ਆਪਸ 'ਚ ਭਿੜ ਗਏ ਪਾਕਿ ਖਿਡਾਰੀ, ਗੱਲ ਇੰਨੀ ਵੱਧ ਗਈ ਕਿ..
3 ਟੈਸਟ ਮੈਚ ਅਤੇ 5 ਵਨਡੇ ਮੈਚਾਂ ਦੀ ਸੀਰੀਜ਼ ਦੇ ਲਈ ਪਾਕਿਸਤਾਨੀ ਕ੍ਰਿਕਟ ਟੀਮ ਇਨ੍ਹੀਂ ਦਿਨੀ ਆਸਟ੍ਰੇਲੀਆ ਦੌਰੇ 'ਤੇ ਹੈ।
ਬ੍ਰਿਸਬੇਨ 'ਚ ਸੀਰੀਜ਼ ਦਾ ਪਹਿਲਾ ਡੇ-ਨਾਈਟ ਟੈਸਟ ਮੈਚ ਖੇਡਿਆ ਜਾ ਰਿਹਾ ਹੈ। ਪਰ ਇਸ ਸਭ ਵਿਚਾਲੇ ਪਾਕਿਸਤਾਨੀ ਕ੍ਰਿਕਟ ਟੀਮ ਨੇ PCB ਨੂੰ ਬੁਰੀ ਖਬਰ ਪਹੁੰਚਾ ਦਿੱਤੀ।
ਵੀਰਵਾਰ ਨੂੰ ਸ਼ੁਰੂ ਹੋਏ ਮੈਚ ਤੋਂ ਪਹਿਲਾਂ ਬੁਧਵਾਰ ਨੂੰ ਟਰੇਨਿੰਗ ਸੈਸ਼ਨ ਦੌਰਾਨ ਪਾਕਿਸਤਾਨ ਦੇ 2 ਖਿਡਾਰੀ ਆਪਸ 'ਚ ਭਿੜ ਗਏ। ਵਹਾਬ ਰਿਆਜ਼ ਅਤੇ ਯਾਸਿਰ ਸ਼ਾਹ 'ਚ ਕਹਾ-ਸੁਣੀ ਹੋ ਗਈ।
ਇਸ ਬਰਤਾਵ ਲਈ ਦੋਨੇ ਖਿਡਾਰੀਆਂ ਨੂੰ ਸਜਾ ਵੀ ਮਿਲ ਸਕਦੀ ਹੈ। ਦੋਨਾ ਵਿਚਾਲੇ ਝੜਪ ਰੁਕੀ ਨਹੀਂ ਤਾਂ ਮੋਹੰਮਦ ਨਵਾਜ ਨੂੰ ਆਕੇ ਦੋਨਾ ਨੂੰ ਪਾਸੇ ਕਰਨਾ ਪਿਆ।
ਖਬਰਾਂ ਹਨ ਕਿ ਦੋਨੇ ਖਿਡਾਰੀਆਂ ਵਿਚਾਲੇ ਖੂਬ ਝੜਪ ਹੋਈ ਅਤੇ PCB ਇਸਨੂੰ ਲੈਕੇ ਕਾਫੀ ਗੰਭੀਰ ਹੈ।
ਹਾਲਾਂਕਿ ਝੜਪ ਦੀ ਖਬਰ ਜਿਵੇਂ ਹੀ ਵਾਇਰਲ ਹੋਈ ਤਾਂ ਦੋਨਾ ਖਿਡਾਰੀਆਂ ਦਾ ਇੱਕ ਵੈਬਸਾਈਟ 'ਤੇ ਵੀਡੀਓ ਵੀ ਸਾਂਝਾ ਕੀਤਾ ਗਿਆ ਜਿਸ 'ਚ ਵਹਾਬ ਰਿਆਜ਼ ਅਤੇ ਯਾਸਿਰ ਸ਼ਾਹ ਇਕੱਠੇ ਬੈਠੇ ਹਨ ਅਤੇ ਦੋਨਾ ਨੇ ਕਿਹਾ ਕਿ ਦੋਨੇ ਚੰਗੇ ਦੋਸਤ ਹਨ ਅਤੇ ਟੀਮ 'ਚ ਏਕਾ ਹੈ।