂੰ ਜਵਾਬ ਦਿੱਤਾ, "ਤੁਸੀਂ ਇਹ ਵੀ ਕਹਿੰਦੇ ਹੋ ਕਿ ਮੈਂ ਉਸਨੂੰ ਡਰੋਪ ਕਰ ਦਿਆਂਗਾ।" ਗੰਭੀਰ ਦੇ ਇਸ ਮਜ਼ਾਕ 'ਤੇ ਹੋਸਟ ਸਮੇਤ ਹਰ ਕੋਈ ਹੱਸਣ ਲੱਗ ਪਿਆ। ਸ਼ੋਅ ਵਿੱਚ ਗੰਭੀਰ ਦਾ ਇੱਕ ਵੱਖਰਾ ਪੱਖ ਦੇਖਿਆ ਗਿਆ, ਉਹ ਹੋਸਟ ਨੂੰ ਬਹੁਤ ਛੇੜਦਾ ਹੋਇਆ ਦੇਖਿਆ ਗਿਆ।
ਇਤਿਹਾਸ ਰਚਣ ਦੀ ਦਹਿਲੀਜ਼ 'ਤੇ ਟੀਮ ਇੰਡੀਆ
ਭਾਰਤੀ ਟੀਮ ਨੇ ਅੱਜ ਤੱਕ ਐਜਬੈਸਟਨ ਕ੍ਰਿਕਟ ਗਰਾਊਂਡ 'ਤੇ ਕਦੇ ਵੀ ਟੈਸਟ ਨਹੀਂ ਜਿੱਤਿਆ, ਪਰ ਅੱਜ ਇਤਿਹਾਸ ਬਦਲ ਸਕਦਾ ਹੈ। ਟੀਮ ਇੰਡੀਆ ਮਜ਼ਬੂਤ ਸਥਿਤੀ ਵਿੱਚ ਹੈ, ਉਨ੍ਹਾਂ ਨੂੰ ਜਿੱਤਣ ਲਈ 7 ਵਿਕਟਾਂ ਦੀ ਲੋੜ ਹੈ ਜਦੋਂ ਕਿ ਹੁਣ ਇੰਗਲੈਂਡ ਲਈ ਜਿੱਤਣਾ ਲਗਭਗ ਅਸੰਭਵ ਹੈ। ਇਸ ਮੈਚ ਵਿੱਚ ਸ਼ੁਭਮਨ ਗਿੱਲ ਨੇ ਦੋਵੇਂ ਪਾਰੀਆਂ ਵਿੱਚ ਕੁੱਲ 430 ਦੌੜਾਂ (269, 161) ਬਣਾਈਆਂ, ਜੋ ਕਿ ਕਿਸੇ ਵੀ ਭਾਰਤੀ ਦੁਆਰਾ ਸਭ ਤੋਂ ਵੱਧ ਹਨ। ਉਹ ਇੱਕ ਟੈਸਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ ਦੁਨੀਆ ਦਾ ਦੂਜਾ ਖਿਡਾਰੀ ਵੀ ਬਣ ਗਿਆ ਹੈ।