Viral News: ਜਦੋਂ ਕੋਈ ਵੀ ਵਿਅਕਤੀ ਨੌਕਰੀ ਦੀ ਤਲਾਸ਼ ਕਰਦਾ ਹੈ, ਤਾਂ ਇਸਦੇ ਪਿੱਛੇ ਕੁਝ ਕਾਰਨ ਹੁੰਦੇ ਹਨ। ਪਹਿਲਾ, ਉਹ ਚੰਗੀ ਤਨਖ਼ਾਹ ਦੀ ਤਲਾਸ਼ ਕਰ ਰਿਹਾ ਹੈ ਅਤੇ ਦੂਜਾ, ਉੱਥੇ ਦਾ ਮਾਹੌਲ ਚੰਗਾ ਹੋਣਾ ਚਾਹੀਦਾ ਹੈ ਤਾਂ ਜੋ ਉਹ ਆਰਾਮ ਨਾਲ ਕੰਮ ਕਰ ਸਕੇ। ਇਸ ਤੋਂ ਬਾਅਦ ਹੀ ਵਿਅਕਤੀ ਉਥੇ ਮਿਲਣ ਵਾਲੀਆਂ ਸਹੂਲਤਾਂ ਬਾਰੇ ਸੋਚਦਾ ਹੈ। ਵੈਸੇ ਤਾਂ ਹਰ ਕੰਪਨੀ ਹਰ ਤਰ੍ਹਾਂ ਦੀਆਂ ਸਹੂਲਤਾਂ ਨਹੀਂ ਦਿੰਦੀ ਪਰ ਕੁਝ ਕੰਪਨੀਆਂ ਅਜਿਹੀਆਂ ਵੀ ਹਨ ਜੋ ਆਪਣੇ ਕਰਮਚਾਰੀਆਂ ਨੂੰ ਚੰਗੀ ਤਨਖਾਹ ਵੀ ਦਿੰਦੀਆਂ ਹਨ ਅਤੇ ਸਾਰੀਆਂ ਸਹੂਲਤਾਂ ਵੀ ਦਿੰਦੀਆਂ ਹਨ ਪਰ ਅੱਜਕੱਲ੍ਹ ਇੱਕ ਅਜਿਹਾ ਵਿਅਕਤੀ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਤਨਖਾਹ ਅਤੇ ਹੋਰ ਸਹੂਲਤਾਂ ਤੋਂ ਵਧ ਖਾਣ-ਪੀਣ ਦੀ ਪਈ ਹੋਈ ਹੈ।
ਦਰਅਸਲ ਵਿਅਕਤੀ ਨੂੰ 43.5 ਲੱਖ ਰੁਪਏ ਦੇ ਸਾਲਾਨਾ ਪੈਕੇਜ ਨਾਲ ਨੌਕਰੀ ਮਿਲ ਰਹੀ ਸੀ, ਪਰ ਫਿਰ ਉਸਨੇ ਅਜਿਹੀ ਸ਼ਰਤ ਰੱਖੀ ਜਿਸ ਨੂੰ ਸੁਣ ਕੇ ਕੋਈ ਵੀ ਹੈਰਾਨ ਰਹਿ ਜਾਵੇਗਾ। ਉਸ ਵਿਅਕਤੀ ਨੇ ਕਿਹਾ ਕਿ ਤਨਖਾਹ ਤਾਂ ਠੀਕ ਹੈ ਪਰ ਕੀ ਕੰਪਨੀ ਮੁਫਤ ਖਾਣਾ ਦੇਵੇਗੀ? ਕਮਿਊਨੀਕੇਸ਼ਨ ਕੰਪਨੀ ਗ੍ਰੇਪਵਾਈਨ ਦੇ ਸੰਸਥਾਪਕ ਸੌਮਿਲ ਤ੍ਰਿਪਾਠੀ ਨੂੰ ਉਨ੍ਹਾਂ ਦੀ ਇਹ ਸ਼ਰਤ ਇੰਨੀ ਪਸੰਦ ਆਈ ਕਿ ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਸ਼ੇਅਰ ਕੀਤੀ, ਜਿਸ 'ਚ ਵਿਅਕਤੀ ਦੀਆਂ ਸਾਰੀਆਂ ਸ਼ਰਤਾਂ ਲਿਖੀਆਂ ਹੋਈਆਂ ਸਨ।
