Girl Live Death Viral Video: ਜਿਮ ਕਰਦੀ ਇਕ ਲੜਕੀ ਦੀ ਮੌਤ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਵਾਇਰਲ ਵੀਡੀਓ 'ਚ ਦੇਖਿਆ ਜਾ ਰਿਹਾ ਹੈ ਕਿ ਲੜਕੀ ਦੀ ਜਿਮ ਦੀ ਤੀਜੀ ਮੰਜ਼ਿਲ ਤੋਂ ਹੇਠਾਂ ਡਿੱਗ ਕੇ ਮੌਤ ਹੋ ਗਈ। ਲੜਕੀ ਦੀ ਮੌਤ ਦੀ ਘਟਨਾ ਜਿਮ ਵਿੱਚ ਲੱਗੇ ਸੀਸੀਟੀਵੀ ਵਿੱਚ ਰਿਕਾਰਡ ਹੋ ਗਈ ਹੈ, ਜੋ ਹੁਣ ਵਾਇਰਲ ਹੋ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਲੜਕੀ ਟਰੇਡਮਿਲ 'ਤੇ ਦੌੜ ਰਹੀ ਸੀ ਕਿ ਅਚਾਨਕ ਉਸ ਦਾ ਸੰਤੁਲਨ ਵਿਗੜ ਗਿਆ ਅਤੇ ਉਸ ਦੀ ਮੌਤ ਹੋ ਗਈ।
ਇਹ ਘਟਨਾ ਇੰਡੋਨੇਸ਼ੀਆ ਦੇ ਇੱਕ Gym ਵਿੱਚ ਵਾਪਰੀ। ਜਿਮ ਇਮਾਰਤ ਦੀ ਤੀਜੀ ਮੰਜ਼ਿਲ 'ਤੇ ਸੀ। ਟ੍ਰੈਡਮਿਲ ਕਰ ਰਹੀ ਲੜਕੀ ਦਾ ਸੰਤੁਲਨ ਵਿਗੜਿਆ ਅਤੇ ਉਹ ਤੀਜੀ ਮੰਜ਼ਿਲ ਤੋਂ ਹੇਠਾਂ ਡਿੱਗ ਗਈ, ਜਿਸ ਤੋਂ ਬਾਅਦ ਉਸ ਦੀ ਮੌਤ ਹੋ ਗਈ। ਇਹ ਘਟਨਾ 18 ਜੂਨ ਨੂੰ ਇੰਡੋਨੇਸ਼ੀਆ ਦੇ ਪੱਛਮੀ ਕਾਲੀਮੰਤਨ ਦੇ ਪੋਂਟੀਆਨਾਕ ਵਿੱਚ ਵਾਪਰੀ।
ਜਿਮ ਕਰ ਰਹੀ ਲੜਕੀ ਅਚਾਨਕ ਡਿੱਗ ਗਈ ਅਤੇ ਉਸ ਦੀ ਮੌਤ ਹੋ ਗਈਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਡਰਾਉਣੀ ਵੀਡੀਓ 'ਚ ਦੇਖਿਆ ਜਾ ਰਿਹਾ ਹੈ ਕਿ ਇਕ 22 ਸਾਲਾ ਲੜਕੀ ਟ੍ਰੈਡਮਿਲ 'ਤੇ ਦੌੜ ਰਹੀ ਸੀ, ਅਚਾਨਕ ਉਹ ਆਪਣਾ ਚਿਹਰਾ ਪੂੰਝਣ ਲਈ ਰੁਕ ਗਈ ਅਤੇ ਆਪਣਾ ਸੰਤੁਲਨ ਗੁਆ ਬੈਠੀ। ਉਹ ਪਿੱਛੇ ਵੱਲ ਵਧਣ ਲੱਗੀ, ਜਿਸ ਦੇ ਪਿੱਛੇ ਕੰਧ ਵੱਜੋਂ ਸ਼ੀਸ਼ੇ ਲੱਗੇ ਸਨ। ਕੁੜੀ ਸ਼ੀਸ਼ੇ ਨਾਲ ਵੱਜੀ ਪਰ ਸ਼ੀਸ਼ਾ ਟੁੱਟ ਗਿਆ ਅਤੇ ਕੁੜੀ ਹੇਠਾਂ ਡਿੱਗ ਗਈ। ਉਥੇ ਹੀ ਲੜਕੀ ਦੀ ਮੌਤ ਹੋ ਗਈ।
ਦਾਅਵਾ ਕੀਤਾ ਗਿਆ ਹੈ ਕਿ ਲੜਕੀ ਆਪਣੇ ਛੋਟੇ ਭਰਾ, ਭੈਣ ਅਤੇ ਬੁਆਏਫ੍ਰੈਂਡ ਨਾਲ ਜਿਮ ਪਹੁੰਚੀ ਸੀ। ਉਸ ਦੇ ਸਾਰੇ ਜਾਣਕਾਰ ਦੂਜੀ ਮੰਜ਼ਿਲ 'ਤੇ ਜਿਮ ਕਰ ਰਹੇ ਸਨ ਪਰ ਲੜਕੀ ਟ੍ਰੈਡਮਿਲ ਵਰਤਣ ਲਈ ਤੀਜੀ ਮੰਜ਼ਿਲ 'ਤੇ ਆ ਗਈ। ਜਿਮ ਪਹੁੰਚਣ ਦੇ 30 ਮਿੰਟ ਬਾਅਦ ਹੀ ਇਹ ਘਟਨਾ ਵਾਪਰ ਗਈ ਅਤੇ ਉਸ ਦੀ ਜਾਨ ਚਲੀ ਗਈ। ਪੁਲਸ ਹੁਣ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਕਿ ਕਿਤੇ ਕੋਈ ਸਾਜ਼ਿਸ਼ ਤਾਂ ਨਹੀਂ।
ਜਿਵੇਂ ਹੀ ਲੜਕੇ ਦੇ ਡਿੱਗਣ ਦੀ ਸੂਚਨਾ ਮਿਲੀ, ਉਸ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ ਪਰ ਉਸ ਦੇ ਸਿਰ 'ਤੇ ਗੰਭੀਰ ਸੱਟਾਂ ਲੱਗੀਆਂ। ਹਸਪਤਾਲ ਪਹੁੰਚ ਕੇ ਡਾਕਟਰਾਂ ਨੇ ਲੜਕੀ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਜਾਂਚ 'ਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਟ੍ਰੈਡਮਿਲ ਅਤੇ ਸ਼ੀਸ਼ੇ ਦੇ ਵਿਚਕਾਰ ਸਿਰਫ ਦੋ ਫੁੱਟ ਦੀ ਦੂਰੀ ਸੀ, ਜਿਸ ਕਾਰਨ ਇਹ ਘਟਨਾ ਵਾਪਰੀ। ਜਿਮ ਦੇ ਮਾਲਕ ਨੇ ਮੁਆਫੀ ਮੰਗਦਿਆਂ ਕਿਹਾ ਕਿ ਜਿਮ ਤਿੰਨ ਦਿਨ ਬੰਦ ਰਹੇਗਾ।