32 ਗੇਂਦਾਂ, 1 ਰਨ, 7 ਵਿਕਟ - ਵੇਖਿਆ ਅਜਿਹਾ ਕਮਾਲ ?
ਇਸ ਗੇਂਦਬਾਜ਼ ਦੇ ਕੀਤੇ ਕਮਾਲ ਕ੍ਰਿਕਟ ਇਤਿਹਾਸ 'ਚ ਹਮੇਸ਼ਾ ਦਰਜ ਰਹਿਣਗੇ। ਕਰਟਲੀ ਐਂਬਰੌਸ ਨੇ ਅੱਜ ਦੇ ਹੀ ਦਿਨ ਸਾਲ 1993 'ਚ ਅਜਿਹਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ ਕਿ ਹਰ ਕੋਈ ਹੈਰਾਨ ਰਹਿ ਗਿਆ ਸੀ।
ਆਸਟ੍ਰੇਲੀਆ ਅਤੇ ਵੈਸਟ ਇੰਡੀਜ਼ ਵਿਚਾਲੇ ਸਾਲ 1993 'ਚ ਖੇਡੀ ਗਈ ਟੈਸਟ ਸੀਰੀਜ਼ ਦੇ ਆਖਰੀ ਮੈਚ 'ਚ ਕਰਟਲੀ ਐਂਬਰੌਸ ਨੇ ਆਸਟ੍ਰੇਲੀਆ ਦੀ ਹਾਰ ਦੀ ਨੀਂਹ ਰੱਖੀ।
ਐਂਬਰੌਸ ਦਾ ਦਮਦਾਰ ਸਪੈਲ
ਐਂਬਰੌਸ ਨੇ ਆਪਣੇ 18 ਓਵਰਾਂ 'ਚ 25 ਦੌੜਾਂ ਦੇਕੇ 7 ਵਿਕਟ ਹਾਸਿਲ ਕੀਤੇ।
ਐਂਬਰੌਸ ਦੀ ਦਮਦਾਰ ਗੇਂਦਬਾਜ਼ੀ ਨੇ ਪੂਰੀ ਸੀਰੀਜ਼ 'ਚ ਆਸਟ੍ਰੇਲੀਆ ਦੇ ਬੱਲੇਬਾਜਾਂ ਨੂੰ ਪਰੇਸ਼ਾਨ ਕੀਤਾ। ਐਂਬਰੌਸ ਨੂੰ ਮੈਨ ਆਫ ਦ ਮੈਚ ਅਤੇ ਮੈਨ ਆਫ ਦ ਸੀਰੀਜ਼ ਚੁਣਿਆ ਗਿਆ। ਵੈਸਟ ਇੰਡੀਜ਼ ਨੇ 5 ਮੈਚਾਂ ਦੀ ਸੀਰੀਜ਼ 2-1 ਦੇ ਫਰਕ ਨਾਲ ਜਿੱਤੀ ਸੀ।
ਵੈਸਟ ਇੰਡੀਜ਼ ਨੇ ਇਹ ਮੈਚ ਪਾਰੀ ਅਤੇ 25 ਦੌੜਾਂ ਦੇ ਫਰਕ ਨਾਲ ਜਿੱਤਿਆ।
ਕਰਟਲੀ ਐਂਬਰੌਸ, ਇਹ ਨਾਮ 90 ਦੇ ਦਹਾਕੇ 'ਚ ਚੰਗੇ ਤੋਂ ਚੰਗੇ ਬੱਲੇਬਾਜ਼ ਦੇ ਹੋਸ਼ ਉੜਾ ਦਿੰਦਾ ਸੀ। ਇਸ ਗੇਂਦਬਾਜ਼ ਦੇ ਸਾਹਮਣੇ ਟਿਕਨਾ ਵੱਡੇ ਤੋਂ ਵੱਡੇ ਬੱਲੇਬਾਜ਼ ਲਈ ਵੀ ਮੁਸ਼ਕਿਲ ਸਾਬਿਤ ਹੁੰਦਾ ਸੀ।
ਐਂਬਰੌਸ ਨੇ 32 ਗੇਂਦਾਂ 'ਚ 1 ਰਨ ਦੇਕੇ 7 ਵਿਕਟ ਹਾਸਿਲ ਕੀਤੇ। ਐਂਬਰੌਸ ਦਾ ਕਮਾਲ ਅਜਿਹਾ ਸੀ ਕਿ ਆਸਟ੍ਰੇਲੀਆ ਦੀ ਟੀਮ 2 ਵਿਕਟਾਂ ਦੇ ਨੁਕਸਾਨ 'ਤੇ 85 ਦੌੜਾਂ ਦੇ ਸਕੋਰ ਤੋਂ 119 ਦੌੜਾਂ 'ਤੇ ਹੀ ਆਲ ਆਉਟ ਹੋ ਗਈ।