Indian Boxers at CWG 2022: ਰਾਸ਼ਟਰਮੰਡਲ ਖੇਡਾਂ 2022 ਅੱਜ ਬਾਕਸਿੰਗ ਦੇ ਸੈਮੀਫ਼ਾਈਨਲ ਮੁਕਾਬਲੇ ਹੋਣ ਜਾ ਰਹੇ ਹਨ। 7 ਭਾਰਤੀ ਮੁੱਕੇਬਾਜ਼ਾਂ ਵਿੱਚੋਂ 6 ਅੱਜ ਆਪਣੇ-ਆਪਣੇ ਸੈਮੀਫਾਈਨਲ ਮੈਚਾਂ ਵਿੱਚ ਐਕਸ਼ਨ ਵਿੱਚ ਹੋਣਗੇ। ਨੀਤੂ, ਨਿਖਤ ਅਤੇ ਜੈਸਮੀਨ ਜਿੱਥੇ ਮਹਿਲਾ ਮੁੱਕੇਬਾਜ਼ਾਂ ਵਿੱਚ ਆਪਣੀ ਤਾਕਤ ਦਿਖਾਉਣਗੇ, ਉਥੇ ਹੀ ਪੁਰਸ਼ ਮੁੱਕੇਬਾਜ਼ਾਂ ਵਿੱਚ ਅਮਿਤ, ਰੋਹਿਤ ਅਤੇ ਸਾਗਰ ਆਪਣੀ ਦਾਅਵੇਦਾਰੀ ਪੇਸ਼ ਕਰਨਗੇ। ਇਨ੍ਹਾਂ ਸਾਰੇ ਮੁੱਕੇਬਾਜ਼ਾਂ ਨੇ ਸੈਮੀਫਾਈਨਲ 'ਚ ਪਹੁੰਚ ਕੇ ਘੱਟੋ-ਘੱਟ ਕਾਂਸੀ ਦਾ ਮੈਡਲ ਪੱਕਾ ਕਰ ਲਿਆ ਹੈ। ਜੇਕਰ ਉਹ ਅੱਜ ਜਿੱਤ ਜਾਂਦੇ ਹਨ ਤਾਂ ਉਨ੍ਹਾਂ ਦਾ ਚਾਂਦੀ ਦਾ ਮੈਡਲ ਪੱਕਾ ਹੋ ਜਾਵੇਗਾ।
1. ਨੀਤੂ ਘੰਘਾਸ: ਔਰਤਾਂ ਦੇ 48 ਕਿਲੋਗ੍ਰਾਮ ਵਰਗ ਵਿੱਚ ਨੀਤੂ ਦਾ ਮੁਕਾਬਲਾ ਕੈਨੇਡਾ ਦੀ ਪ੍ਰਿਅੰਕਾ ਢਿੱਲੋਂ ਨਾਲ ਹੋਵੇਗਾ। ਇਹ ਸੈਮੀਫਾਈਨਲ ਮੈਚ ਦੁਪਹਿਰ 3 ਵਜੇ ਸ਼ੁਰੂ ਹੋਵੇਗਾ।
2. ਅਮਿਤ ਪੰਘਾਲ: ਪੁਰਸ਼ਾਂ ਦੇ 51 ਕਿਲੋਗ੍ਰਾਮ ਵਰਗ ਵਿੱਚ ਅਮਿਤ ਦਾ ਸਾਹਮਣਾ ਜ਼ੈਂਬੀਆ ਦੇ ਪੈਟਰਿਕ ਚਿਨਯੇਬਾ ਨਾਲ ਹੋਵੇਗਾ। ਇਹ ਸੈਮੀਫਾਈਨਲ ਮੈਚ ਦੁਪਹਿਰ 3.30 ਵਜੇ ਖੇਡਿਆ ਜਾਵੇਗਾ।
