Shocking: ਡਿਲੀਵਰੀ ਬੁਆਏ ਵੱਲੋਂ ਅਸ਼ਲੀਲ ਕਰਤੂਤ, ਘਰ ‘ਚ ਵੜ ਔਰਤ ਨਾਲ ਕੀਤੀ ਗੰਦੀ ਹਰਕਤ; 'ਪ੍ਰਾਈਵੇਟ ਪਾਰਟ ਕੱਢਿਆ ਬਾਹਰ', ਫਿਰ...

Aligarh News : ਸੁਹਾਗਰਾਤ 'ਚ ਪਤਨੀ ਨੂੰ ਦੇਖ ਲਾੜੇ ਦੇ ਉੱਡੇ ਹੋਸ਼, ਪਰਿਵਾਰ ਨੂੰ ਦੱਸੀ ਸਾਰੀ ਗੱਲ ,ਪੜ੍ਹੋ ਪੂਰੀ ਖ਼ਬਰ

ਸ਼ੰਕਰ ਦਾਸ — Tue, 21 Jul 2026 21:01:36 +0530

Aligarh News : ਉੱਤਰ ਪ੍ਰਦੇਸ਼ ਦੇ ਅਲੀਗੜ੍ਹ ਵਿੱਚ ਇੱਕ ਵਿਅਕਤੀ ਨੇ ਆਰੋਪ ਲਗਾਇਆ ਹੈ ਕਿ ਵਿਆਹ ਤੋਂ ਬਾਅਦ ਉਸ ਨੂੰ ਪਤਾ ਲੱਗਾ ਕਿ ਉਸ ਦੀ ਪਤਨੀ ਕਿੰਨਰ ਹੈ। ਪੀੜਤ ਦਾ ਇਹ ਵੀ ਦਾਅਵਾ ਹੈ ਕਿ ਪਤਨੀ ਅਤੇ ਉਸ ਦੇ ਪਰਿਵਾਰਕ ਮੈਂਬਰ ਵੱਖ ਹੋਣ ਦੇ ਬਦਲੇ ਉਸ ਤੋਂ 6 ਲੱਖ ਰੁਪਏ ਦੀ ਮੰਗ ਕਰ ਰਹੇ ਹਨ। ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਇਹ ਮਾਮਲਾ ਅਲੀਗੜ੍ਹ ਦੇ ਸਿਵਲ ਲਾਈਨ ਥਾਣਾ ਖੇਤਰ ਦੇ ਫਿਰਦੌਸ ਨਗਰ ਦਾ ਹੈ। ਇੰਦਰੇਸ਼ ਕੁਮਾਰ ਨਾਮਕ ਵਿਅਕਤੀ ਨੇ ਆਰੋਪ ਲਗਾਇਆ ਕਿ ਵਿਆਹ ਤੋਂ ਕੁਝ ਸਮੇਂ ਬਾਅਦ ਉਸ ਨੂੰ ਪਤਨੀ ਬਾਰੇ ਜਾਣਕਾਰੀ ਮਿਲੀ। ਉਸ ਨੇ ਇਸ ਸਬੰਧੀ ਸਹੁਰਾ ਪਰਿਵਾਰ ਨਾਲ ਗੱਲ ਕੀਤੀ, ਪਰ ਕੋਈ ਹੱਲ ਨਹੀਂ ਨਿਕਲਿਆ। ਇੰਦਰੇਸ਼ ਦਾ ਇਹ ਵੀ ਆਰੋਪ ਹੈ ਕਿ ਵਿਰੋਧ ਕਰਨ 'ਤੇ ਪਤਨੀ ਖੁਦਕੁਸ਼ੀ ਦੀ ਧਮਕੀ ਦਿੰਦੀ ਹੈ, ਜਿਸ ਕਾਰਨ ਉਹ ਮਾਨਸਿਕ ਤਣਾਅ ਵਿੱਚ ਹੈ।

ਕੋਰੋਨਾ ਦੌਰਾਨ ਪਹਿਲੀ ਪਤਨੀ ਦੀ ਮੌਤ ਤੋਂ ਬਾਅਦ 2024 ਵਿੱਚ ਕੀਤਾ ਦੂਜਾ ਵਿਆਹ

ਇੰਦਰੇਸ਼ ਦੇ ਮੁਤਾਬਕ ਇਹ ਉਸ ਦਾ ਦੂਜਾ ਵਿਆਹ ਹੈ। ਉਸ ਨੇ ਦੱਸਿਆ ਕਿ ਪਹਿਲੀ ਪਤਨੀ ਦੀ ਕੋਰੋਨਾ ਮਹਾਮਾਰੀ ਦੌਰਾਨ ਮੌਤ ਹੋ ਗਈ ਸੀ। ਉਸ ਦੇ ਤਿੰਨ ਬੱਚੇ ਹਨ, ਜਿਨ੍ਹਾਂ ਦੀ ਪਰਵਰਿਸ਼ ਵਿੱਚ ਮੁਸ਼ਕਲਾਂ ਆਉਣ ਕਾਰਨ ਉਸ ਨੇ ਦੂਜਾ ਵਿਆਹ ਕਰਨ ਦਾ ਫੈਸਲਾ ਕੀਤਾ। ਉਸ ਦੇ ਅਨੁਸਾਰ ਸਾਲ 2024 ਵਿੱਚ ਉਸ ਦੇ ਫੂਫੜ ਨੇ ਫਰੀਦਾਬਾਦ ਵਿੱਚ ਉਸ ਦਾ ਦੂਜਾ ਵਿਆਹ ਕਰਵਾਇਆ ਸੀ। ਵਿਆਹ ਦਾ ਸਾਰਾ ਖਰਚਾ ਵੀ ਉਨ੍ਹਾਂ ਨੇ ਹੀ ਕੀਤਾ ਅਤੇ ਵਿਚੋਲੇ ਨੂੰ ਕਰੀਬ ਡੇਢ ਲੱਖ ਰੁਪਏ ਦਿੱਤੇ ਗਏ।

ਇੰਦਰੇਸ਼ ਦਾ ਦਾਅਵਾ ਹੈ ਕਿ ਵਿਆਹ ਤੋਂ ਬਾਅਦ ਉਸ ਨੂੰ ਪਤਨੀ ਬਾਰੇ ਸ਼ੱਕ ਹੋਇਆ। ਉਸ ਨੇ ਕਈ ਵਾਰ ਮੈਡੀਕਲ ਜਾਂਚ ਕਰਵਾਉਣ ਲਈ ਕਿਹਾ ਪਰ ਪਤਨੀ ਤਿਆਰ ਨਹੀਂ ਹੋਈ। ਬਾਅਦ ਵਿੱਚ ਤਬੀਅਤ ਖਰਾਬ ਹੋਣ 'ਤੇ ਉਸ ਨੂੰ ਡਾਕਟਰ ਕੋਲ ਲਿਜਾਇਆ ਗਿਆ, ਜਿੱਥੇ ਉਸ ਨੂੰ ਪਤਨੀ ਦੇ ਕਿੰਨਰ ਹੋਣ ਬਾਰੇ ਜਾਣਕਾਰੀ ਮਿਲਣ ਦਾ ਦਾਅਵਾ ਕੀਤਾ ਗਿਆ।

ਇੰਦਰੇਸ਼ ਨੇ ਆਰੋਪ ਲਗਾਇਆ ਕਿ ਹੁਣ ਸਹੁਰਾ ਪਰਿਵਾਰ ਉਸ ਤੋਂ 6 ਲੱਖ ਰੁਪਏ ਦੀ ਮੰਗ ਕਰ ਰਿਹਾ ਹੈ ਅਤੇ ਕਹਿ ਰਿਹਾ ਹੈ ਕਿ ਰਕਮ ਦੇਣ ਤੋਂ ਬਾਅਦ ਹੀ ਉਸ ਦਾ ਪਿੱਛਾ ਛੱਡਿਆ ਜਾਵੇਗਾ।

ਵਿਵਾਦ ਨਾਲ ਜੁੜੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਦਾ ਦਾਅਵਾ

ਇਸ ਦੌਰਾਨ ਵਿਵਾਦ ਸਮੇਂ ਮਹਿਲਾ ਦੇ ਕਥਿਤ ਆਕਰਮਕ ਵਿਹਾਰ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ, ਮਹਿਲਾ ਨਾਲ ਕਥਿਤ ਕੁੱਟਮਾਰ ਦੀ ਇੱਕ ਹੋਰ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਫੈਲ ਰਹੀ ਹੈ। ਹਾਲਾਂਕਿ, ਇਨ੍ਹਾਂ ਦੋਵਾਂ ਵੀਡੀਓਜ਼ ਦੀ ਪੁਸ਼ਟੀ ਨਹੀਂ ਹੋ ਸਕੀ ਹੈ।

ਸੂਚਨਾ ਮਿਲਣ 'ਤੇ ਸਿਵਲ ਲਾਈਨ ਥਾਣਾ ਪੁਲਿਸ ਮੌਕੇ 'ਤੇ ਪਹੁੰਚੀ ਅਤੇ ਦੋਵੇਂ ਧਿਰਾਂ ਨੂੰ ਸ਼ਾਂਤ ਕਰਵਾਇਆ। ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਜਾਂਚ ਵਿੱਚ ਸਾਹਮਣੇ ਆਉਣ ਵਾਲੇ ਤੱਥਾਂ ਦੇ ਆਧਾਰ 'ਤੇ ਅਗਲੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।

Trending News : ਮਾਂ ਨੇ 30 ਸਾਲ ਨੌਕਰੀ ਕਰਕੇ ਪੁੱਤਰ ਨੂੰ ਕਾਮਯਾਬ ਬਣਾਇਆ, ਹੁਣ ਪੁੱਤਰ ਨੇ ਦਿੱਤਾ ਐਸਾ ਸਰਪ੍ਰਾਈਜ਼ ਕਿ ਲੋਕਾਂ ਦੀਆਂ ਅੱਖਾਂ ਭਰ ਆਈਆਂ

ਸ਼ੰਕਰ ਦਾਸ — Tue, 21 Jul 2026 14:59:27 +0530

Trending News : ਇੱਕ ਪੁੱਤਰ ਲਈ ਇਸ ਤੋਂ ਵੱਡੀ ਖੁਸ਼ੀ ਹੋਰ ਕੀ ਹੋ ਸਕਦੀ ਹੈ ਕਿ ਉਹ ਆਪਣੀ ਮਾਂ ਦੀ ਸਾਲਾਂ ਦੀ ਮਿਹਨਤ ਅਤੇ ਕੁਰਬਾਨੀਆਂ ਦਾ ਕਰਜ਼ਾ ਭਾਵੇਂ ਥੋੜ੍ਹਾ ਹੀ ਸਹੀ, ਪਰ ਚੁਕਾਉਣ ਦੀ ਕੋਸ਼ਿਸ਼ ਕਰੇ। ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਇਨ੍ਹਾਂ ਦਿਨੀਂ ਇੱਕ ਪੁੱਤਰ ਵੱਲੋਂ ਆਪਣੀ ਰਿਟਾਇਰਡ ਮਾਂ ਲਈ ਲਿਖੀ ਗਈ ਪੋਸਟ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਨੇ ਲੱਖਾਂ ਲੋਕਾਂ ਨੂੰ ਭਾਵੁਕ ਕਰ ਦਿੱਤਾ ਹੈ। ਨਿਵੇਸ਼ਕ ਰਾਹੁਲ ਮਾਥੁਰ ਨੇ ਆਪਣੀ ਮਾਂ ਦੇ ਸੰਘਰਸ਼ ਭਰੇ ਸਫ਼ਰ ਅਤੇ ਉਨ੍ਹਾਂ ਲਈ ਤਿਆਰ ਕੀਤੇ ਇੱਕ ਖ਼ਾਸ ਸਰਪ੍ਰਾਈਜ਼ ਦੀ ਕਹਾਣੀ ਸਾਂਝੀ ਕੀਤੀ, ਜੋ ਹੁਣ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਚਰਚਾ ਵਿੱਚ ਹੈ।

