ਸੁਪਰ ਫਾਈਟ ਲੀਗ 'ਚ ਜੈਕਲੀਨ ਦੀ ਐਂਟਰੀ
ਜੈਕਲੀਨ ਨੇ ਕਿਹਾ ਕਿ ਇਹ ਤਾਕਤ ਵਾਲਾ ਖੇਡ ਹੈ ਅਤੇ ਇਸ ਖੇਡ ਜਰੀਏ ਮਹਿਲਾਵਾਂ ਨੂੰ ਆਤਮ ਨਿਰਭਰ ਵੀ ਬਣਾਇਆ ਜਾ ਸਕਦਾ ਹੈ। ਜੈਕਲੀਨ ਨੇ ਲੀਗ ਦੇ ਮਾਲਿਕਾਂ ਨੂੰ ਇਸ ਖੇਡ ਨੂੰ ਭਾਰਤ 'ਚ ਲਿਆਉਣ ਲਈ ਵਧਾਈ ਦਿੱਤੀ।
ਟੀਮ ਨੇ ਜੈਕਲੀਨ ਤੋਂ ਅਲਾਵਾ ਉਨ੍ਹਾਂ ਦੇ ਭਰਾ ਰਾਇਨ ਫਰਨਾਂਡਿਸ ਅਤੇ ਆਸਟ੍ਰੇਲੀਅਨ ਭਲਵਾਨ ਵਾਰੇਨ ਫਰਨਾਂਡਿਸ ਨੂੰ ਟੀਮ ਦਾ ਸਹਿ-ਮਾਲਿਕ ਵੀ ਐਲਾਨਿਆ।
ਬਾਲੀਵੁਡ ਦੇ 3 ਮਾਚੋ ਮੈਨ ਅਜੈ ਦੇਵਗਨ, ਅਰਜੁਨ ਰਾਮਪਾਲ ਅਤੇ ਰਣਦੀਪ ਹੁੱਡਾ ਤੋਂ ਬਾਅਦ ਹੁਣ ਅਦਾਕਾਰਾ ਜੈਕਲੀਨ ਫਰਨਾਂਡਿਸ ਦੀ ਵੀ ਸੁਪਰ ਫਾਈਟ ਲੀਗ 'ਚ ਐਂਟਰੀ ਹੋ ਗਈ ਹੈ।
ਦੇਸ਼ 'ਚ ਪਹਿਲੀ ਵਾਰ ਕਰਵਾਈ ਜਾ ਰਹੀ ਇਸ ਲੀਗ ਨਾਲ ਜੈਕਲੀਨ ਬਤੌਰ ਅੰਬੈਸਡਰ ਜੁੜੀ ਹੈ।
ਲੀਗ ਦੀ ਫ੍ਰੈਂਚਾਈਜੀ ਗੋਆ ਪਾਈਰੇਟਸ ਨੇ ਸ਼ੁੱਕਰਵਾਰ ਨੂੰ ਜੈਕਲੀਨ ਫਰਨਾਂਡਿਸ ਨੂੰ ਆਪਣਾ ਬਰੈਂਡ ਅੰਬੈਸਡਰ ਐਲਾਨਿਆ।
20 ਜਨਵਰੀ ਤੋਂ ਭਾਰਤ 'ਚ ਸ਼ੁਰੂ ਹੋਈ ਮਿਕਸਡ ਮਾਰਸ਼ਲ ਆਰਟਸ ਲੀਗ SFL 'ਚ ਬਾਲੀਵੁਡ ਅਦਾਕਾਰ ਅਜੈ ਦੇਵਗਨ ਦੀ ਟੀਮ ਮੁੰਬਈ ਮੇਨੀਐਕਸ, ਅਰਜੁਨ ਰਾਮਪਾਲ ਦੀ ਦਿੱਲੀ ਹੀਰੋਸ, ਸਲੀਮ-ਸੁਲੇਮਾਨ ਦੀ ਯੂ.ਪੀ. ਨਵਾਬਸ, ਰਣਦੀਪ ਹੁੱਡਾ ਦੀ ਹਰਿਆਣਾ ਸੁਲਤਾਨਸ ਅਤੇ ਟਾਈਗਰ ਸ਼ਰੌਫ ਦੀ ਬੈਂਗਲੁਰੂ ਟਾਈਗਰਸ ਦੀਆਂ ਟੀਮਾਂ ਸਮੇਤ ਕੁਲ 8 ਟੀਮਾਂ ਹਿੱਸਾ ਲੈ ਰਹੀਆਂ ਹਨ।
ਇਸ ਲੀਗ ਨੂੰ ਬ੍ਰਿਟਿਸ਼ ਕਾਰੋਬਾਰੀ ਬਿਲ ਦੋਸਾਂਝ ਅਤੇ ਬ੍ਰਿਟੇਨ ਦੇ ਮਸ਼ਹੂਰ ਮੁੱਕੇਬਾਜ਼ ਆਮਿਰ ਖਾਨ ਨੇ ਭਾਰਤ 'ਚ ਲਾਂਚ ਕੀਤਾ ਹੈ।
ਜੈਕਲੀਨ ਨੇ ਲੀਗ ਨਾਲ ਜੁੜਨ ਤੋਂ ਬਾਅਦ ਕਿਹਾ ਕਿ ਓਹ ਇਸ ਲੀਗ ਨਾਲ ਜੁੜਕੇ ਬੇਹਦ ਖੁਸ਼ ਹੈ ਅਤੇ ਉਸਨੂੰ ਚੰਗਾ ਲੱਗਾ ਕਿ ਉਸਨੂੰ ਅਜਿਹੇ ਖੇਡ ਨੂੰ ਵਧਾਵਾ ਦੇਣ ਦਾ ਮੌਕਾ ਮਿਲੇਗਾ।