ਯੂਰੋ ਕਪ ਦਾ ਸੈਮੀਫਾਈਨਲ ਲਾਈਨ-ਅਪ ਤਿਆਰ
ਯੂਰੋ ਕਪ ਦਾ ਸੈਮੀਫਾਈਨਲ ਲਾਈਨ-ਅਪ ਤਿਆਰ ਹੋ ਗਿਆ ਹੈ। ਐਤਵਾਰ ਦੇ ਦਿਨ ਖੇਡੇ ਗਏ ਚੌਥੇ ਤੇ ਆਖਰੀ ਕੁਆਟਰਫਾਈਨਲ 'ਚ ਫਰਾਂਸ ਨੇ ਆਈਸਲੈਂਡ ਨੂੰ ਮਾਤ ਦਿੱਤੀ।
ਫਰਾਂਸ ਨੇ ਇਹ ਮੁਕਾਬਲਾ 5-2 ਦੇ ਫਰਕ ਨਾਲ ਜਿੱਤਿਆ।
ਫਰਾਂਸ ਨੂੰ ਆਮ ਤੌਰ 'ਤੇ ਧੀਮੀ ਸ਼ੁਰੂਆਤ ਲਈ ਜਾਣਿਆ ਜਾਂਦਾ ਹੈ, ਪਰ ਐਤਵਾਰ ਨੂੰ ਫਰਾਂਸ ਦੀ ਟੀਮ ਨੇ ਸ਼ੁਰੂਆਤ ਤੋਂ ਹੀ ਧਮਾਕਾ ਕੀਤਾ ਅਤੇ ਲਗਾਤਾਰ ਅਟੈਕਿੰਗ ਖੇਡ ਜਾਰੀ ਰਖਿਆ।
ਆਈਸਲੈਂਡ ਦਾ ਯੂਰੋ ਕਪ ਦਾ ਦਮਦਾਰ ਸਫਰ ਉਸ ਵੇਲੇ ਖਤਮ ਹੋਇਆ ਜਦ ਬਾਰਿਸ਼ ਨਾਲ ਗਿੱਲੇ ਸਟੈਡ ਡੀ ਫਰਾਂਸ ਸਟੇਡੀਅਮ 'ਚ ਫਰਾਂਸ ਨੇ ਉਨ੍ਹਾਂ ਦਾ ਵਿਜੈ ਅਭਿਆਨ ਰੋਕ ਦਿੱਤਾ।
ਫਰਾਂਸ ਨੇ ਮੈਚ ਦੇ ਪਹਿਲੇ ਹਾਫ 'ਚ ਹੀ 4 ਗੋਲ ਕਰ ਦਿੱਤੇ ਸਨ।
ਫਰਾਂਸ ਲਈ ਔਲਿਵਰ ਗਿਰੌਡ ਨੇ 2 ਗੋਲ ਕੀਤੇ ਜਦਕਿ ਪੌਲ ਪੌਗਬਾ, ਡਿਮੀਟਰੀ ਪਾਏਟ ਅਤੇ ਐਂਟਨੀ ਗਰੀਜ਼ਮੈਨ ਨੇ 1-1 ਗੋਲ ਕੀਤਾ।
ਆਈਸਲੈਂਡ ਲਈ ਸਿਗਥੌਰਸਨ ਅਤੇ ਬਾਰਨੇਸਨ ਨੇ 1-1 ਗੋਲ ਕੀਤਾ। ਆਈਸਲੈਂਡ ਵੱਲੋਂ ਦੋਨੇ ਗੋਲ ਦੂਜੇ ਹਾਫ 'ਚ ਹੋਏ।
ਹੁਣ ਸੈਮੀਫਾਈਨਲ 'ਚ ਫਰਾਂਸ ਦੀ ਟੱਕਰ ਜਰਮਨੀ ਨਾਲ ਹੋਵੇਗੀ। ਇਹ ਮੈਚ 7 ਜੁਲਾਈ ਨੂੰ ਖੇਡਿਆ ਜਾਵੇਗਾ। ਪਹਿਲੇ ਸੈਮੀਫਾਈਨਲ 'ਚ ਪੁਰਤਗਾਲ ਅਤੇ ਵੇਲਸ ਦੀ ਟੱਕਰ ਹੋਵੇਗੀ।