ਰਿਟਾਇਰਮੈਂਟ ਤੋਂ ਬਾਅਦ ਵੀ ਮਾਪਿਆਂ ਦੀ ਸੇਵਾ ਵਿੱਚ ਜੁਟੀ ਰਹੀ ਮਾਂ, ਪੁੱਤਰ ਨੇ ਦਿੱਤਾ ਆਰਾਮ

ਰਾਹੁਲ ਮਾਥੁਰ ਦੀ ਮਾਂ ਇਸ ਸਾਲ 30 ਸਾਲ ਤੋਂ ਵੱਧ ਸਮੇਂ ਤੱਕ ਸੇਲਜ਼ ਦੀ ਨੌਕਰੀ ਕਰਨ ਤੋਂ ਬਾਅਦ ਰਿਟਾਇਰ ਹੋਈ ਸੀ। ਉਨ੍ਹਾਂ ਨੇ ਆਪਣੇ ਪੁੱਤਰ ਦੇ ਬੈਂਗਲੁਰੂ ਵਾਲੇ ਨਵੇਂ ਘਰ ਜਾਣ ਦਾ ਵਾਅਦਾ ਕੀਤਾ ਸੀ। ਪਰ ਇਸੇ ਦੌਰਾਨ ਇੱਕ ਅਚਾਨਕ ਹਾਦਸਾ ਹੋ ਗਿਆ। ਰਾਹੁਲ ਦੇ ਦਾਦਾ-ਦਾਦੀ ਡਿੱਗ ਪਏ, ਜਿਸ ਵਿੱਚ ਦਾਦੀ ਦੇ ਪੈਰ ਦੀ ਹੱਡੀ ਟੁੱਟ ਗਈ ਅਤੇ ਦਾਦਾ ਦੇ ਮੋਢੇ 'ਤੇ ਗੰਭੀਰ ਸੱਟ ਲੱਗੀ।

ਇਸ ਤੋਂ ਬਾਅਦ ਰਾਹੁਲ ਦੀ ਮਾਂ ਨੇ ਆਪਣੀਆਂ ਖੁਸ਼ੀਆਂ ਨੂੰ ਪਿੱਛੇ ਛੱਡ ਕੇ ਲਗਾਤਾਰ ਤਿੰਨ ਮਹੀਨੇ ਹਸਪਤਾਲ ਦੇ ਚੱਕਰ ਲਗਾਏ, ਡਾਕਟਰਾਂ ਨਾਲ ਮਿਲਦੀ ਰਹੀ ਅਤੇ ਘਰ ਦੀ ਪੂਰੀ ਜ਼ਿੰਮੇਵਾਰੀ ਨਿਭਾਈ। ਜਦੋਂ ਇਸ ਮਹੀਨੇ ਦਾਦਾ-ਦਾਦੀ ਦੀ ਸਿਹਤ ਵਿੱਚ ਸੁਧਾਰ ਆਇਆ ਤਾਂ ਰਾਹੁਲ ਨੇ ਆਪਣੀ ਮਾਂ ਨੂੰ ਇੱਕ ਯਾਦਗਾਰ ਅਤੇ ਆਰਾਮਦਾਇਕ ਸਰਪ੍ਰਾਈਜ਼ ਦੇਣ ਦਾ ਫ਼ੈਸਲਾ ਕੀਤਾ।

30 ਸਾਲ ਦੀ ਸਖ਼ਤ ਨੌਕਰੀ ਤੋਂ ਬਾਅਦ ਮਿਲਿਆ 'ਫਾਈਵ ਸਟਾਰ' ਆਰਾਮ

ਰਾਹੁਲ ਨੇ ਆਪਣੀ ਮਾਂ ਲਈ ਤੁਰੰਤ ਬੈਂਗਲੁਰੂ ਦੀ ਟਿਕਟ ਬੁੱਕ ਕਰਵਾਈ ਅਤੇ ਉਨ੍ਹਾਂ ਨੂੰ ਆਪਣੇ ਕੋਲ ਬੁਲਾ ਲਿਆ। ਉਨ੍ਹਾਂ ਨੇ X 'ਤੇ ਲਿਖਿਆ, "ਇਸ ਵੀਕਐਂਡ ਮੈਂ ਮਾਂ ਨੂੰ ਇੱਕ ਛੋਟਾ ਜਿਹਾ ਟ੍ਰੀਟ ਦਿੱਤਾ। ਉਹ ਬੈਂਗਲੁਰੂ ਵਿੱਚ ਮੇਰਾ ਘਰ ਵੇਖਣ ਆਈ ਹੈ। ਮੈਂ ਜਾਣਬੁੱਝ ਕੇ ਆਪਣੀਆਂ ਸਾਰੀਆਂ ਵਰਕ ਮੀਟਿੰਗਾਂ ਰੱਦ ਕਰ ਦਿੱਤੀਆਂ ਤਾਂ ਜੋ ਉਨ੍ਹਾਂ ਨੂੰ ਇੱਕ ਸ਼ਾਨਦਾਰ ਹੋਟਲ ਵਿੱਚ ਠਹਿਰਾ ਸਕਾਂ, ਵਧੀਆ ਖਾਣਾ ਖਵਾ ਸਕਾਂ ਅਤੇ ਉਨ੍ਹਾਂ ਨੂੰ ਕੁਝ ਸੱਚਾ ਆਰਾਮ ਦੇ ਸਕਾਂ।"

ਰਾਹੁਲ ਨੇ ਦੱਸਿਆ ਕਿ ਉਨ੍ਹਾਂ ਦੀ ਮਾਂ ਨੇ 30 ਸਾਲ ਤੱਕ ਸੇਲਜ਼ ਦੀ ਫੀਲਡ ਵਿੱਚ ਬਹੁਤ ਮੁਸ਼ਕਲ ਹਾਲਾਤਾਂ ਵਿੱਚ ਕੰਮ ਕੀਤਾ। ਉਸ ਸਮੇਂ 'ਵਰਕ ਫ੍ਰੋਮ ਹੋਮ' ਵਰਗੀ ਕੋਈ ਸੁਵਿਧਾ ਨਹੀਂ ਸੀ ਅਤੇ ਉਨ੍ਹਾਂ ਨੂੰ ਹਫ਼ਤਿਆਂ ਤੱਕ ਇਕਾਨੋਮੀ ਕਲਾਸ ਦੀਆਂ ਫਲਾਈਟਾਂ ਰਾਹੀਂ ਲਗਾਤਾਰ ਸਫ਼ਰ ਕਰਨਾ ਪੈਂਦਾ ਸੀ। ਰਾਹੁਲ ਦੇ ਅਨੁਸਾਰ ਉਸ ਵੇਲੇ ਦਾ ਕਾਰਪੋਰੇਟ ਭਾਰਤ ਅੱਜ ਨਾਲੋਂ ਕਈ ਗੁਣਾ ਜ਼ਿਆਦਾ ਚੁਣੌਤੀਪੂਰਨ ਸੀ।

'ਮਿਹਨਤ ਦਾ ਕੋਈ ਬਦਲ ਨਹੀਂ' – ਮਾਂ ਦੀ ਸੀਖ ਨੇ ਲੋਕਾਂ ਨੂੰ ਕੀਤਾ ਭਾਵੁਕ

ਰਾਹੁਲ ਨੇ ਆਪਣੀ ਪੋਸਟ ਵਿੱਚ ਇੱਕ ਅਜਿਹੀ ਗੱਲ ਲਿਖੀ ਜਿਸ ਨੇ ਹਰ ਕਿਸੇ ਦਾ ਦਿਲ ਛੂਹ ਲਿਆ। ਉਨ੍ਹਾਂ ਕਿਹਾ ਕਿ ਵੱਡੇ ਹੋਣ ਦੀ ਸਭ ਤੋਂ ਵੱਡੀ ਖੁਸ਼ੀ ਇਹ ਹੈ ਕਿ ਤੁਸੀਂ ਆਪਣੇ ਉਸ ਪਰਿਵਾਰ ਲਈ ਕੁਝ ਕਰ ਸਕੋ, ਜਿਸ ਨੇ ਤੁਹਾਨੂੰ ਅੱਗੇ ਵਧਾਉਣ ਲਈ ਆਪਣਾ ਸਭ ਕੁਝ ਸਮਰਪਿਤ ਕਰ ਦਿੱਤਾ।

ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੀ ਮਾਂ ਨੇ ਹੀ ਉਨ੍ਹਾਂ ਨੂੰ ਸਿਖਾਇਆ ਸੀ ਕਿ ਕਾਮਯਾਬੀ ਲਈ ਸਖ਼ਤ ਮਿਹਨਤ ਦਾ ਕੋਈ ਵੀ ਬਦਲ ਨਹੀਂ ਹੁੰਦਾ। ਹਾਲਾਂਕਿ ਰਾਹੁਲ ਨੇ ਮਜ਼ਾਕੀਆ ਅੰਦਾਜ਼ ਵਿੱਚ ਇਹ ਵੀ ਕਿਹਾ ਕਿ ਭਾਵੇਂ ਉਨ੍ਹਾਂ ਦੀ ਮਾਂ ਹੁਣ ਰਿਟਾਇਰਮੈਂਟ ਦਾ ਆਨੰਦ ਮਾਣ ਰਹੀ ਹੈ, ਪਰ ਉਨ੍ਹਾਂ ਦੇ ਅੰਦਰ ਦੀ ਕਾਰੋਬਾਰੀ ਸੋਚ ਅਜੇ ਵੀ ਜ਼ਿੰਦਾ ਹੈ ਅਤੇ ਉਹ ਜਲਦੀ ਹੀ ਕੁਝ ਨਵਾਂ ਸ਼ੁਰੂ ਕਰਨ ਬਾਰੇ ਸੋਚ ਰਹੀ ਹੈ।

Seema haider : ਸਵੀਮਿੰਗ ਪੂਲ 'ਚ 'ਜਲਪਰੀ' ਬਣੀ ਸੀਮਾ ਹੈਦਰ, ਪਾਣੀ 'ਚ ਡੁੱਬਕੀ ਲਗਾ ਖਿੱਚਿਆ ਸਭ ਦਾ ਧਿਆਨ

ਸ਼ੰਕਰ ਦਾਸ — Tue, 21 Jul 2026 12:49:55 +0530

Seema haider Viral Video : ਪਾਕਿਸਤਾਨ ਤੋਂ ਭਾਰਤ ਆਈ ਸੀਮਾ ਹੈਦਰ ਕਿਸੇ ਨਾ ਕਿਸੇ ਕਾਰਨ ਲਗਾਤਾਰ ਚਰਚਾ ਵਿੱਚ ਰਹਿੰਦੀ ਹੈ। ਸਚਿਨ ਮੀਣਾ ਦੇ ਪਿਆਰ ਵਿੱਚ ਸਰਹੱਦ ਪਾਰ ਕਰਕੇ ਗ੍ਰੇਟਰ ਨੋਇਡਾ ਪਹੁੰਚੀ ਸੀਮਾ ਦਾ ਹੁਣ ਇੱਕ ਨਵਾਂ ਅੰਦਾਜ਼ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ। ਇੰਟਰਨੈੱਟ 'ਤੇ ਤੇਜ਼ੀ ਨਾਲ ਫੈਲ ਰਹੀ ਇੱਕ ਵੀਡੀਓ ਵਿੱਚ ਉਹ ਸਵਿਮਿੰਗ ਪੂਲ ਦੇ ਨੀਲੇ ਪਾਣੀ ਵਿੱਚ ਤੈਰਦੀ ਅਤੇ ਡੁੱਬਕੀਆਂ ਲਗਾਉਂਦੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ ਤੋਂ ਬਾਅਦ ਸੀਮਾ ਇੱਕ ਵਾਰ ਫਿਰ ਚਰਚਾ ਦਾ ਕੇਂਦਰ ਬਣ ਗਈ ਹੈ। ਪਾਣੀ ਵਿੱਚ ਭਿੱਜੇ ਇਸ ਨਵੇਂ ਲੁੱਕ ਨੂੰ ਦੇਖ ਕੇ ਕੁਝ ਲੋਕ ਹੈਰਾਨ ਹਨ, ਜਦਕਿ ਕਈ ਉਸਦੀ ਸਾਦਗੀ ਅਤੇ ਅੰਦਾਜ਼ ਦੀ ਤਾਰੀਫ਼ ਕਰ ਰਹੇ ਹਨ।

