ICC Celebrate 50th Anniversary of First-Ever Cricket World Cup: ਪਹਿਲਾ ਆਈਸੀਸੀ ਵਿਸ਼ਵ ਕੱਪ 20 ਜੂਨ 1973 ਨੂੰ ਸ਼ੁਰੂ ਹੋਇਆ ਸੀ। ਪਹਿਲਾ ਵਿਸ਼ਵ ਕੱਪ ਪੁਰਸ਼ ਨਹੀਂ ਸਗੋਂ ਮਹਿਲਾ ਟੀਮਾਂ ਵਿਚਾਲੇ ਹੋਇਆ ਸੀ। ਵਿਸ਼ਵ ਕੱਪ ਇੰਗਲੈਂਡ ਦੀ ਮੇਜ਼ਬਾਨੀ ਵਿੱਚ ਖੇਡਿਆ ਗਿਆ ਸੀ। ਇਸ ਵਿਸ਼ਵ ਕੱਪ ਤੋਂ ਦੋ ਸਾਲ ਬਾਅਦ 1975 ਵਿੱਚ ਪੁਰਸ਼ ਵਿਸ਼ਵ ਕੱਪ ਖੇਡਿਆ ਗਿਆ ਸੀ। ਪਹਿਲੇ ਆਈਸੀਸੀ ਵਿਸ਼ਵ ਕੱਪ ਦਾ ਪਹਿਲਾ ਮੈਚ ਜਮਾਇਕਾ ਵੀਮੈਂਸ ਅਤੇ ਨਿਊਜ਼ੀਲੈਂਡ ਵੀਮੈਂਸ ਵਿਚਾਲੇ ਖੇਡਿਆ ਗਿਆ ਸੀ।
ਇਸ ਵਿਸ਼ਵ ਕੱਪ ਨੂੰ ਮਹਿਲਾ ਵਿਸ਼ਵ ਕੱਪ 1973 ਕਿਹਾ ਗਿਆ ਸੀ। ਪਹਿਲੇ ਵਿਸ਼ਵ ਕੱਪ ਦੇ 50 ਸਾਲ ਪੂਰੇ ਹੋਣ 'ਤੇ ਆਈਸੀਸੀ ਆਪਣੀ 50ਵੀਂ ਵਰ੍ਹੇਗੰਢ ਮਨਾ ਰਹੀ ਹੈ। ਇਸ ਮੌਕੇ 'ਤੇ ਆਈਸੀਸੀ ਵੱਲੋਂ ਦੁਨੀਆ ਦੀਆਂ ਕੁਝ ਯਾਦਗਾਰੀ ਤਸਵੀਰਾਂ ਸਾਂਝੀਆਂ ਕੀਤੀਆਂ ਗਈਆਂ, ਜਿਸ ਵਿੱਚ ਮਹਿਲਾ ਖਿਡਾਰਣਾ ਕ੍ਰਿਕਟ ਇਤਿਹਾਸ ਦਾ ਪਹਿਲਾ ਆਈਸੀਸੀ ਵਿਸ਼ਵ ਕੱਪ ਖੇਡਦੀਆਂ ਨਜ਼ਰ ਆਈਅਂ ਸਨ। ਆਈਸੀਸੀ ਨੇ ਵਿਸ਼ਵ ਕੱਪ ਦੀ ਪੋਸਟ ਨੂੰ ਕੈਪਸ਼ਨ ਦਿੰਦਿਆਂ ਹੋਇਆਂ ਲਿਖਿਆ, ''50 ਸ਼ਾਨਦਾਰ ਸਾਲ। 1973 ਵਿੱਚ ਅੱਜ ਦੇ ਦਿਨ ਸ਼ੁਰੂ ਹੋਏ ਪਹਿਲੇ ਕ੍ਰਿਕਟ ਵਿਸ਼ਵ ਕੱਪ ਦੀ ਵਰ੍ਹੇਗੰਢ ਮਨਾ ਰਹੇ ਹਾਂ।
ਇਹ ਵੀ ਪੜ੍ਹੋ: Asia Cup 2023: ਏਸ਼ੀਆ ਕੱਪ ਦੀ ਸਭ ਤੋਂ ਸਫਲ ਟੀਮ ਰਹੀ, ਟੀਮ ਇੰਡੀਆ, ਜਾਣੋ ਇਸ ਵਾਰ ਖਿਤਾਬ ਦਾ ਕੌਣ ਦਾਅਵੇਦਾਰ
