ਬੁੱਧਵਾਰ ਨੂੰ, ਬ੍ਰਾਜ਼ੀਲ ਦੀ ਸੁਪਰੀਮ ਕੋਰਟ ਨੇ ਅਰਬਪਤੀ ਐਲੋਨ ਮਸਕ (Elon Musk) ਨੂੰ ਆਦੇਸ਼ ਦਿੱਤਾ ਹੈ ਕਿ 24 ਘੰਟੇ ਦੇ ਅੰਦਰ ਆਪਣੇ ਮੈਸੇਜਿੰਗ ਪਲੇਟਫਾਰਮ X ਲਈ ਬ੍ਰਾਜ਼ੀਲ ਵਿੱਚ ਇੱਕ ਕਾਨੂੰਨੀ ਪ੍ਰਤੀਨਿਧੀ ਦਾ ਨਾਮ ਦੇਣ । ਨਹੀਂ ਤਾਂ ਸਾਈਟ ਨੂੰ ਦੇਸ਼ ਵਿੱਚ ਬੰਦ ਕਰ ਦਿੱਤਾ ਜਾਵੇਗਾ।ਇਸ ਮਹੀਨੇ ਦੇ ਸ਼ੁਰੂ ਵਿੱਚ, X ਨੇ ਘੋਸ਼ਣਾ ਕੀਤੀ ਕਿ ਇਹ ਬ੍ਰਾਜ਼ੀਲ ਵਿੱਚ X ਨੂੰ ਬੰਦ ਕਰ ਦੇਵੇਗਾ। ਮਸਕ ਨੇ ਇਸ ਨੂੰ ਜੱਜ ਅਲੈਗਜ਼ੈਂਡਰ ਡੀ ਮੋਰੇਸ ਦਾ "ਸੈਂਸਰਸ਼ਿਪ ਆਰਡਰ" ਕਿਹਾ। ਐਕਸ ਨੇ ਕਿਹਾ ਸੀ ਕਿ ਇਸਦੀ ਸੇਵਾ ਬ੍ਰਾਜ਼ੀਲ ਵਿੱਚ ਉਪਭੋਗਤਾਵਾਂ ਲਈ ਉਪਲਬਧ ਹੋਵੇਗੀ।
ਐਕਸ ਨੇ ਦਾਅਵਾ ਕੀਤਾ ਸੀ ਕਿ ਮੋਰੇਸ ਨੇ ਕੰਪਨੀ ਦੇ ਇੱਕ ਕਾਨੂੰਨੀ ਪ੍ਰਤੀਨਿਧੀ ਨੂੰ ਗੁਪਤ ਰੂਪ ਵਿੱਚ ਗ੍ਰਿਫਤਾਰ ਕਰਨ ਦੀ ਧਮਕੀ ਦਿੱਤੀ ਸੀ। ਕਿਹਾ ਗਿਆ ਸੀ ਕਿ ਜੇਕਰ ਪਲੇਟਫਾਰਮ ਤੋਂ ਇਤਰਾਜ਼ਯੋਗ ਸਮੱਗਰੀ ਨੂੰ ਤੁਰੰਤ ਨਾ ਹਟਾਇਆ ਗਿਆ ਤਾਂ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।
ਜੱਜ ਦੇ ਫੈਸਲੇ ਦੇ ਘੰਟੇ ਬਾਅਦ, ਮਸਕ ਨੇ X ਉੱਤੇ ਕਿਹਾ ਮੋਰੇਸ "ਵਾਰ-ਵਾਰ ਉਹਨਾਂ ਕਾਨੂੰਨਾਂ ਨੂੰ ਤੋੜ ਰਿਹਾ ਹੈ ਜਿਸਦੀ ਉਸਨੇ ਸਹੁੰ ਲਈ ਸੀ।" ਇਸ ਸਾਲ ਦੇ ਸ਼ੁਰੂ ਵਿੱਚ, ਮੋਰੇਸ ਨੇ X ਨੂੰ ਉਹ ਅਕਾਊਂਟ ਬਲੌਕ ਕਰਨ ਦਾ ਆਦੇਸ਼ ਦਿੱਤਾ ਸੀ ਜੋ "ਡਿਜੀਟਲ ਮਿਲਿਸ਼ੀਆ" ਦੀ ਜਾਂਚ ਵਿੱਚ ਸ਼ਾਮਲ ਸਨ। ਜਿਨ੍ਹਾਂ ਉੱਤੇ ਸਾਬਕਾ ਰਾਸ਼ਟਰਪਤੀ ਜੈਅਰ ਬੋਲਸੋਨਾਰੋ ਦੇ ਸ਼ਾਸਨ ਦੌਰਾਨ ਜਾਅਲੀ ਖ਼ਬਰਾਂ ਅਤੇ ਨਫ਼ਰਤ ਵਾਲੇ ਸੰਦੇਸ਼ ਫੈਲਾਉਣ ਦਾ ਦੋਸ਼ ਲਗਾਇਆ ਗਿਆ ਸੀ।