ਸੂਟ-ਸਲਵਾਰ ਪਾ ਕੇ ਹੀ ਪੂਲ ਵਿੱਚ ਉਤਰੀ ਸੀਮਾ

ਸੀਮਾ ਹੈਦਰ ਦੀ ਇਹ ਤਾਜ਼ਾ ਸੋਸ਼ਲ ਮੀਡੀਆ ਪੋਸਟ ਕਾਫ਼ੀ ਧਿਆਨ ਖਿੱਚ ਰਹੀ ਹੈ। ਆਮ ਤੌਰ 'ਤੇ ਮਾਂਗ ਵਿੱਚ ਸਿੰਦੂਰ ਅਤੇ ਸਾੜੀ ਜਾਂ ਸੂਟ ਵਿੱਚ ਘਰੇਲੂ ਲੁੱਕ ਵਿੱਚ ਨਜ਼ਰ ਆਉਣ ਵਾਲੀ ਸੀਮਾ ਇਸ ਵਾਰ ਸਵਿਮਿੰਗ ਪੂਲ ਵਿੱਚ ਮਸਤੀ ਕਰਦੀ ਦਿਖਾਈ ਦਿੱਤੀ। ਵੀਡੀਓ ਵਿੱਚ ਉਹ ਹਰੇ ਅਤੇ ਗੁਲਾਬੀ ਰੰਗ ਦਾ ਰਵਾਇਤੀ ਸੂਟ ਪਾ ਕੇ ਹੀ ਪਾਣੀ ਵਿੱਚ ਉਤਰਦੀ ਨਜ਼ਰ ਆ ਰਹੀ ਹੈ। ਪਾਣੀ ਵਿੱਚ ਭਿੱਜਣ ਤੋਂ ਬਾਅਦ ਉਸਦੇ ਚਿਹਰੇ ਦੀ ਚਮਕ ਅਤੇ ਸਾਦਗੀ ਨੇ ਸੋਸ਼ਲ ਮੀਡੀਆ ਯੂਜ਼ਰਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਉਹ ਕੈਮਰੇ ਸਾਹਮਣੇ ਬਾਂਹਾਂ ਖੋਲ੍ਹ ਕੇ ਤੈਰਦੀ ਹੋਈ ਕਾਫ਼ੀ ਖੁਸ਼ ਨਜ਼ਰ ਆ ਰਹੀ ਹੈ।

ਹੱਥ 'ਤੇ ਦਿਖਿਆ 'ਸਚਿਨ' ਦਾ ਟੈਟੂ

ਵਾਇਰਲ ਵੀਡੀਓ ਦੇ ਕੁਝ ਪਲਾਂ ਨੇ ਲੋਕਾਂ ਦਾ ਖਾਸ ਧਿਆਨ ਖਿੱਚਿਆ। ਜਦੋਂ ਸੀਮਾ ਆਪਣੇ ਚਿਹਰੇ ਨੂੰ ਦੋਵੇਂ ਹੱਥਾਂ ਨਾਲ ਢੱਕਦੀ ਹੈ ਤਾਂ ਉਸਦੇ ਹੱਥ 'ਤੇ ਬਣਿਆ 'ਸਚਿਨ' ਨਾਮ ਦਾ ਟੈਟੂ ਸਾਫ਼ ਨਜ਼ਰ ਆਉਂਦਾ ਹੈ, ਜਿਸ ਨੂੰ ਕਈ ਲੋਕ ਉਸਦੇ ਪਤੀ ਸਚਿਨ ਮੀਣਾ ਪ੍ਰਤੀ ਪਿਆਰ ਦੀ ਨਿਸ਼ਾਨੀ ਵਜੋਂ ਦੇਖ ਰਹੇ ਹਨ। ਪੂਲ ਦੇ ਸਾਫ਼ ਨੀਲੇ ਪਾਣੀ ਵਿੱਚ ਉਹ ਕਦੇ ਸ਼ਰਮਾਉਂਦੀ ਤੇ ਕਦੇ ਡੁੱਬਕੀਆਂ ਲਗਾ ਕੇ ਮੁਸਕਰਾਉਂਦੀ ਦਿਖਾਈ ਦਿੰਦੀ ਹੈ। ਉਸਦੇ ਭਿੱਜੇ ਵਾਲ ਅਤੇ ਮੁਸਕਾਨ ਨੇ ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕਰ ਦਿੱਤਾ ਹੈ।

ਸੋਸ਼ਲ ਮੀਡੀਆ 'ਤੇ ਮਿਲੇ-ਜੁਲੇ ਰਿਐਕਸ਼ਨ

ਵੀਡੀਓ ਇੰਸਟਾਗ੍ਰਾਮ ਅਤੇ ਹੋਰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਸ਼ੇਅਰ ਹੋਣ ਤੋਂ ਬਾਅਦ ਯੂਜ਼ਰਾਂ ਨੇ ਵੱਖ-ਵੱਖ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ। ਕੁਝ ਲੋਕਾਂ ਨੇ ਸੀਮਾ ਦੀ ਖੂਬਸੂਰਤੀ ਅਤੇ ਸਾਦਗੀ ਦੀ ਤਾਰੀਫ਼ ਕੀਤੀ, ਜਦਕਿ ਕਈਆਂ ਨੇ ਹਾਸੇ-ਮਜ਼ਾਕ ਵਾਲੀਆਂ ਟਿੱਪਣੀਆਂ ਵੀ ਕੀਤੀਆਂ। ਇੱਕ ਯੂਜ਼ਰ ਨੇ ਲਿਖਿਆ, "ਸੀਮਾ ਜੀ ਤਾਂ ਪਾਣੀ ਵਿੱਚ ਉਤਰ ਕੇ ਸੱਚਮੁੱਚ ਜਲਪਰੀ ਵਰਗੀ ਲੱਗ ਰਹੀ ਹੈ, ਬਹੁਤ ਹੀ ਸੋਹਣੀ ਵੀਡੀਓ ਹੈ।" ਦੂਜੇ ਯੂਜ਼ਰ ਨੇ ਮਜ਼ਾਕ ਕਰਦਿਆਂ ਲਿਖਿਆ, "ਲੱਗਦਾ ਹੈ ਸਚਿਨ ਭਰਾ ਨੇ ਗਰਮੀ ਤੋਂ ਬਚਾਉਣ ਲਈ ਸੀਮਾ ਭਾਬੀ ਲਈ ਪੂਲ ਦਾ ਇੰਤਜ਼ਾਮ ਕਰ ਦਿੱਤਾ ਹੈ।"

Trending News : 35 ਸਾਲ ਪਹਿਲਾਂ ਦੋਸਤ ਤੋਂ ਲਏ ਸਨ 1000 ਰੁਪਏ, ਹੁਣ ਲੱਭ ਕੇ ਵਾਪਸ ਕੀਤੇ ਪੂਰੇ 25 ਹਜ਼ਾਰ; ਪੁਰਾਣਾ ਯਾਰ ਹੋਇਆ ਭਾਵੁਕ

ਸ਼ੰਕਰ ਦਾਸ — Tue, 21 Jul 2026 12:40:22 +0530

Trending News : ਸੋਸ਼ਲ ਮੀਡੀਆ 'ਤੇ ਇਨੀ ਦਿਨੀਂ ਦੋਸਤੀ ਅਤੇ ਇਮਾਨਦਾਰੀ ਦੀ ਇੱਕ ਐਸੀ ਕਹਾਣੀ ਸਾਹਮਣੇ ਆਈ ਹੈ, ਜਿਸ ਨੇ ਲੋਕਾਂ ਦੇ ਦਿਲ ਛੂਹ ਲਏ ਹਨ। ਇਹ ਕਹਾਣੀ ਦੋ ਦੋਸਤਾਂ ਦੀ ਹੈ, ਜਿਨ੍ਹਾਂ ਨੇ ਕਈ ਸਾਲ ਪਹਿਲਾਂ ਇੱਕ-ਦੂਜੇ ਦੀ ਮਦਦ ਕੀਤੀ ਸੀ। ਕੇਰਲ ਦੇ ਰਹਿਣ ਵਾਲੇ ਇਸਮਾਈਲ ਨੇ 35 ਸਾਲ ਪਹਿਲਾਂ ਆਪਣੇ ਦੋਸਤ ਤੋਂ ਕੁਝ ਪੈਸੇ ਉਧਾਰ ਲਏ ਸਨ। ਇੰਨੇ ਸਾਲ ਬੀਤ ਜਾਣ ਦੇ ਬਾਵਜੂਦ ਉਹ ਆਪਣੇ ਦੋਸਤ ਦਾ ਇਹ ਅਹਿਸਾਨ ਨਹੀਂ ਭੁੱਲੇ। ਉਹ ਆਪਣੇ ਦੋਸਤ ਨੂੰ ਲੱਭਦੇ-ਲੱਭਦੇ ਦੂਜੇ ਰਾਜ ਤੱਕ ਪਹੁੰਚ ਗਏ ਅਤੇ ਨਾ ਸਿਰਫ਼ ਉਸ ਦੇ ਪੈਸੇ ਵਾਪਸ ਕੀਤੇ, ਸਗੋਂ ਸੱਚੀ ਦੋਸਤੀ ਦੀ ਮਿਸਾਲ ਵੀ ਕਾਇਮ ਕੀਤੀ।

ਸਾਊਦੀ ਅਰਬ ਵਿੱਚ ਹੋਈ ਸੀ ਦੋਸਤੀ, ਫਿਰ ਟੁੱਟ ਗਿਆ ਸੀ ਸੰਪਰਕ

ਇਹ ਕਹਾਣੀ 1991 ਵਿੱਚ ਸ਼ੁਰੂ ਹੋਈ ਸੀ। ਇਸਮਾਈਲ ਅਤੇ ਉਨ੍ਹਾਂ ਦੇ ਦੋਸਤ ਐਡਲਾ ਲਚੰਨਾ ਸਾਊਦੀ ਅਰਬ ਵਿੱਚ ਇਕੱਠੇ ਕੰਮ ਕਰਦੇ ਸਨ। ਦੋਵੇਂ ਕਰੀਬ ਪੰਜ ਸਾਲ ਇੱਕੋ ਕਮਰੇ ਵਿੱਚ ਰਹੇ ਅਤੇ ਉਨ੍ਹਾਂ ਦੀ ਗਹਿਰੀ ਦੋਸਤੀ ਹੋ ਗਈ। ਇਸ ਦੌਰਾਨ ਇਸਮਾਈਲ ਨੂੰ ਪੈਸਿਆਂ ਦੀ ਲੋੜ ਪਈ ਤਾਂ ਉਨ੍ਹਾਂ ਨੇ ਲਚੰਨਾ ਤੋਂ 120 ਰਿਆਲ ਉਧਾਰ ਲਏ, ਜੋ ਉਸ ਸਮੇਂ ਭਾਰਤੀ ਮੁਦਰਾ ਅਨੁਸਾਰ ਲਗਭਗ 1,000 ਰੁਪਏ ਦੇ ਬਰਾਬਰ ਸਨ। ਇਸਮਾਈਲ ਨੇ ਵਾਅਦਾ ਕੀਤਾ ਸੀ ਕਿ ਜਦੋਂ ਪੈਸੇ ਹੋਣਗੇ ਤਾਂ ਉਹ ਇਹ ਰਕਮ ਵਾਪਸ ਕਰ ਦੇਣਗੇ। ਕੁਝ ਸਮੇਂ ਬਾਅਦ ਲਚੰਨਾ ਭਾਰਤ ਵਾਪਸ ਆ ਗਏ। ਉਸ ਵੇਲੇ ਨਾ ਮੋਬਾਈਲ ਫੋਨ ਸਨ ਅਤੇ ਨਾ ਹੀ ਸੋਸ਼ਲ ਮੀਡੀਆ, ਇਸ ਲਈ ਦੋਵਾਂ ਦਾ ਸੰਪਰਕ ਟੁੱਟ ਗਿਆ।

