John Cena at Oscars 2024: ਅਮਰੀਕੀ ਅਭਿਨੇਤਾ ਅਤੇ ਪ੍ਰੋਫੈਸ਼ਨਲ ਪਹਿਲਵਾਨ ਜੌਨ ਸੀਨਾ ਕਿਸੇ ਪਛਾਣ ਦੇ ਮੋਹਤਾਜ ਨਹੀਂ ਹਨ। ਉਹ ਕਿਸੇ-ਨਾ-ਕਿਸੇ ਕਾਰਨ ਸੁਰਖੀਆਂ ਵਿੱਚ ਰਹਿੰਦੇ ਹਨ। ਫਿਲਹਾਲ ਉਹ ਆਪਣੇ 'ਪੂਅਰ ਥਿੰਗਜ਼' ਲਈ ਆਸਕਰ ਅਵਾਰਡ ਲਈ ਸਰਵੋਤਮ ਕਾਸਟਿਊਮ ਡਿਜ਼ਾਈਨ ਪੇਸ਼ ਕਰਨ ਦੇ ਚੱਲਦੇ ਹਰ ਪਾਸੇ ਛਾਏ ਹੋਏ ਹਨ। ਦਰਅਸਲ, ਉਹ ਬਿਨ੍ਹਾਂ ਕੱਪੜਿਆਂ ਦੇ ਸਟੇਜ ਉੱਪਰ ਪਹੁੰਚੇ। ਡਾਲਬੀ ਥੀਏਟਰ ਵਿੱਚ ਵਾਪਰੀ ਇਸ ਘਟਨਾ ਨੇ ਦਰਸ਼ਕਾਂ ਅਤੇ ਦੁਨੀਆ ਭਰ ਦੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ। ਸਮਾਰੋਹ 'ਚ ਹੋਸਟ ਜਿੰਮੀ ਕਿਮਲ ਨੇ ਕਿਹਾ- ਕੀ ਤੁਸੀਂ ਕਲਪਨਾ ਕਰ ਸਕਦੇ ਹੋ ਕਿ ਜੇਕਰ ਅੱਜ ਕੋਈ ਬਿਨ੍ਹਾਂ ਕੱਪੜੀਆਂ ਦੇ ਆਦਮੀ ਸਟੇਜ 'ਤੇ ਆਵੇ?
ਕੀ ਇਹ ਪਾਗਲਪਨ ਨਹੀਂ ਹੋਵੇਗਾ? ਇਸ 'ਤੇ ਜੌਨ ਸੀਨਾ ਆਪਣੇ ਪ੍ਰਾਈਵੇਟ ਪਾਰਟਸ 'ਤੇ ਪਲੇਕਾਰਡ ਲੈ ਕੇ ਸਟੇਜ 'ਤੇ ਪਹੁੰਚਦਾ ਹੈ ਅਤੇ ਇੱਥੇ ਉਸ ਨੇ ਕੱਪੜੇ ਪਾਏ ਹੋਏ ਹਨ। ਅਵਾਰਡ ਦੇ ਮੇਜ਼ਬਾਨਾਂ ਨੂੰ ਇਹ ਰਚਨਾਤਮਕ ਜ਼ਰੂਰ ਲੱਗਿਆ ਹੋਵੇਗਾ ਪਰ ਹੁਣ ਜੌਨ ਸੀਨਾ ਨੂੰ ਪੂਰੀ ਦੁਨੀਆ ਵਿੱਚ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਇਸ ਉੱਪਰ ਯੂਜ਼ਰਸ ਵੱਲੋਂ ਲਗਾਤਾਰ ਪ੍ਰਤੀਕਿਰਿਆ ਦਿੱਤੀ ਜਾ ਰਹੀ ਹੈ।'
