ਰੈਸਲਮੇਨਿਆ ਦਾ ਸਭ ਤੋਂ ਵੱਡਾ ਮੁਕਾਬਲਾ
WWE ਦੇ ਸਭ ਤੋਂ ਮਹਾਨ ਭਲਵਾਨਾਂ 'ਚ ਗਿਣੇ ਜਾਣ ਵਾਲੇ ਅੰਡਰਟੇਕਰ ਦੇ ਰੈਸਲਮੇਨਿਆ 'ਚ ਬਾਹਰ ਰਹਿਣ ਦੀਆਂ ਖਬਰਾਂ ਦੇ ਗਲਤ ਹੋਣ ਦੇ ਆਸਾਰ ਵਿਖ ਰਹੇ ਹਨ।
ਗੋਲਡਬਰਗ ਅਤੇ ਬਰੌਕ ਲੈਸਨਰ ਵਿਚਾਲੇ ਸਰਵਾਈਵਰ ਸੀਰੀਜ਼ ਦੌਰਾਨ ਮੁਕਾਬਲਾ ਵੇਖਣ ਨੂੰ ਮਿਲ ਸਕਦਾ ਹੈ।
ਰੈਸਲਮੇਨਿਆ ਤੋਂ ਪਹਿਲਾਂ ਖਬਰਾਂ ਸਨ ਕਿ ਅੰਡਰਟੇਕਰ ਅਜੇ ਫਿਟ ਨਹੀਂ ਹਨ ਪਰ ਬੁਧਵਾਰ ਰਾਤ ਅੰਡਰਟੇਕਰ ਨੇ NBA ਦੀ ਕਲੀਵਲੈਂਡ ਕੈਵੀਲੀਅਰਸ ਅਤੇ ਨਿਊਯਾਰਕ ਨਿਕਸ ਦੇ ਮੈਚ 'ਚ ਐਂਟਰੀ ਕੀਤੀ ਅਤੇ ਸਭ ਨੂੰ ਵਿਖਾ ਦਿੱਤਾ ਕਿ ਓਹ ਫਿਟ ਹਨ।
ਹੁਣ ਖਬਰਾਂ ਆ ਰਹੀਆਂ ਹਨ ਕਿ ਰੈਸਲਮੇਨਿਆ 33 'ਚ ਇੱਕ ਵਾਰ ਫਿਰ ਤੋਂ ਅੰਡਰਟੇਕਰ ਧੂਮ ਮਚਾਉਂਦੇ ਨਜਰ ਆ ਸਕਦੇ ਹਨ।
ਖਾਸ ਗੱਲ ਇਹ ਹੈ ਕਿ ਅੰਡਰਟੇਕਰ ਦੀ ਟੱਕਰ ਗੋਲਡਬਰਗ ਨਾਲ ਹੋ ਸਕਦੀ ਹੈ। ਫਲੋਰੀਡਾ ਦੇ ਔਰਲੈਂਡੋ 'ਚ ਹੋਣ ਵਾਲੇ ਘਮਾਸਾਨ 'ਚ ਅੰਡਰਟੇਕਰ ਅਤੇ ਗੋਲਡਬਰਗ ਵਿਚਾਲੇ ਮੁਕਾਬਲਾ ਵੇਖਣ ਨੂੰ ਮਿਲ ਸਕਦਾ ਹੈ।
ਪਰ ਇਸਤੋਂ ਬਾਅਦ ਗੋਲਡਬਰਗ ਅਤੇ ਜੌਨ ਸੀਨਾ ਦਾ ਮੁਕਾਬਲਾ ਕਰਵਾਇਆ ਜਾਣਾ ਸੀ ਜਿਸਦੀ ਜਗ੍ਹਾ ਹੁਣ ਗੋਲਡਬਰਗ ਅਤੇ ਅੰਡਰਟੇਕਰ ਦੀ ਟੱਕਰ ਵੇਖਣ ਨੂੰ ਮਿਲ ਸਕਦੀ ਹੈ।
ਕੁਝ ਵੈਬਸਾਈਟਸ 'ਤੇ ਆਈਆਂ ਖਬਰਾਂ ਅਨੁਸਾਰ WWE ਵੀ ਇਹ ਮੁਕਾਬਲਾ ਕਰਵਾਉਣ ਲਈ ਕਾਫੀ ਉਣਸ਼ਾਹਿਤ ਹੈ।
ਜੇਕਰ ਅੰਡਰਟੇਕਰ ਅਤੇ ਗੋਲਡਬਰਗ ਦਾ ਮੁਕਾਬਲਾ ਹੁੰਦਾ ਹੈ ਤਾਂ ਫੈਨਸ ਲਈ ਰੈਸਲਮੇਨਿਆ 33 ਦਾ ਇਹ ਸਭ ਤੋਂ ਵੱਡਾ ਮੈਚ ਸਾਬਿਤ ਹੋ ਸਕਦਾ ਹੈ।