ਪੰਜਾਬ ਨੇ ਦਿੱਲੀ ਨੂੰ 2 ਵਿਕਟਾਂ ਨਾਲ ਦਿੱਤੀ ਮਾਤ
ਦਿੱਲੀ ਦੀ ਟੀਮ ਲਈ ਓਪਨਿੰਗ ਕਰਨ ਉਤਰੇ ਸ਼ਿਖਰ ਧਵਨ 2 ਅਤੇ ਕਪਤਾਨ ਗੰਭੀਰ 5 ਰਨ ਬਣਾ ਕੇ ਆਊਟ ਹੋਏ। ਦਿੱਲੀ ਦੀ ਟੀਮ ਲਗਾਤਾਰ ਵਿਕਟ ਗਵਾਉਂਦੀ ਰਹੀ ਅਤੇ ਛੋਟੇ ਸਕੋਰ 'ਤੇ ਸਿਮਟ ਗਈ।
ਦਿੱਲੀ - 103/9 (20 ਓਵਰ)
ਇਸ ਮੈਚ 'ਚ ਦਿੱਲੀ ਦੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਨਿਰਧਾਰਿਤ 20 ਓਵਰਾਂ 'ਚ 9 ਵਿਕਟ ਗਵਾ ਕੇ 103 ਰਨ ਬਣਾਏ।
ਦਿੱਲੀ ਲਈ ਇਸ਼ਾਂਤ ਸ਼ਰਮਾ ਨੇ 4 ਓਵਰਾਂ 'ਚ 12 ਰਨ ਦੇਕੇ 2 ਵਿਕਟ ਹਾਸਿਲ ਕੀਤੇ। ਇਹ ਪੰਜਾਬ ਲਈ 2 ਮੈਚਾਂ ਤੋਂ ਬਾਅਦ ਪਹਿਲੀ ਜਿੱਤ ਹੈ।
ਪਹਿਲੇ ਮੈਚ 'ਚ ਹਾਰ ਝੱਲਣ ਤੋਂ ਬਾਅਦ ਪੰਜਾਬ ਦੀ ਟੀਮ ਨੇ ਸਈਦ ਮੁਸ਼ਤਾਕ ਅਲੀ ਟਰਾਫੀ ਦੇ ਦੂਜੇ ਮੈਚ 'ਚ ਦਿੱਲੀ ਖਿਲਾਫ ਰੋਮਾਂਚਕ ਮੈਚ 'ਚ ਜਿੱਤ ਦਰਜ ਕੀਤੀ। ਹਰਭਜਨ ਸਿੰਘ ਦੀ ਕਪਤਾਨੀ 'ਚ ਪੰਜਾਬ ਦੀ ਟੀਮ ਨੇ ਗੰਭੀਰ ਦੀ ਕਪਤਾਨੀ 'ਚ ਖੇਡ ਰਹੀ ਦਿੱਲੀ ਦੀ ਟੀਮ ਨੂੰ ਮਾਤ ਦਿੱਤੀ।
ਕਪਤਾਨ ਭੱਜੀ ਨੇ 4 ਓਵਰਾਂ 'ਚ 14 ਰਨ ਦੇਕੇ 1 ਵਿਕਟ ਹਾਸਿਲ ਕੀਤਾ। ਸਿਧਾਰਥ ਕੌਲ ਨੇ 4 ਓਵਰਾਂ 'ਚ 11 ਰਨ ਦੇਕੇ 1 ਵਿਕਟ ਆਪਣੇ ਨਾਮ ਕੀਤਾ।
ਛੋਟੇ ਟੀਚੇ ਦਾ ਪਿੱਛਾ ਕਰਦਿਆਂ ਪੰਜਾਬ ਦੀ ਟੀਮ ਨੇ ਖਰਾਬ ਸ਼ੁਰੂਆਤ ਕੀਤੀ ਅਤੇ ਟੀਮ ਨੇ 3 ਰਨ 'ਤੇ 3 ਵਿਕਟ ਗਵਾ ਦਿੱਤੇ ਸਨ। ਅਨਮੋਲਪ੍ਰੀਤ ਸਿੰਘ (28) ਅਤੇ ਸ਼ਰਦ ਲੂੰਬਾ (36) ਨੂੰ ਮਿਲਕੇ ਪੰਜਾਬ ਦੀ ਪਾਰੀ ਨੂੰ ਸੰਭਾਲਿਆ। 19ਵੇਂ ਓਵਰ ਦੇ ਅੰਤ 'ਚ ਪੰਜਾਬ ਦੀ ਟੀਮ 99 ਰਨ 'ਤੇ 8 ਵਿਕਟ ਗਵਾ ਚੁੱਕੀ ਸੀ। ਪਰ ਫਿਰ ਆਖਰੀ ਓਵਰ 'ਚ ਨਿਖਿਲ ਚੌਧਰੀ ਨੇ ਪੰਜਾਬ ਨੂੰ ਜਿੱਤ ਹਾਸਿਲ ਕਰਵਾਈ।
ਪੰਜਾਬ ਲਈ ਮਨਪ੍ਰੀਤ ਗੋਨੀ ਨੇ 4 ਓਵਰਾਂ 'ਚ 26 ਰਨ ਦੇਕੇ 3 ਵਿਕਟ ਝਟਕੇ।
ਨਿਖਿਲ ਚੌਧਰੀ ਅਤੇ ਸੰਦੀਪ ਸ਼ਰਮਾ ਨੂੰ 2-2 ਵਿਕਟ ਹਾਸਿਲ ਹੋਏ।
ਪੰਜਾਬ - 106/8 (19.2 ਓਵਰ)