ਨਾ ਪਤਾ ਸੀ, ਨਾ ਫੋਨ ਨੰਬਰ... ਫਿਰ ਵੀ ਲੱਭ ਲਿਆ ਦੋਸਤ ਦਾ ਘਰ

ਭਾਵੇਂ ਕਈ ਸਾਲ ਬੀਤ ਗਏ ਸਨ ਅਤੇ ਰਕਮ ਵੀ ਵੱਡੀ ਨਹੀਂ ਸੀ, ਪਰ ਇਸਮਾਈਲ ਨੇ ਇਹ ਗੱਲ ਕਦੇ ਨਹੀਂ ਭੁੱਲੀ। ਉਨ੍ਹਾਂ ਨੇ ਨਿਸ਼ਚਾ ਕੀਤਾ ਕਿ ਉਹ ਆਪਣੇ ਦੋਸਤ ਨੂੰ ਲੱਭ ਕੇ ਪੈਸੇ ਜ਼ਰੂਰ ਵਾਪਸ ਕਰਨਗੇ। ਉਨ੍ਹਾਂ ਕੋਲ ਲਚੰਨਾ ਦਾ ਨਾ ਕੋਈ ਫੋਨ ਨੰਬਰ ਸੀ ਅਤੇ ਨਾ ਹੀ ਘਰ ਦਾ ਪਤਾ। ਉਨ੍ਹਾਂ ਨੂੰ ਸਿਰਫ਼ ਇਹ ਯਾਦ ਸੀ ਕਿ ਉਨ੍ਹਾਂ ਦਾ ਦੋਸਤ ਤੇਲੰਗਾਨਾ ਦੇ ਧਰਮਪੁਰੀ ਇਲਾਕੇ ਦਾ ਰਹਿਣ ਵਾਲਾ ਹੈ। ਇੰਟਰਨੈੱਟ ਦੀ ਮਦਦ ਨਾਲ ਉਹ ਉੱਥੇ ਪਹੁੰਚੇ ਅਤੇ ਸਥਾਨਕ ਲੋਕਾਂ ਤੋਂ ਪੁੱਛਦੇ-ਪੁੱਛਦੇ ਆਖ਼ਿਰਕਾਰ ਆਪਣੇ ਦੋਸਤ ਦੇ ਘਰ ਤੱਕ ਪਹੁੰਚ ਗਏ।

1,000 ਦੀ ਥਾਂ ਵਾਪਸ ਕੀਤੇ 25,000 ਰੁਪਏ, ਵੀਡੀਓ ਕਾਲ 'ਤੇ ਭਾਵੁਕ ਹੋਇਆ ਦੋਸਤ

ਜਦੋਂ ਇਸਮਾਈਲ ਉਨ੍ਹਾਂ ਦੇ ਘਰ ਪਹੁੰਚੇ ਤਾਂ ਲਚੰਨਾ ਮੁੜ ਕੰਮ ਦੇ ਸਿਲਸਿਲੇ ਵਿੱਚ ਵਿਦੇਸ਼ ਗਏ ਹੋਏ ਸਨ। ਇਸਮਾਈਲ ਨੇ ਉਨ੍ਹਾਂ ਦੇ ਪਰਿਵਾਰ ਨੂੰ 25,000 ਰੁਪਏ ਸੌਂਪ ਦਿੱਤੇ। ਇਸ ਤੋਂ ਬਾਅਦ ਦੋਵਾਂ ਨੇ ਵਟਸਐਪ ਵੀਡੀਓ ਕਾਲ 'ਤੇ ਗੱਲ ਕੀਤੀ। ਲਚੰਨਾ ਇਹ ਦੇਖ ਕੇ ਹੈਰਾਨ ਰਹਿ ਗਏ ਕਿ 35 ਸਾਲ ਪਹਿਲਾਂ ਲਏ 1,000 ਰੁਪਏ ਦੇ ਬਦਲੇ ਇਸਮਾਈਲ ਨੇ 25,000 ਰੁਪਏ ਵਾਪਸ ਕੀਤੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਸਮਾਈਲ ਬਹੁਤ ਹੀ ਇਮਾਨਦਾਰ ਅਤੇ ਨੇਕ ਦਿਲ ਇਨਸਾਨ ਹਨ। ਸ਼ਾਇਦ ਉਨ੍ਹਾਂ ਨੇ ਇੰਨੇ ਸਾਲਾਂ ਦਾ ਵਿਆਜ ਜੋੜ ਕੇ ਇਹ ਰਕਮ ਵਾਪਸ ਕੀਤੀ ਹੈ। ਲਚੰਨਾ ਭਾਵੁਕ ਹੋ ਗਏ ਅਤੇ ਆਪਣੇ ਦੋਸਤ ਦਾ ਦਿਲੋਂ ਧੰਨਵਾਦ ਕੀਤਾ।

ਸੋਸ਼ਲ ਮੀਡੀਆ 'ਤੇ ਲੋਕਾਂ ਨੇ ਕੀਤੀ ਖੂਬ ਤਾਰੀਫ਼

ਇਹ ਦਿਲ ਛੂਹ ਲੈਣ ਵਾਲੀ ਕਹਾਣੀ ਸਾਹਮਣੇ ਆਉਣ ਤੋਂ ਬਾਅਦ ਸੋਸ਼ਲ ਮੀਡੀਆ ਯੂਜ਼ਰ ਵੀ ਕਾਫ਼ੀ ਭਾਵੁਕ ਹੋ ਗਏ ਹਨ। ਲੋਕ ਇਸਮਾਈਲ ਦੀ ਇਮਾਨਦਾਰੀ ਨੂੰ ਸਲਾਮ ਕਰ ਰਹੇ ਹਨ। ਕਈ ਯੂਜ਼ਰਾਂ ਨੇ ਲਿਖਿਆ ਕਿ ਅੱਜ ਦੇ ਸਮੇਂ ਵਿੱਚ ਜਿੱਥੇ ਆਪਣੇ ਹੀ ਕੁਝ ਪੈਸਿਆਂ ਲਈ ਰਿਸ਼ਤੇ ਤੋੜ ਲੈਂਦੇ ਹਨ, ਉੱਥੇ 35 ਸਾਲ ਪੁਰਾਣਾ 1,000 ਰੁਪਏ ਦਾ ਉਧਾਰ ਯਾਦ ਰੱਖਣਾ ਅਤੇ ਉਸ ਨੂੰ 25,000 ਰੁਪਏ ਦੇ ਰੂਪ ਵਿੱਚ ਵਾਪਸ ਕਰਨਾ ਸੱਚਮੁੱਚ ਕਾਬਿਲ-ਏ-ਤਾਰੀਫ਼ ਹੈ।

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।

Shikanji Viral Video : ਟਾਇਲਟ ਤੋਂ ਪਾਣੀ ਲਿਆ ਕੇ ਸ਼ਿਕੰਜਵੀ 'ਚ ਮਿਲਾਇਆ ,ਪੀਣ ਤੋਂ ਪਹਿਲਾਂ ਜ਼ਰੂਰ ਦੇਖੋ ਇਹ ਵੀਡੀਓ

ਸ਼ੰਕਰ ਦਾਸ — Fri, 17 Jul 2026 18:15:10 +0530

Shikanji Viral Video : ਸੋਸ਼ਲ ਮੀਡੀਆ 'ਤੇ ਖਾਣ-ਪੀਣ ਨਾਲ ਜੁੜੀਆਂ ਵੀਡੀਓਜ਼ ਅਕਸਰ ਤੇਜ਼ੀ ਨਾਲ ਵਾਇਰਲ ਹੋ ਜਾਂਦੀਆਂ ਹਨ। ਖ਼ਾਸ ਕਰਕੇ ਜਦੋਂ ਕਿਸੇ ਵੀਡੀਓ ਵਿੱਚ ਸਫ਼ਾਈ ਜਾਂ ਹਾਈਜੀਨ ਨੂੰ ਲੈ ਕੇ ਸਵਾਲ ਖੜ੍ਹੇ ਹੁੰਦੇ ਹਨ, ਤਾਂ ਲੋਕ ਤੁਰੰਤ ਪ੍ਰਤੀਕਿਰਿਆ ਦਿੰਦੇ ਹਨ। ਇਨ੍ਹਾਂ ਦਿਨਾਂ ਇੱਕ ਅਜਿਹੀ ਹੀ ਵੀਡੀਓ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ।

ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਲਖਨਊ ਰੇਲਵੇ ਸਟੇਸ਼ਨ 'ਤੇ ਸ਼ਿਕੰਜਵੀ ਵੇਚਣ ਵਾਲਾ ਇੱਕ ਵਿਅਕਤੀ ਪਬਲਿਕ ਟਾਇਲਟ ਤੋਂ ਪਾਣੀ ਲਿਆ ਕੇ ਆਪਣੀ ਸ਼ਿਕੰਜਵੀ ਵਿੱਚ ਮਿਲਾਉਂਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਲੋਕਾਂ ਨੇ ਖਾਣ-ਪੀਣ ਦੀਆਂ ਚੀਜ਼ਾਂ ਦੀ ਸੁਰੱਖਿਆ ਅਤੇ ਸਫ਼ਾਈ ਨੂੰ ਲੈ ਕੇ ਚਿੰਤਾ ਜ਼ਾਹਰ ਕੀਤੀ ਹੈ।

ਟਾਇਲਟ ਤੋਂ ਪਾਣੀ ਲਿਆ ਕੇ ਸ਼ਿਕੰਜਵੀ ਵਿੱਚ ਮਿਲਾਇਆ

ਵਾਇਰਲ ਵੀਡੀਓ ਵਿੱਚ ਦਿਖਾਈ ਦਿੰਦਾ ਹੈ ਕਿ ਇੱਕ ਸ਼ਿਕੰਜਵੀ ਵੇਚਣ ਵਾਲਾ ਸੜਕ ਕਿਨਾਰੇ ਆਪਣਾ ਠੇਲਾ ਲਗਾ ਕੇ ਖੜ੍ਹਾ ਹੈ। ਉਹ ਇੱਕ ਪਬਲਿਕ ਟਾਇਲਟ ਵੱਲ ਜਾਂਦਾ ਹੈ ਅਤੇ ਉੱਥੋਂ ਇੱਕ ਬਾਲਟੀ ਵਿੱਚ ਪਾਣੀ ਭਰ ਕੇ ਵਾਪਸ ਆ ਜਾਂਦਾ ਹੈ। ਇਸ ਤੋਂ ਬਾਅਦ ਉਹ ਉਹੀ ਪਾਣੀ ਆਪਣੇ ਠੇਲੇ 'ਤੇ ਰੱਖੇ ਸ਼ਿਕੰਜਵੀ ਦੇ ਵੱਡੇ ਡਿੱਬੇ ਵਿੱਚ ਪਾ ਦਿੰਦਾ ਹੈ। ਵੀਡੀਓ ਇੱਥੇ ਹੀ ਸਮਾਪਤ ਹੋ ਜਾਂਦੀ ਹੈ।

ਵੀਡੀਓ ਨੇ ਖੜ੍ਹੇ ਕੀਤੇ ਕਈ ਸਵਾਲ

ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਇਸ ਵੀਡੀਓ ਬਾਰੇ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਲਖਨਊ ਰੇਲਵੇ ਸਟੇਸ਼ਨ ਦੀ ਹੈ। ਹਾਲਾਂਕਿ, ਇਸ ਦਾਅਵੇ ਦੀ ਅਧਿਕਾਰਿਕ ਪੁਸ਼ਟੀ ਨਹੀਂ ਹੋਈ ਹੈ। ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਲੋਕਾਂ ਨੇ ਖਾਣ-ਪੀਣ ਦੀਆਂ ਚੀਜ਼ਾਂ ਦੀ ਸਫ਼ਾਈ ਅਤੇ ਜਨਤਕ ਸਿਹਤ ਨੂੰ ਲੈ ਕੇ ਚਿੰਤਾ ਜ਼ਾਹਰ ਕੀਤੀ ਹੈ। ਕਈ ਲੋਕਾਂ ਦਾ ਕਹਿਣਾ ਹੈ ਕਿ ਅਜਿਹੀਆਂ ਘਟਨਾਵਾਂ 'ਤੇ ਸਖ਼ਤ ਨਿਗਰਾਨੀ ਹੋਣੀ ਚਾਹੀਦੀ ਹੈ ਅਤੇ ਖਾਦ ਸੁਰੱਖਿਆ ਨਿਯਮਾਂ ਦੀ ਸਖ਼ਤੀ ਨਾਲ ਪਾਲਣਾ ਕਰਵਾਈ ਜਾਣੀ ਚਾਹੀਦੀ ਹੈ।

