Buying an AC This Summer: ਗਰਮੀਆਂ ਦੀ ਸ਼ੁਰੂਆਤ ਹੋਣ ਨਾਲ ਹੀ ਲੋਕ ਆਪਣੇ ਘਰ ਨੂੰ ਠੰਡਾ ਰੱਖਣ ਲਈ AC ਖਰੀਦਣ ਦੀ ਯੋਜਨਾ ਬਣਾਉਣ ਲੱਗ ਪੈਂਦੇ ਹਨ। ਪਰ ਸਿਰਫ਼ ਕਿਸੇ ਬ੍ਰਾਂਡ ਜਾਂ ਕੀਮਤ ਦੇ ਆਧਾਰ 'ਤੇ AC ਖਰੀਦਣਾ ਸਹੀ ਫੈਸਲਾ ਨਹੀਂ ਹੁੰਦਾ। ਇੱਕ ਵਧੀਆ ਅਤੇ ਉਚਿਤ AC ਚੁਣਨ ਲਈ ਕੁਝ ਜ਼ਰੂਰੀ ਗੱਲਾਂ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ। ਆਓ ਵੇਖੀਏ ਕਿ ਅੱਜਕੱਲ ਲੋਕ AC ਖਰੀਦਦੇ ਸਮੇਂ ਕਿਹੜੀਆਂ ਗੱਲਾਂ ਨੂੰ ਤਰਜੀਹ ਦੇ ਰਹੇ ਹਨ।
ਬਿਜਲੀ ਦੀ ਬੱਚਤ (Energy Efficiency)
- ਅੱਜਕੱਲ ਜ਼ਿਆਦਾਤਰ ਲੋਕ ਬਿਜਲੀ ਦੀ ਬੱਚਤ ਨੂੰ ਪਹਿਲ ਦਿੰਦੇ ਹਨ।
- 3-ਸਟਾਰ ਜਾਂ 5-ਸਟਾਰ ਰੇਟਿੰਗ ਵਾਲੇ ਇਨਵਰਟਰ AC ਨੂੰ ਹੋਰ AC ਨਾਲੋਂ ਵੱਧ ਤਰਜੀਹ ਦਿੱਤੀ ਜਾਂਦੀ ਹੈ, ਕਿਉਂਕਿ ਇਹ ਘੱਟ ਬਿਜਲੀ ਖਰਚਦੇ ਹਨ।
- ਇਸਦੇ ਨਾਲ ਹੀ, ਨਾਨ-ਇਨਵਰਟਰ AC ਵੀ ਮਾਰਕੀਟ ਵਿੱਚ ਉਪਲਬਧ ਹਨ, ਜਿਨ੍ਹਾਂ ਨੂੰ ਤੇਜ਼ੀ ਨਾਲ ਠੰਢਾ ਕਰਨ ਦੀ ਸਮਰਥਾ ਦੇ ਕਾਰਨ ਚੁਣਿਆ ਜਾਂਦਾ ਹੈ।
ਕਮਰੇ ਅਨੁਸਾਰ AC ਦੀ ਸਮਰੱਥਾ
- ਲੋਕ ਆਪਣੇ ਕਮਰੇ ਦੇ ਸਾਈਜ਼ ਦੇ ਅਨੁਸਾਰ 1 ਟਨ, 1.5 ਟਨ ਜਾਂ 2 ਟਨ ਵਾਲੇ AC ਖਰੀਦ ਰਹੇ ਹਨ।
- ਛੋਟੇ ਕਮਰੇ ਲਈ 1 ਟਨ ਵਾਲਾ AC ਠੀਕ ਮੰਨਿਆ ਜਾਂਦਾ ਹੈ, ਜਦਕਿ ਵੱਡੇ ਕਮਰਿਆਂ ਲਈ 1.5 ਜਾਂ 2 ਟਨ ਵਾਲੇ AC ਵਧੀਆ ਚੋਣ ਹਨ।
ਕੀਮਤ ਅਤੇ ਆਫ਼ਰ
- AC ਖਰੀਦਦੇ ਸਮੇਂ ਲੋਕ ਕੀਮਤ ਅਤੇ ਮਿਲ ਰਹੇ ਛੋਟ/ਡਿਸਕਾਊਂਟ ਉੱਤੇ ਵੀ ਬਹੁਤ ਧਿਆਨ ਦੇ ਰਹੇ ਹਨ।
