ਪੰਜਾਬ ਦੀ ਜਿੱਤ 'ਚ ਗੋਨੀ ਦਾ ਆਲ-ਰਾਊਂਡ ਖੇਡ
ਜਵਾਬ 'ਚ ਸਰਵਿਸਿਸ ਦੀ ਟੀਮ ਨਿਰਧਾਰਿਤ 20 ਓਵਰਾਂ 'ਚ 8 ਵਿਕਟ ਗਵਾ ਕੇ 123 ਰਨ ਹੀ ਬਣਾ ਸਕੀ। ਗੇਂਦਬਾਜ਼ੀ 'ਚ ਵੀ ਪੰਜਾਬ ਲਈ ਗੋਨੀ ਦਾ ਪ੍ਰਦਰਸ਼ਨ ਦਮਦਾਰ ਰਿਹਾ।
ਪੰਜਾਬ ਅਤੇ ਸਰਵਿਸਿਸ ਵਿਚਾਲੇ ਬੁਧਵਾਰ ਨੂੰ ਖੇਡੇ ਗਏ ਮੈਚ 'ਚ ਮਨਪ੍ਰੀਤ ਸਿੰਘ ਗੋਨੀ ਨੇ ਦਮਦਾਰ ਖੇਡ ਵਿਖਾਇਆ।
ਮਨਪ੍ਰੀਤ ਸਿੰਘ ਗੋਨੀ ਨੇ ਬੱਲੇ ਅਤੇ ਗੇਂਦ ਨਾਲ ਤਾਂ ਪ੍ਰਭਾਵਿਤ ਕੀਤਾ ਹੀ, ਨਾਲ ਹੀ ਫੀਲਡਿੰਗ 'ਚ ਵੀ ਹਿਟ ਸਾਬਿਤ ਹੋਏ।
ਪੰਜਾਬ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 15 ਓਵਰਾਂ ਤੋਂ ਬਾਅਦ 70 ਰਨ 'ਤੇ 6 ਵਿਕਟ ਗਵਾ ਦਿੱਤੇ ਸਨ। ਪਰ ਫਿਰ ਮਨਪ੍ਰੀਤ ਸਿੰਘ ਗੋਨੀ ਨੇ 10 ਗੇਂਦਾਂ 'ਤੇ 27 ਰਨ ਦੀ ਪਾਰੀ ਖੇਡੀ ਅਤੇ ਪੰਜਾਬ ਦੀ ਪਾਰੀ ਨੂੰ ਸੰਭਾਲਿਆ।
ਗੋਨੀ ਨੇ ਆਪਣੀ ਪਾਰੀ ਦੌਰਾਨ 1 ਚੌਕਾ ਅਤੇ 3 ਛੱਕੇ ਜੜੇ। ਗੋਨੀ ਦੀ ਪਾਰੀ ਦੇ ਆਸਰੇ ਪੰਜਾਬ ਦੀ ਟੀਮ ਨੇ ਨਿਰਧਾਰਿਤ 20 ਓਬਰਾਂ 'ਚ 9 ਵਿਕਟ ਗਵਾ ਕੇ 129 ਰਨ ਦਾ ਸਕੋਰ ਖੜਾ ਕੀਤਾ।
ਮਨਪ੍ਰੀਤ ਗੋਨੀ ਨੇ 4 ਓਵਰਾਂ 'ਚ 13 ਰਨ ਦੇਕੇ 2 ਵਿਕਟ ਝਟਕੇ। ਨਾਲ ਹੀ ਗੋਨੀ ਨੇ ਇੱਕ ਬੱਲੇਬਾਜ ਨੂੰ ਰਨ ਆਊਟ ਵੀ ਕੀਤਾ। ਇਸਤੋਂ ਪਹਿਲਾਂ ਦਿੱਲੀ ਖਿਲਾਫ ਖੇਡੇ ਮੈਚ 'ਚ ਵੀ ਗੋਨੀ ਨੇ ਦਮਦਾਰ ਖੇਡ ਵਿਖਾਇਆ ਸੀ।