Women's T20 Challenge 2022 Final: ਸੁਪਰਨੋਵਾਸ ਨੇ ਵੇਲੋਸਿਟੀ ਨੂੰ 4 ਦੌੜਾਂ ਨਾਲ ਹਰਾ ਕੇ ਮਹਿਲਾ ਟੀ-20 ਚੈਲੇਂਜ 2022 ਦਾ ਖਿਤਾਬ ਜਿੱਤ ਲਿਆ ਹੈ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਸੁਪਰਨੋਵਾਸ ਨੇ 166 ਦੌੜਾਂ ਦਾ ਟੀਚਾ ਦਿੱਤਾ। ਜਵਾਬ ਵਿੱਚ ਵੇਲੋਸਿਟੀ ਦੀ ਟੀਮ 161 ਦੌੜਾਂ ਹੀ ਬਣਾ ਸਕੀ। ਸੁਪਰਨੋਵਾਸ ਲਈ ਕਪਤਾਨ ਹਰਮਨਪ੍ਰੀਤ ਕੌਰ ਨੇ 43 ਦੌੜਾਂ ਦੀ ਅਹਿਮ ਪਾਰੀ ਖੇਡੀ। ਜਦਕਿ ਡਿਆਂਡਰਾ ਡੌਟਿਨ ਨੇ ਦਮਦਾਰ ਅਰਧ ਸੈਂਕੜਾ ਲਗਾਇਆ। ਵੇਲੋਸਿਟੀ ਲਈ ਲੌਰਾ ਵੋਲਵਾਰਡਟ ਨੇ ਅਜੇਤੂ ਹਾਫ ਸੈਂਚਰੀ ਲਗਾਈ।
ਸੁਰਨੋਵਾਜ਼ ਵੱਲੋਂ ਦਿੱਤੇ ਟੀਚੇ ਦਾ ਪਿੱਛਾ ਕਰਨ ਲਈ ਵੇਲੋਸਿਟੀ ਤੋਂ ਸ਼ੇਫਾਲੀ ਵਰਮਾ ਅਤੇ ਯਸਤਿਕਾ ਭਾਟੀਆ ਓਪਨਿੰਗ ਕਰਨ ਆਏ। ਇਸ ਦੌਰਾਨ ਯਾਸਤਿਕਾ ਸਿਰਫ਼ 13 ਦੌੜਾਂ ਬਣਾ ਕੇ ਆਊਟ ਹੋ ਗਈ। ਜਦਕਿ ਸ਼ੈਫਾਲੀ 15 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਪੈਵੇਲੀਅਨ ਪਰਤ ਗਈ। ਕਪਤਾਨ ਦੀਪਤੀ ਸ਼ਰਮਾ ਸਿਰਫ਼ 2 ਦੌੜਾਂ ਬਣਾ ਕੇ ਆਊਟ ਹੋ ਗਈ। ਵੋਲਵਾਰਡ ਨੇ ਅਜੇਤੂ ਅਰਧ ਸੈਂਕੜਾ ਲਗਾਇਆ। ਉਹਨਾਂ ਨੇ 40 ਗੇਂਦਾਂ 'ਤੇ 65 ਦੌੜਾਂ ਬਣਾਈਆਂ। ਉਹਨਾਂ ਦੀ ਪਾਰੀ ਵਿੱਚ 5 ਚੌਕੇ ਅਤੇ 3 ਛੱਕੇ ਸ਼ਾਮਲ ਸਨ। ਇਸ ਤਰ੍ਹਾਂ ਵੇਲੋਸਿਟੀ ਨੇ 20 ਓਵਰਾਂ ਵਿੱਚ 161 ਦੌੜਾਂ ਬਣਾਈਆਂ। ਅਲਨਾ ਕਿੰਗ ਨੇ ਸੁਪਰਨੋਵਾਸ ਲਈ 3 ਵਿਕਟਾਂ ਲਈਆਂ। ਉਹਨਾਂ ਨੇ 4 ਓਵਰਾਂ ਵਿੱਚ 32 ਦੌੜਾਂ ਦਿੱਤੀਆਂ।
ਇਸ ਤੋਂ ਪਹਿਲਾਂ ਸੁਪਰਨੋਵਾਸ ਨੇ 20 ਓਵਰਾਂ 'ਚ 7 ਵਿਕਟਾਂ ਦੇ ਨੁਕਸਾਨ 'ਤੇ 165 ਦੌੜਾਂ ਬਣਾਈਆਂ। ਟੀਮ ਲਈ ਪ੍ਰਿਆ ਪੂਨੀਆ ਅਤੇ ਡੋਟਿਨ ਓਪਨਿੰਗ ਕਰਨ ਆਏ। ਪ੍ਰਿਆ ਨੇ 29 ਗੇਂਦਾਂ 'ਤੇ 28 ਦੌੜਾਂ ਬਣਾਈਆਂ। ਜਦਕਿ ਡੋਟਿਨ ਨੇ 44 ਗੇਂਦਾਂ 'ਤੇ 62 ਦੌੜਾਂ ਬਣਾਈਆਂ। ਉਸ ਦੀ ਪਾਰੀ ਵਿੱਚ 4 ਛੱਕੇ ਅਤੇ ਇੱਕ ਚੌਕਾ ਸ਼ਾਮਲ ਸੀ। ਕਪਤਾਨ ਹਰਮਨਪ੍ਰੀਤ ਨੇ 29 ਗੇਂਦਾਂ 'ਤੇ 43 ਦੌੜਾਂ ਬਣਾਈਆਂ। ਹਰਮਨਪ੍ਰੀਤ ਨੇ 3 ਛੱਕੇ ਅਤੇ 1 ਚੌਕਾ ਲਗਾਇਆ। ਪੂਜਾ ਵਸਤਰਕਾਰ 5 ਦੌੜਾਂ ਬਣਾ ਕੇ ਆਊਟ ਹੋ ਗਈ। ਹਾਲਾਂਕਿ ਟੀਮ ਨੇ ਰੋਮਾਂਚਕ ਜਿੱਤ ਦਰਜ ਕਰਕੇ ਖਿਤਾਬ ਆਪਣੇ ਨਾਂ ਕਰ ਲਿਆ।
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਸੁਪਰਨੋਵਾਸ ਨੇ 2018 ਵਿੱਚ ਫਾਈਨਲ ਮੈਚ ਜਿੱਤਿਆ ਸੀ। ਟੀਮ 3 ਵਿਕਟਾਂ ਨਾਲ ਜਿੱਤ ਗਈ। ਉਥੇ ਹੀ 2019 'ਚ ਵੀ ਜ਼ਬਰਦਸਤ ਜਿੱਤ ਦਰਜ ਕਰਦੇ ਹੋਏ ਵੇਲੋਸਿਟੀ ਨੂੰ 4 ਵਿਕਟਾਂ ਨਾਲ ਹਰਾ ਦਿੱਤਾ। ਇਸ ਤੋਂ ਬਾਅਦ ਸੁਪਰਨੋਵਾਸ ਨੇ ਇਕ ਵਾਰ ਫਿਰ ਵੇਲੋਸਿਟੀ ਨੂੰ 4 ਦੌੜਾਂ ਨਾਲ ਹਰਾ ਕੇ ਖਿਤਾਬ ਜਿੱਤਿਆ।