Hardik Pandya: ਬਾਲੀਵੁੱਡ ਮਾਡਲ ਅਤੇ ਡਾਂਸਰ ਨਤਾਸ਼ਾ ਸਟੈਨਕੋਵਿਚ ਅਤੇ ਭਾਰਤੀ ਕ੍ਰਿਕਟਰ ਹਾਰਦਿਕ ਪਾਂਡਿਆ ਆਪਣੀ ਪ੍ਰੋਫੈਸ਼ਨਲ ਜ਼ਿੰਦਗੀ ਦੀ ਬਜਾਏ ਨਿੱਜੀ ਜ਼ਿੰਦਗੀ ਨੂੰ ਲੈ ਚਰਚਾ ਬਟੋਰ ਰਹੇ ਹਨ। ਭਾਵੇਂ ਦੋਵੇਂ 4 ਸਾਲ ਇਕੱਠੇ ਰਹਿਣ ਤੋਂ ਬਾਅਦ ਵੱਖ ਹੋ ਗਏ ਹਨ, ਪਰ ਕਿਸੇ ਨਾ ਕਿਸੇ ਕਾਰਨ ਉਨ੍ਹਾਂ ਦਾ ਨਾਮ ਹਮੇਸ਼ਾ ਇੱਕਠੇ ਹੀ ਆਉਂਦਾ ਹੈ। ਹਾਲ ਹੀ 'ਚ ਨਤਾਸ਼ਾ ਨੇ ਆਪਣੇ ਖਾਸ ਦੋਸਤ ਅਤੇ ਦਿਸ਼ਾ ਪਟਾਨੀ ਦੇ ਰੂਮਰਡ ਬੁਆਏਫਰੈਂਡ ਅਲੈਗਜ਼ੈਂਡਰ ਅਲੈਕਸ ਇਲਿਕ ਨਾਲ ਦੀਵਾਲੀ ਮਨਾਈ। ਜਿਸ ਤੋਂ ਬਾਅਦ ਉਨ੍ਹਾਂ ਦੋਵਾਂ ਦੇ ਅਫੇਅਰ ਦੀਆਂ ਖਬਰਾਂ ਨੇ ਹਰ ਪਾਸੇ ਹਲਚਲ ਮਚਾ ਦਿੱਤੀ।
ਹੁਣ ਹਾਰਦਿਕ ਪਾਂਡਿਆ ਦੀ ਉਂਗਲੀ 'ਤੇ ਸਪੈਸ਼ਲ ਰਿੰਗ ਦੇਖ ਕੇ ਪ੍ਰਸ਼ੰਸਕ ਅੰਦਾਜ਼ਾ ਲਗਾ ਰਹੇ ਹਨ ਕਿ ਸ਼ਾਇਦ ਇਸ ਕ੍ਰਿਕਟਰ ਦੇ ਦਿਲ 'ਚ ਕੋਈ ਹੋਰ ਵਸ ਗਿਆ ਹੈ। ਆਓ ਜਾਣਦੇ ਹਾਂ ਹਾਰਦਿਕ ਦੀ ਰਿੰਗ ਦਾ ਰਾਜ਼...
Read MOre: Rohit-Gambhir Fight: ਟੀਮ ਇੰਡੀਆ 'ਚ ਆਇਆ ਭੂਚਾਲ, ਆਪਸ 'ਚ ਭਿੜ ਗਏ ਕੋਚ ਤੇ ਕਪਤਾਨ, ਜਾਣੋ ਮਾਮਲਾ
ਜਾਣੋ ਹਾਰਦਿਕ ਦੀ ਰਿੰਗ ਦਾ ਰਾਜ਼
ਕ੍ਰਿਕਟਰ ਹਾਰਦਿਕ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਸਪੈਸ਼ਲ ਰਿੰਗ ਪਹਿਨੇ ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ। ਜਿਸ ਤੋਂ ਬਾਅਦ ਅੰਗੂਠੀ ਪਹਿਨੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਲੱਗੀ। ਪ੍ਰਸ਼ੰਸਕ ਇਹ ਜਾਣਨ ਲਈ ਵੀ ਉਤਾਵਲੇ ਹਨ ਕਿ ਹਾਰਦਿਕ ਦੀ ਰਿੰਗ ਦਾ ਉਸ ਨਾਲ ਕੀ ਸਬੰਧ ਹੈ?