ਦੱਸ ਦੇਈਏ ਕਿ ਜੌਨ ਸੀਨਾ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਟਰੈਂਡ ਕਰ ਰਿਹਾ ਹੈ। ਇਹ ਕਲਿੱਪ 96ਵੇਂ ਆਸਕਰ ਅਵਾਰਡ ਦੀ ਹੈ, ਜਿਸ ਵਿੱਚ ਜੌਨ ਭਾਈ ਨੰਗੇ ਹੋ ਕੇ ਪਹੁੰਚੇ ਸਨ! ਜੀ ਹਾਂ, ਜਦੋਂ ਲੋਕਾਂ ਨੇ ਇਸ ਵੀਡੀਓ ਨੂੰ ਦੇਖਿਆ ਤਾਂ ਮਾਮਲਾ ਚਰਚਾ ਦਾ ਵਿਸ਼ਾ ਬਣ ਗਿਆ। ਕਈ ਲੋਕ ਜੌਨ ਸੀਨਾ ਦੇ ਇਸ ਐਕਸ਼ਨ ਨੂੰ ਬੋਲਡ ਕਰਾਰ ਦੇ ਰਹੇ ਹਨ। ਹਾਲਾਂਕਿ ਕੁਝ ਟ੍ਰੋਲਰਸ ਪੁੱਛ ਰਹੇ ਹਨ ਕਿ ਜੌਨ ਸੀਨਾ ਬਿਨਾਂ ਕੱਪੜਿਆਂ ਦੇ ਸਟੇਜ 'ਤੇ ਕਿਉਂ ਚੱਲੇ। ਸੋਸ਼ਲ ਮੀਡੀਆ 'ਤੇ ਜਦੋਂ ਤਸਵੀਰਾਂ ਅਤੇ ਮੀਮਜ਼ ਵਾਇਰਲ ਹੋਏ ਤਾਂ ਕੁਝ ਅਜਿਹੀਆਂ ਤਸਵੀਰਾਂ ਵੀ ਸਾਹਮਣੇ ਆਈਆਂ, ਜਿਨ੍ਹਾਂ ਨੇ ਇਕ ਗੱਲ ਤਾਂ ਸਾਫ ਕਰ ਦਿੱਤੀ ਕਿ ਜੌਨ ਸਟੇਜ 'ਤੇ ਬਿਨ੍ਹਾਂ ਕੱਪੜਿਆਂ ਦੇ ਆਏ ਸਨ। ਉਸ ਨੇ ਸਰੀਰ ਦੇ ਪਿਛਲੇ ਪਾਸੇ ਦੇ ਅੰਗਾਂ ਨੂੰ ਢੱਕਿਆ ਹੋਇਆ ਸੀ।
ਸਰਵੋਤਮ ਕਾਸਟਿਊਮ ਡਿਜ਼ਾਈਨ ਲਈ ਹੋਸਟ ਜਿੰਮੀ ਕਿਮਲ ਨੇ ਜੌਨ ਸੀਨਾ ਨੂੰ ਸਟੇਜ 'ਤੇ ਬੁਲਾਇਆ। ਪਰ ਜੌਨ ਤੁਰੰਤ ਸਟੇਜ 'ਤੇ ਨਹੀਂ ਆਇਆ। ਪਹਿਲਾਂ ਉਹ ਸਟੇਜ ਦੇ ਪਿੱਛੇ ਤੋਂ ਝਾਕਦਾ ਦੇਖਿਆ ਗਿਆ ਅਤੇ ਬਾਅਦ ਵਿੱਚ ਉਹ ਬਿਨਾਂ ਕੱਪੜਿਆਂ ਦੇ ਸਟੇਜ 'ਤੇ ਪਹੁੰਚਦਾ ਹੈ। ਇਸ ਦੌਰਾਨ ਉਸ ਦੇ ਹੱਥ 'ਚ ਵਿਨਰ ਦੇ ਨਾਂ ਵਾਲਾ ਸਿਰਫ ਇਕ ਲਿਫਾਫਾ ਸੀ, ਜਿਸ ਨਾਲ ਉਸ ਨੇ ਆਪਣੇ ਗੁਪਤ ਅੰਗ ਲੁਕਾਏ ਹੋਏ ਸਨ। ਇਸ ਤੋਂ ਬਾਅਦ ਹੀ ਉਸ ਨੇ ਆਪਣੇ ਆਪ ਨੂੰ ਪਰਦੇ 'ਚ ਲਪੇਟ ਲਿਆ ਅਤੇ ਜੇਤੂ ਦੇ ਨਾਂ ਦਾ ਖੁਲਾਸਾ ਕੀਤਾ। ਭਲੇ ਹੀ ਇਹ ਕੁਝ ਵੱਖਰਾ ਸੀ, ਪਰ ਯੂਜ਼ਰਸ ਵੱਲੋਂ ਇਸਦਾ ਖੂਬ ਮਜ਼ਾਕ ਬਣਾਇਆ ਜਾ ਰਿਹਾ ਹੈ।