ਜਦੋਂ ਐਲੋਨ ਮਸਕ ਨੇ ਉਸ ਫੈਸਲੇ ਨੂੰ ਚੁਣੌਤੀ ਦਿੱਤੀ ਅਤੇ ਕਿਹਾ ਕਿ ਉਹ ਉਨ੍ਹਾਂ ਖਾਤਿਆਂ ਨੂੰ ਮੁੜ ਐਕਟਿਵ ਕਰੇਗਾ ਜਿਨ੍ਹਾਂ ਨੂੰ ਜੱਜ ਨੇ ਬਲੌਕ ਕਰਨ ਦਾ ਹੁਕਮ ਦਿੱਤਾ ਸੀ, ਮੋਰੇਸ ਨੇ ਅਪ੍ਰੈਲ ਦੇ ਸ਼ੁਰੂ ਵਿੱਚ ਅਰਬਪਤੀ ਦੇ ਖਿਲਾਫ ਦੀ ਜਾਂਚ ਸ਼ੁਰੂ ਕੀਤੀ।
ਐਕਸ ਦੀ ਤਰਫੋਂ ਵਕੀਲਾਂ ਨੇ ਦਿੱਤੀ ਦਲੀਲ
ਐਕਸ ਦੇ ਪ੍ਰਤੀਨਿਧਾਂ ਨੇ ਸੁਪਰੀਮ ਕੋਰਟ ਨੂੰ ਦੱਸਿਆ ਕਿ ਸੋਸ਼ਲ ਮੀਡੀਆ ਪਲੇਟਫਾਰਮ X ਕਾਨੂੰਨੀ ਫੈਸਲਿਆਂ ਦੀ ਪਾਲਣਾ ਕਰੇਗਾ। ਹਾਲਾਂਕਿ, ਅਪ੍ਰੈਲ ਵਿੱਚ, ਮੋਰੇਸ ਨੇ ਐਕਸ ਨੂੰ ਪੁੱਛਿਆ ਕਿ ਉਸਨੇ ਕਥਿਤ ਤੌਰ 'ਤੇ ਆਪਣੇ ਫੈਸਲਿਆਂ ਦੀ ਪੂਰੀ ਤਰ੍ਹਾਂ ਪਾਲਣਾ ਕਿਉਂ ਨਹੀਂ ਕੀਤੀ।ਇਸ ਦੇ ਜਵਾਬ ਵਿੱਚ ਬ੍ਰਾਜ਼ੀਲ ਵਿੱਚ X ਦੀ ਤਰਫੋਂ ਕੇਸ ਲੜ ਰਹੇ ਹਨ ਵਕੀਲਾਂ ਨੇ ਸੁਪਰੀਮ ਕੋਰਟ ਨੂੰ ਦੱਸਿਆ ਕਿ ਅਪਰੇਸ਼ਨਲ ਖਾਮੀਆਂ ਕਾਰਨ ਜਿਨ੍ਹਾਂ ਖਾਤਿਆਂ ਨੂੰ ਬਲਾਕ ਕਰਨ ਲਈ ਕਿਹਾ ਗਿਆ ਸੀ, ਉਨ੍ਹਾਂ ਨੂੰ ਬਲਾਕ ਨਹੀਂ ਕੀਤਾ ਜਾ ਸਕਿਆ।
ਐਲੋਨ ਮਸਕ ਨੇ ਇਸ ਨੂੰ ਗੈਰ-ਸੰਵਿਧਾਨਕ ਦੱਸਿਆ
ਮਸਕ ਨੇ ਐਕਸ ਨਾਲ ਸਬੰਧਤ ਮੋਰੇਸ ਦੇ ਫੈਸਲਿਆਂ ਨੂੰ ਗੈਰ-ਸੰਵਿਧਾਨਕ ਦੱਸਿਆ ਹੈ। ਵੀਰਵਾਰ ਨੂੰ, "ਟਵਿੱਟਰ ਦਾ ਅੰਤ", "ਏਲੋਨ ਮਸਕ" ਅਤੇ "ਅਲੈਗਜ਼ੈਂਡਰ ਡੀ ਮੋਰੇਸ" ਵਰਗੇ ਵਿਸ਼ੇ ਬ੍ਰਾਜ਼ੀਲ ਵਿੱਚ X 'ਤੇ ਪ੍ਰਚਲਿਤ ਸਨ। ਜਿਸ 'ਤੇ ਲੱਖਾਂ ਪੋਸਟਾਂ ਬਣਾਈਆਂ ਗਈਆਂ।