Fans Reaction On Team India New Test Jersey: ਭਾਰਤੀ ਟੀਮ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (WTC) 2023-25 ਸਾਈਕਲ ਦੀ ਸ਼ੁਰੂਆਤ ਵੈਸਟਇੰਡੀਜ਼ ਦੇ ਖਿਲਾਫ 2 ਮੈਚਾਂ ਦੀ ਟੈਸਟ ਸੀਰੀਜ਼ ਨਾਲ ਕਰੇਗੀ। 12 ਜੁਲਾਈ ਤੋਂ ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ ਪਹਿਲਾ ਮੈਚ ਡੋਮਿਨਿਕਾ ਦੇ ਵਿੰਡਸਰ ਪਾਰਕ 'ਚ ਖੇਡਿਆ ਜਾਵੇਗਾ। ਇਸ ਟੈਸਟ ਸੀਰੀਜ਼ 'ਚ ਭਾਰਤੀ ਟੀਮ ਨਵੀਂ ਜਰਸੀ ਪਾ ਕੇ ਮੈਦਾਨ 'ਚ ਉਤਰੇਗੀ। ਇਸ ਦੀਆਂ ਕੁਝ ਤਸਵੀਰਾਂ ਟੀਮ ਇੰਡੀਆ ਦੇ ਖਿਡਾਰੀਆਂ ਨੇ ਜਰਸੀ ਪਾ ਕੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀਆਂ ਹਨ।
ਕਪਤਾਨ ਰੋਹਿਤ ਸ਼ਰਮਾ ਨੇ ਨਵੀਂ ਟੈਸਟ ਜਰਸੀ ਦੇ ਨਾਲ ਆਪਣੀ ਫੋਟੋ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਹੈ। ਇਸ ਤੋਂ ਇਲਾਵਾ ਹੋਰ ਖਿਡਾਰੀਆਂ ਨੇ ਵੀ ਆਪਣੀ ਜਰਸੀ ਦੀ ਫੋਟੋ ਸ਼ੇਅਰ ਕੀਤੀ ਹੈ। ਹੁਣ ਇਸ 'ਤੇ ਪ੍ਰਸ਼ੰਸਕਾਂ ਦੀ ਪ੍ਰਤੀਕਿਰਿਆ ਵੀ ਦੇਖਣ ਨੂੰ ਮਿਲ ਰਹੀ ਹੈ, ਜਿਸ 'ਚ ਕਈ ਪ੍ਰਸ਼ੰਸਕਾਂ ਨੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) 'ਤੇ ਵੀ ਆਪਣਾ ਗੁੱਸਾ ਜ਼ਾਹਰ ਕੀਤਾ ਹੈ।
ਇਹ ਵੀ ਪੜ੍ਹੋ: MS Dhoni: ਐੱਮ.ਐੱਸ ਧੋਨੀ ਨੇ ਦੀਪਕ ਚਾਹਰ ਨੂੰ ਕਿਉਂ ਕਿਹਾ ਡਰਗਸ ? ਜਾਣੋ ਇਸਦੇ ਪਿੱਛੇ ਕੀ ਹੈ ਦਿਲਚਸਪ ਵਜ੍ਹਾ
ਟੀਮ ਇੰਡੀਆ ਦੀ ਨਵੀਂ ਕਿੱਟ ਸਪਾਂਸਰ ਅਤੇ ਨਵੀਂ ਜਰਸੀ ਸਪਾਂਸਰ ਦੇ ਲੋਗੋ ਕਰਕੇ ਨਵੀਂ ਜਰਸੀ ਕਾਫੀ ਕਲਰਫੁੱਲ ਨਜ਼ਰ ਆ ਰਹੀ ਹੈ। ਇਹ ਵਰਦੀ ਕਾਫ਼ੀ ਪ੍ਰਸ਼ੰਸਕਾਂ ਨੂੰ ਪਸੰਦ ਨਹੀਂ ਆਈ ਹੈ। ਇਸ ਤੋਂ ਪਹਿਲਾਂ ਜਦੋਂ ਟੀਮ ਇੰਡੀਆ ਡਬਲਯੂਟੀਸੀ ਫਾਈਨਲ ਖੇਡਣ ਆਈ ਸੀ ਤਾਂ ਉਨ੍ਹਾਂ ਦੀ ਜਰਸੀ ਦੇ ਵਿਚਕਾਰ INDIA ਲਿਖਿਆ ਹੋਇਆ ਸੀ, ਜਿਸ ਨੂੰ ਪ੍ਰਸ਼ੰਸਕਾਂ ਨੇ ਕਾਫੀ ਪਸੰਦ ਕੀਤਾ ਸੀ।
ਯਸ਼ਸਵੀ ਜੈਸਵਾਲ ਦਾ ਟੈਸਟ ਸੀਰੀਜ਼ 'ਚ ਡੈਬਿਊ ਲਗਭਗ ਤੈਅ
ਖੱਬੇ ਹੱਥ ਦੇ ਖਿਡਾਰੀ ਯਸ਼ਸਵੀ ਜੈਸਵਾਲ ਦਾ ਵੈਸਟਇੰਡੀਜ਼ ਖਿਲਾਫ ਪਹਿਲੇ ਟੈਸਟ 'ਚ ਡੈਬਿਊ ਕਰਨਾ ਲਗਭਗ ਤੈਅ ਮੰਨਿਆ ਜਾ ਰਿਹਾ ਹੈ। ਚੇਤੇਸ਼ਵਰ ਪੁਜਾਰਾ ਨੂੰ ਇਸ ਟੈਸਟ ਸੀਰੀਜ਼ ਲਈ ਟੀਮ ਇੰਡੀਆ 'ਚ ਜਗ੍ਹਾ ਨਹੀਂ ਮਿਲੀ ਹੈ। ਇਸ ਦੇ ਨਾਲ ਹੀ ਯਸ਼ਸਵੀ ਨੂੰ ਨੰਬਰ-3 'ਤੇ ਮੌਕਾ ਮਿਲਣ ਦੀ ਉਮੀਦ ਹੈ। ਯਸ਼ਸਵੀ ਨੇ ਵੀ ਵੈਸਟਇੰਡੀਜ਼ ਦੌਰੇ 'ਤੇ 2 ਦਿਨਾਂ ਪ੍ਰੈਕਟਿਸ ਮੈਚ ਦੌਰਾਨ ਅਰਧ ਸੈਂਕੜੇ ਦੀ ਪਾਰੀ ਖੇਡ ਕੇ ਸਾਰਿਆਂ ਨੂੰ ਪ੍ਰਭਾਵਿਤ ਕੀਤਾ ਹੈ।
ਇਹ ਵੀ ਪੜ੍ਹੋ: Deodhar Trophy 2023: ਨਿਤੀਸ਼ ਰਾਣਾ ਨੂੰ ਦੇਵਧਰ ਟਰਾਫੀ ਲਈ ਮਿਲੀ ਨੋਰਥ ਜੋਨ ਦੀ ਕਪਤਾਨੀ, ਪੜ੍ਹੋ ਕਦੋਂ ਸ਼ੁਰੂ ਹੋਵੇਗਾ ਟੂਰਨਾਮੈਂਟ