Shubhman Gill Shahneel Gill age difference: ਕ੍ਰਿਕਟ ਹੋਵੇ ਜਾਂ ਕੋਈ ਹੋਰ ਖੇਡ, ਅਥਲੀਟਾਂ ਨੂੰ ਕਈ ਵਾਰ ਆਪਣੀ ਉਮਰ ਲੁਕਾਉਂਦੇ ਹੋਏ ਦੇਖਿਆ ਗਿਆ ਹੈ। ਸਾਬਕਾ ਭਾਰਤੀ ਕ੍ਰਿਕਟਰ ਅਮਿਤ ਮਿਸ਼ਰਾ ਨੇ ਉਮਰ ਛੁਪਾਉਣ ਦੀ ਗੱਲ ਕਬੂਲ ਕੀਤੀ ਹੈ, ਜਦਕਿ ਨਿਤੀਸ਼ ਰਾਣਾ ਨੂੰ ਉਮਰ ਲੁਕਾਉਣ ਲਈ BCCI ਤੋਂ ਮੁਅੱਤਲੀ ਦਾ ਸਾਹਮਣਾ ਕਰਨਾ ਪਿਆ ਹੈ। ਪਰ ਹੁਣ ਸ਼ੁਭਮਨ ਗਿੱਲ ਵੀ ਇਸੇ ਵਜ੍ਹਾ ਕਰਕੇ ਸੁਰਖੀਆਂ ਵਿੱਚ ਹਨ। ਦਰਅਸਲ, ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਸ਼ੁਭਮਨ ਗਿੱਲ ਅਤੇ ਉਨ੍ਹਾਂ ਦੀ ਭੈਣ ਸ਼ਹਿਨੀਲ ਗਿੱਲ ਦੇ ਜਨਮਦਿਨ 'ਚ ਸਿਰਫ 3 ਮਹੀਨਿਆਂ ਦਾ ਫਰਕ ਹੈ।
ਸ਼ੁਭਮਨ ਗਿੱਲ ਇਸ ਸਮੇਂ ਭਾਰਤ ਦੇ ਚੋਟੀ ਦੇ ਕ੍ਰਿਕਟਰਾਂ ਵਿੱਚੋਂ ਇੱਕ ਹਨ ਅਤੇ ਉਨ੍ਹਾਂ ਦਾ ਜਨਮ 8 ਸਤੰਬਰ 1999 ਨੂੰ ਫਾਜ਼ਿਲਕਾ, ਪੰਜਾਬ ਵਿੱਚ ਹੋਇਆ ਸੀ। ਸ਼ੁਭਮਨ ਦੀ ਇੱਕ ਭੈਣ ਵੀ ਹੈ, ਜਿਸ ਦਾ ਨਾਂ ਸ਼ਾਹਨੀਲ ਗਿੱਲ ਹੈ, ਜੋ ਸੋਸ਼ਲ ਮੀਡੀਆ 'ਤੇ ਐਕਟਿਵ ਰਹਿੰਦੀ ਹੈ ਅਤੇ ਲਗਾਤਾਰ ਚਰਚਾ 'ਚ ਰਹਿੰਦੀ ਹੈ। ਵਾਇਰਲ ਹੋ ਰਹੀ ਪੋਸਟ 'ਚ ਦੇਖਿਆ ਜਾ ਸਕਦਾ ਹੈ ਕਿ ਸ਼ਾਹਨੀਲ ਗਿੱਲ ਦਾ ਜਨਮ 16 ਦਸੰਬਰ 1999 ਨੂੰ ਹੋਇਆ ਸੀ। ਦੋਹਾਂ ਭੈਣ-ਭਰਾਵਾਂ ਦੇ ਜਨਮਦਿਨ 'ਤੇ ਨਜ਼ਰ ਮਾਰੀਏ ਤਾਂ ਸਿਰਫ 3 ਮਹੀਨਿਆਂ ਦਾ ਫਰਕ ਹੈ। ਅਜਿਹੇ 'ਚ ਭਾਰਤੀ ਕ੍ਰਿਕਟਰਾਂ 'ਤੇ ਉਮਰ ਬਦਲ ਕੇ ਧੋਖਾਧੜੀ ਦਾ ਦੋਸ਼ ਲਗਾਇਆ ਜਾ ਰਿਹਾ ਹੈ।
ਕੀ ਹੈ ਸੱਚਾਈ ?
