KL Rahul: ਖਿਡਾਰੀਆਂ ਨੂੰ ਸਫ਼ਲਤਾ ਹਾਸਲ ਕਰਨ ਲਈ ਸਿਰਫ਼ ਹੁਨਰ ਦੀ ਹੀ ਨਹੀਂ, ਸਗੋਂ ਕਿਸਮਤ ਦੀ ਵੀ ਲੋੜ ਹੁੰਦੀ ਹੈ। ਕਈ ਕ੍ਰਿਕਟਰਾਂ ਦੀ ਜ਼ਿੰਦਗੀ ਕੁਝ ਨਵੇਂ ਮੋੜ੍ਹ ਆਉਣ ਜਾਂ ਵਿਆਹ ਕਰਨ ਤੋਂ ਬਾਅਦ ਉਨ੍ਹਾਂ ਦੀ ਕਿਸਮਤ ਪੂਰੀ ਤਰ੍ਹਾਂ ਬਦਲ ਗਈ ਹੈ। ਵਿਆਹ ਤੋਂ ਬਾਅਦ ਐਮਐਸ ਧੋਨੀ ਅਤੇ ਵਿਰਾਟ ਕੋਹਲੀ ਸਮੇਤ ਕਈ ਹੋਰ ਖਿਡਾਰੀਆਂ ਨੇ ਸਫਲਤਾ ਦੀਆਂ ਨਵੀਆਂ ਉਚਾਈਆਂ ਹਾਸਲ ਕੀਤੀਆਂ ਹਨ। ਇਸ ਦੌਰਾਨ ਭਾਰਤੀ ਕ੍ਰਿਕਟਰ ਕੇਐਲ ਰਾਹੁਲ ਨੇ 23 ਜਨਵਰੀ, 2023 ਨੂੰ ਬਾਲੀਵੁੱਡ ਅਭਿਨੇਤਾ ਸੁਨੀਲ ਸ਼ੈਟੀ ਦੀ ਬੇਟੀ ਆਥੀਆ ਸ਼ੈਟੀ ਨਾਲ ਵਿਆਹ ਕਰਵਾਇਆ। ਇਹ ਕਹਿਣਾ ਥੋੜ੍ਹਾ ਅਜੀਬ ਲੱਗ ਸਕਦਾ ਹੈ ਪਰ ਵਿਆਹ ਤੋਂ ਬਾਅਦ ਰਾਹੁਲ ਆਪਣੇ ਕਰੀਅਰ 'ਚ ਕੁਝ ਖਾਸ ਪ੍ਰਦਰਸ਼ਨ ਨਹੀਂ ਕਰ ਸਕੇ ਹਨ।
ਵਿਆਹ ਤੋਂ ਬਾਅਦ ਕਿਵੇਂ ਬਦਲੀ ਕੇਐਲ ਰਾਹੁਲ ਦੀ ਜ਼ਿੰਦਗੀ?
ਵਿਆਹ ਤੋਂ ਬਾਅਦ ਕੇਐੱਲ ਰਾਹੁਲ ਨੇ ਵਨਡੇ ਕ੍ਰਿਕਟ 'ਚ 24 ਮੈਚ ਖੇਡੇ ਹਨ, ਜਿਸ 'ਚ ਉਨ੍ਹਾਂ ਨੇ 950 ਦੌੜਾਂ ਬਣਾਈਆਂ ਹਨ। ਆਥੀਆ ਸ਼ੈੱਟੀ ਦੇ ਨਾਲ ਆਉਣ ਤੋਂ ਬਾਅਦ, ਉਨ੍ਹਾਂ ਸਿਰਫ 5 ਟੈਸਟ ਮੈਚ ਖੇਡੇ ਹਨ, ਜਿਸ ਵਿੱਚ ਉਨ੍ਹਾਂ ਆਪਣੇ ਬੱਲੇ ਨਾਲ ਸਿਰਫ 259 ਦੌੜਾਂ ਬਣਾਈਆਂ ਹਨ। ਇਹ ਬਹੁਤ ਹੈਰਾਨੀ ਵਾਲੀ ਗੱਲ ਹੈ ਕਿ 23 ਜਨਵਰੀ 2023 ਤੋਂ ਬਾਅਦ ਰਾਹੁਲ ਨੇ ਭਾਰਤੀ ਟੀਮ ਲਈ ਇੱਕ ਵੀ ਟੀ-20 ਮੈਚ ਨਹੀਂ ਖੇਡਿਆ ਹੈ।
ਵਿਆਹ ਤੋਂ ਬਾਅਦ ਜ਼ਖਮੀ ਹੋਏ ਕੇਐਲ
