Neeraj Chopra breaks own national record with 89.30 m Javelin throw in Paavo Nurmi Games
Neeraj Chopra in Paavo Nurmi Games: ਭਾਰਤ ਲਈ ਓਲੰਪਿਕ ਸੋਨ ਤਮਗਾ ਜਿੱਤਣ ਵਾਲੇ ਨੀਰਜ ਚੋਪੜਾ ਨੇ ਨਵਾਂ ਰਾਸ਼ਟਰੀ ਰਿਕਾਰਡ ਬਣਾਇਆ ਹੈ। ਉਸ ਨੇ ਫਿਨਲੈਂਡ ਵਿੱਚ ਪਾਵੋ ਨੂਰਮੀ ਖੇਡਾਂ ਵਿੱਚ 89.30 ਮੀਟਰ ਥਰੋਅ ਕਰਕੇ ਇਹ ਉਪਲਬਧੀ ਹਾਸਲ ਕੀਤੀ। ਇਸ ਦੌਰਾਨ ਉਹ ਚਾਂਦੀ ਦਾ ਤਗ਼ਮਾ ਜਿੱਤਣ ਵਿੱਚ ਕਾਮਯਾਬ ਰਿਹਾ। ਨੀਰਜ ਨੇ ਪਿਛਲੇ ਸਾਲ ਮਾਰਚ ਵਿੱਚ ਪਟਿਆਲਾ ਵਿੱਚ ਬਣਾਏ 88.07 ਮੀਟਰ ਦਾ ਆਪਣਾ ਪਿਛਲਾ ਰਾਸ਼ਟਰੀ ਰਿਕਾਰਡ ਤੋੜਿਆ ਹੈ।
ਪਾਵੋ ਨੂਰਮੀ ਖੇਡਾਂ ਨੂੰ ਫਿਨਲੈਂਡ ਵਿੱਚ ਚੋਟੀ ਦੇ ਟਰੈਕ ਅਤੇ ਫੀਲਡ ਮੁਕਾਬਲਿਆਂ ਚੋਂ ਇੱਕ ਮੰਨਿਆ ਜਾਂਦਾ ਹੈ। ਜਿਸ ਦਾ ਆਯੋਜਨ 1957 ਤੋਂ ਹਰ ਸਾਲ ਕੀਤਾ ਜਾਂਦਾ ਹੈ। ਮੁਕਾਬਲੇ ਦੌਰਾਨ ਨੀਰਜ ਚੋਪੜਾ ਓਲੀਵਰ ਹੈਲੰਡਰ ਤੋਂ ਬਾਅਦ ਦੂਜੇ ਸਥਾਨ 'ਤੇ ਰਿਹਾ। ਇਸ ਦੌਰਾਨ ਓਲੀਵਰ ਹੈਲੈਂਡਰ ਨੇ 89.93 ਮੀਟਰ ਦੀ ਥਰੋਅ ਨਾਲ ਪਹਿਲਾ ਸਥਾਨ ਬਣਾਇਆ ਹੈ।
ਭਾਰਤ ਦਾ ਨੀਰਜ ਚੋਪੜਾ ਕਰੀਬ ਦਸ ਮਹੀਨਿਆਂ ਬਾਅਦ ਆਪਣੇ ਪਹਿਲੇ ਮੁਕਾਬਲੇ ਦੌਰਾਨ ਪਾਵੋ ਨੂਰਮੀ ਖੇਡਾਂ ਵਿੱਚ ਬਿਹਤਰ ਪ੍ਰਦਰਸ਼ਨ ਕਰਨ ਵਿੱਚ ਕਾਮਯਾਬ ਰਿਹਾ। ਉਹ ਲਗਪਗ 90 ਮੀਟਰ ਦੇ ਅੰਕ ਨੂੰ ਛੂਹਣ ਵਿਚ ਕਾਮਯਾਬ ਰਿਹਾ, ਜਿਸ ਨੂੰ ਜੈਵਲਿਨ ਥਰੋਅ ਦੀ ਦੁਨੀਆ ਵਿਚ ਸੋਨ ਤਗਮਾ ਮੰਨਿਆ ਜਾਂਦਾ ਹੈ। ਫਿਲਹਾਲ ਗ੍ਰੇਨਾਡਾ ਦਾ ਵਿਸ਼ਵ ਚੈਂਪੀਅਨ ਐਂਡਰਸਨ ਪੀਟਰਸ 86.60 ਮੀਟਰ ਥਰੋਅ ਨਾਲ ਤੀਜੇ ਸਥਾਨ 'ਤੇ ਰਿਹਾ ਹੈ।
ਪਾਵੋ ਨੂਰਮੀ ਖੇਡਾਂ ਦੌਰਾਨ ਚੋਪੜਾ ਨੇ 86.92 ਮੀਟਰ ਦੀ ਥਰੋਅ ਨਾਲ ਆਪਣੀ ਸ਼ੁਰੂਆਤ ਕੀਤੀ, ਜਿਸ ਤੋਂ ਬਾਅਦ ਉਸ ਨੇ 89.30 ਮੀਟਰ ਦੀ ਅਗਲੀ ਥਰੋਅ ਕੀਤੀ। ਫਿਲਹਾਲ ਇਸ ਤੋਂ ਬਾਅਦ ਉਸ ਦੀਆਂ ਅਗਲੀਆਂ ਤਿੰਨ ਕੋਸ਼ਿਸ਼ਾਂ ਅਸਫਲ ਰਹੀਆਂ। ਇਸ ਦੇ ਨਾਲ ਹੀ ਉਸ ਨੇ ਆਪਣੀ ਆਖਰੀ ਅਤੇ ਛੇਵੀਂ ਕੋਸ਼ਿਸ਼ ਵਿੱਚ 85.85 ਮੀਟਰ ਦੇ ਦੋ ਥਰੋਅ ਕੀਤੇ। ਚੋਪੜਾ ਦੇ 89.30 ਮੀਟਰ ਜੈਵਲਿਨ ਥਰੋਅ ਨੇ ਉਸ ਨੂੰ ਵਿਸ਼ਵ ਸੀਜ਼ਨ ਲੀਡਰਾਂ ਦੀ ਸੂਚੀ ਵਿੱਚ ਪੰਜਵੇਂ ਸਥਾਨ 'ਤੇ ਪਹੁੰਚਾ ਦਿੱਤਾ ਹੈ।
ਇਹ ਵੀ ਪੜ੍ਹੋ: