Hot Air Balloon Catches Fire: ਮੈਕਸੀਕੋ (Mexico) 'ਚ ਗਰਮ ਹਵਾ ਦੇ ਗੁਬਾਰੇ (Hot Air Balloon) 'ਚ ਅਚਾਨਕ ਅੱਗ ਲੱਗਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਹਾਦਸੇ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਖੇਤਰੀ ਸਰਕਾਰ ਨੇ ਕਿਹਾ ਕਿ ਸ਼ਨੀਵਾਰ (1 ਅਪ੍ਰੈਲ) ਨੂੰ ਮੈਕਸੀਕੋ ਸਿਟੀ ਦੇ ਨੇੜੇ ਮਸ਼ਹੂਰ ਟਿਓਟੀਹੁਆਕਨ ਪੁਰਾਤੱਤਵ ਸਥਾਨ ਉੱਤੇ ਉੱਡਦੇ ਸਮੇਂ Hot Air Balloon ਨੂੰ ਅੱਗ ਲੱਗਣ ਕਾਰਨ ਦੋ ਲੋਕਾਂ ਦੀ ਮੌਤ ਹੋ ਗਈ।
ਮੈਕਸੀਕੋ ਰਾਜ ਦੀ ਸਰਕਾਰ ਨੇ ਕਿਹਾ, ਕੁਝ ਯਾਤਰੀਆਂ ਨੇ ਗੁਬਾਰੇ ਤੋਂ ਛਾਲ ਮਾਰ ਦਿੱਤੀ। ਇੱਕ ਬੱਚੇ ਦੇ ਅੱਜ ਵਿਚ ਝੁਲਸਣ ਦੀ ਖ਼ਬਰ ਵੀ ਸਾਹਮਣੇ ਆਈ ਹੈ। ਮ੍ਰਿਤਕਾਂ ਦੀ ਪਛਾਣ 39 ਸਾਲਾ ਔਰਤ ਅਤੇ 50 ਸਾਲਾ ਵਿਅਕਤੀ ਵਜੋਂ ਹੋਈ ਹੈ। ਹਾਲਾਂਕਿ ਉਸ ਦੇ ਨਾਂ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ। ਇਸ ਹਾਦਸੇ ਵਿੱਚ ਇੱਕ ਬੱਚੇ ਦਾ ਚਿਹਰਾ ਅੱਗ ਨਾਲ ਪੂਰੀ ਤਰ੍ਹਾਂ ਝੁਲਸ ਗਿਆ। ਇਸ ਨਾਲ ਹੀ ਉਸ ਦੀ ਸੱਜੀ ਲੱਤ ਵੀ ਫਰੈਕਚਰ ਹੋ ਗਈ।
ਵੀਡੀਓ ਸੋਸ਼ਲ ਮੀਡੀਆ 'ਤੇ ਹੋ ਰਿਹੈ ਵਾਇਰਲ
ਫਿਲਹਾਲ ਇਹ ਸਪੱਸ਼ਟ ਨਹੀਂ ਹੈ ਕਿ Hot Air Balloon 'ਤੇ ਕਿੰਨੇ ਯਾਤਰੀ ਸਵਾਰ ਸਨ। ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀ ਗਈ ਇਕ ਵੀਡੀਓ ਵਿਚ ਦਿਖਾਇਆ ਗਿਆ ਹੈ ਕਿ ਗੁਬਾਰਾ ਪੂਰੀ ਤਰ੍ਹਾਂ ਨਾਲ ਅਸਮਾਨ ਨੂੰ ਅੱਗ ਦੀ ਲਪੇਟ ਵਿਚ ਲੈ ਰਿਹਾ ਹੈ। ਕਈ ਟੂਰ ਆਪਰੇਟਰ ਮੈਕਸੀਕੋ ਸਿਟੀ ਦੇ 45 ਮੀਲ (70 ਕਿਲੋਮੀਟਰ) ਉੱਤਰ-ਪੂਰਬ ਵਿੱਚ, ਲਗਭਗ $150 ਵਿੱਚ, ਟਿਓਟੀਹੁਆਕਨ ਉੱਤੇ ਇੱਕ ਬੈਲੂਨ ਟੂਰ 'ਤੇ ਯਾਤਰੀਆਂ ਨੂੰ ਲੈ ਜਾਂਦੇ ਹਨ।
ਯਾਤਰੀਆਂ ਨੇ Hot Air Balloon ਤੋਂ ਮਾਰ ਦਿੱਤੀ ਛਾਲ
ਗੁਬਾਰੇ 'ਚ ਸਵਾਰ ਕਈ ਯਾਤਰੀ ਡਰ ਗਏ ਅਤੇ ਹੌਟ ਏਅਰ ਬੈਲੂਨ ਤੋਂ ਛਾਲ ਮਾਰ ਦਿੱਤੀ। ਟਿਓਟੀਹੁਆਕਨ ਸੂਰਜ ਅਤੇ ਚੰਦਰਮਾ ਦੇ ਪਿਰਾਮਿਡ ਅਤੇ ਇਸ ਦੇ ਐਵੇਨਿਊ ਆਫ਼ ਦਾ ਡੈੱਡ ਦੇ ਨਾਲ ਇੱਕ ਪ੍ਰਸਿੱਧ ਸੈਰ-ਸਪਾਟਾ ਸਥਾਨ ਹੈ। ਜੋ ਕਿ ਪ੍ਰੀ-ਕੋਲੰਬੀਅਨ ਕਾਲ ਦਾ ਇੱਕ ਜੀਵਤ ਸਮਾਰਕ ਹੈ। ਭਾਰਤ ਵਿੱਚ ਵੀ ਕਈ ਥਾਵਾਂ 'ਤੇ ਹੌਟ ਏਅਰ ਬੈਲੂਨ ਰਾਈਡ ਸਭ ਤੋਂ ਵਧੀਆ ਸਾਹਸੀ ਗਤੀਵਿਧੀਆਂ ਵਿੱਚੋਂ ਇੱਕ ਹੈ। ਜੈਪੁਰ ਸ਼ਹਿਰ ਹੌਟ ਏਅਰ ਬੈਲੂਨ ਰਾਈਡ ਲਈ ਵੀ ਮਸ਼ਹੂਰ ਹੈ।