Xiaomi TV ES Pro Launched in Three Display Sizes: ਜੇਕਰ ਤੁਸੀਂ ਘਰ ਬੈਠੇ ਹੀ ਫਿਲਮਾਂ ਦੇਖਦੇ ਹੋਏ ਸਿਨੇਮਾ ਹਾਲ ਦਾ ਆਨੰਦ ਲੈ ਸਕਦੇ ਹੋ, ਤਾਂ ਥੁਹਾਡੇ ਲਈ ਇਸ ਤੋਂ ਵਧੀਆ ਹੋਰ ਕੀ ਹੋਵੇਗਾ! ਅਸੀਂ ਤੁਹਾਡੇ ਲਈ ਇੱਕ ਸ਼ਾਨਦਾਰ ਸਮਾਰਟ ਟੀਵੀ ਬਾਰੇ ਜਾਣਕਾਰੀ ਲੈ ਕੇ ਆਏ ਹਾਂ ਜੋ ਹੁਣੇ ਲਾਂਚ ਹੋਇਆ ਹੈ। ਚੀਨੀ ਸਮਾਰਟਫੋਨ ਬ੍ਰਾਂਡ Xiaomi ਨੇ ਹਾਲ ਹੀ ਵਿੱਚ ਇੱਕ ਨਵਾਂ ਸਮਾਰਟ ਟੀਵੀ, Xiaomi TV ES Pro ਲਾਂਚ ਕੀਤਾ ਹੈ, ਜਿਸ ਨੂੰ ਮਾਰਕੀਟ ਵਿੱਚ ਤਿੰਨ ਵੱਖ-ਵੱਖ ਡਿਸਪਲੇ ਸਾਈਜ਼ ਵਿੱਚ ਉਪਲਬਧ ਕਰਵਾਇਆ ਗਿਆ ਹੈ। ਸ਼ਾਨਦਾਰ ਡਿਸਪਲੇਅ ਦੇ ਨਾਲ, ਇਸ ਸਮਾਰਟ ਟੀਵੀ ਦੀਆਂ ਬਾਕੀ ਵਿਸ਼ੇਸ਼ਤਾਵਾਂ ਵੀ ਸ਼ਾਨਦਾਰ ਹਨ। ਆਓ ਜਾਣਦੇ ਹਾਂ ਇਸ ਸਮਾਰਟ ਟੀਵੀ 'ਚ ਕੀ ਖਾਸ ਹੈ, ਇਸ ਨੂੰ ਕਿਸ ਆਕਾਰ 'ਚ ਖਰੀਦਿਆ ਜਾ ਸਕਦਾ ਹੈ ਅਤੇ ਇਨ੍ਹਾਂ ਵੱਖ-ਵੱਖ ਮਾਡਲਾਂ ਦੀ ਕੀਮਤ ਕਿੰਨੀ ਹੈ।
ਤੁਹਾਡੀ ਜਾਣਕਾਰੀ ਲਈ, ਤੁਹਾਨੂੰ ਦੱਸ ਦੇਈਏ ਕਿ ਚੀਨੀ ਸਮਾਰਟਫੋਨ ਨਿਰਮਾਤਾ ਕੰਪਨੀ Xiaomi ਨੇ ਇਸ ਸਾਲ ਇੱਕ ਸਮਾਰਟ ਟੀਵੀ, Xiaomi TV ES Pro ਲਾਂਚ ਕੀਤਾ ਸੀ, ਜਿਸਦਾ ਡਿਸਪਲੇ ਸਾਈਜ਼ 86-ਇੰਚ ਸੀ। ਹੁਣ, ਉਹੀ ਸਮਾਰਟ ਟੀਵੀ ਤਿੰਨ ਨਵੇਂ ਡਿਸਪਲੇ ਸਾਈਜ਼, 55-ਇੰਚ, 65-ਇੰਚ ਅਤੇ 75-ਇੰਚ ਵਿੱਚ ਲਾਂਚ ਕੀਤਾ ਗਿਆ ਹੈ। ਹਾਲਾਂਕਿ ਡਿਸਪਲੇ ਦੇ ਆਕਾਰ 'ਚ ਫਰਕ ਹੈ, ਪਰ ਇਸ ਸਮਾਰਟ ਟੀਵੀ ਦੀਆਂ ਬਾਕੀ ਵਿਸ਼ੇਸ਼ਤਾਵਾਂ ਜ਼ਿਆਦਾਤਰ ਇੱਕੋ ਜਿਹੀਆਂ ਹਨ।
