BSNL 395 Days Plan: ਦੇਸ਼ ਦੀਆਂ ਪ੍ਰਾਈਵੇਟ ਟੈਲੀਕਾਮ ਕੰਪਨੀਆਂ ਆਪਣੇ ਪਲਾਨ ਦੀਆਂ ਕੀਮਤਾਂ ਵਧਾ ਰਹੀਆਂ ਹਨ। ਦੂਜੇ ਪਾਸੇ ਸਰਕਾਰ ਦੇ ਅਧੀਨ ਕੰਮ ਕਰਨ ਵਾਲੀ BSNL ਦੇਸ਼ ਭਰ ਦੇ ਉਪਭੋਗਤਾਵਾਂ ਲਈ 4ਜੀ ਸੇਵਾ ਸ਼ੁਰੂ ਕਰਨ ਜਾ ਰਹੀ ਹੈ।
BSNL ਨੂੰ ਹੋ ਰਿਹਾ ਫਾਇਦਾ
BSNL ਨੂੰ Jio, Airtel ਤੇ Vi ਦੇ ਰੀਚਾਰਜ ਪਲਾਨ 'ਚ ਵਾਧੇ ਦਾ ਕਾਫੀ ਫਾਇਦਾ ਹੁੰਦਾ ਨਜ਼ਰ ਆ ਰਿਹਾ ਹੈ। ਸਸਤੇ ਪਲਾਨ ਕਾਰਨ ਲੋਕ ਆਪਣਾ ਸਿਮ BSNL ਕੋਲ ਪੋਰਟ ਕਰਵਾ ਰਹੇ ਹਨ। 4ਜੀ ਸੇਵਾ ਸ਼ੁਰੂ ਹੋਣ ਤੋਂ ਬਾਅਦ, ਹੋਰ ਉਪਭੋਗਤਾਵਾਂ ਦੇ ਬੀਐਸਐਨਐਲ ਨਾਲ ਜੁੜਨ ਦੀ ਉਮੀਦ ਹੈ।
ਜੇ ਅਸੀਂ BSNL ਦੇ ਕੁਝ ਬਿਹਤਰੀਨ ਪਲਾਨ ਦੀ ਗੱਲ ਕਰੀਏ ਤਾਂ ਜਿਸ ਪਲਾਨ ਦੀ ਸਭ ਤੋਂ ਜ਼ਿਆਦਾ ਚਰਚਾ ਹੋ ਰਹੀ ਹੈ, ਉਹ ਹੈ 395 ਦਿਨਾਂ ਦਾ ਪਲਾਨ। ਇਸ 'ਚ ਦਿੱਤੀ ਗਈ ਸੇਵਾ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਸਭ ਤੋਂ ਚੰਗੀ ਗੱਲ ਇਹ ਹੈ ਕਿ ਇਹ ਦੂਜੀਆਂ ਕੰਪਨੀਆਂ ਦੇ ਪਲਾਨ ਨਾਲੋਂ ਬਹੁਤ ਸਸਤਾ ਹੈ। ਤਾਂ ਆਓ ਜਾਣਦੇ ਹਾਂ BSNL ਦੇ ਇਸ ਪਲਾਨ ਬਾਰੇ।
BSNL ਦਾ 395 ਦਿਨਾਂ ਦਾ ਪਲਾਨ
BSNL ਦਾ 395 ਦਿਨਾਂ ਦਾ ਪਲਾਨ 2,399 ਰੁਪਏ ਵਿੱਚ ਉਪਲਬਧ ਹੋਵੇਗਾ। ਇਸ 'ਚ ਯੂਜ਼ਰ ਨੂੰ ਰੋਜ਼ਾਨਾ 2 ਜੀਬੀ ਡਾਟਾ ਮਿਲਦਾ ਹੈ। ਇਸ ਤੋਂ ਇਲਾਵਾ ਦੇਸ਼ ਭਰ ਦੇ ਸਾਰੇ ਨੈੱਟਵਰਕਾਂ 'ਤੇ ਅਸੀਮਤ ਵਾਇਸ ਕਾਲ ਦਾ ਲਾਭ ਵੀ ਉਪਲਬਧ ਹੈ। ਇਸ ਤੋਂ ਇਲਾਵਾ 100 SMS ਦੀ ਸੇਵਾ ਵੀ ਉਪਲਬਧ ਹੈ। ਉਥੇ ਹੀ, ਜੇਕਰ ਅਸੀਂ ਹੋਰ ਫਾਇਦਿਆਂ ਦੀ ਗੱਲ ਕਰੀਏ ਤਾਂ ਇਸ ਵਿੱਚ Zing Music, BSNL Tunes, Hardy Games, Challenger Arena Games ਅਤੇ GameOn Astrotel ਵਰਗੀਆਂ ਸੇਵਾਵਾਂ ਵੀ ਉਪਲਬਧ ਹੋਣਗੀਆਂ।
ਜੀਓ ਅਤੇ ਏਅਰਟੈੱਲ ਕੋਲ ਵੀ ਅਜਿਹੇ ਪ੍ਰੀਪੇਡ ਪਲਾਨ ਹਨ, ਪਰ ਇਨ੍ਹਾਂ ਦੀਆਂ ਕੀਮਤਾਂ ਬੀਐਸਐਨਐਲ ਦੀਆਂ ਕੀਮਤਾਂ ਤੋਂ ਬਹੁਤ ਜ਼ਿਆਦਾ ਹਨ। ਇਹ ਦੋਵੇਂ ਕੰਪਨੀਆਂ 3599 ਰੁਪਏ 'ਚ 365 ਦਿਨਾਂ ਦਾ ਪਲਾਨ ਆਫਰ ਕਰ ਰਹੀਆਂ ਹਨ, ਜੇ ਸਰਵਿਸ ਦੀ ਗੱਲ ਕਰੀਏ ਤਾਂ ਇਹ ਵੀ ਸਮਾਨ ਹਨ। ਸਿਰਫ ਏਅਰਟੈੱਲ ਰੋਜ਼ਾਨਾ 2 ਜੀਬੀ ਡੇਟਾ ਦੇ ਰਿਹਾ ਹੈ ਜਦੋਂ ਕਿ ਜੀਓ ਰੋਜ਼ਾਨਾ 2.5 ਜੀਬੀ ਡੇਟਾ ਦੇ ਰਿਹਾ ਹੈ। ਸਪੀਡ ਦੀ ਗੱਲ ਕਰੀਏ ਤਾਂ ਇਹ ਦੋਵੇਂ ਕੰਪਨੀਆਂ ਯੂਜ਼ਰਸ ਨੂੰ 5ਜੀ ਸਰਵਿਸ ਪ੍ਰਦਾਨ ਕਰ ਰਹੀਆਂ ਹਨ, ਜਿਸ 'ਚ ਫਿਲਹਾਲ BSNL ਕਾਫੀ ਪਿੱਛੇ ਹੈ।