3. ਨਿਖਤ ਜ਼ਰੀਨ: ਨਿਖਤ ਜ਼ਰੀਨ ਔਰਤਾਂ ਦੇ 50 ਕਿਲੋਗ੍ਰਾਮ ਵਰਗ ਵਿੱਚ ਐਕਸ਼ਨ ਵਿੱਚ ਹੋਵੇਗੀ। ਸੈਮੀਫਾਈਨਲ ਮੈਚ 'ਚ ਉਸ ਦਾ ਸਾਹਮਣਾ ਇੰਗਲੈਂਡ ਦੀ ਸਵਾਨਾ ਸਟਬੀ ਨਾਲ ਹੋਵੇਗਾ। ਇਹ ਮੈਚ ਸ਼ਾਮ 7.15 ਵਜੇ ਸ਼ੁਰੂ ਹੋਵੇਗਾ।
4. ਜੈਸਮੀਨ: ਔਰਤਾਂ ਦੇ 60 ਕਿਲੋ ਵਰਗ ਵਿੱਚ ਜੈਸਮੀਨ ਦਾ ਸਾਹਮਣਾ ਇੰਗਲੈਂਡ ਦੀ ਜੇਮਾ ਰਿਚਰਡਸਨ ਨਾਲ ਹੋਵੇਗਾ। ਇਹ ਸੈਮੀਫਾਈਨਲ ਮੈਚ ਰਾਤ 8 ਵਜੇ ਖੇਡਿਆ ਜਾਵੇਗਾ।
5. ਰੋਹਿਤ ਟੋਕਸ: ਰੋਹਿਤ ਟੋਕਸ ਪੁਰਸ਼ਾਂ ਦੇ 67 ਕਿਲੋਗ੍ਰਾਮ ਵਰਗ ਵਿੱਚ ਜ਼ੈਂਬੀਆ ਦੇ ਸਟੀਫਨ ਜ਼ਿੰਬਾ ਨਾਲ ਭਿੜੇਗਾ। ਇਹ ਸੈਮੀਫਾਈਨਲ ਮੈਚ ਦੇਰ ਰਾਤ 12.45 ਵਜੇ ਸ਼ੁਰੂ ਹੋਵੇਗਾ।
6. ਸਾਗਰ: ਪੁਰਸ਼ਾਂ ਦੇ 92 ਕਿਲੋਗ੍ਰਾਮ ਵਰਗ ਵਿੱਚ ਸਾਗਰ ਦੀ ਟੱਕਰ ਨਾਈਜੀਰੀਆ ਦੇ ਇਫਨੀ ਓਨੀਕੇਵੇਰੇ ਨਾਲ ਹੋਵੇਗੀ। ਉਨ੍ਹਾਂ ਦਾ ਸੈਮੀਫਾਈਨਲ ਮੈਚ ਦੇਰ ਰਾਤ 1.30 ਵਜੇ ਖੇਡਿਆ ਜਾਵੇਗਾ।
ਮੁਕਾਬਲਾ ਕਿੱਥੇ ਦੇਖਣਾ ਹੈ?
ਇਹ ਸਾਰੇ ਮੈਚ ਸੋਨੀ ਸਪੋਰਟਸ ਨੈੱਟਵਰਕ ਦੇ ਵੱਖ-ਵੱਖ ਚੈਨਲਾਂ 'ਤੇ ਦੇਖੇ ਜਾਣਗੇ। ਇਨ੍ਹਾਂ ਦਾ ਪ੍ਰਸਾਰਣ ਡੀਡੀ ਸਪੋਰਟਸ 'ਤੇ ਵੀ ਕੀਤਾ ਜਾਵੇਗਾ। ਇਨ੍ਹਾਂ ਮੈਚਾਂ ਦੀ ਲਾਈਵ ਸਟ੍ਰੀਮਿੰਗ Sony LIV ਐਪ 'ਤੇ ਦੇਖੀ ਜਾ ਸਕਦੀ ਹੈ।