IPL 2022, CSK vs MI: ਆਈਪੀਐਲ 15 (ਆਈਪੀਐਲ 2022) ਵਿੱਚ ਮੁੰਬਈ ਇੰਡੀਅਨਜ਼ ਦਾ ਸਾਹਮਣਾ ਚੇਨਈ ਸੁਪਰ ਕਿੰਗਜ਼ ਨਾਲ ਹੋਇਆ। ਇਸ ਮੈਚ 'ਚ ਮੁੰਬਈ ਇੰਡੀਅਨਜ਼ ਦੇ ਗੇਂਦਬਾਜ਼ਾਂ ਨੇ ਚੇਨਈ ਸੁਪਰ ਕਿੰਗਜ਼ ਦੇ ਬੱਲੇਬਾਜ਼ੀ ਕ੍ਰਮ ਨੂੰ ਪੂਰੀ ਤਰ੍ਹਾਂ ਤਬਾਹ ਕਰ ਦਿੱਤਾ। ਚੇਨਈ ਦੀ ਟੀਮ ਸਿਰਫ਼ 97 ਦੌੜਾਂ 'ਤੇ ਆਊਟ ਹੋ ਗਈ। ਮੁੰਬਈ ਇੰਡੀਅਨਜ਼ ਲਈ ਹੀਰੋ ਡੇਨੀਅਲ ਸੈਮਸ ਸੀ। ਉਸ ਨੂੰ ਚਾਰ ਓਵਰਾਂ ਵਿੱਚ 16 ਦੌੜਾਂ ਦੇ ਕੇ ਤਿੰਨ ਅਹਿਮ ਵਿਰਟਾਂ ਹਾਸਲ ਕੀਤੀਆਂ।
ਡੇਨੀਅਲ ਤੋਂ ਇਲਾਵਾ ਮੇਰਿਡਿਥ ਨੇ 27 ਦੌੜਾਂ ਦੇ ਕੇ 2 ਜਦਕਿ ਕੁਮਾਰ ਕਾਰਤਿਕੇਯ ਨੇ 22 ਦੌੜਾਂ ਦੇ ਕੇ 2 ਵਿਕਟਾਂ ਲਈਆਂ। ਇਸ ਤੋਂ ਇਲਾਵਾ ਬੁਮਰਾਹ ਅਤੇ ਰਮਨਦੀਪ ਨੂੰ ਵੀ ਇੱਕ-ਇੱਕ ਵਿਕਟ ਮਿਲੀ। ਇਸ ਦੇ ਨਾਲ ਹੀ ਚੇਨਈ ਲਈ ਮਹਿੰਦਰ ਸਿੰਘ ਧੋਨੀ ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਧੋਨੀ 36 ਦੌੜਾਂ ਬਣਾ ਕੇ ਅਜੇਤੂ ਰਹੇ।
ਚੇਨਈ ਦੇ ਬੱਲੇਬਾਜ਼ ਰਹੇ ਨਾਕਾਮ
ਚੇਨਈ ਦੀ ਸ਼ੁਰੂਆਤ ਖ਼ਰਾਬ ਰਹੀ। ਟੀਮ ਦੀ ਸਲਾਮੀ ਕੋਨਵੇ ਜ਼ਿਆਦਾ ਕੁਝ ਨਹੀਂ ਕਰ ਸਕੀ ਅਤੇ ਬਗੈਰ ਖਾਤਾ ਖੋਲ੍ਹੇ ਆਊਟ ਹੋ ਗਏ। ਉਸ ਨੂੰ ਸੈਮਸ ਨੇ ਆਪਣਾ ਸ਼ਿਕਾਰ ਬਣਾਇਆ। ਉਸ ਦੇ ਆਊਟ ਹੋਣ ਤੋਂ ਬਾਅਦ ਮੋਈਨ ਅਲੀ ਵੀ ਬਗੈਰ ਖਾਤਾ ਖੋਲ੍ਹੇ ਆਊਟ ਹੋ ਗਏ। ਉਸ ਦੇ ਆਊਟ ਹੋਣ ਤੋਂ ਬਾਅਦ ਚੇਨਈ ਦਾ ਸਕੋਰ 2 ਵਿਕਟਾਂ 'ਤੇ 2 ਦੌੜਾਂ ਤੱਕ ਸਿਮਟ ਗਿਆ। ਉਸ ਦੇ ਆਊਟ ਹੋਣ ਤੋਂ ਬਾਅਦ ਉਥੱਪਾ ਵੀ 1 ਦੌੜ ਬਣਾ ਕੇ ਬੁਮਰਾਹ ਦਾ ਸ਼ਿਕਾਰ ਬਣ ਗਏ।