ਸੋਸ਼ਲ ਮੀਡੀਆ 'ਤੇ ਲੋਕਾਂ ਦੀਆਂ ਪ੍ਰਤੀਕਿਰਿਆਵਾਂ

ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਸੋਸ਼ਲ ਮੀਡੀਆ ਯੂਜ਼ਰਾਂ ਨੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਦਿੱਤੀਆਂ। ਇੱਕ ਯੂਜ਼ਰ ਨੇ ਤੰਜ ਕੱਸਦਿਆਂ ਲਿਖਿਆ ਕਿ "ਇਸ ਦਾ FSSAI ਸਰਟੀਫਿਕੇਟ ਵੀ ਚੈੱਕ ਕਰਨਾ ਚਾਹੀਦਾ ਹੈ।" ਦੂਜੇ ਯੂਜ਼ਰ ਨੇ ਲਿਖਿਆ, "ਇਹ ਤਾਂ ਹੱਦ ਦੀ ਮਿਲਾਵਟ ਹੈ।" ਇੱਕ ਹੋਰ ਯੂਜ਼ਰ ਨੇ ਹੈਰਾਨੀ ਜਤਾਉਂਦਿਆਂ ਕਿਹਾ ਕਿ "ਇੰਨਾ ਗੰਦਾ ਪਾਣੀ ਸ਼ਿਕੰਜਵੀ ਵਿੱਚ ਮਿਲਾਇਆ ਜਾ ਰਿਹਾ ਹੈ।" ਕਈ ਲੋਕਾਂ ਨੇ ਸਵਾਲ ਕੀਤਾ ਕਿ ਅਜਿਹੀ ਲਾਪਰਵਾਹੀ ਆਖ਼ਿਰ ਕਿਵੇਂ ਹੋ ਰਹੀ ਹੈ। ਵੀਡੀਓ ਦੇਖਣ ਤੋਂ ਬਾਅਦ ਕਈ ਯੂਜ਼ਰਾਂ ਨੇ ਸੰਬੰਧਿਤ ਅਧਿਕਾਰੀਆਂ ਤੋਂ ਮਾਮਲੇ ਦੀ ਜਾਂਚ ਕਰਕੇ ਯੋਗ ਕਾਰਵਾਈ ਕਰਨ ਦੀ ਮੰਗ ਵੀ ਕੀਤੀ।

Old SBI Passbook : ਘਰ ਦੀ ਸਫਾਈ ਦੌਰਾਨ ਮਿਲੀ SBI ਦੀ 20 ਸਾਲ ਪੁਰਾਣੀ ਪਾਸਬੁੱਕ, ਖਾਤੇ ਦੀ ਰਕਮ ਵੇਖ ਕੇ ਪਰਿਵਾਰ ਰਹਿ ਗਿਆ ਹੈਰਾਨ

ਸ਼ੰਕਰ ਦਾਸ — Thu, 16 Jul 2026 20:38:05 +0530

Old SBI Passbook : ਕਈ ਵਾਰ ਲੋਕਾਂ ਨੂੰ ਅਚਾਨਕ ਪਤਾ ਲੱਗਦਾ ਹੈ ਕਿ ਉਨ੍ਹਾਂ ਦੇ ਪੂਰਵਜਾਂ ਦੇ ਨਾਮ 'ਤੇ ਬੈਂਕ ਵਿੱਚ ਇੰਨੀ ਰਕਮ ਪਈ ਹੈ ਕਿ ਉਸ ਨਾਲ ਇੱਕ ਘਰ ਵੀ ਖਰੀਦਿਆ ਜਾ ਸਕਦਾ ਹੈ। ਅਜਿਹਾ ਹੀ ਇੱਕ ਮਾਮਲਾ ਇਨ੍ਹਾਂ ਦਿਨਾਂ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਹ ਕਹਾਣੀ ਇੱਕ ਅਜਿਹੇ ਵਿਅਕਤੀ ਦੀ ਹੈ, ਜਿਸ ਨੂੰ ਘਰ ਦੀ ਸਫਾਈ ਕਰਦੇ ਸਮੇਂ ਸਟੇਟ ਬੈਂਕ ਆਫ ਇੰਡੀਆ (SBI) ਦੀ ਇੱਕ ਬਹੁਤ ਪੁਰਾਣੀ ਪਾਸਬੁੱਕ ਮਿਲੀ।

ਵਾਇਰਲ ਪੋਸਟ ਮੁਤਾਬਕ, ਇਹ ਪਾਸਬੁੱਕ ਕਰੀਬ 20 ਤੋਂ 24 ਸਾਲ ਪੁਰਾਣੀ ਸੀ। ਜਦੋਂ ਉਸ ਨੇ ਇਹ ਪਾਸਬੁੱਕ ਆਪਣੇ ਪਿਤਾ ਨੂੰ ਦਿਖਾਈ ਤਾਂ ਪਤਾ ਲੱਗਿਆ ਕਿ ਇਹ ਉਸ ਦੇ ਦਾਦਾ ਜੀ ਦੀ ਸੀ, ਜਿਨ੍ਹਾਂ ਦਾ ਹੁਣ ਦੇਹਾਂਤ ਹੋ ਚੁੱਕਾ ਹੈ। ਪਾਸਬੁੱਕ ਵਿੱਚ ਦਰਜ ਕੁਝ ਜਾਣਕਾਰੀਆਂ ਨੇ ਪੂਰੇ ਪਰਿਵਾਰ ਨੂੰ ਹੈਰਾਨ ਕਰ ਦਿੱਤਾ।

ਪੋਸਟ ਵਿੱਚ ਕੀ ਦੱਸਿਆ ਗਿਆ?

ਇਹ ਪੂਰੀ ਕਹਾਣੀ X 'ਤੇ ਪੂਜਾ ਨਾਮ ਦੀ ਇੱਕ ਯੂਜ਼ਰ ਨੇ ਸਾਂਝੀ ਕੀਤੀ ਹੈ। ਉਸ ਦੇ ਮੁਤਾਬਕ, ਪਰਿਵਾਰ ਦਾ ਮੰਨਣਾ ਹੈ ਕਿ ਇਸ ਪੁਰਾਣੇ ਬੈਂਕ ਖਾਤੇ ਵਿੱਚ 1 ਲੱਖ ਰੁਪਏ ਤੋਂ ਵੱਧ ਰਕਮ ਜਮ੍ਹਾਂ ਹੈ। ਸਭ ਤੋਂ ਦਿਲਚਸਪ ਗੱਲ ਇਹ ਹੈ ਕਿ ਜਿੱਥੇ ਅੱਜ ਕੱਲ੍ਹ ਦੇ ਬੈਂਕ ਖਾਤਿਆਂ ਦੇ ਨੰਬਰ 11 ਤੋਂ 15 ਅੰਕਾਂ ਦੇ ਹੁੰਦੇ ਹਨ, ਉੱਥੇ ਇਸ ਪਾਸਬੁੱਕ ਵਿੱਚ ਸਿਰਫ਼ 4 ਅੰਕਾਂ ਦਾ ਖਾਤਾ ਨੰਬਰ ਦਰਜ ਹੈ, ਜੋ ਇਸ ਖਾਤੇ ਦੀ ਕਾਫ਼ੀ ਪੁਰਾਣੀ ਹੋਣ ਦੀ ਨਿਸ਼ਾਨੀ ਹੈ। ਪਾਸਬੁੱਕ ਦੀ ਤਸਵੀਰ ਵਿੱਚ ਸਾਲ 2003 ਤੱਕ ਦੀਆਂ ਐਂਟਰੀਆਂ ਵੀ ਨਜ਼ਰ ਆ ਰਹੀਆਂ ਹਨ।

ਇਸ ਤੋਂ ਬਾਅਦ ਸਭ ਤੋਂ ਵੱਡਾ ਸਵਾਲ ਉੱਠਿਆ ਕਿ ਕੀ ਇੰਨੇ ਪੁਰਾਣੇ ਅਤੇ ਲੰਬੇ ਸਮੇਂ ਤੋਂ ਨਾ ਵਰਤੇ ਗਏ ਖਾਤੇ ਵਿੱਚੋਂ ਅੱਜ ਵੀ ਪੈਸੇ ਕੱਢੇ ਜਾ ਸਕਦੇ ਹਨ? ਅਤੇ ਜੇ ਖਾਤਾਧਾਰਕ ਦੀ ਮੌਤ ਹੋ ਚੁੱਕੀ ਹੋਵੇ, ਤਾਂ ਕੀ ਉਸ ਦਾ ਪਰਿਵਾਰ ਇਹ ਰਕਮ ਹਾਸਲ ਕਰ ਸਕਦਾ ਹੈ?

ਲੋਕਾਂ ਨੇ ਕੀ ਦਿੱਤੇ ਜਵਾਬ?

ਇਸ ਪੋਸਟ 'ਤੇ ਕਈ ਯੂਜ਼ਰਾਂ ਨੇ ਕਿਹਾ ਕਿ ਸਿਰਫ਼ ਲੰਬੇ ਸਮੇਂ ਤੱਕ ਖਾਤਾ ਨਾ ਚਲਾਉਣ ਨਾਲ ਉਸ ਵਿੱਚ ਜਮ੍ਹਾਂ ਰਕਮ ਖਤਮ ਨਹੀਂ ਹੁੰਦੀ। ਕੁਝ ਲੋਕਾਂ ਨੇ ਸਲਾਹ ਦਿੱਤੀ ਕਿ ਸਭ ਤੋਂ ਪਹਿਲਾਂ RBI ਦੇ UDGAM ਪੋਰਟਲ 'ਤੇ ਜਾ ਕੇ ਜਾਂਚ ਕਰੋ ਕਿ ਖਾਤਾ Unclaimed Deposit (ਬਿਨਾਂ ਦਾਅਵੇ ਵਾਲੀ ਜਮ੍ਹਾਂ ਰਕਮ) ਵਿੱਚ ਤਾਂ ਸ਼ਾਮਲ ਨਹੀਂ ਹੋ ਗਿਆ। ਜੇ ਖਾਤਾ ਉੱਥੇ ਦਰਜ ਹੋਵੇ ਤਾਂ ਲੋੜੀਂਦੇ ਦਸਤਾਵੇਜ਼ਾਂ ਨਾਲ SBI ਦੀ ਸ਼ਾਖਾ ਵਿੱਚ ਜਾ ਕੇ ਰਕਮ ਦਾ ਦਾਅਵਾ ਕੀਤਾ ਜਾ ਸਕਦਾ ਹੈ।

ਕੁਝ ਯੂਜ਼ਰਾਂ ਨੇ ਇਹ ਵੀ ਦੱਸਿਆ ਕਿ ਜੇ ਕੋਈ ਖਾਤਾ 10 ਸਾਲ ਜਾਂ ਇਸ ਤੋਂ ਵੱਧ ਸਮੇਂ ਤੱਕ ਗੈਰ-ਸਰਗਰਮ ਰਹੇ ਤਾਂ ਉਸ ਦੀ ਰਕਮ RBI ਦੇ DEAF Fund ਵਿੱਚ ਟਰਾਂਸਫਰ ਹੋ ਸਕਦੀ ਹੈ। ਹਾਲਾਂਕਿ, ਸਹੀ ਪ੍ਰਕਿਰਿਆ ਪੂਰੀ ਕਰਨ ਤੋਂ ਬਾਅਦ ਅਸਲੀ ਹੱਕਦਾਰ ਜਾਂ ਉਸ ਦੇ ਕਾਨੂੰਨੀ ਵਾਰਿਸ ਉਹ ਰਕਮ ਵਾਪਸ ਪ੍ਰਾਪਤ ਕਰ ਸਕਦੇ ਹਨ।

ਰਕਮ ਵਾਪਸ ਲੈਣ ਲਈ ਕਿਹੜੇ ਦਸਤਾਵੇਜ਼ ਲੋੜੀਂਦੇ ਹਨ?

