iPhone 18 Launch: Apple ਵੱਲੋਂ ਹਾਲ ਹੀ ਵਿੱਚ iPhone 18 Pro ਸੀਰੀਜ਼ ਅਤੇ iPhone Duo ਲਾਂਚ ਕੀਤੇ ਗਏ ਹਨ। ਹਾਲਾਂਕਿ ਕਈ ਲੋਕਾਂ ਨੂੰ ਸਟੈਂਡਰਡ iPhone 18 ਦਾ ਇੰਤਜ਼ਾਰ ਸੀ, ਪਰ ਕੰਪਨੀ ਨੇ ਇਸ ਨੂੰ ਫਿਲਹਾਲ ਲਾਂਚ ਨਹੀਂ ਕੀਤਾ। ਹੁਣ ਸਾਹਮਣੇ ਆ ਰਹੀਆਂ ਰਿਪੋਰਟਾਂ ਮੁਤਾਬਕ Apple ਅਗਲੇ ਸਾਲ ਦੀ ਸ਼ੁਰੂਆਤ ਵਿੱਚ iPhone 18, iPhone 18e ਅਤੇ iPhone Air 2 ਲਾਂਚ ਕਰ ਸਕਦੀ ਹੈ।
iPhone 18 Pro ਸੀਰੀਜ਼ ਦੇ ਮੁਕਾਬਲੇ ਸਟੈਂਡਰਡ iPhone 18 ਦੀ ਕੀਮਤ ਘੱਟ ਹੋਣ ਦੀ ਉਮੀਦ ਹੈ। ਇਸ ਦੇ ਨਾਲ ਹੀ ਕੰਪਨੀ iPhone 18e ਵੀ ਪੇਸ਼ ਕਰ ਸਕਦੀ ਹੈ, ਜੋ ਇਸ ਲਾਈਨਅੱਪ ਦਾ ਸਭ ਤੋਂ ਸਸਤਾ ਮਾਡਲ ਹੋਵੇਗਾ। ਹਾਲਾਂਕਿ ਕੰਪਨੀ ਵੱਲੋਂ ਅਜੇ ਤੱਕ ਇਨ੍ਹਾਂ ਫੋਨਾਂ ਦੀਆਂ ਕੀਮਤਾਂ ਬਾਰੇ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ।
iPhone 18 ਵਿੱਚ ਮਿਲਣਗੇ ਦੋ ਵੱਡੇ ਅਪਗ੍ਰੇਡ
ਰਿਪੋਰਟਾਂ ਮੁਤਾਬਕ iPhone 18 ਵਿੱਚ ਦੋ ਵੱਡੇ ਬਦਲਾਅ ਦੇਖਣ ਨੂੰ ਮਿਲ ਸਕਦੇ ਹਨ। ਪਹਿਲਾ ਇਸ ਵਿੱਚ ਪਹਿਲਾਂ ਨਾਲੋਂ ਵੱਡੀ ਬੈਟਰੀ ਦਿੱਤੀ ਜਾ ਸਕਦੀ ਹੈ। ਦੂਜਾ ਇਸ ਵਿੱਚ ਨਵਾਂ ਅਤੇ ਜ਼ਿਆਦਾ ਪਾਵਰ ਐਫੀਸ਼ੀਐਂਟ ਚਿੱਪਸੈੱਟ ਮਿਲਣ ਦੀ ਉਮੀਦ ਹੈ।
A20 ਚਿੱਪਸੈੱਟ ਨਾਲ ਮਿਲੇਗੀ ਬਿਹਤਰ ਪਰਫਾਰਮੈਂਸ
iPhone 18 ਵਿੱਚ 2nm ਪ੍ਰੋਸੈਸ ਤਕਨੀਕ ਨਾਲ ਤਿਆਰ ਕੀਤਾ A20 ਚਿੱਪਸੈੱਟ ਦਿੱਤਾ ਜਾ ਸਕਦਾ ਹੈ। ਇਸ ਨਾਲ ਫੋਨ ਦੀ ਸਪੀਡ ਅਤੇ ਪਰਫਾਰਮੈਂਸ ਬਿਹਤਰ ਹੋਣ ਦੇ ਨਾਲ ਗੇਮਿੰਗ ਦਾ ਤਜਰਬਾ ਵੀ ਸ਼ਾਨਦਾਰ ਹੋ ਸਕਦਾ ਹੈ।