- ਉਹ ਆਨਲਾਈਨ ਵੈਬਸਾਈਟਾਂ ਅਤੇ ਇਲੈਕਟ੍ਰੋਨਿਕ ਸਟੋਰਾਂ 'ਤੇ ਕੀਮਤਾਂ ਦੀ ਤੁਲਨਾ ਕਰ ਰਹੇ ਹਨ।
- ਇਸ ਤੋਂ ਇਲਾਵਾ, ਕਈ ਕੰਪਨੀਆਂ ਫ੍ਰੀ ਇੰਸਟਾਲੇਸ਼ਨ, ਬਿਨਾ ਵਿਆਜ ਵਾਲੀ EMI, ਅਤੇ 1 ਤੋਂ 5 ਸਾਲ ਤੱਕ ਦੀ ਵਾਰੰਟੀ ਵੀ ਦੇ ਰਹੀਆਂ ਹਨ, ਜੋ ਗਾਹਕਾਂ ਨੂੰ ਖਾਸਾ ਆਕਰਸ਼ਿਤ ਕਰ ਰਹੀਆਂ ਹਨ।
ਏਅਰ ਪਿਊਰੀਫਿਕੇਸ਼ਨ
- ਦਿੱਲੀ ਵਰਗੇ ਪ੍ਰਦੂਸ਼ਿਤ ਸ਼ਹਿਰਾਂ ਵਿੱਚ ਰਹਿਣ ਵਾਲੇ ਲੋਕ ਏਅਰ ਪਿਊਰੀਫਾਇਰ ਅਤੇ PM 2.5 ਫਿਲਟਰ ਵਾਲੇ AC ਨੂੰ ਤਰਜੀਹ ਦੇ ਰਹੇ ਹਨ।
- ਹਾਲਾਂਕਿ, ਅਜੇ ਵੀ ਲਗਭਗ 30% ਲੋਕ ਹੀ ਇਸ ਫੀਚਰ ਨੂੰ ਧਿਆਨ ਵਿੱਚ ਰੱਖ ਕੇ AC ਦੀ ਖਰੀਦ ਕਰ ਰਹੇ ਹਨ।
ਘੱਟ ਆਵਾਜ਼ ਵਾਲੇ AC
- ਅੱਜਕੱਲ ਲੋਕ ਸ਼ਾਂਤ ਠੰਡਕ ਲਈ ਸਪਲਿਟ AC ਨੂੰ ਵਧੇਰੇ ਪਸੰਦ ਕਰ ਰਹੇ ਹਨ, ਕਿਉਂਕਿ ਇਹ ਘੱਟ ਆਵਾਜ਼ ਕਰਦੇ ਹਨ।
- ਪਰ ਜੋ ਲੋਕ ਕਿਰਾਏ ਦੇ ਘਰਾਂ ਵਿੱਚ ਰਹਿੰਦੇ ਹਨ ਜਾਂ ਜਿਨ੍ਹਾਂ ਦੇ ਘਰਾਂ ਵਿੱਚ ਵਿੰਡੋ ਲਗਾਉਣ ਦੀ ਥਾਂ ਹੈ, ਉਹ ਵਿੰਡੋ AC ਵੀ ਲੈ ਰਹੇ ਹਨ, ਕਿਉਂਕਿ ਇਹ ਸਸਤੇ ਹੁੰਦੇ ਹਨ।
AC ਖਰੀਦਦੇ ਸਮੇਂ ਇਹ ਗੱਲਾਂ ਜ਼ਰੂਰ ਧਿਆਨ ਵਿੱਚ ਰੱਖੋ:
ਸਿਰਫ਼ ਕੀਮਤ ਹੀ ਨਹੀਂ, ਸਗੋਂ AC ਦੀ ਊਰਜਾ ਸਮਰੱਥਾ (energy efficiency), ਟਨ ਦੀ ਸਮਰੱਥਾ, ਬ੍ਰਾਂਡ, ਫੀਚਰਜ਼ ਅਤੇ ਆਫਟਰ ਸੇਲਜ਼ ਸੇਵਾ ਨੂੰ ਵੀ ਧਿਆਨ ਵਿੱਚ ਰੱਖਣਾ ਚਾਹੀਦਾ ਹੈ, ਤਾਂ ਜੋ ਗਰਮੀਆਂ ਵਿੱਚ ਠੰਡਕ ਵੀ ਮਿਲੇ, ਬਿਜਲੀ ਦਾ ਬਿੱਲ ਵੀ ਘੱਟ ਆਵੇ, ਅਤੇ ਲੰਬੇ ਸਮੇਂ ਤੱਕ ਕੋਈ ਮੁਸ਼ਕਿਲ ਨਾ ਹੋਵੇ।