ਇਸ ਤਰ੍ਹਾਂ ਦੀਆਂ ਪੋਸਟਾਂ ਪਹਿਲਾਂ ਵੀ ਵਾਇਰਲ ਹੋ ਚੁੱਕੀਆਂ ਹਨ, ਪਰ ਗੁਜਰਾਤ ਟਾਈਟਨਸ ਨੇ ਕਰੀਬ ਇੱਕ ਸਾਲ ਪਹਿਲਾਂ ਰੱਖੜੀ ਦੇ ਮੌਕੇ 'ਤੇ ਇੰਸਟਾਗ੍ਰਾਮ 'ਤੇ ਇੱਕ ਵੀਡੀਓ ਸ਼ੇਅਰ ਕੀਤਾ ਸੀ। ਉਸ ਵੀਡੀਓ ਕਲਿੱਪ ਵਿੱਚ ਗੁਜਰਾਤ ਲਈ ਖੇਡਣ ਵਾਲੇ ਖਿਡਾਰੀਆਂ ਦੀਆਂ ਭੈਣਾਂ ਨੇ ਆਪਣੇ ਭਰਾਵਾਂ ਲਈ ਪਿਆਰ ਦਾ ਇਜ਼ਹਾਰ ਕੀਤਾ ਸੀ। ਇਸੇ ਵੀਡੀਓ 'ਚ ਸ਼ਾਹਨੀਲ ਗਿੱਲ ਨੇ ਖੁਲਾਸਾ ਕੀਤਾ ਸੀ ਕਿ ਉਸ ਦੀ ਅਤੇ ਸ਼ੁਭਮਨ ਦੀ ਉਮਰ 'ਚ ਢਾਈ ਸਾਲ ਦਾ ਫਰਕ ਹੈ।
ਇਸ ਵੀਡੀਓ 'ਚ ਸ਼ਾਹਨੀਲ ਗਿੱਲ ਕਹਿੰਦੀ ਹੈ, ''ਅਸੀਂ ਬਚਪਨ 'ਚ ਇੱਕ-ਦੂਜੇ ਦੇ ਸਭ ਤੋਂ ਚੰਗੇ ਦੋਸਤ ਹੁੰਦੇ ਸੀ। ਅਸੀਂ ਹਮੇਸ਼ਾ ਇਕੱਠੇ ਘੁੰਮਦੇ ਰਹਿੰਦੇ ਸੀ, ਪਰ ਜਦੋਂ ਸ਼ੁਭਮਨ ਮੈਚ ਖੇਡਣ ਲਈ ਬਾਹਰ ਜਾਣ ਲੱਗੇ ਅਤੇ ਜ਼ਿਆਦਾਤਰ ਘਰ ਤੋਂ ਬਾਹਰ ਹੀ ਰਹਿੰਦੇ ਸੀ, ਉਦੋਂ ਮੇਰੇ ਲਈ ਬਿਤਾਉਣਾ ਮੁਸ਼ਕਿਲ ਹੁੰਦਾ ਸੀ। ਮੇਰੇ ਕੋਲ ਬਹੁਤ ਸਾਰੇ ਦੋਸਤ ਨਹੀਂ ਸਨ ਕਿਉਂਕਿ ਸਾਡੀ ਉਮਰ ਵਿੱਚ ਸਿਰਫ ਢਾਈ ਸਾਲ ਦਾ ਫਰਕ ਸੀ, ਮੈਂ ਬਚਪਨ ਵਿੱਚ ਬਹੁਤ ਸ਼ਰਮੀਲਾ ਹੁੰਦਾ ਸੀ, ਜਦੋਂ ਕਿ ਸ਼ੁਭਮਨ ਬਹੁਤ ਸ਼ਰਾਰਤ ਕਰਦੇ ਸੀ।