ਭਾਰਤੀ (ਮਹਿਲਾ) ਕ੍ਰਿਕਟ ਟੀਮ ਨੇ ਸ਼੍ਰੀਲੰਕਾ ਨੂੰ ਕੀਤਾ ਚਿੱਤ
ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਨੇ ਵਿਸ਼ਵ ਕਪ ਕੁਆਲੀਫਿਕੇਸ਼ਨ ਮੈਚ 'ਚ ਸ਼੍ਰੀਲੰਕਾ ਨੂੰ ਮਾਤ ਦੇ ਦਿੱਤੀ। ਦੇਵਿਕਾ ਵੈਦਿਆ ਅਤੇ ਮਿਥਾਲੀ ਰਾਜ ਦੀ ਦਮਦਾਰ ਬੱਲੇਬਾਜ਼ੀ ਸਦਕਾ ਭਾਰਤੀ ਟੀਮ ਨੇ ਸ਼੍ਰੀਲੰਕਾ ਨੂੰ 114 ਰਨ ਨਾਲ ਮਾਤ ਦੇ ਦਿੱਤੀ।
ਜਵਾਬ 'ਚ ਸ਼੍ਰੀਲੰਕਾ ਦੀ ਟੀਮ ਨਿਰਧਾਰਿਤ 50 ਓਵਰਾਂ 'ਚ 8 ਵਿਕਟ ਗਵਾ ਕੇ 145 ਰਨ ਹੀ ਬਣਾ ਸਕੀ। ਸ਼੍ਰੀਲੰਕਾ ਦੀ ਕੋਈ ਵੀ ਖਿਡਾਰਨ ਜਾਦਾ ਸਮਾਂ ਮੈਦਾਨ 'ਤੇ ਟਿਕਣ 'ਚ ਨਾਕਾਮ ਰਹੀ। ਸ਼ੁਰੂਆਤੀ ਓਵਰਾਂ 'ਚ ਧੀਮੀ ਰਨਗਤੀ ਵੀ ਸ਼੍ਰੀਲੰਕਾ ਦੀ ਟੀਮ ਲਈ ਅੜਿੱਕਾ ਬਣ ਗਈ।
ਇਸ ਮੈਚ 'ਚ ਭਾਰਤੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਨਿਰਧਾਰਿਤ 50 ਓਵਰਾਂ 'ਚ 4 ਵਿਕਟ ਗਵਾ ਕੇ 259 ਰਨ ਬਣਾਏ।
ਸ਼੍ਰੀਲੰਕਾ ਦੀਆਂ 3 ਖਿਡਾਰਨਾ ਰਨ ਆਊਟ ਹੋਈਆਂ ਜਦਕਿ ਰਾਜੇਸ਼ਵਰੀ ਗਾਇਕਵਾਡ ਅਤੇ ਏਕਤਾ ਬਿਸ਼ਟ ਨੇ 2-2 ਵਿਕਟ ਹਾਸਿਲ ਕੀਤੇ। ਦੀਪਤੀ ਸ਼ਰਮਾ ਨੇ 10 ਓਵਰਾਂ 'ਚ 12 ਰਨ ਦੇਕੇ 1 ਵਿਕਟ ਹਾਸਿਲ ਕੀਤਾ।
ਵੈਦਿਆ ਦੀ ਪਾਰੀ 'ਚ 11 ਚੌਕੇ ਸ਼ਾਮਿਲ ਸਨ। ਮਿਥਾਲੀ ਰਾਜ 62 ਗੇਂਦਾਂ 'ਤੇ 70 ਰਨ ਬਣਾ ਕੇ ਨਾਬਾਦ ਰਹੀ। ਦੋਨਾ ਦੀ ਦਮਦਾਰ ਬੱਲੇਬਾਜ਼ੀ ਸਦਕਾ ਭਾਰਤੀ ਟੀਮ ਮਜਬੂਤ ਸਕੋਰ ਖੜਾ ਕਰਨ 'ਚ ਕਾਮਯਾਬ ਰਹੀ।
ਭਾਰਤ ਲਈ ਦੀਪਤੀ ਸ਼ਰਮਾ, ਦੇਵਿਕਾ ਵੈਦਿਆ ਅਤੇ ਮਿਥਾਲੀ ਰਾਜ ਨੇ ਅਰਧ-ਸੈਂਕੜੇ ਠੋਕੇ। ਦੇਵਿਕਾ ਵੈਦਿਆ ਨੇ 103 ਗੇਂਦਾਂ 'ਤੇ 89 ਰਨ ਦੀ ਪਾਰੀ ਖੇਡੀ।