ਸ੍ਰੀਲੰਕਾ ਦੀ ਸ਼ੁਰੂਆਤ ਬੇਹੱਦ ਖ਼ਰਾਬ ਰਹੀ ਅਤੇ ਟੀਮ ਦਾ ਪਹਿਲਾ ਵਿਕਟ ਪੰਜ ਦੌੜਾਂ 'ਤੇ ਹੀ ਡਿੱਗ ਗਿਆ। ਇਸ ਤੋਂ ਬਾਅਦ ਫਰਨਾਂਡੋ 11 ਦੌੜਾਂ ਬਣਾ ਕੇ ਪਵੇਲਿਅਨ ਪਰਤ ਗਏ। 26 ਦੌੜਾਂ ਤਕ ਆਉਂਦੇ-ਆਉਂਦੇ ਸ੍ਰੀਲੰਕਾ ਆਪਣੀਆਂ ਚਾਰ ਵਿਕਟਾਂ ਗੁਆ ਬੈਠਿਆ ਸੀ।
ਜੇਕਰ ਭਾਰਤੀ ਟੀਮ ਦੀ ਗੱਲ ਕੀਤੀ ਜਾਵੇ ਤਾਂ ਸ੍ਰੀਲੰਕਾ ਨੂੰ ਭਾਰਤੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 202 ਦੌੜਾਂ ਦਾ ਟੀਚਾ ਦਿੱਤਾ ਸੀ। ਇਸ 'ਚ ਸਲਾਮੀ ਜੋੜੀ ਲੋਕੇਸ਼ ਰਾਹੁਲ ਨੇ 54 ਅਤੇ ਸ਼ਿਖਰ ਧਵਨ ਨੇ 52 ਦੌੜਾਂ ਬਣਾ 97 ਦੌੜਾਂ ਦੀ ਸਾਂਝੇਦਾਰੀ ਦਿੱਤੀ। ਜਦਕਿ 20 ਓਵਰਾਂ ਤਕ ਮਨੀਸ਼ ਪਾਂਡੀਆ ਅਤੇ ਸ਼ਾਰਦੁਲ ਠਾਕੁਰ ਨੇ ਨਾਬਾਦ ਰਹਿੰਦਿਆਂ ਤੂਫਾਨੀ ਪਾਰੀ ਖੇਡੀ।
ਕਪਤਾਨ ਵਿਰਾਟ ਕੋਹਲੀ (26) ਨੇ ਮਨੀਸ਼ ਪਾਂਡੀਆ ਨਾਲ ਮਿਲਕੇ ਭਾਰਤੀ ਟੀਮ ਦਾ ਸਕੌਰ 150 ਤਕ ਪਹੁੰਚਾਇਆ ਪਰ 164 ਦੋੜਾਂ 'ਤੇ ਕੋਹਲੀ ਆਊਟ ਹੋ ਗਏ। ਕੋਹਲੀ ਨੇ 17 ਗੇਂਦਾਂ ਦਾ ਸਾਹਮਣਾ ਕਰਦੇ ਹੋਏ ਦੋ ਚੌਕਿਆਂ ਅਤੇ ਇੱਕ ਛੱਕੇ ਦੀ ਮਦਦ ਨਾਲ 26 ਦੋੜਾਂ ਬਣਾਇਆਂ।