ਕਮੈਂਟਸ ਵਿੱਚ ਦੱਸਿਆ ਗਿਆ ਕਿ ਪਰਿਵਾਰ ਨੂੰ ਅਸਲੀ ਪਾਸਬੁੱਕ ,ਖਾਤਾਧਾਰਕ ਦਾ ਮੌਤ ਸਰਟੀਫਿਕੇਟ ,ਕਾਨੂੰਨੀ ਵਾਰਿਸ ਹੋਣ ਦਾ ਸਬੂਤ ,ਹੋਰ ਲੋੜੀਂਦੇ ਪਛਾਣ ਅਤੇ ਦਾਅਵੇ ਨਾਲ ਸੰਬੰਧਿਤ ਦਸਤਾਵੇਜ਼ ਨਾਲ ਨਜ਼ਦੀਕੀ SBI ਸ਼ਾਖਾ ਵਿੱਚ ਜਾਣਾ ਹੋਵੇਗਾ। ਇੱਕ ਯੂਜ਼ਰ ਨੇ ਇਹ ਵੀ ਦਾਅਵਾ ਕੀਤਾ ਕਿ ਜੇ ਸਾਰੇ ਦਸਤਾਵੇਜ਼ ਠੀਕ ਹੋਣ ਤਾਂ ਰਕਮ ਪ੍ਰਾਪਤ ਕਰਨ ਦੀ ਪ੍ਰਕਿਰਿਆ ਲਗਭਗ 15 ਦਿਨਾਂ ਵਿੱਚ ਪੂਰੀ ਹੋ ਸਕਦੀ ਹੈ।

Wedding Viral Video : ਵਿਆਹ ਦੀ ਸਟੇਜ 'ਤੇ ਕੱਛੇ-ਬਨਿਆਨ ਵਿੱਚ ਪਹੁੰਚੇ ਅੰਕਲ ਜੀ, ਵੀਡੀਓ ਹੋਈ ਵਾਇਰਲ

ਸ਼ੰਕਰ ਦਾਸ — Thu, 16 Jul 2026 15:24:54 +0530

Wedding Viral Video : ਸੋਸ਼ਲ ਮੀਡੀਆ 'ਤੇ ਵਿਆਹਾਂ ਨਾਲ ਜੁੜੀਆਂ ਵੀਡੀਓਜ਼ ਅਕਸਰ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਕਦੇ ਦੂਲਾ-ਦੂਲਹਨ ਦਾ ਡਾਂਸ ਲੋਕਾਂ ਦਾ ਦਿਲ ਜਿੱਤ ਲੈਂਦਾ ਹੈ ਤਾਂ ਕਦੇ ਕੋਈ ਮਜ਼ੇਦਾਰ ਪਲ ਸਭ ਨੂੰ ਹੱਸਾ ਦਿੰਦਾ ਹੈ ਪਰ ਇਨ੍ਹਾਂ ਦਿਨਾਂ ਇੱਕ ਅਜਿਹੀ ਵਿਆਹ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਦੇਖ ਕੇ ਲੋਕ ਹੈਰਾਨ ਵੀ ਹਨ ਅਤੇ ਹੱਸ ਵੀ ਰਹੇ ਹਨ। ਇਸ ਵੀਡੀਓ ਵਿੱਚ ਇੱਕ ਅੰਕਲ ਜੀ ਕੱਛਾ-ਬਨਿਆਨ ਪਾ ਕੇ ਸਿੱਧੇ ਵਿਆਹ ਦੇ ਸਟੇਜ 'ਤੇ ਪਹੁੰਚ ਜਾਂਦੇ ਹਨ ਅਤੇ ਡਾਂਸ ਕਰਨਾ ਸ਼ੁਰੂ ਕਰ ਦਿੰਦੇ ਹਨ। ਉਨ੍ਹਾਂ ਦਾ ਇਹ ਅਨੋਖਾ ਅੰਦਾਜ਼ ਦੇਖ ਕੇ ਉੱਥੇ ਮੌਜੂਦ ਮਹਿਮਾਨ ਵੀ ਹੈਰਾਨ ਰਹਿ ਜਾਂਦੇ ਹਨ। ਹੁਣ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਸ਼ੇਅਰ ਹੋ ਰਹੀ ਹੈ ਅਤੇ ਲੋਕ ਇਸ 'ਤੇ ਵੱਖ-ਵੱਖ ਤਰ੍ਹਾਂ ਦੀਆਂ ਟਿੱਪਣੀਆਂ ਕਰ ਰਹੇ ਹਨ।

ਵੀਡੀਓ ਵਿੱਚ ਕੀ ਦਿਖਾਈ ਦਿੱਤਾ?

ਵਾਇਰਲ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਵਿਆਹ ਦੇ ਸਟੇਜ 'ਤੇ ਦੂਲਾ-ਦੂਲਹਨ ਨੂੰ ਰਿਸ਼ਤੇਦਾਰ ਆਸ਼ੀਰਵਾਦ ਦੇ ਰਹੇ ਹਨ। ਇਸੇ ਦੌਰਾਨ ਇੱਕ ਅੰਕਲ ਜੀ ਵੀ ਸਟੇਜ 'ਤੇ ਪਹੁੰਚਦੇ ਹਨ ਪਰ ਉਨ੍ਹਾਂ ਦਾ ਪਹਿਰਾਵਾ ਬਾਕੀ ਸਭ ਤੋਂ ਬਿਲਕੁਲ ਵੱਖਰਾ ਹੁੰਦਾ ਹੈ। ਉਹ ਸਿਰਫ਼ ਕੱਛਾ ਅਤੇ ਬਨਿਆਨ ਪਾ ਕੇ ਹੀ ਸਟੇਜ 'ਤੇ ਚੜ੍ਹ ਜਾਂਦੇ ਹਨ। ਇੰਨਾ ਹੀ ਨਹੀਂ, ਉਹ ਉੱਥੇ ਹੀ ਖੂਬ ਡਾਂਸ ਵੀ ਕਰਦੇ ਹਨ। ਬਾਕੀ ਰਿਸ਼ਤੇਦਾਰਾਂ ਵਾਂਗ ਉਨ੍ਹਾਂ ਨੇ ਵੀ ਦੂਲਾ-ਦੂਲਹਨ ਨੂੰ ਆਸ਼ੀਰਵਾਦ ਦੇ ਤੌਰ 'ਤੇ 100-100 ਰੁਪਏ ਦਿੱਤੇ। ਉਨ੍ਹਾਂ ਦਾ ਇਹ ਵੱਖਰਾ ਅੰਦਾਜ਼ ਕੈਮਰੇ ਵਿੱਚ ਕੈਦ ਹੋ ਗਿਆ ਅਤੇ ਕੁਝ ਹੀ ਸਮੇਂ ਵਿੱਚ ਵੀਡੀਓ ਇੰਟਰਨੈੱਟ 'ਤੇ ਵਾਇਰਲ ਹੋ ਗਈ।

ਲੋਕਾਂ ਨੇ ਕੀ ਕਿਹਾ?

ਇਸ ਵੀਡੀਓ 'ਤੇ ਸੋਸ਼ਲ ਮੀਡੀਆ ਯੂਜ਼ਰਾਂ ਵੱਲੋਂ ਮਜ਼ੇਦਾਰ ਪ੍ਰਤੀਕਿਰਿਆਵਾਂ ਵੀ ਆ ਰਹੀਆਂ ਹਨ। ਇੱਕ ਯੂਜ਼ਰ ਨੇ ਲਿਖਿਆ, "ਗਰੀਬ ਦੀ ਸ਼ਾਦੀ ਹੋਵੇ ਤੇ ਤਮਾਸ਼ਾ ਨਾ ਹੋਵੇ, ਇਹ ਕਿਵੇਂ ਹੋ ਸਕਦਾ ਹੈ! ਜਦਕਿ ਇੱਕ ਹੋਰ ਯੂਜ਼ਰ ਨੇ ਮਜ਼ਾਕ ਵਿੱਚ ਜੈ ਬਿਹਾਰ" ਲਿਖਿਆ। ਇਸ ਤੋਂ ਇਲਾਵਾ ਵੀ ਕਈ ਲੋਕਾਂ ਨੇ ਹਾਸੇ-ਮਜ਼ਾਕ ਵਾਲੀਆਂ ਟਿੱਪਣੀਆਂ ਕੀਤੀਆਂ। ਕੁੱਲ ਮਿਲਾ ਕੇ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।

Trending : ਵਿਆਹ ਹੈ ਜਾਂ ਬਿਜ਼ਨਸ ਡੀਲ? ਮਹਿਮਾਨਾਂ ਤੋਂ ਲਿਫਾਫੇ ਲੈ ਕੇ ਦਿੱਤੇ ਜਾਂਦੇ ਹਨ ਫੂਡ ਕੂਪਨ, ਵੀਡੀਓ ਦੇਖ ਹੈਰਾਨ ਰਹਿ ਜਾਵੋਗੇ

ਸ਼ੰਕਰ ਦਾਸ — Tue, 14 Jul 2026 17:56:11 +0530

Trending : ਇਨ੍ਹਾਂ ਦਿਨਾਂ ਸੋਸ਼ਲ ਮੀਡੀਆ 'ਤੇ ਇੱਕ ਅਜਿਹਾ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਭਾਰਤੀ ਸੋਸ਼ਲ ਮੀਡੀਆ ਯੂਜ਼ਰ ਹੈਰਾਨ ਰਹਿ ਗਏ ਹਨ। ਆਮ ਤੌਰ 'ਤੇ ਭਾਰਤ ਵਿੱਚ ਵਿਆਹਾਂ ਦੌਰਾਨ ਸ਼ਗਨ ਦੇਣਾ ਮਹਿਮਾਨਾਂ ਦੀ ਆਪਣੀ ਮਰਜ਼ੀ 'ਤੇ ਨਿਰਭਰ ਕਰਦਾ ਹੈ ਪਰ ਦੱਖਣੀ ਕੋਰੀਆ (ਸਾਊਥ ਕੋਰੀਆ) ਦੇ ਵਿਆਹਾਂ ਦਾ ਰਿਵਾਜ ਬਿਲਕੁਲ ਵੱਖਰਾ ਹੈ। ਉੱਥੇ ਵਿਆਹ 'ਚ ਆਉਣ ਵਾਲੇ ਮਹਿਮਾਨਾਂ ਲਈ ਨਕਦ ਰਕਮ ਦੇਣਾ ਕੋਈ ਚੋਣ ਨਹੀਂ, ਸਗੋਂ ਲਾਜ਼ਮੀ ਨਿਯਮ ਹੈ। ਵਾਇਰਲ ਵੀਡੀਓ ਨੇ ਕੋਰੀਆ ਦੇ ਇਸ ਅਨੋਖੇ "ਕੈਸ਼ ਕਲਚਰ" ਨੂੰ ਦੁਨੀਆ ਭਰ ਦੇ ਸਾਹਮਣੇ ਲਿਆ ਦਿੱਤਾ ਹੈ।