ਦੱਸ ਦੇਈਏ ਕਿ ਕ੍ਰਿਕਟਰ ਦੁਆਰਾ ਆਪਣੀ ਉਂਗਲੀ 'ਤੇ ਪਹਿਨੀ ਗਈ ਮੁੰਦਰੀ 'ਤੇ ਟੀ-20 ਵਿਸ਼ਵ ਕੱਪ ਟਰਾਫੀ ਬਣੀ ਹੋਈ ਹੈ, ਜਿਸ 'ਤੇ 'ਵਰਲਡ ਚੈਂਪੀਅਨ' ਲਿਖਿਆ ਹੋਇਆ ਹੈ।
ਰਿੰਗ ਨੂੰ ਲੈ ਪ੍ਰਸ਼ੰਸਕ ਦੇ ਰਹੇ ਹਨ ਪ੍ਰਤੀਕਿਰਿਆ
ਕਾਬਿਲੇਗੌਰ ਹੈ ਕਿ ਹਾਰਦਿਕ ਪਾਂਡਿਆ ਨੇ ਆਈਸੀਸੀ ਟੂਰਨਾਮੈਂਟ ਵਿੱਚ ਭਾਰਤ ਦੀ ਜਿੱਤ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ। ਇਸ ਸ਼ਾਨਦਾਰ ਇਤਿਹਾਸ ਨੂੰ ਯਾਦ ਕਰਨ ਲਈ ਹਾਰਦਿਕ ਨੇ ਇਹ ਖਾਸ ਮੁੰਦਰੀ ਪਹਿਨੀ ਹੈ, ਜਿਸ 'ਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਵੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, 'ਹਾਰਦਿਕ ਪਾਂਡਿਆ ਹੁਣ ਵਿਆਹ ਕਰ ਲਓ।' ਇੱਕ ਹੋਰ ਯੂਜ਼ਰ ਨੇ ਲਿਖਿਆ, 'ਕਿੰਨੀ ਵੀ ਮਹਿੰਗੀ ਰਿੰਗ ਲੈ ਲਓ, ਵੈਡਿੰਗ ਰਿੰਗ ਨਾਲ ਬਰਾਬਰੀ ਨਹੀਂ ਕਰ ਸਕਦੇ।' ਇੱਕ ਹੋਰ ਯੂਜ਼ਰ ਨੇ ਲਿਖਦੇ ਹੋਏ ਕਿਹਾ ਵਰਲਡ ਕੱਪ ਹਾਰਦਿਕ ਦੀ ਉਗਲ ਵਿੱਚ ਹੈ।
ਜੁਲਾਈ ਵਿੱਚ ਵੱਖ ਹੋਣ ਦਾ ਕੀਤਾ ਸੀ ਐਲਾਨ
ਦੱਸ ਦੇਈਏ ਕਿ ਹਾਰਦਿਕ ਪਾਂਡਿਆ ਅਤੇ ਨਤਾਸ਼ਾ ਸਟੈਨਕੋਵਿਚ ਨੇ ਇਸ ਸਾਲ ਜੁਲਾਈ ਵਿੱਚ ਆਪਣੇ ਤਲਾਕ ਦਾ ਐਲਾਨ ਕੀਤਾ ਸੀ। ਦੋਵਾਂ ਨੇ ਇੱਕ ਪੋਸਟ ਸ਼ੇਅਰ ਕਰਦੇ ਹੋਏ ਕਿਹਾ ਸੀ ਕਿ ਉਹ ਆਪਸੀ ਸਹਿਮਤੀ ਨਾਲ ਇਸ ਰਿਸ਼ਤੇ ਤੋਂ ਵੱਖ ਹੋ ਰਹੇ ਹਨ। ਇਸ ਪੋਸਟ ਨੇ ਪ੍ਰਸ਼ੰਸਕਾਂ ਦਾ ਦਿਲ ਤੋੜ ਦਿੱਤਾ। ਇਸ ਦੇ ਨਾਲ ਹੀ ਨਤਾਸ਼ਾ ਆਪਣੇ ਬੇਟੇ ਅਗਸਤਿਆ ਨਾਲ ਆਪਣੇ ਦੇਸ਼ ਸਰਬੀਆ ਪਰਤ ਗਈ ਸੀ।
ਹਾਲਾਂਕਿ ਹੁਣ ਨਤਾਸ਼ਾ ਭਾਰਤ ਪਰਤ ਆਈ ਹੈ। ਇੰਨਾ ਹੀ ਨਹੀਂ ਅਦਾਕਾਰਾ ਨੇ ਆਪਣੇ ਕੰਮ ਵੱਲ ਵੀ ਕਦਮ ਵਧਾ ਦਿੱਤੇ ਹਨ। ਪਿਛਲੇ ਮਹੀਨੇ ਹੀ ਉਸਨੇ ਆਪਣੀ ਨਵੀਂ ਸੰਗੀਤ ਐਲਬਮ ਦਾ ਐਲਾਨ ਕੀਤਾ ਸੀ। ਇਸ ਦੌਰਾਨ ਅਲੈਗਜ਼ੈਂਡਰ ਅਲੈਕਸ ਇਲਿਕ ਦੇ ਨਾਲ ਦੀਵਾਲੀ ਮਨਾਉਣ ਦੀਆਂ ਤਸਵੀਰਾਂ ਵੀ ਵਾਇਰਲ ਹੋਈਆਂ ਸਨ। ਹਾਰਦਿਕ ਆਪਣੇ ਬੇਟੇ ਅਗਸਤਿਆ ਨਾਲ ਸਮਾਂ ਬਿਤਾਉਂਦੇ ਹੋਏ ਨਜ਼ਰ ਆਏ।