ਤਿੰਨਾਂ ਮਾਡਲਾਂ ਲਈ ਡਿਸਪਲੇ ਦਾ ਆਕਾਰ ਵੱਖਰਾ ਹੈ ਪਰ ਤਿੰਨਾਂ ਵਿੱਚ ਤੁਹਾਨੂੰ 120Hz ਰਿਫਰੈਸ਼ ਰੇ, 120Hz MEMC ਸਪੋਰਟ, 700nits ਪੀਕ ਬ੍ਰਾਈਟਨੈੱਸ ਅਤੇ HDR ਸਪੋਰਟ ਦਿੱਤਾ ਜਾ ਰਿਹਾ ਹੈ। Xiaomi TV ES Pro ਵਿੱਚ, ਤੁਹਾਨੂੰ HDMI 2.1, VRR, AALM ਅਤੇ AMD FreeSync ਸਰਟੀਫਿਕੇਸ਼ਨ ਦਿੱਤਾ ਗਿਆ ਹੈ। ਇਹ ਟੀਵੀ 3GB ਰੈਮ ਅਤੇ 32GB ਸਟੋਰੇਜ ਦੇ ਨਾਲ ਆਉਂਦੇ ਹਨ ਅਤੇ ਇਨ੍ਹਾਂ ਵਿੱਚ ਕਵਾਡ ਕੋਰ A73 ਪ੍ਰੋਸੈਸਰ ਹੈ। 4K ਰੈਜ਼ੋਲਿਊਸ਼ਨ ਵਾਲੇ ਇਹ ਟੀਵੀ ਦੋ 12.5W ਸਪੀਕਰਾਂ ਨਾਲ ਲੈਸ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਸਮਾਰਟ ਟੀਵੀ ਦੇ ਤਿੰਨੋਂ ਡਿਸਪਲੇ ਸਾਈਜ਼ ਵਾਲੇ ਮਾਡਲਾਂ ਨੂੰ ਪ੍ਰੀ-ਆਰਡਰ ਕੀਤਾ ਜਾ ਸਕਦਾ ਹੈ, ਪਰ ਤੁਹਾਨੂੰ ਦੱਸ ਦੇਈਏ ਕਿ ਫਿਲਹਾਲ ਇਸ ਨੂੰ ਸਿਰਫ ਚੀਨ ਵਿੱਚ ਹੀ ਲਾਂਚ ਕੀਤਾ ਗਿਆ ਹੈ ਅਤੇ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ ਕਿ ਇਹ ਭਾਰਤ ਵਿੱਚ ਅਤੇ ਹੋਰ ਦੇਸ਼ ਵਿੱਚ ਕਦੋਂ ਲਾਂਚ ਕੀਤਾ ਜਾ ਸਕਦਾ ਹੈ? Xiaomi TV ES Pro ਦਾ 55-ਇੰਚ ਵੇਰੀਐਂਟ $488 (ਲਗਭਗ 39 ਹਜ਼ਾਰ ਰੁਪਏ), 65-ਇੰਚ ਮਾਡਲ ਦੀ ਕੀਮਤ $635 (ਲਗਭਗ 51 ਹਜ਼ਾਰ ਰੁਪਏ) ਅਤੇ Xiaomi TV ES Pro ਦਾ 75-ਇੰਚ ਮਾਡਲ ਦੀ ਕੀਮਤ $1035 (ਲਗਭਗ 83 ਹਜ਼ਾਰ ਰੁਪਏ) ਵੱਚ ਖਰੀਦਿਆ ਜਾ ਸਕਦਾ ਹੈ।