Call Merging Scam: ਧੋਖਾਧੜੀ ਤੋਂ ਬਚਣ ਲਈ ਸਰਕਾਰ ਲੋਕਾਂ ਨੂੰ ਲਗਾਤਾਰ ਸਚੇਤ ਰਹਿਣ ਦੀ ਸਲਾਹ ਦੇ ਰਹੀ ਹੈ। ਹਾਲ ਹੀ ਵਿੱਚ ਇੱਕ ਨਵੀਂ ਠੱਗੀ ਦਾ ਪਤਾ ਚੱਲਿਆ ਹੈ, ਜਿਸ ਵਿੱਚ ਯੂਜ਼ਰਾਂ ਨੂੰ ਕਾਲ ਮਰਜ ਕਰਨ ਲਈ ਫਸਾ ਕੇ ਉਹਨਾਂ ਨੂੰ ਬਿਨਾਂ ਦੱਸੇ ਹੀ ਵਨ-ਟਾਈਮ ਪਾਸਵਰਡ (OTP) ਪ੍ਰਾਪਤ ਕਰ ਲਿਆ ਜਾਂਦਾ ਹੈ। ਇੱਕ ਵਾਰੀ OTP ਮਿਲ ਜਾਣ ਤੋਂ ਬਾਅਦ ਉਹਨਾਂ ਨੂੰ ਕਿਸੇ ਹੋਰ ਅਧਿਕਾਰ ਦੀ ਲੋੜ ਨਹੀਂ ਹੁੰਦੀ ਅਤੇ ਬੈਂਕ ਅਕਾਊਂਟ ਖਾਲੀ ਕਰ ਦਿੱਤਾ ਜਾਂਦਾ ਹੈ।
ਜੇ ਤੁਸੀਂ ਆਪਣੇ ਪੈਸੇ ਨੂੰ ਚੋਰੀ ਹੋਣ ਤੋਂ ਬਚਾਉਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਇਸ ਨਵੀਂ ਠੱਗੀ ਬਾਰੇ ਸੱਭ ਕੁਝ ਜਾਣਨਾ ਜਰੂਰੀ ਹੈ। ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ (NPCI) ਦੁਆਰਾ ਵਿਕਸਿਤ ਯੂਨੀਫਾਇਡ ਪੇਮੈਂਟਸ ਇੰਟਰਫੇਸ (UPI) ਨੇ ਆਪਣੇ X ਅਕਾਊਂਟ 'ਤੇ ਯੂਜ਼ਰਾਂ ਨੂੰ ਚੇਤਾਵਨੀ ਜਾਰੀ ਕੀਤੀ ਹੈ।
ਯੂਜ਼ਰਾਂ ਨੂੰ ਦੱਸਿਆ ਗਿਆ ਹੈ ਕਿ ਧੋਖਾਧੜੀ ਕਰਨ ਵਾਲੇ ਕਾਲ ਮਰਜਿੰਗ ਦੀ ਵਰਤੋਂ ਕਰਕੇ ਤੁਹਾਡੇ OTP ਨੂੰ ਚੋਰੀ ਰਹੇ ਹਨ, ਜਿਸ ਨਾਲ ਆਸਾਨੀ ਨਾਲ ਤੁਹਾਡਾ ਬੈਂਕ ਅਕਾਊਂਟ ਖਾਲੀ ਹੋ ਸਕਦਾ ਹੈ। ਇਸ ਜਾਲ ਵਿੱਚ ਨਾ ਫਸੋ, ਸਚੇਤ ਰਹੋ ਅਤੇ ਆਪਣੇ ਪੈਸੇ ਨੂੰ ਸੁਰੱਖਿਅਤ ਰੱਖੋ।
ਕਿਵੇਂ ਕੰਮ ਕਰਦਾ ਹੈ Call Merging Scam?