ਰਿਸ਼ਤੇ ਦੇ ਹਿਸਾਬ ਨਾਲ ਤੈਅ ਹੁੰਦੀ ਹੈ ਸ਼ਗਨ ਦੀ ਰਕਮ, ਐਂਟਰੀ 'ਤੇ ਹੀ ਮਿਲਦਾ ਹੈ ਫੂਡ ਕੂਪਨ

ਵਾਇਰਲ ਵੀਡੀਓ ਮੁਤਾਬਕ, ਕੋਰੀਆ ਦੇ ਵਿਆਹਾਂ ਵਿੱਚ ਸਿਰਫ਼ ਨਕਦ ਰਕਮ ਨੂੰ ਹੀ ਤੋਹਫ਼ੇ ਵਜੋਂ ਮੰਨਿਆ ਜਾਂਦਾ ਹੈ। ਉੱਥੇ ਕ੍ਰੋਕਰੀ, ਸ਼ੋਪੀਸ ਜਾਂ ਹੋਰ ਭੌਤਿਕ ਤੋਹਫ਼ੇ ਦੇਣ ਦਾ ਰਿਵਾਜ ਨਹੀਂ ਹੈ। ਸਭ ਤੋਂ ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਤੁਸੀਂ ਲਾੜੇ-ਲਾੜੀ ਦੇ ਕਿੰਨੇ ਕਰੀਬ ਹੋ, ਉਸੇ ਦੇ ਆਧਾਰ 'ਤੇ ਸ਼ਗਨ ਦੀ ਰਕਮ ਤੈਅ ਹੁੰਦੀ ਹੈ।

ਵਿਆਹ ਵਾਲੇ ਸਥਾਨ ਦੇ ਦਾਖ਼ਲਾ ਗੇਟ 'ਤੇ ਇੱਕ ਕਾਊਂਟਰ ਲੱਗਿਆ ਹੁੰਦਾ ਹੈ, ਜਿੱਥੇ ਮਹਿਮਾਨਾਂ ਤੋਂ ਪਹਿਲਾਂ ਨਕਦ ਰਕਮ ਲਈ ਜਾਂਦੀ ਹੈ। ਇਸ ਤੋਂ ਬਾਅਦ ਹੀ ਉਨ੍ਹਾਂ ਨੂੰ ਅੰਦਰ ਜਾਣ ਅਤੇ ਖਾਣਾ ਖਾਣ ਲਈ ਫੂਡ ਕੂਪਨ ਦਿੱਤਾ ਜਾਂਦਾ ਹੈ। ਅਰਥਾਤ, ਨਕਦ ਰਕਮ ਦਿੱਤੇ ਬਿਨਾਂ ਨਾ ਤਾਂ ਐਂਟਰੀ ਮਿਲਦੀ ਹੈ ਅਤੇ ਨਾ ਹੀ ਖਾਣਾ।

ਜੇ ਕੈਸ਼ ਭੁੱਲ ਜਾਓ ਤਾਂ ਹਾਲ ਦੇ ਅੰਦਰ ਹੀ ਹੁੰਦਾ ਹੈ ATM

ਜੇ ਕੋਈ ਮਹਿਮਾਨ ਕੈਸ਼ ਲਿਆਉਣਾ ਭੁੱਲ ਜਾਵੇ ਤਾਂ ਉਸ ਲਈ ਵੀ ਖ਼ਾਸ ਪ੍ਰਬੰਧ ਕੀਤਾ ਗਿਆ ਹੁੰਦਾ ਹੈ। ਵਾਇਰਲ ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਵਿਆਹ ਵਾਲੇ ਹਾਲ ਦੇ ਅੰਦਰ ਹੀ ਏਟੀਐਮ ਮਸ਼ੀਨ ਲੱਗੀ ਹੁੰਦੀ ਹੈ। ਲੋਕ ਉੱਥੇ ਕਾਰਡ ਰਾਹੀਂ ਪੈਸੇ ਕੱਢਦੇ ਹਨ, ਉਨ੍ਹਾਂ ਨੂੰ ਲਿਫਾਫੇ ਵਿੱਚ ਪਾ ਕੇ ਕਾਊਂਟਰ 'ਤੇ ਜਮ੍ਹਾਂ ਕਰਵਾਉਂਦੇ ਹਨ ਅਤੇ ਫਿਰ ਫੂਡ ਕੂਪਨ ਲੈ ਕੇ ਅੰਦਰ ਦਾਖ਼ਲ ਹੁੰਦੇ ਹਨ। ਇਹ ਹਾਈ-ਟੈਕ ਅਤੇ ਬਿਜ਼ਨਸ ਸਟਾਈਲ ਵਿਆਹ ਦੇਖ ਕੇ ਸੋਸ਼ਲ ਮੀਡੀਆ 'ਤੇ ਲੋਕ ਹੈਰਾਨ ਹਨ।

ਸੋਸ਼ਲ ਮੀਡੀਆ 'ਤੇ ਲੋਕਾਂ ਦੇ ਮਜ਼ੇਦਾਰ ਰਿਐਕਸ਼ਨ

ਇਸ ਵੀਡੀਓ ਦੇ ਵਾਇਰਲ ਹੋਣ ਤੋਂ ਬਾਅਦ ਲੋਕਾਂ ਨੇ ਕਈ ਮਜ਼ੇਦਾਰ ਟਿੱਪਣੀਆਂ ਕੀਤੀਆਂ ਹਨ। ਇੱਕ ਯੂਜ਼ਰ ਨੇ ਲਿਖਿਆ, "ਇਹ ਵਿਆਹ ਘੱਟ ਤੇ ਕੋਈ ਬਿਜ਼ਨਸ ਜ਼ਿਆਦਾ ਲੱਗਦਾ ਹੈ, ਬਿਨਾਂ ਕੂਪਨ ਦੇ ਖਾਣਾ ਵੀ ਨਹੀਂ ਮਿਲਦਾ।" ਦੂਜੇ ਨੇ ਮਜ਼ਾਕ ਕਰਦੇ ਹੋਏ ਕਿਹਾ, "ਸਾਡੇ ਇੱਥੇ ਤਾਂ ਲੋਕ ਬਿਨਾਂ ਲਿਫਾਫੇ ਦੇ ਵੀ ਦੋ ਵਾਰ ਰਸਗੁੱਲੇ ਖਾ ਜਾਂਦੇ ਹਨ, ਉੱਥੇ ਤਾਂ ਗੇਟ 'ਤੇ ਹੀ ਹਿਸਾਬ ਹੋ ਜਾਂਦਾ ਹੈ।"

Viral video : ਗਰਭਵਤੀ ਬੇਟੀ ਨੂੰ ਸਰਪ੍ਰਾਈਜ਼ ਦੇਣ ਲਈ ਬੈਂਗਲੁਰੂ ਤੋਂ ਕੈਨੇਡਾ ਪਹੁੰਚੇ ਮਾਪੇ, ਭਾਵੁਕ ਮਿਲਾਪ ਨੇ ਇੰਟਰਨੈੱਟ ਦਾ ਦਿਲ ਜਿੱਤਿਆ

ਸ਼ੰਕਰ ਦਾਸ — Mon, 13 Jul 2026 20:22:43 +0530

Pregnant Girl meets parents : ਸੋਸ਼ਲ ਮੀਡੀਆ 'ਤੇ ਇੱਕ ਬਹੁਤ ਹੀ ਭਾਵੁਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਦੇਖ ਕੇ ਹਰ ਕਿਸੇ ਦੀਆਂ ਅੱਖਾਂ ਨਮ ਹੋ ਰਹੀਆਂ ਹਨ। ਇੱਕ ਗਰਭਵਤੀ ਧੀ ਅਤੇ ਉਸਦੇ ਮਾਪਿਆਂ ਦਾ ਏਅਰਪੋਰਟ 'ਤੇ ਹੋਇਆ ਇਹ ਮਿਲਾਪ ਲੋਕਾਂ ਦੇ ਦਿਲਾਂ ਨੂੰ ਛੂਹ ਰਿਹਾ ਹੈ। ਵੀਡੀਓ ਵਿੱਚ ਧੀ ਆਪਣੇ ਮਾਂ-ਪਿਉ ਨੂੰ ਅਚਾਨਕ ਸਾਹਮਣੇ ਦੇਖ ਕੇ ਭਾਵੁਕ ਹੋ ਜਾਂਦੀ ਹੈ, ਉਨ੍ਹਾਂ ਨੂੰ ਗਲੇ ਲਗਾ ਕੇ ਫੁੱਟ-ਫੁੱਟ ਕੇ ਰੋ ਪੈਂਦੀ ਹੈ।

ਮਾਂ ਬਣਨ ਤੋਂ ਪਹਿਲਾਂ ਫਿਰ ਬਣ ਗਈ ਮਾਪਿਆਂ ਦੀ 'ਨਿੱਕੀ ਜਿਹੀ ਧੀ'

ਇਹ ਵੀਡੀਓ ਇੰਸਟਾਗ੍ਰਾਮ 'ਤੇ ਦਿਵਿਆ ਨਾਮ ਦੀ ਇੱਕ ਮਹਿਲਾ ਨੇ ਸਾਂਝੀ ਕੀਤੀ ਹੈ। ਦਿਵਿਆ ਆਪਣੇ ਪਹਿਲੇ ਬੱਚੇ ਨੂੰ ਜਨਮ ਦੇਣ ਵਾਲੀ ਹੈ ਅਤੇ ਇਸ ਸਮੇਂ ਗਰਭ ਅਵਸਥਾ ਦੇ ਤੀਜੇ ਅਤੇ ਆਖ਼ਰੀ ਪੜਾਅ ਵਿੱਚ ਹੈ। ਇਸ ਦੌਰਾਨ ਉਸਦੇ ਮਾਪੇ ਬਿਨਾਂ ਦੱਸੇ ਬੈਂਗਲੁਰੂ ਤੋਂ ਸਿੱਧੇ ਕੈਨੇਡਾ ਦੇ ਟੋਰਾਂਟੋ ਸ਼ਹਿਰ ਪਹੁੰਚ ਗਏ। ਮਾਪਿਆਂ ਨੂੰ ਅਚਾਨਕ ਆਪਣੇ ਸਾਹਮਣੇ ਦੇਖ ਕੇ ਦਿਵਿਆ ਆਪਣੇ ਹੰਝੂ ਨਹੀਂ ਰੋਕ ਸਕੀ। ਉਸਨੇ ਕਿਹਾ ਕਿ ਭਾਵੇਂ ਉਹ ਹੁਣ ਖੁਦ ਮਾਂ ਬਣਨ ਜਾ ਰਹੀ ਹੈ, ਪਰ ਆਪਣੇ ਮੰਮੀ-ਪਾਪਾ ਨੂੰ ਦੇਖਦੇ ਹੀ ਉਹ ਫਿਰ ਤੋਂ ਉਨ੍ਹਾਂ ਦੀ ਨਿੱਕੀ ਜਿਹੀ ਧੀ ਬਣ ਗਈ।

ਮਾਂ-ਪਿਉ ਦੇ ਆਉਂਦੇ ਹੀ ਦੂਰ ਹੋ ਗਈ ਹਰ ਚਿੰਤਾ

ਦਿਵਿਆ ਨੇ ਆਪਣੀ ਪੋਸਟ ਵਿੱਚ ਲਿਖਿਆ ਕਿ ਇਨਸਾਨ ਭਾਵੇਂ ਕਿੰਨਾ ਵੀ ਵੱਡਾ ਹੋ ਜਾਵੇ ਜਾਂ ਦੁਨੀਆ ਦੇ ਕਿਸੇ ਵੀ ਕੋਨੇ ਵਿੱਚ ਰਹਿੰਦਾ ਹੋਵੇ, ਪਰ ਜੋ ਸਕੂਨ ਅਤੇ ਸੁਰੱਖਿਆ ਆਪਣੇ ਅੰਮਾ-ਅੱਪਾ ਦੇ ਕੋਲ ਮਿਲਦੀ ਹੈ, ਉਹ ਕਿਤੇ ਹੋਰ ਨਹੀਂ ਮਿਲਦੀ। ਉਸਨੇ ਅੱਗੇ ਲਿਖਿਆ ਕਿ ਉਸਦੀ ਜ਼ਿੰਦਗੀ ਦਾ ਇੱਕ ਖੂਬਸੂਰਤ ਚੱਕਰ ਪੂਰਾ ਹੋ ਗਿਆ ਹੈ। ਕੱਲ੍ਹ ਤੱਕ ਉਹ ਸਿਰਫ਼ ਇੱਕ ਧੀ ਸੀ, ਹੁਣ ਉਹ ਖੁਦ ਮਾਂ ਬਣਨ ਜਾ ਰਹੀ ਹੈ ਅਤੇ ਉਸਦੇ ਮਾਪੇ ਨਾਨਾ-ਨਾਨੀ ਬਣਨ ਵਾਲੇ ਹਨ। ਟੋਰਾਂਟੋ ਵਿੱਚ ਮਾਪਿਆਂ ਦਾ ਸਵਾਗਤ ਕਰਦੇ ਹੋਏ ਉਸਨੇ ਕਿਹਾ ਕਿ ਹੁਣ ਉਸਨੂੰ ਲੱਗਦਾ ਹੈ ਕਿ ਸਭ ਕੁਝ ਠੀਕ ਹੋ ਜਾਵੇਗਾ ਅਤੇ ਉਹ ਬਿਨਾਂ ਕਿਸੇ ਚਿੰਤਾ ਦੇ ਆਰਾਮ ਕਰ ਸਕੇਗੀ।