ਆਥੀਆ ਸ਼ੈੱਟੀ ਨਾਲ ਵਿਆਹ ਤੋਂ ਕੁਝ ਮਹੀਨੇ ਬਾਅਦ, ਕੇਐਲ ਰਾਹੁਲ ਨੇ ਆਈਪੀਐਲ 2023 ਵਿੱਚ ਲਖਨਊ ਸੁਪਰ ਜਾਇੰਟਸ ਦੀ ਕਪਤਾਨੀ ਕੀਤੀ। ਉਨ੍ਹਾਂ ਪਿਛਲੇ ਸੀਜ਼ਨ ਵਿੱਚ 9 ਮੈਚ ਖੇਡੇ ਸਨ, ਜਿਸ ਵਿੱਚ ਉਸ ਨੇ 274 ਦੌੜਾਂ ਬਣਾਈਆਂ ਸਨ। ਪਿਛਲੇ ਸੀਜ਼ਨ 'ਚ ਕੇਐੱਲ ਰਾਹੁਲ ਨੂੰ ਆਰਸੀਬੀ ਦੇ ਖਿਲਾਫ ਮੈਚ 'ਚ ਦੌੜਦੇ ਸਮੇਂ ਸੱਜੀ ਪੱਟ 'ਚ ਸੱਟ ਲੱਗ ਗਈ ਸੀ। ਇਸ ਸੱਟ ਕਾਰਨ ਰਾਹੁਲ ਨੂੰ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਫਾਈਨਲ ਮੈਚ ਤੋਂ ਵੀ ਖੁੰਝਣਾ ਪਿਆ, ਜਿਸ ਵਿੱਚ ਆਸਟਰੇਲੀਆ ਨੇ ਭਾਰਤ ਨੂੰ 209 ਦੌੜਾਂ ਨਾਲ ਹਰਾਇਆ ਸੀ। ਰਾਹੁਲ ਨੇ ਏਸ਼ੀਆ ਕੱਪ 2023 'ਚ ਵਾਪਸੀ ਕੀਤੀ, ਜਿੱਥੇ ਉਹ 4 ਮੈਚਾਂ 'ਚ ਸਿਰਫ 169 ਦੌੜਾਂ ਹੀ ਬਣਾ ਸਕੇ ਸੀ।
ਦੁਬਾਰਾ ਜ਼ਖਮੀ ਹੋਏ ਕੇਐਲ
ਕੁਝ ਮਹੀਨਿਆਂ ਤੋਂ ਉਸ ਲਈ ਸਭ ਕੁਝ ਠੀਕ ਚੱਲ ਰਿਹਾ ਸੀ, ਪਰ 2024 ਵਿਚ ਭਾਰਤ ਬਨਾਮ ਇੰਗਲੈਂਡ ਟੈਸਟ ਸੀਰੀਜ਼ ਵਿਚ ਉਹ ਫਿਰ ਜ਼ਖਮੀ ਹੋ ਗਿਆ। ਉਸ ਨੇ ਇੰਗਲੈਂਡ ਦੇ ਖਿਲਾਫ ਪਹਿਲੇ ਟੈਸਟ ਮੈਚ 'ਚ 86 ਅਤੇ 22 ਦੌੜਾਂ ਦੀ ਪਾਰੀ ਖੇਡੀ ਸੀ ਪਰ ਫਿਰ ਆਈਪੀਐੱਲ 2023 'ਚ ਜੋ ਸੱਟ ਲੱਗੀ ਸੀ, ਉਸ ਨੇ ਉਸ ਨੂੰ ਫਿਰ ਤੋਂ ਪਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ। ਇਸ ਸੱਟ ਕਾਰਨ ਉਸ ਨੂੰ ਇੰਗਲੈਂਡ ਖਿਲਾਫ ਟੈਸਟ ਸੀਰੀਜ਼ ਤੋਂ ਬਾਹਰ ਹੋਣਾ ਪਿਆ। ਇਸ ਸੱਟ ਕਾਰਨ ਇਕ ਸਮੇਂ ਉਸ ਦੇ IPL 2024 ਤੋਂ ਬਾਹਰ ਹੋਣ ਦਾ ਖਤਰਾ ਸੀ, ਇਹ ਚੰਗੀ ਗੱਲ ਹੈ ਕਿ ਉਸ ਨੇ ਵਾਪਸੀ ਕੀਤੀ ਹੈ। ਵਾਪਸੀ ਦੇ ਬਾਵਜੂਦ ਉਸ ਨੂੰ ਦੂਜੇ ਮੈਚ 'ਚ ਬ੍ਰੇਕ ਦਿੱਤਾ ਗਿਆ, ਜਿਸ ਕਾਰਨ ਉਸ ਦੀ ਫਿਟਨੈੱਸ 'ਤੇ ਫਿਰ ਤੋਂ ਸਵਾਲ ਉੱਠ ਰਹੇ ਹਨ।