T20 world cup 2024: ਇਨ੍ਹੀਂ ਦਿਨੀਂ ਟੀ-20 ਵਿਸ਼ਵ ਕੱ(T 20 World Cup)ਪ ਖੇਡਿਆ ਜਾ ਰਿਹਾ ਹੈ ਤੇ ਇਸ ਟੂਰਨਾਮੈਂਟ ਦਾ ਹਰ ਮੈਚ ਦਰਸ਼ਕਾਂ ਲਈ ਪੈਸਾ ਵਸੂਲ ਸਾਬਤ ਹੋ ਰਿਹਾ ਹੈ। ਟੀਮਾਂ ਟੀ-20 ਵਿਸ਼ਵ ਕੱਪ ਦੇ ਸੁਪਰ-8 ਲਈ ਕੁਆਲੀਫਾਈ ਕਰ ਚੁੱਕੀਆਂ ਹਨ ਤੇ ਜਲਦੀ ਹੀ ਸੁਪਰ-8 ਮੈਚ ਵੀ ਖੇਡਣਗੀਆਂ। ਹੁਣ ਇਸ ਟੀ-20 ਵਰਲਡ ਕੱਪ 'ਚ ਪਹਿਲਾਂ ਹੀ ਵੱਡਾ ਉਲਟਫੇਰ ਦੇਖਣ ਨੂੰ ਮਿਲਿਆ ਹੈ। ਦਰਅਸਲ ਗੱਲ ਇਹ ਹੈ ਕਿ ਹੁਣ ਰੋਹਿਤ ਦੀ ਟੀਮ ਟੀ-20 ਵਿਸ਼ਵ ਕੱਪ ਸੁਪਰ-8 ਦੀ ਦੌੜ ਤੋਂ ਬਾਹਰ ਹੋ ਗਈ ਹੈ ਅਤੇ ਇਹ ਖ਼ਬਰ ਸੁਣ ਕੇ ਸਾਰੇ ਕ੍ਰਿਕਟ ਸਮਰਥਕ ਕਾਫੀ ਨਿਰਾਸ਼ ਹੋ ਗਏ ਹਨ।
ਕਿਵੇਂ ਬਾਹਰ ਹੋਈ ਰੋਹਿਤ ਦੀ ਟੀਮ ?
ਅਸੀਂ ਜਿਸ ਰੋਹਿਤ ਦੀ ਗੱਲ ਕਰ ਰਹੇ ਹਾਂ ਉਹ ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਰੋਹਿਤ ਸ਼ਰਮਾ(Rohit Sharma) ਨਹੀਂ, ਸਗੋਂ ਨੇਪਾਲ ਕ੍ਰਿਕਟ ਟੀਮ ਦੇ ਕਪਤਾਨ ਰੋਹਿਤ ਪੌਡੇਲ(Rohit Paudel)ਹਨ। ਰੋਹਿਤ ਪੌਡੇਲ ਦੀ ਕਪਤਾਨੀ ਵਾਲੀ ਟੀਮ ਟੀ-20 ਵਿਸ਼ਵ ਕੱਪ 'ਚ ਬੰਗਲਾਦੇਸ਼ ਦੇ ਖਿਲਾਫ ਮੈਚ ਹਾਰ ਗਈ ਅਤੇ ਇਸ ਦੇ ਨਾਲ ਹੀ ਟੀਮ ਦਾ ਸੁਪਰ-8 'ਚ ਪਹੁੰਚਣ ਦਾ ਸੁਪਨਾ ਵੀ ਅਧੂਰਾ ਰਹਿ ਗਿਆ। ਰੋਹਿਤ ਪੌਡੇਲ ਦੀ ਕਪਤਾਨੀ ਵਿੱਚ ਟੀਮ ਨੇ ਕੁਆਲੀਫਾਇਰ ਰਾਊਂਡ ਖੇਡ ਕੇ ਟੂਰਨਾਮੈਂਟ ਲਈ ਕੁਆਲੀਫਾਈ ਕੀਤਾ ਸੀ ਅਤੇ ਇਸ ਟੀਮ ਨੇ ਇਸ ਟੀ-20 ਵਿਸ਼ਵ ਕੱਪ ਵਿੱਚ ਆਪਣੇ ਪ੍ਰਦਰਸ਼ਨ ਨਾਲ ਸਭ ਨੂੰ ਪ੍ਰਭਾਵਿਤ ਕੀਤਾ ਹੈ।
ਕਿਵੇਂ ਦਾ ਰਿਹਾ ਮੈਚ ?