ਵੀਡੀਓ ਦੇਖ ਕੇ ਭਾਵੁਕ ਹੋਏ ਸੋਸ਼ਲ ਮੀਡੀਆ ਯੂਜ਼ਰ

ਇਸ ਵੀਡੀਓ ਨੇ ਸੋਸ਼ਲ ਮੀਡੀਆ 'ਤੇ ਲੱਖਾਂ ਲੋਕਾਂ ਨੂੰ ਭਾਵੁਕ ਕਰ ਦਿੱਤਾ ਹੈ, ਖ਼ਾਸ ਕਰਕੇ ਉਨ੍ਹਾਂ ਨੂੰ ਜੋ ਆਪਣੇ ਪਰਿਵਾਰ ਤੋਂ ਦੂਰ ਵਿਦੇਸ਼ਾਂ ਵਿੱਚ ਰਹਿੰਦੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, "ਆਪਣੇ ਪਰਿਵਾਰ ਨਾਲ ਇਸ ਖੂਬਸੂਰਤ ਪਲ ਦਾ ਪੂਰਾ ਆਨੰਦ ਮਾਣੋ।" ਦੂਜੇ ਯੂਜ਼ਰ ਨੇ ਕਿਹਾ, "ਇਹ ਵੀਡੀਓ ਅਤੇ ਮਾਪਿਆਂ ਦੇ ਚਿਹਰਿਆਂ 'ਤੇ ਖਿੜੀ ਮੁਸਕਾਨ ਦੇਖ ਕੇ ਮੇਰੀਆਂ ਵੀ ਅੱਖਾਂ ਭਰ ਆਈਆਂ।" ਹੋਰ ਕਈ ਲੋਕਾਂ ਨੇ ਵੀ ਕਮੈਂਟ ਕਰਕੇ ਆਉਣ ਵਾਲੇ ਨੰਨੇ ਮਹਿਮਾਨ ਅਤੇ ਪੂਰੇ ਪਰਿਵਾਰ ਨੂੰ ਦਿਲੋਂ ਵਧਾਈਆਂ ਅਤੇ ਸ਼ੁਭਕਾਮਨਾਵਾਂ ਦਿੱਤੀਆਂ।

Shocking: ਡਿਲੀਵਰੀ ਬੁਆਏ ਵੱਲੋਂ ਅਸ਼ਲੀਲ ਕਰਤੂਤ, ਘਰ ‘ਚ ਵੜ ਔਰਤ ਨਾਲ ਕੀਤੀ ਗੰਦੀ ਹਰਕਤ; 'ਪ੍ਰਾਈਵੇਟ ਪਾਰਟ ਕੱਢਿਆ ਬਾਹਰ', ਫਿਰ...

ਰੁਪਿੰਦਰ ਕੌਰ ਸੱਭਰਵਾਲ — Mon, 13 Jul 2026 15:57:49 +0530

Viral Video: ਔਰਤਾਂ ਦੀ ਸੁਰੱਖਿਆਂ ਨੂੰ ਲੈ ਕੇ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੇ ਪ੍ਰਸ਼ਾਸਨ ਵਿਚਾਲੇ ਵੀ ਹਲਚਲ ਮਚਾ ਦਿੱਤੀ ਹੈ। ਦਰਅਸਲ, ਹਾਲ ਹੀ ਵਿੱਚ ਬੈਂਗਲੁਰੂ ਦੇ ਇੱਕ ਨਾਮੀ ਆਨਲਾਈਨ ਸ਼ਾਪਿੰਗ ਕੰਪਨੀ ਦਾ ਡਿਲੀਵਰੀ ਬੁਆਏ ਇੱਕ ਔਰਤ ਦੇ ਘਰ ਪਾਰਸਲ ਦੇਣ ਪਹੁੰਚਿਆ। ਉੱਥੇ ਉਸਨੇ ਔਰਤ ਕੋਲੋਂ ਵਾਸ਼ਰੂਮ ਇਸਤੇਮਾਲ ਕਰਨ ਦੀ ਇਜਾਜ਼ਤ ਮੰਗੀ। ਔਰਤ ਨੇ ਅਣਜਾਣ ਵਿਅਕਤੀ ਹੋਣ ਕਾਰਨ ਉਸਨੂੰ ਸਾਫ਼ ਮਨ੍ਹਾਂ ਕਰ ਦਿੱਤਾ, ਪਰ ਇਸਦੇ ਬਾਵਜੂਦ ਉਹ ਜ਼ਬਰਦਸਤੀ ਘਰ ਦੇ ਅੰਦਰ ਵੜ ਗਿਆ। ਇੰਨਾ ਹੀ ਨਹੀਂ, ਵਾਸ਼ਰੂਮ ਤੋਂ ਬਾਹਰ ਆਉਣ ਤੋਂ ਬਾਅਦ ਉਸਨੇ ਔਰਤ ਦੇ ਸਾਹਮਣੇ ਜੋ ਘਿਨਾਉਣੀ ਹਰਕਤ ਕੀਤੀ, ਉਸਨੇ ਸਭ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਪੀੜਤ ਔਰਤ ਨੇ ਸੋਸ਼ਲ ਮੀਡੀਆ 'ਤੇ ਆਪਣਾ ਦੁੱਖ ਬਿਆਨ ਕਰਦਿਆਂ ਇਨਸਾਫ਼ ਦੀ ਗੁਹਾਰ ਲਗਾਈ ਹੈ।

ਜਾਣੋ ਕੀ ਬੋਲੀ ਪੀੜਤ ਮਹਿਲਾ...

ਇਸ ਦੌਰਾਨ ਪੀੜਤ ਔਰਤ ਨੇ ਆਪਣੀ ਹੱਡ-ਬੀਤੀ ਸੁਣਾਉਂਦਿਆਂ ਦੱਸਿਆ ਕਿ ਜਦੋਂ ਉਸਨੇ ਡਿਲੀਵਰੀ ਬੁਆਏ ਨੂੰ ਅੰਦਰ ਆਉਣ ਤੋਂ ਰੋਕਿਆ, ਤਾਂ ਉਸਨੇ ਉਸਦੀ ਇੱਕ ਨਾ ਸੁਣੀ। ਔਰਤ ਨੇ ਉਸਨੂੰ ਗੁਆਂਢੀ ਮਰਦਾਂ ਕੋਲੋਂ ਮਦਦ ਮੰਗਣ ਦੀ ਸਲਾਹ ਵੀ ਦਿੱਤੀ, ਪਰ ਮੁਲਜ਼ਮ ਨੇ ਜ਼ਬਰਦਸਤੀ ਆਪਣੇ ਪੈਰਾਂ ਤੋਂ ਚੱਪਲਾਂ ਲਾਹੀਆਂ ਅਤੇ ਔਰਤ ਨੂੰ ਧੱਕਾ ਮਾਰ ਕੇ ਫਲੈਟ ਦੇ ਅੰਦਰ ਵੜ ਗਿਆ। ਘਰ ਵਿੱਚ ਇਕੱਲੀ ਔਰਤ ਬੁਰੀ ਤਰ੍ਹਾਂ ਡਰ ਗਈ ਸੀ। ਆਪਣੀ ਸੁਰੱਖਿਆ ਲਈ ਉਸਨੇ ਤੁਰੰਤ ਆਪਣੇ ਮੋਬਾਈਲ ਦਾ ਕੈਮਰਾ ਆਨ ਕਰ ਲਿਆ ਅਤੇ ਘਰ ਦਾ ਮੁੱਖ ਦਰਵਾਜ਼ਾ ਖੁੱਲ੍ਹਾ ਰੱਖ ਕੇ ਬਾਹਰ ਵੱਲ ਖੜ੍ਹੀ ਹੋ ਗਈ, ਤਾਂ ਜੋ ਕੁਝ ਗਲਤ ਹੋਣ 'ਤੇ ਉਹ ਰੌਲਾ ਪਾ ਸਕੇ ਜਾਂ ਬਾਹਰ ਭੱਜ ਸਕੇ।

View this post on Instagram

A post shared by Nilofer Fatima (@nilofer_vlogs)

ਔਰਤ ਬੁਰੀ ਤਰ੍ਹਾਂ ਡਰ ਗਈ

ਇਸ ਹਾਦਸੇ ਤੋਂ ਬਾਅਦ ਔਰਤ ਬੁਰੀ ਤਰ੍ਹਾਂ ਡਰ ਗਈ, ਉਸ ਸਮੇਂ ਸੱਚ ਸਾਬਤ ਹੋਇਆ ਜਦੋਂ ਮੁਲਜ਼ਮ ਵਾਸ਼ਰੂਮ ਤੋਂ ਬਾਹਰ ਨਿਕਲਿਆ। ਬਾਹਰ ਆਉਂਦੇ ਹੀ ਉਸਨੇ ਔਰਤ ਦੇ ਸਾਹਮਣੇ ਆਪਣੀ ਪੈਂਟ ਖੋਲ੍ਹ ਦਿੱਤੀ ਅਤੇ ਬੇਹੱਦ ਅਸ਼ਲੀਲ ਤੇ ਸ਼ਰਮਨਾਕ ਹਰਕਤ ਕਰਨ ਲੱਗਾ। ਔਰਤ ਇਸ ਘਟਨਾ ਤੋਂ ਪੂਰੀ ਤਰ੍ਹਾਂ ਸਦਮੇ ਵਿੱਚ ਆ ਗਈ। ਉਸਨੇ ਆਪਣੇ ਹੀ ਘਰ ਵਿੱਚ ਬੇਹੱਦ ਅਸੁਰੱਖਿਅਤ ਅਤੇ ਅਪਮਾਨਿਤ ਮਹਿਸੂਸ ਕੀਤਾ। ਔਰਤ ਨੇ ਸੋਸ਼ਲ ਮੀਡੀਆ 'ਤੇ ਲਿਖਿਆ, "ਜਦੋਂ ਇੱਕ ਔਰਤ ਨੇ 'ਨਾ' ਕਹਿ ਦਿੱਤਾ ਸੀ, ਤਾਂ ਗੱਲ ਉੱਥੇ ਹੀ ਖਤਮ ਹੋ ਜਾਣੀ ਚਾਹੀਦੀ ਸੀ। ਕਿਸੇ ਨੂੰ ਵੀ ਕਿਸੇ ਔਰਤ ਦੇ ਘਰ ਵਿੱਚ ਜ਼ਬਰਦਸਤੀ ਵੜਨ ਜਾਂ ਉਸਦੀਆਂ ਹੱਦਾਂ ਨੂੰ ਉਲੰਘਣ ਦਾ ਕੋਈ ਹੱਕ ਨਹੀਂ ਹੈ।" ਇਸ ਵਾਇਰਲ ਵੀਡੀਓ ਨੇ ਹਰ ਕਿਸੇ ਨੂੰ ਹੈਰਾਨ ਕਰਕੇ ਰੱਖ ਦਿੱਤਾ ਹੈ। ਹੁਣ ਦੇਖਣਾ ਹੋਏਗਾ ਇਸ ਮਾਮਲੇ ਦੇ ਵਿੱਚ ਪੁਲਿਸ ਕਿਵੇਂ ਦਾ ਕਦਮ ਚੁੱਕਦੀ ਹੈ।