ਇੰਗਲੈਂਡ ਨੇ ਜਿੱਤਿਆ ਸੀ ਖਿਤਾਬ
ਇੰਗਲੈਂਡ ਦੀ ਮਹਿਲਾ ਟੀਮ ਨੇ ਪਹਿਲੇ ਆਈਸੀਸੀ ਵਿਸ਼ਵ ਕੱਪ ਵਿੱਚ ਖਿਤਾਬ ਜਿੱਤਿਆ ਸੀ। ਇੰਗਲੈਂਡ ਦੀ ਮਹਿਲਾ ਟੀਮ ਨੇ ਫਾਈਨਲ ਵਿੱਚ ਆਸਟਰੇਲੀਆ ਦੀ ਮਹਿਲਾ ਟੀਮ ਨੂੰ 92 ਦੌੜਾਂ ਨਾਲ ਹਰਾ ਕੇ ਕ੍ਰਿਕਟ ਇਤਿਹਾਸ ਦੀ ਪਹਿਲੀ ਟਰਾਫੀ ਜਿੱਤੀ। ਉਸ ਵੇਲੇ ਰਚੇਲ ਹੇਹੋ-ਫਲਿੰਟ ਇੰਗਲੈਂਡ ਦੀ ਕਪਤਾਨੀ ਕਰ ਰਹੀ ਸੀ।
ਫਾਈਨਲ ਮੈਚ 'ਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਇੰਗਲੈਂਡ ਨੇ 60 ਓਵਰਾਂ 'ਚ 3 ਵਿਕਟਾਂ 'ਤੇ 279 ਦੌੜਾਂ ਬਣਾਈਆਂ। ਟੀਮ ਦੀ ਤਰਫੋਂ ਐਨੀਡ ਬੇਕਵੇਲ ਨੇ 11 ਚੌਕਿਆਂ ਦੀ ਮਦਦ ਨਾਲ 118 ਦੌੜਾਂ ਦੀ ਪਾਰੀ ਖੇਡੀ। ਦੌੜਾਂ ਦਾ ਪਿੱਛਾ ਕਰਨ ਉਤਰੀ ਆਸਟਰੇਲੀਆ ਦੀ ਮਹਿਲਾ ਟੀਮ 60 ਓਵਰਾਂ ਵਿੱਚ 9 ਵਿਕਟਾਂ ’ਤੇ 187 ਦੌੜਾਂ ਹੀ ਬਣਾ ਸਕੀ।
ਮਹਿਲਾ ਵਿਸ਼ਵ ਕੱਪ ਤੋਂ 2 ਸਾਲ ਬਾਅਦ ਖੇਡਿਆ ਗਿਆ ਸੀ ਪੁਰਸ਼ ਵਿਸ਼ਵ ਕੱਪ
ਪੁਰਸ਼ ਵਿਸ਼ਵ ਕੱਪ ਪਹਿਲੀ ਵਾਰ 1975 ਵਿੱਚ ਮਹਿਲਾ ਵਿਸ਼ਵ ਕੱਪ ਤੋਂ ਦੋ ਸਾਲ ਬਾਅਦ ਖੇਡਿਆ ਗਿਆ ਸੀ। ਪਹਿਲਾ ਪੁਰਸ਼ ਵਿਸ਼ਵ ਕੱਪ ਵੈਸਟਇੰਡੀਜ਼ ਦੀ ਟੀਮ ਨੇ ਜਿੱਤਿਆ ਸੀ। ਵੈਸਟਇੰਡੀਜ਼ ਨੇ ਫਾਈਨਲ ਵਿੱਚ ਆਸਟਰੇਲੀਆ ਨੂੰ 17 ਦੌੜਾਂ ਨਾਲ ਹਰਾਇਆ।
ਇਹ ਵੀ ਪੜ੍ਹੋ: PAK ਦਾ ਕ੍ਰਿਕਟ ਕਿਤੇ ਚੰਗਾ...IND ਨਰਕ 'ਚ ਜਾਵੇ, Asia Cup ਨੂੰ ਲੈ ਕੇ ਬੋਲੇ...ਜਾਵੇਦ ਮਿਆਂਦਾਦ