ਵਿਅਕਤੀ ਨੇ ਕਿਹਾ ਕਿ ਉਹ ਅਜਿਹੀ ਕੰਪਨੀ ਵਿੱਚ ਕੰਮ ਕਰਨਾ ਚਾਹੁੰਦਾ ਹੈ ਜਿੱਥੇ ਉਸਨੂੰ ਦਿਨ ਵਿੱਚ ਚਾਰ ਵਾਰ ਖਾਣਾ ਮਿਲ ਸਕੇ ਅਤੇ ਉਹ ਵੀ ਪ੍ਰੋਟੀਨ ਭਰਪੂਰ ਭੋਜਨ। ਉਸ ਨੇ ਇਹ ਵੀ ਦੱਸਿਆ ਹੈ ਕਿ ਉਹ ਗੂਗਲ 'ਤੇ ਇੰਟਰਵਿਊ ਦੀ ਤਿਆਰੀ ਕਰ ਰਿਹਾ ਹੈ। ਉਸਨੇ ਲੋਕਾਂ ਨੂੰ ਇਹ ਵੀ ਪੁੱਛਿਆ ਹੈ ਕਿ ਕੀ ਕੋਈ ਹੋਰ ਕੰਪਨੀ ਹੈ ਜੋ ਉਸਦੀ ਜ਼ਰੂਰਤ ਨੂੰ ਪੂਰਾ ਕਰ ਸਕਦੀ ਹੈ ਭਾਵ ਉਸਨੂੰ ਦਿਨ ਵਿੱਚ ਚਾਰ ਵਾਰ ਪ੍ਰੋਟੀਨ ਯੁਕਤ ਭੋਜਨ ਖੁਆ ਸਕਦੀ ਹੈ, ਕਿਉਂਕਿ ਉਹ ਨਿਯਮਤ ਤੌਰ 'ਤੇ ਜਿੰਮ ਕਰਦਾ ਹੈ।
ਇਹ ਵੀ ਪੜ੍ਹੋ: Viral News: 31 ਕਰੋੜ ਦਾ ਮਕਾਨ ਸਿਰਫ 1000 ਰੁਪਏ 'ਚ, ਇਹ ਪੈਸੇ ਦੀ ਨਹੀਂ ਕਿਸਮਤ ਦੀ ਖੇਡ
ਸੌਮਿਲ ਦੁਆਰਾ ਸ਼ੇਅਰ ਕੀਤੀ ਗਈ ਪੋਸਟ ਵਿੱਚ, ਉਸਨੇ ਲਿਖਿਆ ਹੈ, 'ਮੈਂ ਘੱਟ ਹੀ ਲੋਕਾਂ ਨੂੰ ਉਨ੍ਹਾਂ ਦੀ ਤਰਜੀਹਾਂ ਅਤੇ ਭਵਿੱਖ ਦੇ ਵਿਕਲਪਾਂ ਬਾਰੇ ਇੰਨੀ ਸਪੱਸ਼ਟਤਾ ਨਾਲ ਵੇਖਦਾ ਹਾਂ। ਉਸ ਦੀ ਅਗਲੀ ਨੌਕਰੀ ਮਿਲਣ ਦਾ ਕਾਰਨ ਸਾਦਾ ਹੈ, 'ਚੰਗਾ ਖਾਣਾ'। ਇਸ ਪੋਸਟ ਨੂੰ ਦੇਖਣ ਤੋਂ ਬਾਅਦ ਲੋਕ ਤਰ੍ਹਾਂ-ਤਰ੍ਹਾਂ ਦੇ ਪ੍ਰਤੀਕਰਮ ਵੀ ਦੇ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, 'ਉਸ ਨੂੰ ਜ਼ੋਮੈਟੋ ਨਾਲ ਜੁੜਨਾ ਚਾਹੀਦਾ ਹੈ। ਉਹ ਉਸ ਦੀ ਚੰਗੀ ਦੇਖਭਾਲ ਕਰਨਗੇ', ਜਦਕਿ ਕੁਝ ਉਪਭੋਗਤਾ ਉਸ ਵਿਅਕਤੀ ਦੀ ਆਲੋਚਨਾ ਕਰ ਰਹੇ ਹਨ ਅਤੇ ਕਹਿ ਰਹੇ ਹਨ ਕਿ 'ਉਸ ਦੀ ਸਲਾਨਾ 43 ਲੱਖ ਰੁਪਏ ਤਨਖਾਹ ਹੈ ਅਤੇ ਉਸ ਨੂੰ ਖਾਣੇ ਦੀ ਕੀਮਤ ਜ਼ਿਆਦਾ ਲੱਗਦੀ ਹੈ। ਹੱਦ ਹੈ।
ਇਹ ਵੀ ਪੜ੍ਹੋ: Viral Video: ਦੇਖੋ 13 ਸੈਕਿੰਡ ਵਿੱਚ ਕਿੰਝ ਮਿਲਦਾ ਕਰਮਾਂ ਦਾ ਫਲ, ਲੋਕਾਂ ਨੇ ਕਿਹਾ- ‘ਜੈਸੀ ਕਰਨੀ ਵੈਸੀ ਭਰਨੀ’