Rohit Sharma & Sarfaraz Khan Viral Video: ਰਾਂਚੀ ਟੈਸਟ 'ਚ ਟੀਮ ਇੰਡੀਆ ਜਿੱਤ ਦੇ ਨੇੜੇ ਹੈ। ਭਾਰਤੀ ਟੀਮ ਨੂੰ ਚੌਥੇ ਦਿਨ ਜਿੱਤ ਲਈ 152 ਦੌੜਾਂ ਬਣਾਉਣੀਆਂ ਪੈਣਗੀਆਂ। ਟੀਮ ਇੰਡੀਆ ਨੂੰ ਜਿੱਤ ਲਈ 192 ਦੌੜਾਂ ਦਾ ਟੀਚਾ ਹੈ। ਤੀਜੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਭਾਰਤ ਦਾ ਸਕੋਰ 40 ਦੌੜਾਂ ਹੈ। ਭਾਰਤ ਦੇ ਦੋਵੇਂ ਸਲਾਮੀ ਬੱਲੇਬਾਜ਼ ਰੋਹਿਤ ਸ਼ਰਮਾ ਅਤੇ ਯਸ਼ਸਵੀ ਜੈਸਵਾਲ ਨਾਬਾਦ ਪਰਤੇ। ਹਾਲਾਂਕਿ ਤੀਜੇ ਦਿਨ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਅਤੇ ਸਰਫਰਾਜ਼ ਖਾਨ ਨਜ਼ਰ ਆ ਰਹੇ ਹਨ।
'ਓਏ ਹੀਰੋ ਨਹੀਂ ਬਣਨਾ...'
ਸੋਸ਼ਲ ਮੀਡੀਆ 'ਤੇ ਵਾਇਰਲ ਵੀਡੀਓ 'ਚ ਰੋਹਿਤ ਸ਼ਰਮਾ ਨੌਜਵਾਨ ਬੱਲੇਬਾਜ਼ ਸਰਫਰਾਜ਼ ਖਾਨ ਨੂੰ ਚੇਤਾਵਨੀ ਦੇ ਰਹੇ ਹਨ। ਵੀਡੀਓ 'ਚ ਰੋਹਿਤ ਸ਼ਰਮਾ ਸਰਫਰਾਜ਼ ਖਾਨ ਨੂੰ ਕਹਿ ਰਹੇ ਹਨ ਕਿ ਓਏ ਹੀਰੋ ਨਹੀਂ ਬਣਨੇ ਕਾ,.. ਇਸ ਤੋਂ ਬਾਅਦ ਕੁਮੈਂਟਰੀ ਕਰ ਰਹੇ ਦਿਨੇਸ਼ ਕਾਰਤਿਕ ਨੇ ਸਾਰਾ ਮਾਮਲਾ ਦੱਸਿਆ। ਦਿਨੇਸ਼ ਕਾਰਤਿਕ ਨੇ ਦੱਸਿਆ ਰੋਹਿਤ ਸ਼ਰਮਾ ਨੇ ਸਰਫਰਾਜ਼ ਖਾਨ ਨੂੰ ਅਜਿਹਾ ਕਿਉਂ ਕਿਹਾ? ਦਰਅਸਲ ਸਰਫਰਾਜ਼ ਖਾਨ ਬਿਨਾਂ ਹੈਲਮੇਟ ਦੇ ਸ਼ਾਰਟ 'ਤੇ ਫੀਲਡਿੰਗ ਕਰ ਰਹੇ ਸਨ ਪਰ ਰੋਹਿਤ ਸ਼ਰਮਾ ਚਾਹੁੰਦੇ ਸਨ ਕਿ ਸਰਫਰਾਜ਼ ਖਾਨ ਕੋਈ ਰਿਸਕ ਨਾ ਲੈਣ।
ਚੌਥੇ ਦਿਨ ਸੀਰੀਜ਼ ਜਿੱਤਣ ਦੇ ਇਰਾਦੇ ਨਾਲ ਉਤਰੇਗੀ ਟੀਮ ਇੰਡੀਆ...
ਤੁਹਾਨੂੰ ਦੱਸ ਦੇਈਏ ਕਿ ਰਾਂਚੀ ਟੈਸਟ 'ਚ ਭਾਰਤੀ ਟੀਮ ਦੀ ਪਹਿਲੀ ਪਾਰੀ 307 ਦੌੜਾਂ 'ਤੇ ਹੀ ਸਿਮਟ ਗਈ। ਇੰਗਲੈਂਡ ਨੇ ਪਹਿਲੀ ਪਾਰੀ ਵਿੱਚ 353 ਦੌੜਾਂ ਬਣਾਈਆਂ ਸਨ। ਇਸ ਤਰ੍ਹਾਂ ਬ੍ਰਿਟਿਸ਼ ਟੀਮ ਨੂੰ ਪਹਿਲੀ ਪਾਰੀ ਦੇ ਆਧਾਰ 'ਤੇ 46 ਦੌੜਾਂ ਦੀ ਬੜ੍ਹਤ ਮਿਲ ਗਈ। ਇਸ ਤੋਂ ਬਾਅਦ ਇੰਗਲੈਂਡ ਦੀ ਦੂਜੀ ਪਾਰੀ ਸਿਰਫ਼ 145 ਦੌੜਾਂ 'ਤੇ ਹੀ ਸਿਮਟ ਗਈ। ਇਸ ਤਰ੍ਹਾਂ ਭਾਰਤੀ ਟੀਮ ਨੂੰ 192 ਦੌੜਾਂ ਦਾ ਟੀਚਾ ਮਿਲਿਆ। ਤੀਜੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਭਾਰਤ ਦਾ ਸਕੋਰ 40 ਦੌੜਾਂ ਹੈ। ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ 24 ਦੌੜਾਂ ਬਣਾ ਕੇ ਨਾਬਾਦ ਪਰਤੇ। ਯਸ਼ਸਵੀ ਜੈਸਵਾਲ 16 ਦੌੜਾਂ ਬਣਾ ਕੇ ਨਾਬਾਦ ਹੈ। ਹੁਣ ਭਾਰਤੀ ਟੀਮ ਨੂੰ ਚੌਥੇ ਦਿਨ 152 ਦੌੜਾਂ ਬਣਾਉਣੀਆਂ ਹੋਣਗੀਆਂ।