ਇਸ ਠੱਗੀ ਦੀ ਸ਼ੁਰੂਆਤ ਇੱਕ ਅਣਜਾਣ ਕਾਲ ਤੋਂ ਹੁੰਦੀ ਹੈ। ਤੁਹਾਨੂੰ ਇੱਕ ਅਣਜਾਣ ਨੰਬਰ ਤੋਂ ਕਾਲ ਆਉਂਦੀ ਹੈ। ਇਸਦੇ ਬਾਅਦ, ਸਾਹਮਣੇ ਵਾਲਾ ਵਿਅਕਤੀ ਦਾਅਵਾ ਕਰਦਾ ਹੈ ਕਿ ਉਸਨੂੰ ਤੁਹਾਡਾ ਨੰਬਰ ਕਿਸੇ ਜਾਣਕਾਰ ਜਾਂ ਦੋਸਤ ਤੋਂ ਮਿਲਿਆ ਹੈ। ਫਿਰ ਇਹ ਕਹਿੰਦਾ ਹੈ ਕਿ ਉਹ ਜਾਣਕਾਰ ਇੱਕ ਵੱਖਰੀ ਕਾਲ 'ਤੇ ਹੈ, ਅਤੇ ਇਸ ਤੋਂ ਬਾਅਦ ਉਹ ਤੁਹਾਨੂੰ ਕਾਲ ਮਰਜ ਕਰਨ ਲਈ ਕਹਿੰਦਾ ਹੈ। ਜਿਵੇਂ ਹੀ ਕਾਲ ਮਰਜ ਹੁੰਦੀ ਹੈ, ਅਣਜਾਣੇ ਵਿੱਚ ਤੁਸੀਂ ਬੈਂਕ ਤੋਂ OTP ਵੈਰੀਫਿਕੇਸ਼ਨ ਕਾਲ ਨਾਲ ਜੁੜ ਜਾਂਦੇ ਹੋ, ਅਤੇ ਉਸਦੇ ਬਾਅਦ ਤੁਹਾਡੇ ਫੋਨ 'ਤੇ ਆਉਂਦੇ ਹੋਏ OTP ਸਾਹਮਣੇ ਵਾਲੇ ਦੇ ਫੋਨ 'ਤੇ ਜਾਣਾ ਸ਼ੁਰੂ ਹੋ ਜਾਂਦੇ ਹਨ।
ਇਸ ਠੱਗੀ ਤੋਂ ਕਿਵੇਂ ਬਚੋ?
ਅਣਜਾਣ ਨੰਬਰ ਤੋਂ ਕਾਲ ਮਰਜ ਨਾ ਕਰੋ: ਜਦੋਂ ਵੀ ਕਿਸੇ ਅਣਜਾਣ ਸੋਰਸ ਤੋਂ ਕਾਲ ਮਰਜ ਕਰਨ ਲਈ ਕਿਹਾ ਜਾਏ, ਤਾਂ ਸਚੇਤ ਰਹੋ। ਜੇ ਕੋਈ ਤੁਹਾਨੂੰ ਤੁਹਾਡੇ ਬੈਂਕ ਜਾਂ ਕਿਸੇ ਜਾਣਕਾਰ ਤੋਂ ਕਾਲ ਕਰਨ ਦਾ ਦਾਅਵਾ ਕਰਦਾ ਹੈ, ਤਾਂ ਕਿਸੇ ਵੀ ਜਾਣਕਾਰੀ ਨੂੰ ਸਾਂਝਾ ਕਰਨ ਤੋਂ ਪਹਿਲਾਂ ਕਾਲਰ ਨੂੰ ਵੈਰੀਫਾਈ ਕਰ ਲਓ। ਜੇ ਤੁਹਾਨੂੰ ਤੁਹਾਡੇ ਜਾਣਕਾਰੀ ਦੇ ਬਿਨਾਂ ਕੋਈ OTP ਮਿਲਦਾ ਹੈ, ਤਾਂ ਇਸ ਦੀ ਸ਼ਿਕਾਇਤ ਕਰੋ। ਤੁਸੀਂ 1930 'ਤੇ ਕਾਲ ਕਰਕੇ ਇਸ ਦੀ ਸ਼ਿਕਾਇਤ ਕਰ ਸਕਦੇ ਹੋ, ਤਾਂ ਜੋ ਸਮੇਂ 'ਤੇ ਕਾਰਵਾਈ ਕੀਤੀ ਜਾ ਸਕੇ।