Viral Video: ਬਹੁਤ ਸਾਰੇ ਲੋਕ ਆਈਫੋਨ ਦੇ ਦੀਵਾਨੇ ਹਨ। ਆਈਫੋਨ ਲਈ ਉਹ ਕੁਝ ਵੀ ਕਰਨ ਨੂੰ ਤਿਆਰ ਹੋ ਜਾਂਦੇ ਹਨ। ਜਦੋਂ ਵੀ ਆਈਫੋਨ ਦੀ ਨਵੀਂ ਸੀਰੀਜ਼ ਲਾਂਚ ਹੁੰਦੀ ਹੈ, ਲੋਕ ਪਹਿਲਾਂ ਹੀ ਇਸ ਨੂੰ ਖਰੀਦਣ ਦੇ ਸੁਪਨੇ ਦੇਖਣ ਲੱਗ ਪੈਂਦੇ ਹਨ। ਹਾਲ ਹੀ 'ਚ iPhone 15 ਲਾਂਚ ਕੀਤਾ ਗਿਆ ਸੀ। ਇਸ ਫੋਨ ਦੇ ਲਾਂਚ ਹੁੰਦੇ ਹੀ ਦੁਨੀਆ ਦੇ ਕਈ ਹਿੱਸਿਆਂ 'ਚ ਲੰਬੀਆਂ ਕਤਾਰਾਂ ਲੱਗ ਗਈਆਂ।
ਖਬਰਾਂ ਆਈਆਂ ਸੀ ਕਿ ਕਈ ਥਾਵਾਂ 'ਤੇ ਖਰੀਦਦਾਰਾਂ ਦੀ ਭੀੜ ਨੂੰ ਕਾਬੂ ਕਰਨਾ ਮੁਸ਼ਕਲ ਹੋ ਗਿਆ ਸੀ। ਜਦੋਂ ਵੀ ਆਈਫੋਨ ਦੀ ਨਵੀਂ ਸੀਰੀਜ਼ ਆਉਂਦੀ ਹੈ ਤਾਂ ਲੋਕਾਂ 'ਚ ਇਸੇ ਤਰ੍ਹਾਂ ਦਾ ਕ੍ਰੇਜ਼ ਦੇਖਣ ਨੂੰ ਮਿਲਦਾ ਹੈ। ਹੁਣ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਤੁਸੀਂ ਅੰਦਾਜ਼ਾ ਲਾ ਸਕਦੇ ਹੋ ਕਿ ਲੋਕਾਂ 'ਚ ਆਈਫੋਨ ਨੂੰ ਲੈ ਕੇ ਕਿੰਨਾ ਕ੍ਰੇਜ਼ ਹੈ।
ਦਰਅਸਲ, ਇੱਕ ਗੇਮ ਵਿੱਚ ਵਾਲ ਕਟਵਾਉਣ ਲਈ ਆਈਫੋਨ ਜਿੱਤਣ ਦਾ ਆਫਰ ਆਇਆ। ਬਹੁਤ ਸਾਰੇ ਮੁੰਡੇ-ਕੁੜੀਆਂ ਇੱਕ ਚੱਕਰ ਵਿੱਚ ਖੜ੍ਹੇ ਹੁੰਦੇ ਹਨ। ਜਦੋਂ ਉਨ੍ਹਾਂ ਨੂੰ ਕਿਹਾ ਜਾਂਦਾ ਹੈ ਕਿ ਆਈਫੋਨ ਲੈਣ ਲਈ ਉਨ੍ਹਾਂ ਨੂੰ ਆਪਣੇ ਵਾਲ ਕਟਾਉਣੇ ਪੈਣਗੇ ਤਾਂ ਕਈ ਕੁੜੀਆਂ ਪਿੱਛੇ ਹਟ ਜਾਂਦੀਆਂ ਹਨ। ਹਾਲਾਂਕਿ, ਇੱਕ ਕੁੜੀ ਇਸ ਪੇਸ਼ਕਸ਼ ਨੂੰ ਸਵੀਕਾਰ ਕਰ ਲੈਂਦੀ ਹੈ ਤੇ ਆਪਣੇ ਵਾਲ ਕਟਾਉਣ ਲਈ ਤਿਆਰ ਹੋ ਜਾਂਦੀ ਹੈ।
ਵਾਇਰਲ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਲੜਕੀ ਆਪਣੇ ਵਾਲ ਕਟਾਉਣ ਲਈ ਕੁਰਸੀ 'ਤੇ ਬੈਠੀ ਹੈ। ਉਹ ਇੱਕੋ ਸਮੇਂ ਮੁਸਕਰਾ ਰਹੀ ਹੈ ਤੇ ਰੋ ਵੀ ਰਹੀ ਹੈ। ਕੁਝ ਹੀ ਸਮੇਂ ਵਿੱਚ ਕੁੜੀ ਦੇ ਸਾਰੇ ਵਾਲ ਕੱਟ ਦਿੱਤੇ ਜਾਂਦੇ ਹਨ। ਵਾਲ ਕੱਟਣ ਤੋਂ ਬਾਅਦ ਕੁੜੀ ਫੁੱਟ-ਫੁੱਟ ਕੇ ਰੋਣ ਲੱਗ ਜਾਂਦੀ ਹੈ। ਇਸ ਲੜਕੀ ਤੋਂ ਇਲਾਵਾ ਕਈ ਹੋਰ ਲੋਕਾਂ ਨੇ ਵੀ ਇਸ ਪੇਸ਼ਕਸ਼ ਨੂੰ ਸਵੀਕਾਰ ਕੀਤਾ। ਇਸ ਪੇਸ਼ਕਸ਼ ਨੂੰ ਸਵੀਕਾਰ ਕਰਨ ਵਾਲਿਆਂ ਨੂੰ ਇਨਾਮ ਵਜੋਂ ਆਈਫੋਨ ਦਿੱਤਾ ਗਿਆ।
ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਯੂਜ਼ਰਸ ਨੇ ਕਈ ਤਰ੍ਹਾਂ ਦੇ ਕਮੈਂਟ ਕੀਤੇ। ਇਕ ਯੂਜ਼ਰ ਨੇ ਕਿਹਾ, 'ਮੁੰਡਿਆਂ ਲਈ ਵੀ ਇਕ ਵਾਰ ਇਸ ਆਫਰ ਨੂੰ ਅਜ਼ਮਾਓ।' ਜਦੋਂਕਿ ਇੱਕ ਹੋਰ ਯੂਜ਼ਰ ਨੇ ਕਿਹਾ, 'ਵਾਲਾਂ ਦਾ ਸੌਦਾ ਕੀਤਾ ਹੈ ਮੇਰੇ ਭਾਈ, ਇੱਜ਼ਤ ਦਾ ਨਹੀਂ।' ਇਕ ਹੋਰ ਯੂਜ਼ਰ ਨੇ ਕਿਹਾ, 'ਜ਼ੁਲਫਾਂ ਹੀ ਨਾ ਰਹੀਆਂ ਤਾਂ ਤੁਸੀਂ ਆਈਫੋਨ ਦਾ ਕੀ ਕਰੋਗੇ?' ਇੱਕ ਹੋਰ ਯੂਜ਼ਰ ਨੇ ਕਿਹਾ, 'ਮੇਰੇ ਵੀ ਵਾਲ ਕੱਟ ਲਵੋ, ਮੈਨੂੰ ਸਿਰਫ ਆਈਫੋਨ 11 ਹੀ ਦੇ ਦਿਓ।'