iPhone 18 ਦੇ ਸੰਭਾਵਿਤ ਸਪੈਸੀਫਿਕੇਸ਼ਨ
ਲੀਕ ਹੋਈਆਂ ਰਿਪੋਰਟਾਂ ਅਨੁਸਾਰ iPhone 18 ਵਿੱਚ 6.3 ਇੰਚ ਦੀ LTPO OLED ਡਿਸਪਲੇਅ ਮਿਲ ਸਕਦੀ ਹੈ। ਇਸ ਵਿੱਚ 120Hz ProMotion ਰਿਫਰੈਸ਼ ਰੇਟ ਅਤੇ 1.5K ਰੈਜ਼ੋਲਿਊਸ਼ਨ ਦਿੱਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਫੋਨ ਦੇ ਬੇਜ਼ਲ ਵੀ ਪਤਲੇ ਹੋਣ ਦੀ ਉਮੀਦ ਹੈ।
ਕੈਮਰੇ ਵਿੱਚ ਵੀ ਹੋ ਸਕਦਾ ਹੈ ਵੱਡਾ ਬਦਲਾਅ
ਕੈਮਰੇ ਦੀ ਗੱਲ ਕਰੀਏ ਤਾਂ iPhone 18 ਵਿੱਚ ਡਿਊਲ ਰੀਅਰ ਕੈਮਰਾ ਸੈੱਟਅੱਪ ਮਿਲ ਸਕਦਾ ਹੈ। ਇਸ ਵਿੱਚ ਦੋਵੇਂ ਕੈਮਰੇ 48-48 ਮੈਗਾਪਿਕਸਲ ਦੇ ਹੋਣ ਦੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 24 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਦਿੱਤਾ ਜਾ ਸਕਦਾ ਹੈ। ਹਾਲਾਂਕਿ ਇਨ੍ਹਾਂ ਫੀਚਰਜ਼ ਦੀ ਅਜੇ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ।
iPhone 18 ਦੀ ਕੀਮਤ ਕਿੰਨੀ ਹੋ ਸਕਦੀ ਹੈ?
ਰਿਪੋਰਟਾਂ ਮੁਤਾਬਕ ਭਾਰਤ ਵਿੱਚ iPhone 18 ਦੀ ਸ਼ੁਰੂਆਤੀ ਕੀਮਤ 99,990 ਰੁਪਏ ਹੋ ਸਕਦੀ ਹੈ। ਇਹ ਕੀਮਤ iPhone 17 ਦੇ ਬਰਾਬਰ ਰਹਿਣ ਦੀ ਉਮੀਦ ਹੈ। ਫੋਨ ਦੇ ਬੇਸ ਵੇਰੀਐਂਟ ਵਿੱਚ 256GB ਇੰਟਰਨਲ ਸਟੋਰੇਜ ਮਿਲ ਸਕਦੀ ਹੈ।
ਹੁਣ ਦੇਖਣਾ ਹੋਵੇਗਾ ਕਿ iPhone 18 ਦੇ ਲਾਂਚ ਹੋਣ ਤੋਂ ਬਾਅਦ ਕੰਪਨੀ iPhone 17 ਦੀਆਂ ਕੀਮਤਾਂ ਵਿੱਚ ਕਟੌਤੀ ਕਰਦੀ ਹੈ ਜਾਂ ਨਹੀਂ। फिलਹਾਲ ਇਹ ਸਾਰੀਆਂ ਜਾਣਕਾਰੀਆਂ ਲੀਕ ਅਤੇ ਰਿਪੋਰਟਾਂ 'ਤੇ ਆਧਾਰਿਤ ਹਨ।