VI Prepaid Plan: ਹਾਲ ਹੀ 'ਚ ਇਹ ਖਬਰ ਆਈ ਸੀ ਕਿ ਵੋਡਾਫੋਨ ਆਈਡੀਆ ਫੰਡਿੰਗ ਕਾਰਨ ਆਪਣਾ 5ਜੀ ਨੈੱਟਵਰਕ ਲਾਂਚ ਨਹੀਂ ਕਰ ਪਾ ਰਹੀ ਹੈ। ਇਸ ਕਾਰਨ ਕੰਪਨੀ ਨੂੰ ਜੀਓ ਤੇ ਏਅਰਟੈੱਲ ਤੋਂ ਸਖ਼ਤ ਮੁਕਾਬਲਾ ਮਿਲ ਰਿਹਾ ਹੈ। ਪਿਛਲੇ ਕੁਝ ਸਾਲਾਂ ਵਿੱਚ ਵੋਡਾਫੋਨ-ਆਈਡੀਆ (Vodafone-idea) ਦੇ ਉਪਭੋਗਤਾ ਅਧਾਰ ਵਿੱਚ ਲਗਾਤਾਰ ਕਮੀ ਆਈ ਹੈ। ਰਿਲਾਇੰਸ ਜੀਓ ਤੇ ਏਅਰਟੈੱਲ ਨੇ ਪਿਛਲੇ ਸਾਲ 5ਜੀ ਨੈੱਟਵਰਕ ਲਾਂਚ ਕੀਤਾ ਸੀ ਤੇ ਹੁਣ ਤੱਕ ਕੰਪਨੀ ਦਾ ਨੈੱਟਵਰਕ ਕਈ ਸ਼ਹਿਰਾਂ ਵਿੱਚ ਉਪਲਬਧ ਹੋ ਚੁੱਕਾ ਹੈ। ਇਸ ਦੌਰਾਨ, ਗਾਹਕਾਂ 'ਤੇ ਪਕੜ ਬਣਾਈ ਰੱਖਣ ਲਈ, VI ਨੇ ਇੱਕ ਨਵਾਂ ਪ੍ਰੀਪੇਡ ਪਲਾਨ ਲਾਂਚ ਕੀਤਾ ਹੈ। ਕੰਪਨੀ ਨੇ 181 ਰੁਪਏ ਦਾ ਡਾਟਾ ਵਾਊਚਰ ਪਲਾਨ ਰੋਲਆਊਟ ਕੀਤਾ ਹੈ, ਜਿਸ 'ਚ ਗਾਹਕਾਂ ਨੂੰ 30 ਦਿਨਾਂ ਦੀ ਵੈਧਤਾ ਮਿਲਦੀ ਹੈ ਤੇ ਕੰਪਨੀ ਹਰ ਰੋਜ਼ 1GB ਡਾਟਾ ਦਿੰਦੀ ਹੈ।
ਇਹ ਇੱਕ ਡਾਟਾ ਵਾਊਚਰ ਪਲਾਨ ਹੈ। ਇਸ ਵਿੱਚ ਤੁਹਾਨੂੰ ਵਾਇਸ ਕਾਲ ਤੇ ਐਸਐਮਐਸ ਦੀ ਸਹੂਲਤ ਨਹੀਂ ਮਿਲਦੀ। ਇਹ ਪਲਾਨ ਉਨ੍ਹਾਂ ਲੋਕਾਂ ਲਈ ਚੰਗਾ ਹੈ ਜਿਨ੍ਹਾਂ ਦੀ ਡਾਟਾ ਖਪਤ ਜ਼ਿਆਦਾ ਹੈ ਅਤੇ ਉਹ ਘੱਟ ਕੀਮਤ 'ਤੇ ਆਪਣੇ ਲਈ ਸੈਕੰਡਰੀ ਪਲਾਨ ਲੱਭ ਰਹੇ ਹਨ।
ਰਿਲਾਇੰਸ ਜੀਓ ਦਾ ਇੱਕ ਮਹੀਨੇ ਦਾ ਪਲਾਨ
ਰਿਲਾਇੰਸ ਜੀਓ ਆਪਣੇ ਗਾਹਕਾਂ ਨੂੰ ਵੱਖ-ਵੱਖ ਵੈਧਤਾ ਵਾਲੇ 149 ਰੁਪਏ, 179 ਰੁਪਏ ਅਤੇ 209 ਰੁਪਏ ਦੇ ਪਲਾਨ ਵਿੱਚ ਪ੍ਰਤੀ ਦਿਨ 1GB ਡੇਟਾ ਦੀ ਪੇਸ਼ਕਸ਼ ਕਰਦਾ ਹੈ। 149 ਰੁਪਏ ਵਾਲੇ ਪਲਾਨ 'ਚ ਗਾਹਕਾਂ ਨੂੰ 20 ਦਿਨਾਂ ਦੀ ਵੈਧਤਾ ਮਿਲਦੀ ਹੈ। ਗਾਹਕਾਂ ਨੂੰ 179 ਰੁਪਏ ਵਾਲੇ ਪਲਾਨ ਵਿੱਚ 24 ਦਿਨ ਅਤੇ 209 ਰੁਪਏ ਵਾਲੇ ਪਲਾਨ ਵਿੱਚ 28 ਦਿਨਾਂ ਦੀ ਵੈਧਤਾ ਮਿਲਦੀ ਹੈ। ਇਹ ਪਲਾਨ ਅਸੀਮਤ ਵੌਇਸ ਕਾਲ ਅਤੇ ਰੋਜ਼ਾਨਾ 100 ਐਸਐਮਐਸ ਦੀ ਪੇਸ਼ਕਸ਼ ਕਰਦਾ ਹੈ।
ਏਅਰਟੈੱਲ ਦਾ ਸਭ ਤੋਂ ਸਸਤਾ ਪ੍ਰੀਪੇਡ ਮਹੀਨਾਵਾਰ ਪਲਾਨ
ਭਾਰਤੀ ਏਅਰਟੈੱਲ ਦਾ ਸਭ ਤੋਂ ਸਸਤਾ ਪ੍ਰੀਪੇਡ ਮਹੀਨਾਵਾਰ ਪਲਾਨ 209 ਰੁਪਏ ਹੈ, ਜਿਸ ਵਿੱਚ ਗਾਹਕਾਂ ਨੂੰ 21 ਦਿਨਾਂ ਦੀ ਵੈਧਤਾ ਦੇ ਨਾਲ ਹਰ ਰੋਜ਼ 1GB ਡੇਟਾ, ਅਸੀਮਤ ਕਾਲਾਂ ਅਤੇ SMS ਦਾ ਲਾਭ ਮਿਲਦਾ ਹੈ। 239 ਰੁਪਏ ਵਾਲੇ ਪਲਾਨ ਵਿੱਚ 24 ਦਿਨਾਂ ਦੀ ਵੈਧਤਾ ਅਤੇ 265 ਰੁਪਏ ਵਾਲੇ ਪਲਾਨ ਵਿੱਚ 28 ਦਿਨਾਂ ਦੀ ਵੈਧਤਾ ਉਪਲਬਧ ਹੈ। ਇਨ੍ਹਾਂ ਪਲਾਨਸ 'ਚ ਹਰ ਰੋਜ਼ 1GB ਡਾਟਾ, ਅਨਲਿਮਟਿਡ ਕਾਲ ਅਤੇ 100 SMS ਦਾ ਲਾਭ ਵੀ ਮਿਲਦਾ ਹੈ।