ਕ੍ਰਾਇਸਟਚਰਚ ਵਨਡੇ - ਨਿਊਜ਼ੀਲੈਂਡ 341/7
ਨਿਊਜ਼ੀਲੈਂਡ ਅਤੇ ਬੰਗਲਾਦੇਸ਼ ਵਿਚਾਲੇ ਖੇਡੇ ਜਾ ਰਹੇ ਵਨਡੇ ਮੈਚ 'ਚ ਕੀਵੀ ਟੀਮ ਨੇ 341 ਰਨ ਦਾ ਪਹਾੜ ਜਿਹਾ ਸਕੋਰ ਖੜਾ ਕੀਤਾ ਹੈ।
ਟੌਮ ਲੈਥਮ ਦੇ ਸੈਂਕੜੇ ਅਤੇ ਕੌਲਿਨ ਮਨਰੋ ਦੀ ਪਾਰੀ ਦੇ ਆਸਰੇ ਨਿਊਜ਼ੀਲੈਂਡ ਦੀ ਟੀਮ ਵੱਡਾ ਸਕੋਰ ਖੜਾ ਕਰਨ 'ਚ ਕਾਮਯਾਬ ਰਹੀ।
ਲੈਥਮ ਨੇ ਖੇਡੀ 137 ਰਨ ਦੀ ਪਾਰੀ
ਮਨਰੋ ਦਾ ਧਮਾਕਾ
ਮਨਰੋ ਨੇ ਲੈਥਮ ਨਾਲ ਮਿਲਕੇ ਨਿਊਜ਼ੀਲੈਂਡ ਨੂੰ 300 ਰਨ ਦਾ ਅੰਕੜਾ ਪਾਰ ਕਰਵਾਇਆ। ਨਿਊਜ਼ੀਲੈਂਡ ਦੀ ਟੀਮ ਨੇ ਨਿਰਧਾਰਿਤ 50 ਓਵਰਾਂ 'ਚ 7 ਵਿਕਟ ਗਵਾ ਕੇ 341 ਰਨ ਬਣਾਏ।
ਮਿਡਲ ਆਰਡਰ ਬੱਲੇਬਾਜ ਕੌਲਿਨ ਮਨਰੋ ਨੇ ਦਮਦਾਰ ਅਰਧ-ਸੈਂਕੜਾ ਠੋਕਿਆ। ਮਨਰੋ ਨੇ 61 ਗੇਂਦਾਂ 'ਤੇ 87 ਰਨ ਠੋਕ ਦਿੱਤੇ। ਮਨਰੋ ਦੀ ਪਾਰੀ 'ਚ 8 ਚੌਕੇ ਅਤੇ 4 ਛੱਕੇ ਸ਼ਾਮਿਲ ਸਨ।
ਇਸ ਮੈਚ 'ਚ ਨਿਊਜ਼ੀਲੈਂਡ ਦੀ ਟੀਮ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਲਿਆ। ਕੀਵੀ ਟੀਮ ਲਈ ਸਲਾਮੀ ਬੱਲੇਬਾਜ ਟੌਮ ਲੈਥਮ ਨੇ ਸੈਂਕੜਾ ਠੋਕਿਆ। ਲੈਥਮ ਨੇ 121 ਗੇਂਦਾਂ 'ਤੇ 137 ਰਨ ਦੀ ਪਾਰੀ ਖੇਡੀ। ਲੈਥਮ ਦੀ ਪਾਰੀ 'ਚ 7 ਚੌਕੇ ਅਤੇ 4 ਛੱਕੇ ਸ਼ਾਮਿਲ ਸਨ। ਲੈਥਮ ਨੇ ਮਨਰੋ ਨਾਲ ਮਿਲਕੇ 5ਵੇਂ ਵਿਕਟ ਲਈ 158 ਰਨ ਦੀ ਪਾਰਟਨਰਸ਼ਿਪ ਕੀਤੀ।