Cristiano Ronaldo: ਅਨੁਭਵੀ ਫੁਟਬਾਲਰ ਕ੍ਰਿਸਟੀਆਨੋ ਰੋਨਾਲਡੋ ਨੇ ਸਾਊਦੀ ਪ੍ਰੋ ਲੀਗ (ਐਸਪੀਐਲ) ਦੇ ਇੱਕ ਸੀਜ਼ਨ ਵਿੱਚ ਸਭ ਤੋਂ ਵੱਧ ਗੋਲ ਕਰਨ ਦਾ ਰਿਕਾਰਡ ਬਣਾਇਆ ਹੈ। ਉਸਨੇ ਪਿਛਲੇ ਸੋਮਵਾਰ ਨੂੰ ਅਲ ਨਾਸਰ ਬਨਾਮ ਅਲ ਇਤਿਹਾਦ ਮੈਚ ਵਿੱਚ ਅਲ ਨਾਸਰ ਲਈ ਖੇਡਦੇ ਹੋਏ 2 ਗੋਲ ਕੀਤੇ, ਜਿਸ ਨਾਲ ਸਾਊਦੀ ਪ੍ਰੋ ਲੀਗ ਦੇ ਮੌਜੂਦਾ ਸੀਜ਼ਨ ਵਿੱਚ ਉਸਦੇ ਗੋਲਾਂ ਦੀ ਗਿਣਤੀ 35 ਹੋ ਗਈ। ਇਸ ਮੈਚ ਵਿੱਚ ਅਲ ਨਾਸਰ ਨੇ ਅਲ ਇਤਿਹਾਦ ਨੂੰ 4-2 ਨਾਲ ਹਰਾਇਆ। ਰੋਨਾਲਡੋ ਨੇ ਸਾਊਦੀ ਪ੍ਰੋ ਲੀਗ 'ਚ ਅਬਦੁਰਜ਼ਾਕ ਹਮਦੱਲਾ ਦਾ ਰਿਕਾਰਡ ਤੋੜ ਦਿੱਤਾ, ਜਿਸ ਨੇ 2018-2019 ਸੀਜ਼ਨ 'ਚ 34 ਗੋਲ ਕਰਨ ਦਾ ਰਿਕਾਰਡ ਬਣਾਇਆ ਸੀ।
39 ਸਾਲਾ ਰੋਨਾਲਡੋ ਨੇ ਐਸਪੀਐਲ ਦੇ ਮੌਜੂਦਾ ਸੀਜ਼ਨ ਵਿੱਚ 31 ਮੈਚ ਖੇਡਦੇ ਹੋਏ ਇੱਕ ਸੀਜ਼ਨ ਵਿੱਚ ਸਭ ਤੋਂ ਵੱਧ ਗੋਲ (35) ਕਰਨ ਦਾ ਕਾਰਨਾਮਾ ਹਾਸਲ ਕੀਤਾ ਹੈ। ਇਸ ਤੋਂ ਇਲਾਵਾ ਪੁਰਤਗਾਲੀ ਫੁੱਟਬਾਲ ਸਟਾਰ ਚਾਰ ਦੇਸ਼ਾਂ 'ਚ ਚਾਰ ਲੀਗਾਂ 'ਚ ਖੇਡਦੇ ਹੋਏ ਇਕ ਸੀਜ਼ਨ 'ਚ ਸਭ ਤੋਂ ਜ਼ਿਆਦਾ ਗੋਲ ਕਰਨ ਵਾਲਾ ਦੁਨੀਆ ਦਾ ਪਹਿਲਾ ਖਿਡਾਰੀ ਬਣ ਗਿਆ ਹੈ। ਇਸ ਰਿਕਾਰਡ ਨੂੰ ਹਾਸਲ ਕਰਨ ਤੋਂ ਬਾਅਦ ਕ੍ਰਿਸਟੀਆਨੋ ਰੋਨਾਲਡੋ ਨੇ ਇਸ ਨੂੰ ਇੰਸਟਾਗ੍ਰਾਮ 'ਤੇ ਪੋਸਟ ਕੀਤਾ ਅਤੇ ਕੈਪਸ਼ਨ 'ਚ ਲਿਖਿਆ, "ਮੈਂ ਰਿਕਾਰਡਾਂ ਦਾ ਪਿੱਛਾ ਨਹੀਂ ਕਰਦਾ, ਪਰ ਰਿਕਾਰਡ ਮੇਰਾ ਪਿੱਛਾ ਕਰਦੇ ਹਨ।" ਅਲ-ਨਾਸਰ ਬਨਾਮ ਅਲ-ਇਤਿਹਾਦ ਮੈਚ ਇਸ ਲਈ ਵੀ ਚਰਚਾ ਦਾ ਵਿਸ਼ਾ ਬਣਿਆ ਕਿਉਂਕਿ ਪ੍ਰਸ਼ੰਸਕ ਮੈਦਾਨ ਵਿੱਚ ਮੇਸੀ ਦੇ ਨਾਮ ਦਾ ਜਾਪ ਕਰ ਰਹੇ ਸਨ।
ਖਿਤਾਬ ਤੋਂ ਖੁੰਝ ਗਈ ਰੋਨਾਲਡੋ ਦੀ ਟੀਮ
ਕ੍ਰਿਸਟੀਆਨੋ ਰੋਨਾਲਡੋ ਦੀ ਟੀਮ ਅਲ-ਨਾਸਰ 2023-2024 SPL ਸੀਜ਼ਨ ਵਿੱਚ ਦੂਜੇ ਸਥਾਨ 'ਤੇ ਰਹੀ। ਅਲ-ਹਿਲਾਲ ਨੇ ਸੀਜ਼ਨ ਵਿੱਚ 96 ਅੰਕ ਹਾਸਲ ਕਰਕੇ ਅਲ-ਨਾਸਰ ਨੂੰ ਹਰਾ ਕੇ ਖ਼ਿਤਾਬ ਜਿੱਤਿਆ। ਪਰ ਦੂਜੇ ਸਥਾਨ 'ਤੇ ਰਹਿਣ ਦੇ ਬਾਵਜੂਦ, ਅਲ-ਨਾਸਰ ਨੇ ਏਐਫਸੀ ਚੈਂਪੀਅਨਜ਼ ਲੀਗ ਇਲੀਟ ਲਈ ਕੁਆਲੀਫਾਈ ਕਰ ਲਿਆ ਹੈ। ਯਾਦ ਰਹੇ ਕਿ ਰੋਨਾਲਡੋ 2023 ਵਿੱਚ ਅਲ-ਨਾਸਰ ਟੀਮ ਵਿੱਚ ਸ਼ਾਮਲ ਹੋਏ ਸਨ ਅਤੇ ਪਿਛਲੇ ਸੀਜ਼ਨ ਵਿੱਚ ਵੀ ਉਨ੍ਹਾਂ ਦੀ ਟੀਮ ਦੂਜੇ ਸਥਾਨ 'ਤੇ ਰਹੀ ਸੀ। ਪਿਛਲੇ ਸਾਲ ਅਲ-ਇਤਿਹਾਦ ਨੇ ਟਰਾਫੀ 'ਤੇ ਕਬਜ਼ਾ ਕੀਤਾ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।