ਸਿਰਫ਼ 5 ਦੌੜਾਂ 'ਤੇ 3 ਵਿਕਟਾਂ ਗੁਆਉਣ ਤੋਂ ਬਾਅਦ ਫੈਨਸ ਨੂੰ ਗਾਇਕਵਾੜ ਤੋਂ ਬਹੁਤ ਉਮੀਦਾਂ ਸੀ। ਪਰ ਉਹ ਵੀ 7 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਉਸ ਦੇ ਆਊਟ ਹੋਣ ਤੋਂ ਬਾਅਦ ਰਾਇਡੂ 10 ਅਤੇ ਸ਼ਿਵਮ ਦੁਬੇ ਵੀ 10 ਦੌੜਾਂ ਬਣਾ ਕੇ ਆਊਟ ਹੋ ਗਏ।
'ਧੋਨੀ ਨੇ ਸੰਭਾਲੀ ਟੀਮ'
6 ਵਿਕਟਾਂ ਦੇ ਡਿੱਗਣ ਤੋਂ ਬਾਅਦ ਧੋਨੀ ਇੱਕ ਵਾਰ ਫਿਰ ਟ੍ਰਬਲਸ਼ੂਟਰ ਦੀ ਭੂਮਿਕਾ 'ਚ ਨਜ਼ਰ ਆਏ ਅਤੇ ਉਨ੍ਹਾਂ ਨੇ ਬ੍ਰਾਵੋ ਦੇ ਨਾਲ ਪਾਰੀ ਨੂੰ ਸੰਭਾਲਿਆ। ਹਾਲਾਂਕਿ ਬ੍ਰਾਵੋ ਕਾਫੀ ਦੇਰ ਤੱਕ 12 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਉਸ ਦੇ ਆਊਟ ਹੋਣ ਤੋਂ ਬਾਅਦ ਕੋਈ ਵੀ ਬੱਲੇਬਾਜ਼ ਜ਼ਿਆਦਾ ਦੇਰ ਤੱਕ ਮੈਦਾਨ 'ਤੇ ਨਹੀਂ ਟਿਕ ਸਕਿਆ ਅਤੇ ਪੂਰੀ ਟੀਮ 97 ਦੌੜਾਂ 'ਤੇ ਆਲ ਆਊਟ ਹੋ ਗਈ | ਧੋਨੀ ਨੇ ਚੇਨਈ ਲਈ ਸਭ ਤੋਂ ਵੱਧ ਕਮਾਲ ਕੀਤਾ। ਉਸ ਨੇ ਨਾਬਾਦ 36 ਦੌੜਾਂ ਦੀ ਪਾਰੀ ਖੇਡੀ।
ਇਹ ਵੀ ਪੜ੍ਹੋ: Shehnaaz Gill Video: ਸ਼ਹਿਨਾਜ਼ ਗਿੱਲ ਨੂੰ ਪਸੰਦ ਆਇਆ ਇਹ ਪਾਕਿਸਤਾਨੀ ਗਾਣਾ, ਘਰ ਦੀ ਬਾਲਕਨੀ 'ਚ ਬਣਾਈ ਵੀਡੀਓ ਫੈਨਸ ਨੂੰ ਆ ਰਹੀ ਪਸੰਦ