ਟੀ-20 ਵਿਸ਼ਵ ਕੱਪ ਦਾ 37ਵਾਂ ਮੈਚ ਬੰਗਲਾਦੇਸ਼ ਅਤੇ ਨੇਪਾਲ ਵਿਚਾਲੇ ਕਿੰਗਸਟਾਊਨ ਮੈਦਾਨ 'ਤੇ ਖੇਡਿਆ ਗਿਆ ਅਤੇ ਇਸ ਮੈਚ 'ਚ ਨੇਪਾਲ ਦੀ ਟੀਮ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਸ ਮੈਚ ਵਿੱਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਬੰਗਲਾਦੇਸ਼ ਦੀ ਟੀਮ 19.3 ਓਵਰਾਂ ਵਿੱਚ 106 ਦੌੜਾਂ ਬਣਾ ਕੇ ਆਲ ਆਊਟ ਹੋ ਗਈ। ਨੇਪਾਲ ਦੀ ਟੀਮ ਨੇ ਇਸ ਮੈਚ ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ ਅਤੇ ਸੋਮਪਾਲ ਸਿੰਘ, ਦੀਪੇਂਦਰ ਸਿੰਘ, ਰੋਹਿਤ ਪੌਡੇਲ ਅਤੇ ਸੰਦੀਪ ਲਾਮਿਛਾਨੇ ਨੇ 2-2 ਵਿਕਟਾਂ ਹਾਸਲ ਕੀਤੀਆਂ। ਜਦਕਿ ਬੰਗਲਾਦੇਸ਼ ਦੀਆਂ ਦੋ ਵਿਕਟਾਂ ਰਨ ਆਊਟ ਹੋ ਗਈਆਂ।
107 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਨੇਪਾਲ ਦੀ ਸ਼ੁਰੂਆਤ ਬਹੁਤ ਖਰਾਬ ਰਹੀ ਅਤੇ ਟੀਮ ਦੀਆਂ 3 ਮਹੱਤਵਪੂਰਨ ਵਿਕਟਾਂ 20 ਦੌੜਾਂ ਦੇ ਫਰਕ 'ਤੇ ਡਿੱਗ ਗਈਆਂ। ਇਸ ਤੋਂ ਬਾਅਦ ਟੀਮ ਦਾ ਕੋਈ ਵੀ ਬੱਲੇਬਾਜ਼ ਕ੍ਰੀਜ਼ 'ਤੇ ਟਿਕ ਨਹੀਂ ਸਕਿਆ ਅਤੇ ਪੂਰੀ ਟੀਮ ਤਾਸ਼ ਦੇ ਪੱਤਿਆਂ ਵਾਂਗ ਢਹਿ ਗਈ। ਨੇਪਾਲ ਦੀ ਟੀਮ ਇਸ ਮੈਚ ਵਿੱਚ 19.2 ਓਵਰਾਂ ਵਿੱਚ 85 ਦੌੜਾਂ ਬਣਾ ਕੇ ਢੇਰ ਹੋ ਗਈ। ਬੰਗਲਾਦੇਸ਼ ਦੀ ਟੀਮ ਨੇ ਇਹ ਅਹਿਮ ਮੈਚ 21 ਦੌੜਾਂ ਦੇ ਵੱਡੇ ਫਰਕ ਨਾਲ ਜਿੱਤ ਲਿਆ।