Apple WWDC 2023: ਐਪਲ ਦਾ ਸਭ ਤੋਂ ਵੱਡਾ ਈਵੈਂਟ WWDC 2023 ਸੋਮਵਾਰ ਨੂੰ ਸ਼ੁਰੂ ਹੋ ਗਿਆ ਹੈ। ਇਹ ਸਮਾਗਮ 5 ਜੂਨ ਭਾਵ ਅੱਜ ਤੋਂ ਸ਼ੁਰੂ ਹੋ ਗਿਆ ਹੈ। ਇਸ ਈਵੈਂਟ 'ਚ ਕਈ ਪ੍ਰੋਡਕਟਸ ਲਾਂਚ ਹੋਣ ਜਾ ਰਹੇ ਹਨ। ਜੇ ਤੁਸੀਂ ਐਪਲ ਦੇ ਪ੍ਰੋਡਕਟਸ ਦੀ ਵਰਤੋਂ ਕਰਦੇ ਹੋ, ਤਾਂ ਇਹ ਤੁਹਾਡੇ ਲਈ ਖਾਸ ਹੋਵੇਗਾ, ਕਿਉਂਕਿ ਇਸ ਨੂੰ ਨਵੇਂ ਸਾਫਟਵੇਅਰ ਤੋਂ ਲੈ ਕੇ ਹਾਰਡਵੇਅਰ ਤੱਕ ਪੇਸ਼ ਕੀਤਾ ਜਾਵੇਗਾ।
ਕੀ ਹੋਵੇਗਾ ਲਾਂਚ
ਐਪਲ ਦਾ ਸਭ ਤੋਂ ਵੱਡਾ ਈਵੈਂਟ ਵਰਲਡਵਾਈਡ ਡਿਵੈਲਪਰਸ ਕਾਨਫਰੰਸ ਪਿਛਲੇ ਤਿੰਨ ਸਾਲਾਂ ਦੀ ਤਰ੍ਹਾਂ 5 ਜੂਨ ਤੋਂ 9 ਜੂਨ ਤੱਕ ਚੱਲੇਗੀ। ਇਹ ਸਮਾਗਮ ਪੂਰੀ ਤਰ੍ਹਾਂ ਆਨਲਾਈਨ ਹੋਵੇਗਾ। ਹਾਲਾਂਕਿ ਕੁਝ ਡਿਵੈਲਪਰਾਂ ਅਤੇ ਵਿਦਿਆਰਥੀਆਂ ਨੂੰ ਐਪਲ ਦੇ ਹੈੱਡਕੁਆਰਟਰ 'ਤੇ ਬੁਲਾਇਆ ਗਿਆ ਹੈ। ਇਸ ਈਵੈਂਟ 'ਚ ਕੰਪਨੀ iOS 17, Watch OS 10 ਅਤੇ MacOS 14 ਨੂੰ ਲਾਂਚ ਕਰੇਗੀ। ਅੱਜ ਐਪਲ ਹਾਰਡਵੇਅਰ ਅਤੇ ਸੌਫਟਵੇਅਰ ਨੂੰ ਪੇਸ਼ ਕਰਨ ਲਈ ਇੱਕ ਮੁੱਖ ਸਮਾਗਮ ਆਯੋਜਿਤ ਕਰੇਗਾ।
ਪੇਸ਼ ਹੋਣਗੇ ਇਨ੍ਹਾਂ ਚੀਜ਼ਾਂ ਦੇ ਨਵਾਂ ਵਰਜ਼ਨ
ਐਪਲ ਈਵੈਂਟ ਦੌਰਾਨ iOS, iPadOS, macOS, watchOS ਅਤੇ tvOS ਦੇ ਨਵੇਂ ਵਰਜ਼ਨਾਂ ਨੂੰ ਪੇਸ਼ ਕਰਨ ਲਈ ਤਿਆਰ ਹੈ। ਇਸ ਤੋਂ ਇਲਾਵਾ ਇਸ ਈਵੈਂਟ ਦੌਰਾਨ AR/VR ਮਿਕਸਡ ਰਿਐਲਿਟੀ ਹੈੱਡਸੈੱਟ ਵੀ ਪੇਸ਼ ਕੀਤਾ ਜਾਵੇਗਾ। ਇਸ ਦੇ ਨਾਲ ਹੀ 15 ਇੰਚ ਦੀ ਮੈਕਬੁੱਕ ਏਅਰ ਵੀ ਲਾਂਚ ਕੀਤੀ ਜਾਵੇਗੀ।
Apple WWDC 2023 ਸਮਾਂ ਅਤੇ ਸਥਾਨ
ਐਪਲ ਦਾ ਸਭ ਤੋਂ ਵੱਡਾ ਸਮਾਗਮ 5 ਤੋਂ 9 ਜੂਨ 2023 ਤੱਕ ਐਪਲ ਪਾਰਕ, ਕੂਪਰਟੀਨੋ, ਕੈਲੀਫੋਰਨੀਆ ਵਿਖੇ ਆਯੋਜਿਤ ਕੀਤਾ ਜਾਵੇਗਾ। ਇਸ ਦੀ ਸ਼ੁਰੂਆਤ ਸੋਮਵਾਰ ਰਾਤ 10.30 ਵਜੇ ਤੋਂ ਕੀਤੀ ਜਾਵੇਗੀ। ਹਾਲਾਂਕਿ, ਡਿਵੈਲਪਰਾਂ ਲਈ ਨਵੀਂ ਤਕਨਾਲੋਜੀ ਅਤੇ ਅਪਡੇਟਸ ਬਾਰੇ ਜਾਣਕਾਰੀ ਪ੍ਰਦਾਨ ਕਰਨ ਲਈ ਮੁੱਖ ਸਮਾਗਮ ਦੁਪਹਿਰ 1.30 PDT (ਜੂਨ 5, 2 ਵਜੇ) 'ਤੇ ਸ਼ੁਰੂ ਕੀਤਾ ਜਾਵੇਗਾ।
Apple WWDC 2023 ਆਨਲਾਈਨ ਕਿਵੇਂ ਵੇਖੀਏ
ਆਨਲਾਈਨ ਈਵੈਂਟ ਨੂੰ Apple ਦੇ YouTube 'ਤੇ ਲਾਈਵ-ਸਟ੍ਰੀਮ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਤੁਸੀਂ ਐਪਲ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਵੀ ਜਾ ਸਕਦੇ ਹੋ। ਇੱਥੇ ਲਾਈਵਸਟ੍ਰੀਮ ਸੈਕਸ਼ਨ ਨੂੰ Apple TV ਐਪ ਦੇ 'Watch Now' ਭਾਗ ਵਿੱਚ ਵੀ ਦੇਖਿਆ ਜਾ ਸਕਦਾ ਹੈ, ਜੋ iPhones, iPads, Macs ਅਤੇ Apple TV 'ਤੇ ਉਪਲਬਧ ਹੈ। ਐਪਲ ਕੀਨੋਟ 5 ਜੂਨ ਨੂੰ ਰਾਤ 10:30 ਵਜੇ ਭਾਰਤੀ ਸਮੇਂ 'ਤੇ ਲਾਈਵ ਸਟ੍ਰੀਮ ਕੀਤਾ ਜਾਵੇਗਾ।