Noise Cancellation Microphone Feature: ਫੋਨ ਵਿੱਚ ਬਹੁਤ ਸਾਰੀਆਂ ਚੀਜ਼ਾਂ ਹਨ ਜੋ ਦਿਖਾਈ ਦਿੰਦੀਆਂ ਹਨ ਪਰ ਸਾਨੂੰ ਉਨ੍ਹਾਂ ਦਾ ਕੰਮ ਪਤਾ ਨਹੀਂ ਹੁੰਦਾ। ਕੁਝ ਇਸੇ ਤਰ੍ਹਾਂ ਦੇ ਸਵਾਲ ਫੋਨ 'ਚ ਹੇਠਾਂ ਦਿੱਤੇ ਗਏ ਛੋਟੇ ਜਿਹੇ ਛੇਕ ਨੂੰ ਲੈ ਕੇ ਵੀ ਉੱਠਦੇ ਹਨ। ਜ਼ਿਆਦਾਤਰ ਲੋਕ ਇਸ ਨੂੰ ਮਾਈਕ੍ਰੋਫੋਨ ਸਮਝਦੇ ਹਨ। ਪਰ ਅਜਿਹਾ ਕੁਝ ਨਹੀਂ ਹੈ। ਫੋਨ ਵਿੱਚ ਦਿੱਤੀ ਗਈ ਇਸ ਛੋਟੀ ਮੋਰੀ ਨੂੰ ਮਾਈਕ੍ਰੋਫੋਨ ਗਰਿੱਲ ਕਿਹਾ ਜਾਂਦਾ ਹੈ।
ਫੋਨ ਦੇ ਹੇਠਾਂ ਦਿੱਤਾ ਗਿਆ ਫੰਕਸ਼ਨ ਨੋਇਸ ਕੈਂਸਲੇਸ਼ਨ ਲਈ ਹੁੰਦਾ ਹੈ, ਜਦੋਂ ਵੀ ਤੁਸੀਂ ਫੋਨ 'ਤੇ ਕਿਸੇ ਨਾਲ ਗੱਲ ਕਰਦੇ ਹੋ, ਇਹ ਆਲੇ ਦੁਆਲੇ ਦੇ ਸ਼ੋਰ ਨੂੰ ਘੱਟ ਕਰਨ ਵਿੱਚ ਮਦਦ ਕਰਦਾ ਹੈ। ਇਹ ਮਾਈਕ੍ਰੋਫ਼ੋਨ ਦੂਜੇ ਮਾਈਕ੍ਰੋਫ਼ੋਨ (ਜੋ ਫ਼ੋਨ ਦੇ ਸਿਖਰ 'ਤੇ ਸਥਿਤ ਹੈ) ਦੇ ਨਾਲ ਨੋਇਸ ਕੈਂਸਲੇਸ਼ਨ ਕਰਨ ਲਈ ਕੰਮ ਕਰਦਾ ਹੈ।
ਮਾਈਕ੍ਰੋਫੋਨ ਗਰਿੱਲ ਕਿਵੇਂ ਕੰਮ ਕਰਦੀ ਹੈ?
ਮਾਈਕ੍ਰੋਫੋਨ ਗਰਿੱਲ Noise Cancellation ਕਰਨ ਲਈ ਇੱਕ ਵਿਸ਼ੇਸ਼ ਐਲਗੋਰਿਦਮ ਦੀ ਵਰਤੋਂ ਕਰਦੇ ਹਨ। ਇਸ ਐਲਗੋਰਿਦਮ ਦੀ ਮਦਦ ਨਾਲ, ਤੁਸੀਂ ਕਾਲ 'ਤੇ ਦੂਜੇ ਵਿਅਕਤੀ ਦੀ ਗੱਲਬਾਤ ਨੂੰ ਸਾਫ ਅਤੇ ਸ਼ੋਰ-ਮੁਕਤ ਸੁਣਨ ਦੇ ਯੋਗ ਹੁੰਦੇ ਹਨ। ਖਾਸ ਕਰਕੇ ਜੇਕਰ ਤੁਸੀਂ ਕਿਸੇ ਵਿਅਸਤ ਜਾਂ ਰੌਲੇ-ਰੱਪੇ ਵਾਲੀ ਥਾਂ ਤੋਂ ਗੱਲ ਕਰ ਰਹੇ ਹੋ। ਜੇਕਰ ਤੁਹਾਡੇ ਫੋਨ 'ਚ ਮਾਈਕ੍ਰੋਫੋਨ ਗਰਿੱਲ ਨਹੀਂ ਹੈ, ਤਾਂ ਤੁਹਾਨੂੰ Noise Cancellation ਦੀ ਸਹੂਲਤ ਨਹੀਂ ਮਿਲੇਗੀ, ਜਿਸ ਕਾਰਨ ਤੁਸੀਂ ਭੀੜ-ਭੜੱਕੇ ਵਾਲੇ ਖੇਤਰ 'ਚ ਫੋਨ 'ਤੇ ਗੱਲ ਕਰਦੇ ਸਮੇਂ ਸਾਫ ਸੁਣ ਨਹੀਂ ਸਕੋਗੇ। ਇਸ ਤੋਂ ਇਲਾਵਾ ਫੋਨ 'ਚੋਂ Noise Cancellation ਕਰਨ ਵਾਲੇ ਮਾਈਕ੍ਰੋਫੋਨ ਨੂੰ ਹਟਾਉਣ ਨਾਲ ਵੀ ਵਾਇਸ ਅਸਿਸਟੈਂਟ ਵਰਗੇ ਫੀਚਰਸ ਦੀ ਵਰਤੋਂ ਕਰਨ 'ਚ ਦਿੱਕਤ ਆ ਸਕਦੀ ਹੈ।
ਹਰ ਸਮਾਰਟਫੋਨ 'ਚ ਨਹੀਂ ਹੁੰਦਾ Noise Cancellation ਕਰਨ ਵਾਲਾ ਮਾਈਕ੍ਰੋਫੋਨ
ਹਾਲਾਂਕਿ ਅੱਜ ਦੇ ਸਮੇਂ 'ਚ ਹਰ ਲੇਟੈਸਟ ਫੋਨ 'ਚ Noise Cancellation ਕਰਨ ਵਾਲਾ ਮਾਈਕ੍ਰੋਫੋਨ ਹੁੰਦਾ ਹੈ ਪਰ ਕੁਝ ਫੋਨਾਂ 'ਚ ਇਹ ਸੇਵਾ ਨਹੀਂ ਦਿੱਤੀ ਜਾਂਦੀ। ਇਸ ਲਈ ਜੇਕਰ ਤੁਸੀਂ ਜਾਣਨਾ ਚਾਹੁੰਦੇ ਹੋ ਕਿ ਤੁਹਾਡੇ ਫੋਨ 'ਚ Noise Cancellation ਫੀਚਰ ਹੈ ਜਾਂ ਨਹੀਂ, ਤਾਂ ਤੁਸੀਂ ਫੋਨ ਦੇ ਮੈਨੂਅਲ ਜਾਂ ਕੰਪਨੀ ਦੀ ਅਧਿਕਾਰਤ ਸਾਈਟ 'ਤੇ ਜਾ ਕੇ ਇਸ ਬਾਰੇ ਪਤਾ ਕਰ ਸਕਦੇ ਹੋ।